蜜斗 (已結業)

係網上見到呢間主打健康車仔麵既餐廳，同朋友去PMQ睇展既時候就定咗要試下呢間，加上佢既價錢應該唔會太貴，都算係中上環區既一個好選擇。見佢選擇都好多，見佢有圖有樣覺得樣樣都幾好食咁。我就決定唔搞咁多嘢，叫咗個套餐黑蒜麵($48)，佢有得揀返湯麵同撈麵，我就揀咗撈麵既食法，佢係放咗佢既醬料落去撈嚟食，不過我覺得醬料就唔係話好夠，可以再多啲，而佢地教既食法就係食到一半再撈埋湯食，咁樣食法覺得唔錯，因為都無咁乾身，大腸都幾好食。朋友就散叫，醬料就揀咗蜜斗咖理醬，不過朋友一直到食個下都好懷疑係咪真係咖啡醬定俾錯咗，終於忍唔住去問店員結果真係咖啡醬嚟，可能係自家製既關係，所以味道都出面既咖理醬有啲唔同。

想食個快 Lunch 然後去參觀大館，揾到呢間車仔麵，決定一試，一間好新潮嘅車仔麵，好乾淨，好闊落，車仔麵嘅Order Form已經整齊放咗枱上，仲有英文版添，Order Form底面印刷，一面係自選，一面係推介，通常第一次食我都係會食推介嘅，因為多數都係呢間店比較特別嘅嘢我選擇咗黑蒜麵，有雞翼兩隻，豬頸肉同豬大腸，當然仲有另上嘅香蒜油，第一啖先嚐嚐原味，即係佢嘅湯，不添加無味精嘅湯，好清甜，之後加入香蒜油，多咗一份濃郁嘅蒜香，雞翼同豬頸肉好淋又入味，豬大腸除咗好入味之外，仲清得好乾淨，無異味朋友食嘅係潮汕麵，話明潮汕，即係有好多丸，有魚肉丸、牛丸同肉籽，全部都係自家手打，朋友仲覺唔夠，加咗隻溏心蛋添，佢食完之後就話三款丸都好好味，好彈牙，另一個值得介紹嘅係，呢到嘅麵仲可以湯同麵分開上，先落醬汁，好似撈麵咁食，食到咁上下先加湯，喜歡食日本沾麵嘅人定要試至於嘅凍檸茶，都係非一陣嘅凍檸茶，用咗冷泡嘅整法，茶味比較濃，其實你一入門口已經可以見到一樽樽冷泡緊嘅檸茶，除此以外，你响呢到食嘅醬都係佢哋自家製，食過好，可以買回家，本來都想買回家試，可借之後去去參觀大館，唔想拎，下次要買回家試試