餃子冰室

营业中

休息中

清吓啲大假，就同老婆入嚟長洲宅渡假一下，點解揀長洲，因為都十幾年無入過嚟，睇吓變化有幾多，所以，專登請日假，星期五入，星期六走，諗住無咁多人，無咁擠逼。因為得兩公婆，都喺輕鬆自在遊，亦專登逛到2:00pm先食晏。「餃子冰室」一早就定好嚟試，一來睇見啲食評覺得頗有特色，二來餃子喺老婆喜愛嘅食物，而佢更喺長洲嘅人氣店。 鋪面就擺晒啲餐牌、食物相出嚟，既吸引啲遊人，亦讓等位嘅客人可以諗吓食乜，不過，今日喺閒日，又過咗飯市高峰時間，喺無人排隊，裡面仲有好多空位添。 裡面地方唔大，我哋被安排坐晌近門口嘅二人單向卡位，可謂自成一角。無行到入去，但目測估計都喺十多個位左右。環境比較昏暗，牆身貼滿好多食物相、餐牌……等等，而我哋個位，枱上擺咗個餃子模型同懷舊電話，後生一輩大多數都未見過，仲有自家製辣油同酸醋。既然喺以餃子為主打，菜式就以餃子搭配其他食物成為各款套餐，如酸辣湯、黑醬油雞飯、糖醋骨飯，而餃子更有成11款之多，標明全手工製、無添加，不過，未必有齊晒，睇睇門口個餃子剩餘數量牌就知邊一款仲有貨。 由於唔算多客，就算即叫即做，啲食物都算快嚟齊晒。我哋叫咗兩個餐，老婆鍾意食餃子，就點咗10隻餃子套餐

今次我地搭高速船黎到長洲已經1點lu, 我地冇去食海鮮, 直接行去餃子冰室食Lunch盡管已經多左人去外遊, 但星期六既長洲都係人山人海。直衝去餃子冰室既決定係明智既決定, 我地好彩唔駛等位。餃子冰室位置好易搵, 裝潢幾靚嫁, 行懷舊路線。我地兩個人點左12隻餃子+2碗飯，1碗酸辣湯+2杯熱飲跟餐熱飲： 四季春茶（冇加大）冇錢加大都已經好大杯, 滋味甘醇, 最岩就係配煎餃。酸辣湯酸辣湯都幾足料，但我就覺得唔夠辣啦！糖醋排骨飯比較惹味，實質都冇骨既，飯都有口感。黑醬油雞飯好醬油，少左d甜味。家鄉肉餅餃(煎)煎餃比較快上到檯，外脆內軟，重keep到肉汁係裹面。獨創南乳豆卜餃(蒸)味道獨特，加左佢既辣油一齊食，比煎更有肉汁下。總結：是次體驗唔錯，店員服務好好，好細心，好主動拎櫈俾你放袋。裝潢別有一番風味，但餐廳真係唔大，想打卡就有難道啦！如果唔想等位就記得早d黎，唔好等到晏就，我試過再經過餃子冰室果時，見佢好多款都話售罄嫁！

好耐冇入長洲，見到好多人推薦哩間餃子冰室，就決定黎試下咁啱今日午餐時段黎到，有午餐可以簡，就叫咗一個A餐同C餐分別簡咗黑白土匪餃同埋鹹蛋黃黃金餃+黑醬油雞飯，仲分別送咗一杯冷泡四季春茶，有得簡常溫或者凍飲，非常貼心。講翻兩款餃子，黑白土匪餃一上臺就聞到同食開嘅土匪機翼一模一樣嘅味道，食落去啲肉汁爆曬出黎，好值得一試。而另一款鹹蛋黃黃金餃就好有特色，餃子上面佈滿曬起沙嘅鹹蛋黃，食落好惹味，同樣都係爆汁，不過稍稍可惜嘅就係有啲太油，食到最後有少少膩。而最後嘅黑醬油雞飯味道就不過不失，雞肉比得好足料，但係稍嫌啲汁太多，有少少太重口味不過整體黎講以加$10就有嘅價錢黎講就真係非常值得整體而言，哩間餃子冰室嘅餃子都非常有特色，下次黎一定會再試埋其他嘅口味!

有好多特別口味餃子，可惜我掃街太飽淨係試到一款鹹蛋黄黄金餃上到枱好香鹹蛋黃味即刻超級期待🤩🤩入口嗰下：hmmmmm其實唔係唔好食嘅，但係入面其實無鹹蛋，所以只有面頭少少嘅鹹蛋🙈🙈偏偏餡都調味得好夠，所以鹹蛋存在感唔高作為半煎炸餃可以再乾身啲，同埋有少少油，但肉汁好夠👍會建議揀返啲係口味本身特別嘅（eg 我都幾想試南乳🤣）黑醬油雞飯雞唔乾又唔算好滑正常啦🤣Hmmm 我覺得難得黎長洲一次，好似試其他特別嘅嘢好啲

好耐冇入長洲 估唔到有間好出色嘅特色餃子店冇咁悶囉 唔會一味得菜肉餃嗰d囉 而且佢哋真係好有心思好有誠意 真心好食 連個醬料都好出色 我個人最鍾意個蜆肉芫茜餃 好濃蜆肉味 好正

入得嚟長洲就梗係要食好西，搭船嗰陣除咗瞓覺之外最好嘅消磨時間方法就係睇一陣要食咩😂經過我千挑萬選，就決定試下依間餃子冰室～🤍C餐。蜆肉芫茜餃配糖醋骨飯🤍💵$52我就係俾佢依個芫茜餃吸引咗所以嚟試！依個餐包6隻餃子，一個飯同一包紙包飲品/四季春茶～芫茜餃係原盤蒸籠上，每三隻一籠～餃子皮係綠色嘅帶少少透明，食落去煙煙韌韌咁，又少少似薄版粉果皮，應該有用到澄麵落去整🤔我覺成舊餃子塞晒落口食最好食，煙韌嘅餃子皮配上濃濃嘅芫茜香同鹹香嘅蜆肉，咬開餃子皮，啲鹹鮮嘅湯汁會喺口腔裡面爆發，好食😋至於個糖醋骨飯，我個人比較一般～雖然都燜得好腍下，但係豬肉肉質偏鞋同埋對於我嚟講都係油咗啲，唔係幾啱我口味🤭🧡C餐。家鄉肉餅餃配黑醬油雞飯🧡💵$52依個比較似一般豬肉餃，但係會包咗2粒我估係沙葛嘅粒粒，食落去好爽甜，都一樣充滿肉汁～🥰依份就揀咗配黑醬油雞飯，好濃郁嘅醬油味，都幾香口，雞肉亦唔會過鞋，如果喺兩款飯裡面揀，我會建議揀雞飯～💜竹蔗茅根甘荀沙冰💜💵$33除咗餃子之外，依度嘅沙冰都係店舖嘅招牌～主打將一啲中式糖水變成沙冰～今次就試咗依款竹蔗茅根，飲落十分清甜，而且真係好透心涼，天氣熱飲一流，唯一無咁好係份

一個weekend我地係長洲黎個2日1夜，一落船當然去覓食，沿碼頭到呢間餃子店好近，只需幾分鐘路程。餐廳入面座位不多，約12個位左右，我地好好彩，啱啱有2個位（遲多幾分鐘就要等位😝）。餐廳有提供全日套餐，有8個餐選擇，每個套餐都有餃子，而餃子既選擇亦有8款，除咗有正常既波菜餃、韭菜餃，仲有d都好特別既，例如黑白土匪雞肉餃、南乳豆卜餃、咖哩薯仔餃同黃金餃（沾咗鹹蛋黃醬既炸餃😈）。我就點咗10隻蒸南乳豆卜餃，而男友就揀6隻黃金餃配黑醬油雞飯。個餐包一杯飲品，四季春茶或者包裝飲品，你亦都可以好似我咁加錢飲其他野，我就加$12飲冰糖紅棗桃膠。炎炎夏日一杯冰凍冰糖紅棗桃膠超正，甜度啱啱好。蒸餃係用蒸籠上，熱辣辣上枱。好心急夾起一隻，皮不算厚，而南乳味已經湧入鼻孔，食落亦十分濃味，好特別。至於黃金餃，一上枱已經感受到佢既😈。一入口，滿滿鹹蛋黃，十分惹味！我食咗2隻黃金餃，已經好漏！至於個黑醬油雞飯，我同男友一致覺得好好食，醬油用上香葉整帶少少甜味，而雞肉亦嫩口，十分讚！呢間餐廳值得回頭再試！

同朋友夜晚諗吾到食咩行過見到間有懷舊風格嘅餐廳仔就去試下啲餃子叫了兩款餃子 期間限定 芋頭臘腸餃子餃子用蒸籠上 好靚好有特色芋頭同臘腸配合得天衣無縫而且勁juicy 超級推薦其中一個套餐有埋黑醬油雞飯雖然比較細碟但係女仔細食量啱啱好味道不錯啦第二款餃子係黃金金金餃子依款係煎餃子🥟鹹蛋同餃子比我想像中好味而且一啲都唔漏外皮好趣裏面仲勁多肉汁套餐係送一杯茶飲品正常茶冇乜特別不過食咁多餃子飲啖茶就舒服啲今次最推薦係芋頭臘腸餃子價錢合理 環境舒服