海雲天

营业中

休息中

想黎這間點心放題好耐，網上及openrice嘅評語好壞參半，不過點都好，$158或$168，加埋都係200蚊左右嘅點心放題，仲要係誠哥嘅酒店到食。點都要試下。我揀左平日11點半去食，唔駛等，一到就有位，仲係海景位。點心都算多選擇，點左好多嘢。。。一黎就放左個灌湯餃同黑金燕窩蝦餃，雖然係放題，不過一d都唔hea，真材實料，灌湯餃皮薄多料，幾好味。跟住就食大路嘅點心，珍珠雞裡面有飽魚，飽汁鳳爪味道濃郁夠味，腸粉同燒賣就同出面酒樓差不多，炒飯炒麵就同碗上，仲好，因為可以試唔同嘅點心。跟住嘅豆腐同蒸飯比想像中好味，不過蒸飯嘅飯比餸多。其實，我覺得在這星級酒店嘅酒樓食6至8個點心已經回本，咁間唔中有漏單都可接受，有幾樣點左冇到，唔緊要，咪再點過。200蚊對住個大海景任食點心，咁抵。仲可以點? 可惜嘅係，只有90分鐘。不過未黎過嘅，可以一試

喺YouTube見到海逸君綽酒店裏面嘅海雲天有點心放題，價錢好平，佢哋分時段，11:00或12:45每位$168，14:30每位$138，我揀咗14:30，任食90 分鐘，我經 whatsapp book 枱，等咗一個月先有位。首先講吓海雲天嘅環境，標準五星級酒嘅中菜廳，落地大玻璃望出去係全海景，非常光猛，我當日雖然唔係坐窗邊位置，但都望到海景，枱與枱之間唔會太迫，唔會太嘈，食得舒服。點心款式共有約40 款任點，基本嘅點心都有齊，而且味道都唔錯。每位客人都可獲贈佢哋嘅尊貴點心：花膠蟹肉灌湯餃、黑金燕窩蝦餃、原隻鮑魚珍珠雞，這3款點心只來一次，不是任食。我覺得灌湯餃最好食，珍珠雞嘅飽魚雖然細細隻，但真係原隻，有誠意。總結，雖然點心是普通的款色，但勝在係5星級酒店，有別於一般酒樓，點心好食，環境淸靜，景觀一流，每位只係$138，我覺得係超值。

好耐無出去飲茶見海雲天午市有點心放題點心、小食都可以任叫，食物都有好多同嘅選擇一般蒸點、小食、炒粉麵都有得食每位仲會有花膠蟹肉灌湯餃、黑金燕窩蝦餃同埋鮑魚珍珠雞花膠雖然係只係魚肚但係都大大舊，好爽口鮑魚係真料實料嘅鮑魚仔唔係粉製果啲雖然係放題但係啲點心小食都唔會求其細細份可以試多幾款唔同野食鍾意食先再叫咁就唔怕浪費食物啦紅棗糕好食可以試下一路望住個大海景一路飲茶都幾舒服同埋呢度啲姐姐服務態度好好勁勤力👍🏻