龍麵館 (已結業)

好友近日遞了辭呈，相約食farewell lunch。一個半鐘的時間，可謂驚喜與失望的交融體驗。餐廳不大，裝潢有趣，不過一心想暢敘的我們沒有影相，點左幾樣招牌菜式。龍蝦酥造型栩栩如生，打卡必備，幾乎枱枱都點。但需要兩件起，對於兩個人來講份量太大，四人share已足夠。雖是龍蝦造型，內餡應是普通蝦肉，口感較軟，不夠爽，但份量足，基本啖啖都食到蝦，味道也還算鮮美，外層酥皮非常松化。總體尚可。龍湯麵名不虛傳，非常出色！龍蝦肉已拆下，份量足，應有整隻。湯頭濃美鮮香，配上筋道彈牙恰好入味的拉麵及清爽微脆蘿蔔絲，每一啖都十分滿足！我幾乎連湯都飲曬！蟹肉蝦餃也是重點推介！外皮煙韌不黏牙，內餡蟹肉與蝦肉充分揉合，鮮味突出，肉質爽甜，啖啖食到肉，真是蝦蟹愛好者恩物。梅子骨完全冇梅子味，似普通蒸排骨，失望。最差是這道黑松露芋頭酥，初嚐有少少松露香，但再食已冇，內餡烏卒卒一團泥狀物，完全冇味！似是食緊土！我同朋友都冇食完，食到一半就頂唔順放低。歷經兩碟失望點心，最後這碟五色炒秋葵可謂力挽狂瀾。秋葵炒得乾身微潤，與百合、白果、雲兒一起送入口，非常新鮮爽脆，可口醒神。諾大一碟，我們兩個竟然食完了！食罷飲杯茶，就

晚餐 · 2人中國風嘅餐廳裝潢，帶有些許西式嘅風味，環境幾舒適寬敞。星期日大概夜晚9點左右，所以唔係好多人，可以坐卡位。前菜:茶燻素鵝 ($59)味道幾好，凍凍哋，清淡得黎口感豐富。木魚茄子 ($59)木魚同茄子味道幾夾，好味，係略嫌個汁有少少咸。雞絲粉皮 （$59）味道一般，無咩特別，醬料太多，所以好似不停喺度食醬咁。主菜: 龍蝦湯麵 （$149）龍蝦湯幾濃，麵嘅味道都好好，可惜龍蝦肉偏淡，同埋麵嘅份量比較小，有D美中不足。總括來說，係可以再試嘅餐廳。不過，如果想試多D特別嘅點心就要喺下午5點前黎食，因為有部分點心晚市無供應。

朋友推介去中環龍麵館食晚餐，一行到門口上面寫著龍麵館。行入少少見到牆上金碧輝煌的金龍和醒獅迎賓，旁邊有詠春木人樁可以玩兩手，又有一些武館的兵器，望上面掛著好多獅頭，好有中國武館的氣氛。龍蝦蘿蔔酥用龍蝦頭殼和龍蝦尾併成維肖維妙，內里淡淡龍蝦肉好鬆脆😋京式片皮鴨三食：鴨片配紅糖食，鬆化而不油膩。鴨肉蘸上蒜蓉，可以突出鴨肉的鮮味連皮的鴨肉配上紅菜條，青瓜，蘿蔔條等，加上花生醬的醬汁，加上鴨片麼麼皮包起來一起吃美味無窮😋桂花炒素翅大師兄負責講解小師妹負責炒，不用一滴油先放咸蛋黃炒再逐一逐一放落來炒，炒起來好乾身好濃郁的咸蛋黃味。龍蝦湯麵湯底濃郁淡淡龍蝦鮮味，龍蝦肉爽口彈牙，麵條師傅即場拉即場煮非常美味😋八寶富貴雞敲碎泥榖再打開荷葉，香噴噴的味道雞肉嫩滑好腍，內里有鮑魚，火腩，枝竹，冬菇，鵪春旦...等美味無窮😋

今晚有幸同舊同學聚舊，難得齊人，就去間好少少的餐廳食下~中環呢間龍麵館，聽個名就知霸氣，其實入到門口都見到裝潢絕不失禮~內有好多個舞獅頭，配上新式裝修，全黑為主的格調，份外顯氣派MENU上的菜名亦很特別，例如花拳秀腿，原來是娃娃菜~好有焯頭$128一份3 梱娃娃菜略貴，但在這樣環境, 差不多了, 而且有個好濃嘅金華火腿湯飲下~還不錯吧呢份牛肉好嫩~薯條是SWEET POTATO~炸得好香口而帶甘甜另外叫左一D精緻的前菜，全冷盤，味道不過不失, 重點? 用相片記錄吧..話明龍麵館, 幾唔想食CARBS都要叫幾碗麵試試吧~~麵的份量很少的，每人試少少, 龍蝦味道和湯汁確是OK鮮美, 麵是自己有師傅即場拉的, 有心思最後, 每人整多隻香脆鬆軟的龍蝦.....蘿蔔酥, 吹下水, 又一個愉快的晚上...

是晚朋友同我來這裡食生日飯，聽說這裡的龍蝦湯麵很好味，於是便來一嚐這裡的美食。個人非常喜歡蘿蔔絲酥餅，這裡竟然有個用龍蝦做的蘿蔔絲酥餅，真係一試難忘，超級美味，雖然貴咗啲，但真係值得一試👍🏻另外個葡萄冬瓜好開胃好特別， nice😊個開花菜手工非常好，好靚😍個炒翅仲有專人响你面前即場炒，完全冇落油炒，淨係欣賞佢表演都值回票價👏🏻全晚最正莫過於呢碗龍蝦濃湯麵，好豐富濃郁的龍蝦味，真係令人回味😋很有水準的一餐👍🏻

早前十一月中，我公司收到中環萬宜大廈地下新開的 <龍麵館> 優惠劵！ 有天放工，我好奇走去找找餐廳所在，順便拿張單張看看有什麼啱口味吧！ 十一月尾開張，花籃基乎放滿半條街！ 當我走入餐廳問店員拿張單張來看的時候，這位外籍女店員正是 <飲茶> 見到那位靚女店員！ 我跟她說認得她！ 隨即她便老實告訴我，<飲茶> 跟 <龍麵館> 也是同一個飲食集團！好的！一於找天約好姊姊出來食飯賀聖誕吧！當晚，我們三人行來到 <龍麵館>！地方大的這裡以中式裝潢，黑色為主色調；然而，一入門口的金龍金碧輝煌甚有氣勢！牆身掛上舞獅頭別具一格！鐮刀長刀也顯得入型入格！開放式廚房，食客可見到師傅烤鴨及拉麵！ 感覺更互動！店名叫得 <龍麵館>，主打龍蝦美食！ 當中不少款式的食物已加入龍蝦元素！供應：前菜、點心、龍蝦拉麵、龍蝦撈麵、燉湯、蔬菜、片皮鴨、師傅推薦、甜品...等。綉球青瓜 $59師傅巧妙把青瓜切成薄片，花心思捲起來，放上透明玻璃器皿，綴以杞子萬綠叢中一點紅！實在美輪美奐！ 富立體感！ 青瓜入口清爽，酸辣醬汁提味不少