影片
更多
张贴
龍蝦
2 已推介
-
龍蝦
2023-02-15
1186 浏览
唔使$300就可以食到龍蝦、肉蟹、鮑魚、聖子、沙白蜆同埋多寶魚！Total六種海鮮‼️每人仲可以揀四款火鍋配料～我哋今次兩個人去total就揀咗八款火鍋配料！佢另外有一個套餐，係揀龍蝦或者肉蟹二揀一，揀肉蟹配其他五款海鮮嘅話套餐價錢就係$210，龍蝦配其他五款海鮮，價錢就係$230，小朋友先做選擇，我就梗係兩樣都要龍蝦加肉蟹兩樣都揀晒啦，龍蝦肉蟹再配另外四款海鮮嘅價錢就係$260💓六款唔同嘅海鮮全部都好新鮮，🦞龍蝦啖啖肉好鮮甜，鮑魚上枱仲識郁，口感爽口彈牙！多寶魚肉質勁滑，不過就比較多骨，但係加少少豉油落去真係好有魚味，識得食魚嘅朋友值得嗌🐟 沙白蜆份量好多，一樣好鮮甜同埋好肥美，建議大家第一隻可以唔好加調味料試一試原汁原味先，之後再加少量豉油食下一隻，感受吓佢究竟有幾新鮮！🦀肉蟹今次我就覺得冇乜特別，新鮮嘅，但係就唔算係特別鮮甜（曾經試過喺度食過鮮甜又多膏）🦐雖然今次冇嗌蝦，但係之前有叫過，啲蝦真係生猛到識得跳，要用夾特登夾住先至可以落鑊架！仲有聖子，一樣係新鮮鮮甜，唔會話好韌，好食！順帶一提，餐枱嗰度有每一樣海鮮需要煮幾耐嘅教學同埋Timer，咁就唔怕大家Overcooked啦！食完
更多
佢另外有一個套餐，係揀龍蝦或者肉蟹二揀一，揀肉蟹配其他五款海鮮嘅話套餐價錢就係$210，龍蝦配其他五款海鮮，價錢就係$230，小朋友先做選擇，我就梗係兩樣都要龍蝦加肉蟹兩樣都揀晒啦，龍蝦肉蟹再配另外四款海鮮嘅價錢就係$260💓
六款唔同嘅海鮮全部都好新鮮，🦞龍蝦啖啖肉好鮮甜，鮑魚上枱仲識郁，口感爽口彈牙！多寶魚肉質勁滑，不過就比較多骨，但係加少少豉油落去真係好有魚味，識得食魚嘅朋友值得嗌🐟 沙白蜆份量好多，一樣好鮮甜同埋好肥美，建議大家第一隻可以唔好加調味料試一試原汁原味先，之後再加少量豉油食下一隻，感受吓佢究竟有幾新鮮！🦀肉蟹今次我就覺得冇乜特別，新鮮嘅，但係就唔算係特別鮮甜（曾經試過喺度食過鮮甜又多膏）🦐雖然今次冇嗌蝦，但係之前有叫過，啲蝦真係生猛到識得跳，要用夾特登夾住先至可以落鑊架！仲有聖子，一樣係新鮮鮮甜，唔會話好韌，好食！順帶一提，餐枱嗰度有每一樣海鮮需要煮幾耐嘅教學同埋Timer，咁就唔怕大家Overcooked啦！
食完海鮮之後就到火鍋配料啦，一般打邊爐有嘅火鍋配料佢都有齊，例如係肥牛、響鈴、魚皮、手打肉丸等等一應俱全！講起打邊爐就同大家推介下冬瓜，如果大家平時打邊爐鍾意食蘿蔔嘅話，冬瓜絕對係更上一層樓，記住一開始打邊爐就要落冬瓜～煮得越來越好味㗎💓💓🙈
係打邊爐嘅中途，店員就會攞三種粥底配料過嚟，分別係南瓜粒、芋頭粒同埋粟米，去到臨尾食完火鍋配料之後，店員就會過嚟幫手壓碎啱啱嘅粥底配料～再搭配芫荽、豬油渣粒、大頭菜粒、菜脯粒同埋冬菜煮粥！如果有邊一種配料唔識或者想要多啲都可以同店員講㗎！我自己平時就食開多芫荽同埋多豬油渣粒嘅🥰🥰其實呢個套餐真係食到超飽，每一次粥底都食唔晒🙈，我嘅做法就係會叫店員俾個外賣兜，拎返屋企聽日慢慢食！
總括嚟講，唔使$600就可以埋到單，嘆足六款唔同嘅海鮮、咁多唔同嘅火鍋配料、仲有吸收晒海鮮精華嘅海鮮粥！絕對係性價比極高，回頭率200%💓💓💓💓👍🏻👍🏻👍🏻
龍蝦
67 浏览
0 赞好
0 留言
沙白蜆
71 浏览
0 赞好
0 留言
龍蝦
73 浏览
0 赞好
0 留言
50 浏览
0 赞好
0 留言
51 浏览
0 赞好
0 留言
张贴
用餐途径
堂食
推介美食
龍蝦
沙白蜆
龍蝦
-
龍蝦
-
沙白蜆
-
龍蝦
-
-