餃掂手工餃子雲吞專門店

作為餃子控嘅小編， 知道「餃掂手工餃子雲吞專門店」（下稱「餃掂」）終於係港島區開左分店， 就帶同樣係餃子控嘅小妹一齊黎食啦！😏 「餃掂」有多款蒸餃和煎餃， 傳統餃子如韮菜、大白菜、雲耳椰菜、粟米豬肉， 創新餃子如松茸餃、芝士餃都有。 店家還特調不少秘製醬汁， 菜甫豆豉醬惹味，香辣醬微辣，用嚟配麵或餃子都一流！ 想一次過試晒黑松露和白松露兩款餃子， 一定要試下龍鳳松茸雙灼餃（跟湯）（$85/8隻）， 可以一次過滿足兩個願望！😌 餃子皮薄餡靚， 每隻都脹卜卜，可見餡料十足！ 黑松露幽香，和梅頭豬肉很夾，鮮甜味美， 白松露小編就比較少食， 感覺相對地比黑松露更柔和，但菌香依舊突出， 矜貴嘅松茸更有促進免疫力和改善身體機能嘅保健功用，好正呀！♥️ 小編覺得松茸餃子更適合白灼， 原汁原味，少了油煎嘅膩感， 更能突顯出餃子皮嘅韌性和松茸嘅菌香！ 隨龍鳳松茸餃會附送一碗狀元九鼎湯， 店家註明沿用古法煲製，不含味精， 以粉葛、紅蘿蔔、赤小豆、扁豆、蜜棗、新會陳皮、鮮排骨和鯪魚、鰂魚等材料熬製而成， 湯汁色澤醇厚，不泛半點油光， 散發着陣陣嘅粉葛香， 啖啖魚鮮，清甜甘香， 啱

如果去親大陸，一定會返去狂食餃子，仲記得細細個屋企人去大陸旅行果陣食餃子好似唔洗錢咁，幾蚊人仔幾十隻！真係十蚊雞都食飽你，當然，時過境遷，依家內地物價比起以前都升幅不少，但我都覺仲係好抵食，而係香港我就真係比較少去食餃子做正餐，可能覺得比較貴同唔抵食掛？不過今日係灣仔同朋友覓食時，無意中發現到呢間專食餃子既店舖，門口仲貼住蔡瀾都黎幫襯，既然係咁一於試下佢！反正都好耐冇食過餃子都好多人食！好彩仲有一張枱！望望餐牌，我覺得以灣仔地段黎講價錢可以接受，正常唔貴，仲有松茸食，同埋都有分店有醃蘿蔔任你食龍鳳松茸雙灼餃(跟湯)  $85/8隻有煎餃同灼餃，我就揀左灼餃，覺得可以試真啲松露既味道，呢款係雙併既款式，有黑松露餃子(右)同白松露(左)餃子！咁奢華既餃子我都係第一次！餃子SIZE適中，透視到入面既餡，一咬開見到皮好薄！包得好靚，先試試白松露餃子，好香松露味，味道都幾濃烈，帶少少咸，會覺得灼餃清得黎但又惹味，會想食完一舊食第二舊！我以為黑松露餃子會再濃味啲，反而出乎我所料，黑松露反倒比較清淡一啲，味道冇咁強勁，我自己比較重口味，所以就中意白松露多啲，但兩款其實都好吸引，建議點龍鳳系列可以一次

今晚嚟到灣仔，想食得簡單啲，跟住就見到呢間餃掂！六點幾去到仲有位。餐廳唔算細，樓底仲好高添！餐牌裏面選擇唔多，啱晒我呢啲有選擇困難症嘅人！佢力sell自己個碗狀元九鼎湯係不惜工本，古法虔製，絕無味精，如果單叫都要＄20碗！最後我哋揀咗兩碗餃子（都跟狀元九鼎湯既！）同埋麻辣皮蛋。枱面上有一樽醃白蘿蔔俾你隨便食。而家已經好少餐廳仲有呢啲醃白蘿蔔食，我好鍾意食，見到真係好興奮，蘿蔔唔會太細粒，醃得酸甜適中，超好食！枱上面有一系列嘅醬料任君選擇，好貼心呀！菜甫豆豉醬超好食，唔會太辣，一定要試！四川辣椒醬就麻麻地喇。先黎麻辣松花皮蛋，佢個麻辣汁做得好好食，唔會太辣，一定要試。應該有六件的，太心急食咗一件先記得影相。其中一碗係雙拼湯餃子十隻：大白菜豬肉餃拼粟米豬肉餃各五隻。第一次嚟食，覺得好食喎！餃皮厚薄適中又有光澤，餡料份量好足，調味亦剛好。湯餃係用狀元九鼎湯浸住出黎，湯味滲入左塊餃子皮度，令到塊皮都有味，好好食！另一款係龍鳳松茸雙灼餃，即係黑松露松茸同埋白松露松茸餃。各有四隻共有八隻。太好味食咗四隻先記得影相。今次呢款碗湯係另上，塊皮冇咁有味，不過本身松露味都好香，兩款都好食。狀元九鼎湯另上，