何蘭正

营业中

休息中

👍🏻24小時慢烤伊比利亞叉燒｜豬油撈飯｜日本溫泉蛋｜韓國紫菜 $178何蘭正招牌必食item！叉燒表面燒到微燶充滿焦香，蜜汁入味但不過甜半肥瘦叉燒，肉質爽彈，一啲都唔乾硬，咬落仲有肉汁豬肉味濃之餘又有油脂香，超正🤤！豬油撈飯味道帶甜，豬油同醬汁撈得均勻，食落唔油膩配搭日本溫泉蛋、韓國紫菜、香蔥同酸洋蔥，撈飯一流😜味道：9/10性價比：6/10-👍🏻美極煎封龍躉魚柳｜胡麻醬漬淡瓜｜焦糖醬油茄汁｜漢堡包配薯條 $168鍾意食魚嘅朋友必食，貨真價實嘅魚柳包！龍躉魚柳厚身大塊，估唔到有兩層咁多，好足料表面煎得香脆，內裏肉質嫩滑多汁魚油脂香勁濃郁，冇骨啖啖肉美極味唔算好明顯，主要都係魚鮮味突出薯條粗身，熱辣辣好脆口，灑上鹽同類似熱浪味嘅辣粉就咁食都好惹味，亦可配搭自家製嘅蒜味蛋黃醬味道：9/10性價比：7/10-👍🏻香濃粟米巴斯克芝士蛋糕｜辣椒仔漬芒果粒｜日本柚子雪酪｜焦糖爆谷 $118整體每樣食物都好特別，混埋一齊唔兀突，反而有多種味道層次蛋糕表面焦香，內裏口感好似燉蛋咁軟滑芝士味突出，加上淡淡粟米香甜味，估唔到又幾夾柚子雪酪口感似雪芭，質地幼滑，柚子味清香又唔會太甜仲食到粒粒柚子肉，非常清甜

💥久仰大名，場內大大個鬼佬涼茶嘅霓虹燈，又點諗到佢個叉燒飯咁銷魂☺️☺️📍24小時慢煮伊比利亞叉燒，配煎日本太陽蛋，紅洋蔥漬，香噴噴香蔥豬油撈飯平時食開叉燒一係就好瘦，一係就肥，呢一款佢個脂肪夾喺兩層瘦肉嘅中間，咬落去油脂分布平均，超級正🤤🤤🤤 我哋仲加埋呢個鴨肝簡直邪惡到極😈📍港式生腌北海道帶子，配特選三文魚籽，清爽中華海草沙津，迷你雲耳，老油條脆粒每款材料都好新鮮，帶子少少甜，海草沙律好彈牙！📍蘋果雪葩桃膠燉雪梨全晚最驚喜就係蘋果雪葩，每一啖都好似飲緊蘋果汁，配合雪梨淡淡甜味加上好有咬口嘅桃膠，perfect match!好欣賞佢地桃膠清理得好乾淨☺️

早排聽聞何蘭正結業真係覺得幾可惜，大胃之前去過一次，感受到佢地好用心做創意fusion菜，港西合璧，真心好食，而家知道佢地同樣喺中環開返，唔怕以後食唔返其實佢地嘅酒係好好飲，不過而家酒牌難做，就未有酒水供應住，但特色飲品同樣好飲好似呢杯用棕樹糖調製嘅咖啡，倒入雲呢拿，浸住用espresso雪成嘅冰粒，溫和同刺激集於一杯之中上次食佢嘅慢煮叉燒，實在太出色今次佢改咗少少配搭，加入紅洋蔥漬，酸酸地加上爽脆，同軟嫩多汁嘅叉燒形成強烈且並存嘅對比同埋大胃加咗鴨肝，嗰種香口，無可言喻蘆薈係來佬嘢，但竟然同蠔醬夾到，食落似配咗中式忌廉，加上一粒粒嘅鴨肝腸片，眾望所歸，全碟冇得留低鵝肝混合法式焦糖燉蛋，又有冇食過呢？味道甜為主，有燉蛋嘅綿，但不失鵝肝嘅香，兩者完美合體搽上toast度，記得灑上白白地嘅辣籽粉，同夾硬紅/藍莓一齊食，體驗神奇又美妙西瓜沙冰mix鹹梅，從來都冇諗過咁配都得，西瓜嘅清甜正好中和鹹梅嘅鹹，飲落層次仲豐富咗𠻹之前就擔心以後食唔到點算好，而家plan定下次幾時再嚟都得喇

前陣子經過餐廳舊址，失望而回，本來以為餐廳做不住了，原來只是搬了，新址位置位置更便利。餐廳有大玻璃，可以看看風景，也有霓虹燈的裝飾，有大排檔的感覺。⭐️煎封頂級picanha配日本椰菜黑松茸$198巴西牛排五成熟配日本椰菜，牛排已經一早切片，脂肪比較少，入口軟嫩，肉味突出。配上日本椰菜和松茸菇可以中和肉的飽膩感。⭐️順德風情雙籽三文魚他她配香脆雲吞皮$128餐廳的招牌菜之一，由三文魚籽加上三文魚肉粒，配搭炸雲吞皮，三文魚肉入口魚脂豐富，口感肥而不膩。⭐️24小時慢煮伊比利亞叉燒，配煎日本太陽蛋，紅洋蔥漬，香噴噴香蔥豬油撈飯$178慢煮伊比利亞叉燒肥瘦各佔一半，入口肉味更突出，油脂香滑，配搭豬油撈飯，本以為豬油會很油膩，但入口只有香，油膩感反而不太明顯。幸好有洋蔥中和叉燒的膩感，還有一粒太陽蛋，另米飯更香。⭐️巨大泡芙配菊花芝士忌廉干蝶豆花蜜糖絨毛丨乳酪脆粒$98最後點了賣相吸引的泡芙，泡芙上面的蝶豆花蜜糖絨毛十分搶眼，入口倒沒什麼味道。咬一口，忌廉原來夾著乳酪脆粒，更添層次呢！