番茄師兄

营业中

休息中

我們兩大忙人終於有時間相聚，大家都在忙畫公司的圖，數晚加班至十時多，累透了。所以今天即使下雨，我們也要出來吃東西，盡訴多天的工作壓力。最好舒緩疲勞的方式當然是吃好東西，所以我們去了最美味的番茄專門店之一番茄師兄吃午餐，沒想到等候入座的人如此多，是以往的兩，三倍，我們目瞪口呆，幸好只是等待二十分鐘左右。我們太餓了，先吃點炸物小食飽嘴，炸得圓滾滾的鮮炸紫菜墨魚丸非常可口，且充滿丸汁，一咬就爆發。墨魚丸彈牙極致，裡頭紫菜增加脆度，香香的滋味讓朋友一吃難忘。鮮炸腐皮墨魚蝦條以腐皮包著墨魚肉和蝦肉再拿去油炸，酥炸的腐皮外層再加上彈性十足的墨魚，蝦肉內餡，作為餐前小食挺不錯的。相信任何人都會受不了78度慢煮沙嗲豬腩肉的誘惑，豬腩肉經慢煮後脂肪部份變得脆香，腩肉細嫩，沒有油膩感，肉汁鎖於肉中，配上濃香的沙嗲醬，教我們念念不忘。70度慢煮麻香瑞士汁雞中翼太好賣，一度賣光，下午茶時間才恢復供應，不過當時我們實在想吃麻香小食，故轉吃麻香瑞士汁牛筋肉碎。麻香瑞士汁牛筋肉碎絲絲嚼勁又帶柔嫩，甘甜的瑞士汁與開胃的麻香相互滲透牛筋肉碎裡，超棒的菜餚。番茄師兄的重點當然是番茄濃湯麵，熱呼呼，好喝的番茄湯麵，更是我們

放工黎到，平日730黎到，排隊排左大概30分鐘，都真係幾多人，不過門口侍應好好禮貌，等都等得好開心故名思義，哩度主要係食蕃茄麵，另外仲有唔同嘅特色小食同炸物，仲有特製嘅飲品，而且真係幾抵食！絕無hard sell先黎一杯熱嘅檸檬雪梨露，飲落仲有啲雪梨蓉，好有口感，仲要有陣好香嘅檸檬味慢煮沙嗲醬豬腩肉煮得好軟熟，沙嗲醬微微辣，好香哩度嘅秘製豬扒真係好大塊！好香又一啲都唔韌，唔痴牙滑蛋加$5就有咁多，真心滑又香加埋蕃茄湯，好濃，一啲都唔稀，最後真係成碗湯都喝晒嗌左拉麵底，份量都夠哂多，煙煙韌韌，唔鐘意食太爽嘅麵嘅我，淋淋地真係好正佢嗌左叫犇犇有禮嘅牛肉麵，有牛面頰，牛坑腩，崩沙腩，啲腩肉炆得好淋，真心好味2個人嗌左一人一碗麵，仲嗌左小食，仲有嘢飲都係200都唔洗好抵呀！

好耐冇嚟過深水埗覓食，喺橫街窄巷之中發現一間小店，係一間專門以騸牯牛同番茄做湯底同主食嘅麵店，見到場內都幾滿座，羊群心理之下就入去試下啦犇犇有禮一碗麵有齊崩沙腩、坑腩同牛面頰，絕對係「牛魔王」不二之選蕃茄湯底相當濃郁，每一啖都食到番茄肉。騸牯牛面頰最爽口又唔會黐牙，崩沙腩同坑腩都煮得相當腍，仲有少少牛筋，口感十足。麵底揀咗烏冬， 麵質煙韌有彈性，係咁多款麵之中的首選慢煮沙嗲豬腩肉肉上面鋪滿沙嗲洋蔥，為豬腩肉增添一份風味。豬腩肉以慢煮方式烹調，唔會鞋颯颯反而軟熟好腍，好似食緊靚叉燒一樣慢煮麻辣瑞士汁雞翼聽個名覺得幾新鮮刺激，食落又覺得幾易入口原因係店主想呢個小食連小朋友都食到，所以用咗好少嘅麻辣配料黎慢煮雞翼，有好微弱嘅麻辣感覺，但就一點都唔辣，瑞士汁相當入味，肉質亦都好腍鮮炸魚片頭、鮮炸紫菜墨魚丸魚片頭同墨魚丸都十分之爽口彈牙，配埋酸甜醬就好似食緊串燒咁如果溫度再熱啲會更加好。檸檬雪梨露、桂圓紅棗桑寄生茶絕對推薦桂圓紅棗桑寄生茶甜得黎好易入口，完全唔似一般涼茶鋪飲到嘅涼茶味，大人細路男女老幼都適合飲。檸檬雪梨露呢個配搭幾特別，味道清新唔會太甜，夏天飲就最適合食完野之後老闆會親自走來客人

是日去深水埗辦貨，發覺呢條街多左好多間新食店喎！見到呢間店面乾乾淨淨，感覺都幾得意，見唔算多人等位就一於試試佢先中午時段都好多人食喎，睇睇個menu原來有五款麵可以揀，另外仲有兩款限定麵食。順手讚一讚呢啲過膠餐牌，本人好中意小店支持環保犇犇有禮（烏冬）呢款麵有牛面頰、崩沙腩、牛坑腩。真係好多料啊，試一試佢啖湯底，好濃既番茄味，唔會「水nel nel」，唔會偏酸偏甜，好惹味！呢舊就係牛面頰，我都係第一次食咋，個質地都幾得意，少少煙韌有嚼頭，有啲啲似牛舌，牛味偏重既，幾有趣。至於牛坑腩+牛崩沙都非常淋身，雖然大大舊但一樣入口即溶，有料到！豚豚圓圓（日式拉麵）朋友點左呢款，有豬腩肉+豬頸肉。你睇下啲肉多到吖、啲豬腩肉厚到吖！岩晒食肉獸見佢啲小食都唔係好貴，$28@，再見到「慢煮」就心心眼既我即刻叫晒兩樣黎試！70度慢煮瑞士汁雞翼先講雞翼，一咬落去就離晒骨，好入味啊！唔會太鹹，味道剛剛好。78度慢煮沙嗲豬腩肉推介！推介！推介！因為太好食要講三次！首先佢舊舊都好大舊、好厚肉，總共有五大件，抵食！豬腩肉又係淋到入口即溶，一啲力都唔洗用就咬得開！雖然係沙嗲但一啲都唔怕辣，相信係鋪喺面既洋蔥碎中和左，

今日我去左幫男朋友搞續保，搞完佢收工黎左深水埗join我。我地喺基隆街見到呢間番茄師兄坐滿人，出面仲有人排隊tim。基於香港人嘅排隊精神，我地都排埋一份XD我叫嘅係四寶丸番茄濃湯烏冬（$40）而男朋友叫嘅係鮮氣逼人拉麵（$88）呢到嘅番茄湯底係每日用新鮮番茄煮出黎，唔係用番茄醬，所以味道天然、濃郁得黎又唔造作！70度慢煮麻辣瑞士汁雞翼（$28@四隻）麻辣味同瑞士汁都match！炸魚片頭（$24@五件）夠曬彈牙。炸紫菜墨魚丸（$24@四粒）唔會炸到油淋淋都幾好食！78度慢煮沙嗲豬腩肉（$28@五塊）秘制沙嗲汁加埋洋蔥喺面嘅豬腩肉勁入味，令我食唔停口！男朋友飲嘅係凍信陽毛尖蜂蜜冷泡茶（$18）而我就飲凍檸檬雪梨露（$18）好足料，飲落有梨同檸檬果肉！令人一試難忘嘅番茄湯底，一定要再黎！

雖然唔係食過好多番茄湯底嘅餐廳。當知道深水埗開咗間以番茄湯底作主打嘅食店，先被鮮明的logo吸引住，再細心睇埋餐單，立刻被其中一道菜式嘅名稱被考起，原來「犇犇有禮」的「犇」音「賓」，相當有意思。由於與朋友一起來，所以餐單上嘅食物全叫了，看着一碗香氣四溢嘅食物，已按奈不住拿起筷子，烏冬與番茄湯十分夾，番茄湯底看得出用料十足，唔似坊間嘅硬酸味，使我忍不住喝起湯來，牛腩雖然唔肥但夠腍，順帶一提「豚豚圓圓」係慢煮州出來，好嫩。至於小食方面，我最喜歡「70度慢煮麻辣瑞士汁雞翼」，我哋安哥了兩碟，如果再辣一點更好。還有飲品也不錯，在夏天一邊食一邊飲，暑氣全消。