Lucky Ristorante (已結業)

all day breakfast 好高質，過去係其他地方食all day都無咁的level😍😍👍👍👍個菇好正😍😍，其他all day唔會有咁用心整個菇炒蛋就還好，唔老但未到滑同好好食的地步🤔個煙肉好食，有肉汁的，唔柴，唔會覺得鹹漢堡薯格都野味，軟殼蟹feel到係即整，生菜同沙律唔花虎，薯格調味恰當也新鮮現炸😆👍另一個重要係，個環境靚同靜，我仲坐左4個鐘傾計，enjoy～🤪🤪（$293 2個人，坐4個鐘，靚景夠飽仲想點🤡😝）

All happiness depends on a leisurely breakfast 以前食過好hea嘅all day breakfast...，但今次喺618上海街呢間餐廳食嘅全日早餐確係okay，食物係即刻煮唔係整定擺喺度等有人嗌先翻熱！其實食客真係食得出餐廚師係咪有誠意煮食㗎全日早餐 > 上桌便feel到啲蛋熱辣辣香噴噴、炒得嫩滑有蛋香啲蛋汁仲係流緊出嚟，調味啱啱好唔會淡茂茂；香草多士口感鬆脆配滑蛋食一流、真係想要多幾塊夾炒蛋嚟食；薯餅亦炸得好酥脆、原來係橙色蕃薯味道甜糯好味；蕃茄juicy大啡菇亦好香唔錯；煙肉腸仔煎到幾脆、沙律菜車厘茄算新鮮、栗米茄汁豆呢類罐頭嘢正常發揮，配埋香濃磨菇湯&熱檸水、整體味道賣相值得比高分

下午茶時間，在活化後的上海街六一八發現了這家門面很吸引的餐廳。因為不是週末，客人不多，就都被安排在靠窗的卡位就坐，可以環顧室內漂亮的裝修，更可以和朋友安安靜靜慢慢的聊天，感覺很愜意。下午茶餐單選擇都頗多，但我和朋友都不想吃主食類的東西，就點了份全日早餐和炸魚薯條來分享。食物擺盤很誘人，看著都心滿意足，影相打卡一流。全日早餐 All Day Breakfast，培根烤得香脆，蘑菇味濃，薯餅中間有芝士流心，牛角包足料又脆口，超豐富又大份，完全是視覺和味覺的雙重享受，上桌絕對會引起“哇”一聲，如果一個人吃一份也太奢侈太幸福了。炸魚薯條 Fish & Chips，魚肉有兩大條，即使外皮炸得酥脆但仍能保持內裡肉質柔軟濕潤，酸忌廉蘸醬豐富了味道。最後來杯咖啡，色澤和香氣都很濃厚，不會因為跟餐就用便宜貨，抵讚。偶爾在間漂亮的餐廳來個悠閒下午茶，與友人相聚，一起享受下食物，放鬆下，人都變自在了不少。

周末難得與朋友相聚，發現久違了的旺角少了遊客卻多了很多特色食肆。知道上海街有座活化大廈，內有數間特色餐廳但從未來過。今次堅持要來一試，跟隨他人上頂樓天台餐廳可惜未有位，肚又餓就行下行下到3樓見到間像是主打薄餅的Lucky Ristorante，看餐牌原來tea set有其他選擇。餐廳裝修好靚有花有草，內還有陽台露天位但沒客人坐，可能外面太陽太猛太熱。我叫了最愛的all day breakfast 配熱0茶$128，朋友叫了個軟腳蟹牛角包沙拉配凍0茶＄98。兩樣上枱時買相都有驚喜。我個全日早餐算落有點貴但真係比外面餐廳的大碟多料種類多，最喜歡佢個cheese potato cake超好味，外脆內軟，一口咬落芝士爆晒出來。牛角包唔會凍冰冰仲好大隻。如果一定要挑剔的話，就是個green salad唔夠沙拉醬啦。軟腳蟹炸得脆脆整隻上，見朋友食得津津有味。下次想帶老公來試下

呢日放假同朋友行旺角，經驗上海街時發現有個好懷舊的港式商場“618”，決定去行下，入面仲有間文青的西餐廳「Lucky Ristorante」，決定去食個下午茶~餐廳有戶內同戶外座位，餐廳外面及天花板佈滿乾花，影相打卡一流，而且價錢又唔貴，食物選擇都幾多~我點左2個下午茶套餐:酥炸軟殼蟹芒果沙律排包配薯條 平時一般都係配牛角包，呢度仲可以選擇排包，好特別，軟殼蟹即叫即炸，炸到金黃色，香脆可口，不會油腻，同焗過的排包出奇地夾~All day breakfast 分量十足、非常豐富，有自家製牛角包、紐倫堡腸三條、茄汁豆、雜菜沙律、北海道忌廉芝士薯餅、香脆煙肉、白菌、炒蛋…最喜歡北海道芝士忌廉炸薯餅， 外層炸到金黃酥脆，中間滿滿忌廉芝士，非常惹味，仲有自家製牛油味香濃的牛角包~下午茶仲有附送飲品，我哋點左朱古力、橙汁(另加$8)之後忍唔住點左個甜品拼盤，有檸檬cheese cake、馬卡龍、布朗尼、生果撻、抹茶紅豆蛋糕，每一款都好好味，自己就最愛抹茶紅豆蛋糕及檸檬cheese cake~