帕維亞意大利餐廳

营业中

休息中

適逢今日放假可以接人收工前排一直有朋友介紹呢間意大利菜還掂自己又未去過九龍城黎開附近一於就黎食下啦！呢度裝修好有格調雖然座位比較少但有種歐洲村莊小餐廳既風格而且較靜既環境幾有情調呢度既Dinner Set都有唔少選擇大類分為前菜、頭盤、主菜、甜品最後我地叫左黑毛豬風乾火腿哈蜜瓜沙律, 夏威夷薄餅, 燒春雞同埋蘋果奶酥焗芝麻包及蒜蓉包餐廳喺食客餐前都會先送上兩款麵包份量亦會根據顧客人數供應芝麻包好有芝麻香因為剛剛出爐所以送上時仲熱騰騰食落內餡亦鬆軟而蒜蓉包焗得剛剛好唔會過燶蒜蓉香亦足夠哈蜜瓜拼黑毛豬風乾火腿沙律 Honey Melon & Bellota Iberico Salad沙律配上哈蜜瓜感覺幾新鮮而沙律汁酸酸甜甜搭上火箭菜的甘香亦幾好配搭另外所選用的黑毛豬風乾火腿肉肉味好香配搭沙律一齊食亦中和到肉味唔會好濃夏威夷薄餅 Halian Pizza大約6吋Size兩個人食剛剛好焗好既薄餅亦唔會過燶芝士剛好比例亦唔會太少蕃茄醬底配火腿菠蘿亦係最好既配搭燒春雞 Roasted Spring Chicken Size比例適中另外亦燒得剛剛好唔會話太燶肉質亦夠嫩滑帶有肉汁而燒雞配上香草等配料亦

去左KCP間LEON買聖誕禮物，之後約左女友喺九龍城食聖誕飯。九龍城出名就係泰國菜，不過要黎做聖誕飯好似唔多夾，所以又喺網絡大神到搵飯開了。搵到間食意大利菜，好彩去到又有位。環境幾好, 唔嘈，其實我麻麻地食飯地方播歌。未叫野食先上包，餐包好軟熟，唔係石頭，再加埋牛油搽上去就熱溶，入口味道一流！蒜蓉包都係好軟熟，好香好夠蒜蓉味，唔係得個樣。叫完野食先黎魷魚圈，炸粉唔厚，熱辣辣再配新鮮蕃茄醬，完全無哂熱氣既感覺。個pizza唔厚，啲邊位又脆，芝士仲可以拉到好長，味道唔錯。份牛扒份量都唔少，5成熟都無血水出，好淋好易切，肉味好濃！值得推薦。最後甜品到Apple Crumble，佢甜得黎唔會蓋過左蘋果既味，焗完蘋果一啲酸味都無，唔錯！

睇到好多關於呢間難得的九龍城西餐廳好評推介，呢日星四放工決定兩人去試一試，果然打破「九龍城非泰菜餐廳莫屬」既印象！位於打鼓嶺道既小店，聽落位置好似好偏遠咁（純屬因為打鼓嶺好似係好凍既地方..），當然此打鼓嶺非彼打鼓嶺，我地係富豪酒店落車後行2﹣3分鐘就到。小店內有約6張4人枱，深橙色既牆身配白色既枱凳，柔和既光線，氣氛相當不錯。深黑枱布上鋪了一大張白色墊枱紙，令人感覺十分潔淨（大白紙既成本應該高過坊間印左色既A3紙，style當然完全唔同；環保角度黎講比印左噴墨既紙好少少...relatively）。我地二人見到隔離情侶既青口非常大隻！好吸引！當然要跟機試下！另外主食就叫左US Prime Sirloin 同Pepperoni pizza。order完店員攞左D麵包黎，望落相當普通既芝麻同蒜蓉包，但輕輕擦上牛油已好香，本人尤愛芝麻包，香得黎做到外脆內軟，好好味！＊白酒煮New Zealand青口：我唔知點形容，真係好．大．隻！小妹未食過手掌咁大既青口，相當之興奮影左好多相～一碟有十隻大大青口，有白有紅，白既係公，肉質較結實，啖啖肉十分滿足；紅既係乸，好有‘膏’味，竟然好似食蠔咁有cre

和朋友路過九龍城找地方食晚餐, 最近吃太多泰國菜所以不想再吃~ 最後去了Pavia吃意大利菜!!門前黑板寫了Chef Recommendation~ 因為時間還早, 我們去了人不多(7點多的時間差不多坐滿, 有不少人都是預先訂了位)Set Lunch唔算貴WOR~ 下次可以試下~Set Dinner 都幾吸引, 不過我朋友想食西冷牛扒, 所以還是單點職員服務很好, 推薦了一些菜~環境很舒服, 餐廳播著好像是意大利文的歌~ 桌子上放了真的蠟燭 燭光晚餐~餐飽熱熱的~ 蒜蓉味好香很好吃, 另一個芝麻包也不錯~頭盆要了火腿配哈蜜瓜, 職員介紹是48個月的西班牙火腿Ham唔會太喊, 配埋超級甜的哈蜜瓜 Italian pizza 有好多火箭菜, 食落回甘~上面的HAM是意大利~ 配上芝士一齊食叫了5成熟西冷牛扒, 煎得好靚好均勻~ 加了一些海鹽, 味道更出~除了塊西冷煎得好食, 估唔到連旁邊的配菜都好好食@@甘荀仔好甜! 瓜菜也有味道好食的~第一次連配菜都覺得好好食@@最後叫了一個Apple Crumble~ 不是很多餐廳有, 所以點了它新鮮焗出來~ 有點像食蘋果批~ 上面有一層鬆軟的餅干~ 

同朋友又相約喺九龍城食嘢，但今次唔係食泰國嘢啦，係食意大利菜！真係第一次！嚟到pavia ，燈光柔和，裝修簡約又帶點浪漫，啱晒撐枱腳，但原來樓上仲有一層可以包場開party，有獨立洗手間，約埋三五知己都冇問題！我哋兩個人嗌左set dinner, 店員好快就放低焗好既芝麻包同蒜蓉包，芝麻包望落平平無奇，點知芝麻香到不得了,查埋牛油簡直perfect !頭盤揀咗mussels with white wine sauce, 嚟到見到青口好飽滿好大隻， 一咬落口，好驚奇嘅係口感竟然好似生豪一樣，完全冇un嘅感覺，仲要超級鮮味! 喺其他地方從來未食過咁嘅青口，真係一定要試！老闆娘好Nice ,周圍同客人傾計，仲話俾我哋聽佢哋揀青口嘅秘訣，而且佢哋處理好晒，一啲海草都無，連埋白酒汁一齊食，鮮味一發不可收拾，而且仲有好多隻，簡直過足口引！食完個咁有驚喜嘅頭盤已經非常期待下一道菜，值得一提嘅係每食完一道菜佢哋先會上另一度，絕對唔會一次過上到全枱都係嘢食，保持每道菜都係最佳狀態呈現比客人享用！再嚟就係carbonara spaghetti, 一嚟到已經聞到好香，一啖食落去，超級creamy但又唔會好漏