il Bel Paese (皇后大道中) (已結業)

每次經過都冇留意入邊，今次入嚟試吓。佢個格局好舒服真係好似去咗外國嘅餐廳咁，坐喺門口側邊同喺門口望入去嘅感覺爭好遠。係一間幾chill幾舒服同有feel嘅餐廳。叫咗一份Carbonara，一個腸，一份Burrata Salad。先講咗佢個沙律，芝士好濃味但係嫌佢唔夠多水份。平時食開呢隻芝士佢都好水好creamy，佢呢間就口感真係唔算好好。之後到個卡邦尼意粉，超creamy超好香好濃好夠味，好多時喺出邊食個意粉都唔係話真係好厚嘅汁，但呢一間個汁好龍好夠味，算係我食過咁多間Carbonara 之中數一數二水準。最後多個腸，個肉腸要配薯蓉食，如果唔係會偏鹹。下面個薯蓉真係好出色，佢好滑好正！真係好好食！整體來講呢間餐廳係好值得試，食咗三樣嘢都好好食！

小公主今日到上環去唱歌表演，表演前帶她食她最愛~薯條。沒有預先搜尋餐廳下，原來要揾間有薯條都不容易。在無乜選擇下，見到有間連名字都叫不出的餐廳……【il bel paese is Casa Rinaldi】……在Menu 上有薯條就直接入內。【il bel paese is Casa Rinaldi】原來在全球都有分店，單是香港已經開設6間 il Bel Paese 零售店及餐廳，真是失敬失敬。【il bel paese is Casa Rinaldi】的店員沒有本地員工，menu 也沒有半隻中文字。室內裝潢用上不少油畫作點綴，令餐廳充滿異國風情，讓客人暫時離開煩囂的香港。【il Bel Paese】除了用餐區外，還設有零售區售賣凍肉、芝士、有機食品、雞蛋及橄欖……等全由意大利直送香港的食材。筆者最後選購了以自家製出品的意粉及醬汁。Brunch 在香港已經流行了好一段時間，不少餐廳供應的Brunch 遠離Brunch的原意。 【il bel paese】在周末同樣供應 Brunch，但菜式簡單得多，比較貼地親民。不過筆者對這個Brunch menu 興趣不大，沒有代表意大利的Pasta

平時返工多數帶飯，但聽同事講皇后大道中有間餐廳做緊Promotion，$60就食到Carbonara，即刻約埋附近返工嘅朋友去試下。之前經過呢間餐廳幾次見到裝修幾靚已經想試，不過Lunch至少百幾蚊，所以一直遲遲未行動。今次呢個crazy carbonara week用$60就試到，實在無唔食嘅理由！我同朋友各自點咗一份Carbonara，等緊期間店員送上餐包，非常Surprise，無諗過$60價錢仲有包送。雖然橄欖油同醋偏苦，但都為胃打個底先。主菜終於上場！睇上去非常細份，但其實食落你會發覺以我一個咁大食嘅女仔嚟講都非常飽。平日街食carbonara偏向多汁同用煙肉，但你睇得出餐廳係用靚料去做sauce所以成個意粉每一口都非常creamy。而意粉亦用上al dente，除咗較幼身之餘，外面偏軟，中間一點半熟不生，令到每啖都勁有咬口。埋單連加一每人都只係需要$66，喺上環區高級餐廳食到呢個Lunch實在超值。

本人冇去過意大利都可以算係冇食過正宗既意大利粉？早兩日係facebook見到呢間餐廳既大廚話佢既煮法係最正宗，又做緊promotion 60蚊一，今日咁岩又係附近收工咁咪同同事去試下囉睇過大廚點樣古法整呢個意粉，原來係只用蛋黃加少少heavy cream唔用蛋白去做個sauce 所以唔同一般係街食既carbonara咁多汁，呢款會creamy得黎唔會好似湯意粉咁。而意粉就有非常適中既口感，話係al dente，即係中間硬身，側邊軟身個肉就其實唔係煙肉，類似金華火腿啲friend，所以都好味又唔會話好油。可惜個羊奶cheese冇報導講咁咸香，始終都係鐘意牛奶cheese既濃份量都少左啲！如果唔係餐前包我咁大食都一定唔夠飽