The Hwaduk (已結業)

平時好少黎呢度食野，應該係話唔係好知呢度有甘多餐廳。剩係知道呢度好多名店，好多都買唔起今晚去完lee garden office 搵朋友傾啲野，佢就帶我黎呢度食，話唔錯，自己成日都黎。場內唔算話好大，但坐位唔會好逼，坐得舒服，坐窗口位仲可以睇夜景添！烤雞配年糕 $208呢碟好驚喜！！！本身以為係雞翼，點知原來係成只雞！都幾大碟！三個人食都得！烤雞醬汁有少少辣，雞啖啖肉，又嫩滑，每一寸雞都好入味！有需要可以問職員拎手套。最最最有驚喜係啲年糕！！諗住年糕係食開濕炒果啲，點知年糕係先炸左，外脆，有啲糖漿痴痴地既感覺！年糕入面好煙韌，覺得年糕先係主菜甘，仲吸引！好好味！正呀烤雞pizza $138呢個又係超正！約十二寸大到（我估，唔識計）個餅底好薄，好脆，好香口！芝士勁多，好似餅皮甘厚！雞肉加埋洋蔥，西椒，一啖咬落去好正！食材配答得剛剛好！食幾塊都唔覺濟。食時都覺無物油，走時先見到招紙話pizza 係用特別烤爐烤，無油又脆，又健康啲！一定要試！某pizza 餐廳既無得比！推！！mango squash $48個樣幾靚。一開始飲時較甜，但食耐左，啲冰融後無甘甜，更岩飲！無影朋友果杯啦，有啲唐突

比較少喺香港食韓國餐，一嚟唔好食，二嚟細碟，三嚟唔抵食，去韓國食好過.... 今日大雄話要食韓國嘢，搵到一間我一定會滿意嘅地方喎。心諗，平時搵餐廳一定係我做嘅，你真係搵到間我一定會滿意嘅韓國餐廳？係嘅我請你食又如何！佢話咁你請硬我都得喇，Ok咁大口氣就去試！原來係Cubus樓上嘅，試過呢棟大廈入面嘅幾間餐廳，真係好食㗎喎，心諗今晚都應該走唔甩要請食飯咯.....一入嚟已經有位韓籍언니同我哋打招呼，難道係老闆？餐廳地方闊落，檯與檯之間空間非常多，每一處都非常乾淨，雖然有播韓文歌，不過係好細聲。平時去嘅韓國餐廳，通常又迫又嘈又黑，想傾個計都傾唔到，呢度完全無呢啲問題，仲要街景一流，真真正正可以同朋友坐低食飯傾計！隔離枱仲要有一檯오빠，睇嚟都信得過喇啩，希望呢度唔會令我失望啦香港籍店員向我介紹menu，第一樣就推薦pizza，pizza就食得多，韓式pizza真係未食過佢話佢哋專登喺韓國訂咗個烤爐，再喺韓國運送啲pizza粉糰嚟香港。有別於其他地方嘅做法，佢哋先將粉糰兩面烤熟，之後先放材料再烤，所以會特別脆；烤爐除咗焗pizza外，仲會用嚟烤雞，最重要係，雞係來自韓國嘅走地雞啊！！！！！唔試