Osteria Marzia

营业中

休息中

4

4

96 食记

味道

环境

服务

卫生

抵食

|

23184

湾仔

$801以上

意大利菜西式海鲜

59

19

7

Chitarra

4 已推介

foooodrabbit

等级4

276

0

Bookmark 左黎間嘢咁耐終於試到laaa🍝 佢係black sheep 旗下嘅義大利餐廳🇮🇹餐廳位於The Fleming 地下，露底好高，一入去就見到個open kitchen 同埋調酒area，再行入去就比佢d 波波燈吸引住目光🤣佢嘅裝修比人感覺幾舒服👍🏻一開始有sourdough，麵包質地唔錯，唔會太硬，可以配埋牛油同埋anchovy 食👌🏻嘢食可以散叫或者set，lunch set $548包曬前菜、意粉同埋甜品，今次我同友人要左一個餐再加多一個意粉，份量多到食唔曬🙈-CRUDI E COTTI-/Market Shellfish/見到黎碗青口+蜆鍋真係呆左😳一個人嘅話點食得曬ahhh，青口同埋蜆都味道清甜，加埋basil 鮮味更加突出🐚-PASTE-/Spaghetti/開心果醬意粉😍💚真係好特別！第一啖食落口好有驚喜🤣我冇諗過開心果嘅味道會咁濃郁，佢加左anchovy 所以食食下會覺得有d 鹹，但係意粉嘅質地好好，非常al dente😚/Chitarra/結他麵相對粗身少少，食落更加彈牙👍🏻 龍蝦汁味道濃郁，麵條完全掛曬d 汁🦞 入面仲有好多龍蝦肉同埋番茄仔🥰甜品方面

更多

Bookmark 左黎間嘢咁耐終於試到laaa🍝 佢係black sheep 旗下嘅義大利餐廳🇮🇹餐廳位於The Fleming 地下，露底好高，一入去就見到個open kitchen 同埋調酒area，再行入去就比佢d 波波燈吸引住目光🤣

佢嘅裝修比人感覺幾舒服👍🏻一開始有sourdough，麵包質地唔錯，唔會太硬，可以配埋牛油同埋anchovy 食👌🏻

嘢食可以散叫或者set，lunch set $548包曬前菜、意粉同埋甜品，今次我同友人要左一個餐再加多一個意粉，份量多到食唔曬🙈

-CRUDI E COTTI-
/Market Shellfish/
見到黎碗青口+蜆鍋真係呆左😳一個人嘅話點食得曬ahhh，青口同埋蜆都味道清甜，加埋basil 鮮味更加突出🐚

Market Shellfish

-PASTE-
/Spaghetti/
開心果醬意粉😍💚真係好特別！第一啖食落口好有驚喜🤣我冇諗過開心果嘅味道會咁濃郁，佢加左anchovy 所以食食下會覺得有d 鹹，但係意粉嘅質地好好，非常al dente😚

/Chitarra/
結他麵相對粗身少少，食落更加彈牙👍🏻 龍蝦汁味道濃郁，麵條完全掛曬d 汁🦞 入面仲有好多龍蝦肉同埋番茄仔🥰

甜品方面係個好多nuts 同埋乾果嘅pie，食落唔會好甜，但係唔係幾啱我嘅口味🙈

整體黎講，食物質素相當唔錯，佢嘅意粉真係有驚喜😍 環境都舒服，好鍾意佢地嘅餐具，好有歐陸風同埋海洋嘅感覺😆 唯一係佢booking 嘅時間有d 奇怪，友人係官網book 個陣明明寫2:30可以食到4:30，點知一入佢就係咁比佢催我落單話last order🧐 之後再睇佢opening hour 見到晏晝時段正係開12-3🧐真係好奇怪，好彩侍應嘅態度都幾好，成間餐廳已經冇曬人都繼續比我同友人快快手食埋d 嘢🥲🙈

(以上食记乃用户个人意见 , 并不代表OpenRice之观点。)

分享
推介

已推介
检举

张贴

评分

味道

环境

服务

卫生

抵食

用餐途径

堂食

推介美食

hanhannah33

等级3

82

0

============== 𝐹𝑜𝑜𝒹 𝐿𝒾𝓈𝓉·• Seppia (Raw Cuttle Fish w/ seasoning) $208·• Chitarra (Boston Lobster Pasta) $298·• Sea Bass Prosecco $268·• Cannoli Siciliani (Ricotta, chocolate, cinnamon, candied orange roll) $118💸 $981.2 (10% charges)-好有風味好出色嘅意大利菜🥳由interior到staff到野食都好authentic✨前菜嘅包有醃鯷魚醃住食一開始已經加哂分～-·• Seppia (Raw Cuttle Fish w/ seasoning) ✰✰✰✰非常有趣嘅一份前菜～係張生嘅墨魚整到一條條成碟意粉咁🦑 超！級！彈牙！有檸檬汁同橄欖油調配好清爽解甜上面仲撒滿淨仁碎豐富口感-·• Chitarra (Boston Lobster Pasta) ✰✰✰意粉相對冇咁特別但都唔錯個汁唔算好濃郁但就係唔濃令到個意粉好清爽食完唔會好油膩個汁仲有好重海鮮味🌊🐟

更多

============== 𝐹𝑜𝑜𝒹 𝐿𝒾𝓈𝓉
·• Seppia (Raw Cuttle Fish w/ seasoning) $208
·• Chitarra (Boston Lobster Pasta) $298
·• Sea Bass Prosecco $268
·• Cannoli Siciliani (Ricotta, chocolate, cinnamon, candied orange roll) $118
💸 $981.2 (10% charges)
-
好有風味好出色嘅意大利菜🥳
由interior到staff到野食都好authentic✨
前菜嘅包有醃鯷魚醃住食一開始已經加哂分～
-
·• Seppia (Raw Cuttle Fish w/ seasoning) ✰✰✰✰

非常有趣嘅一份前菜～係張生嘅墨魚整到一條條成碟意粉咁🦑 超！級！彈牙！有檸檬汁同橄欖油調配好清爽解甜上面仲撒滿淨仁碎豐富口感
-
·• Chitarra (Boston Lobster Pasta) ✰✰✰

意粉相對冇咁特別但都唔錯
個汁唔算好濃郁但就係唔濃令到個意粉好清爽食完唔會好油膩個汁仲有好重海鮮味🌊🐟
龍蝦都足本同彈牙解甜手工意粉好爽口
-
·• Sea Bass Prosecco ✰✰✰✰

Sea Bass Prosecco

餐廳入面最抵食嘅魚類菜式😝 （佢哋fresh catch of the day相對貴價）
個汁好白濃好入味特登用啲clam整高咗條魚等佢嘅脆皮唔會浸淋咗
魚皮好香脆肉身唔會鬆散👍🏾
-
·• Cannoli Siciliani (Ricotta, chocolate, cinnamon, candied orange roll) ✰✰✰✰✰

Cannoli Siciliani

最有驚喜！甜品嚟講佢值5星🙌🏽
外皮鬆脆朱古力唔會太甜加上淡淡肉桂同香橙香橙同朱古力真係好夾！

(以上食记乃用户个人意见 , 并不代表OpenRice之观点。)

分享
推介

已推介
检举

张贴

评分

味道

环境

服务

卫生

抵食

用餐日期

2021-12-03

用餐途径

堂食

人均消费

$500 (晚餐)

推介美食

山區麵包王

等级8

2.8K

236

歐洲菜中，小弟食得較多嘅喺意大利菜，一來意大利菜較為港人熟悉，香港真喺有好多意大利餐廳，二來意大利菜本身又好有個性、好有特色，三來就喺對比起法國菜、西班牙菜，意大利菜嘅價錢一向都俾人覺得親民啲。而一講到意菜，不期然就諗到薄餅、意大利麵，不過，今晚同老友嚟到「Osteria Marzia」，就品嚐不一樣嘅意大利菜，享受不一樣嘅嶄新新體驗。先講講環境，裝潢非常典雅，近門口喺一地深藍襯白嘅格仔地磚，再入啲喺長條木地板，而全店都以木系裝修為主，配以柔和嘅燈光，氣氛非常好；加上樓底高，空間感足，皮梳化椅亦讓人坐得舒服，整體感覺一流。講到燈效，每張枱上方都有條拱形木柱掛上小波燈，非常別緻，而另一吸晴嘅燈飾，就喺大大個「月亮」高高掛。環境好，都要有好招呼，整晚嘅用餐嘅感覺非常之好，上菜速度、換碟、添水、收拾……基本上都無咩挑剔位！除咗環境靚，餐碟亦如藝術品般，成晚無論用餐嘅餐碟，抑或載食物嘅餐碟，色彩、圖案都甚富地中海風情，正正附合番餐廳嘅路線。咩路線？其實，一入門口就見到一個開放式嘅大冰櫃，擺放咗多條魚獲，就有少少提示佢哋主打時令海鮮，旁邊嘅黑板就寫上當日時令魚獲有啲咩魚，以及價錢。事後經理嚟

更多

歐洲菜中，小弟食得較多嘅喺意大利菜，一來意大利菜較為港人熟悉，香港真喺有好多意大利餐廳，二來意大利菜本身又好有個性、好有特色，三來就喺對比起法國菜、西班牙菜，意大利菜嘅價錢一向都俾人覺得親民啲。而一講到意菜，不期然就諗到薄餅、意大利麵，不過，今晚同老友嚟到「Osteria Marzia」，就品嚐不一樣嘅意大利菜，享受不一樣嘅嶄新新體驗

先講講環境，裝潢非常典雅，近門口喺一地深藍襯白嘅格仔地磚，再入啲喺長條木地板，而全店都以木系裝修為主，配以柔和嘅燈光，氣氛非常好；加上樓底高，空間感足，皮梳化椅亦讓人坐得舒服，整體感覺一流

講到燈效，每張枱上方都有條拱形木柱掛上小波燈，非常別緻，而另一吸晴嘅燈飾，就喺大大個「月亮」高高掛。環境好，都要有好招呼，整晚嘅用餐嘅感覺非常之好，上菜速度、換碟、添水、收拾……基本上都無咩挑剔位

除咗環境靚，餐碟亦如藝術品般，成晚無論用餐嘅餐碟，抑或載食物嘅餐碟，色彩、圖案都甚富地中海風情，正正附合番餐廳嘅路線。

咩路線？其實，一入門口就見到一個開放式嘅大冰櫃，擺放咗多條魚獲，就有少少提示佢哋主打時令海鮮，旁邊嘅黑板就寫上當日時令魚獲有啲咩魚，以及價錢。事後經理嚟到介紹餐牌時，才知魚獲都喺專人即日捕釣返嚟

，非常新鮮。

再睇埋餐牌，及經理嘅詳細講解，「Osteria Marzia」所走嘅路線就喺賣意大利沿海地區嘅美食，選用時令嘅意大利食材及新鮮嘅海鮮入饌，有生或熟嘅前菜、沙律、熱盤、熱鍋菜式、不同煮法嘅烤魚菜式；經理更特別點出，意大利麵亦喺自家製作嘅新鮮貨色，絕對跟一包包意大利麵煮出嚟嘅感覺好唔同。

White Wine (Regaleali Bianco) $98

以白酒嚟襯海鮮就喺最好嘅配搭，雖然小弟本身唔好酒，但淺酌一下都無問題，而經理就專登介紹咗一款甚易入口嘅白酒俾我哋，色澤晶瑩，果然喺易入口，口感好清爽，而且，酒精度亦唔算高，配次後幾道鮮魚菜式，真喺襯晒。

White Wine (Regaleali Bianco)

White Wine (Regaleali Bianco)

Bread & Butter

先登場喺自家烘焙嘅酸種麵包，以及伴有鯷魚及鮮牛油，麵包以扒爐燒過，一條條坑紋表示出製作嘅誠意，令到入口有少少煙燻香，而麵包嘅質感好有韌性，單喺塗上鮮滑嘅牛油已好好食，更襯托出其麥香；唔怕鹹少少嘅，可以伴少少鯷魚，包你覺得好有「海洋」氣息，哈哈！

Amuse Bouche

通常食法國菜先有「Amuse Bouche」，我譯佢為開胃小品，佢又唔算頭盤嚟，就好似上酒樓食中菜時，一坐低就擺低幾小碟酸菜、花生咁，等客人過過口癮。而餐廳提供嘅開胃小品喺水牛芝士配蕃茄，再加少少青醬。啲蕃茄好鮮甜，而水牛芝士好綿滑，食過水牛芝士都知佢喺味淡，小弟就一於將佢哋嚟配麵包食，都好正。

Hamachi $248

前菜來一客鰤魚，之前食「廚師發辦」算喺遇過一次鰤魚，其實，鰤魚就等同油甘魚變成咗大人，咪以為大條咗就會肉質嚡，實際佢算喺頂級食材，而且，好講時令。大廚以橄欖油拌勻，加入少少羅勒調味，伴以沙律菜及車厘茄，泛紅嘅魚身食落口感鮮滑細膩，油脂豐腴，羅勒嘅香氣更能突出魚鮮味。

Sgombro $258

再來的一客鯖魚，喺一客半生熟嘅菜式，賣相做得好精緻，將鯖魚煎至半生熟，外皮焦香，再伴以意大利鄉村芝士（Buffalo Ricotta）、洋蔥及無花果。魚肉鮮嫩富油香，夾雜着芝士嘅鹹香、無花果嘅清甜，味道多變而有層次。

Chitarra $318

既然經理都提特別提到，又點可以錯過店家嘅意大利麵。「Chitarra」，晌網上查過，有譯佢為「手工吉他麵」，因為源於晌製麵過程中，通過一種類似吉他琴弦嘅器具嚟切割，姑勿論名稱喺點，形狀就有啲似烏冬版嘅意大利粉，比較粗身，所以，非常煙韌有咬口，好有口感；加上伴以波士頓龍蝦肉，仲要非常之多，每一炷麵又掛滿汁，真喺極之好食。

Red Snapper $578

經理推介咗紅鯛魚，靚啲又平啲，上文都有講過有幾種唔同嘅整法，如簡單嘅燒烤、西西里式、鹽焗，而我哋選咗一種可以譯為意式嘅水煮（acqua pazza），當然唔會見到花椒、辣油之類，而喺用上車厘茄、蒜蓉、羅勒，再加上新鮮嘅大蜆去烹煮條紅鯛魚，所以，整道菜都充分海洋氣息。

經理俾我哋影完相之後，仲會晌旁邊嘅餐車之上，起肉拆骨，再上枱，等我哋食得更方便。而魚肉紮實得嚟保持嫩滑，而且，極有魚味，車厘茄吊起一份清新感，大蜆入口又極為鮮甜，用料絕對有質素

。當然，底下嘅湯汁亦可以飲埋去，喺非常鮮！

Gelato

呢度好多嘢都自家製，就連雪糕都喺，經理就請咗我哋試試佢哋自家製嘅牛奶意式雪糕，跟想像中一球球唔同，差啲以為喺乳酪。啲雪糕好軟滑，牛奶味勁濃郁，而且，灑咗啲開心果仁碎，更增添風味。

Brutti ma Buoni

除咗個意式雪糕，仲送咗幾粒意式曲奇俾我哋試試，佢話個意大利名稱解作為「ugly but good」，可以譯為意式焗杏仁蛋白餅，的確，其貌真喺不揚，但又幾好食，口感煙煙韌韌咁，帶有好濃嘅杏仁香味，襯咖啡應該一流。

Brutti ma Buoni

今晚，多道都喺魚鮮嘅菜式，各有不同做法，可以講喺精彩美妙嘅一餐，跟以往食嘅意大利菜真喺好唔同。不得不讚店員嘅態度好好，好有禮，對食材、煮法都好熟悉，讓小弟亦長了不少知識

。

(以上食记乃用户个人意见 , 并不代表OpenRice之观点。)

分享
推介

已推介
检举

张贴

评分

味道

环境

服务

卫生

抵食

用餐途径

堂食

人均消费

$880 (晚餐)

推介美食

60sfoodie

等级3

34

0

Blacksheep旗下嘅餐廳其實我都好鐘意，覺得食物質素唔錯之餘服務都好好👍👍餐廳幾有feel, 用郵輪嚟做主題🛳️⚓，暗暗地但因為樓底高所以唔會好有壓迫感。✨✨店員由你一踏入店面一刻已經好熱情🤵🏻💥Frutti De Mare $188 ⭐(Market seafood, tomato, basil, grilled bread)想講個麵包真係一上枱就咁，唔知做乜打哂風🤣但全部海鮮都超級新鮮超鮮甜👍有蜆、青口、魷魚圈同埋八爪魚仔🦑。特別要一讚個青口，食落口好creamy好滑溜😋羅勒葉同蒜味都勁香勁出，用麵包點埋啲汁嚟食真係一絕😍評價: 9/10😍💥Chitarra $298(Boston Lobster Pasta)Pasta好有咬口。個汁咁啱同下面starter個汁有少少似🤣都係好香嘅蕃茄同羅勒葉味。但個人覺得龍蝦粒🦞大舊啲口感會好啲🤔另外覺得個汁有啲太稀🤤好似好多水咁。評價: 8/10😋💥Lombata $388(Beef sirloin, anchovy butter, shallot)西冷我哋叫三成熟，但嚟到好似熟咗少少。面頭嘅炸乾蔥就幾香口🤤但呢道菜無乜特別，下次都係嗌返海

更多

Blacksheep旗下嘅餐廳其實我都好鐘意，覺得食物質素唔錯之餘服務都好好👍👍餐廳幾有feel, 用郵輪嚟做主題🛳️⚓，暗暗地但因為樓底高所以唔會好有壓迫感。✨✨店員由你一踏入店面一刻已經好熱情🤵🏻

💥Frutti De Mare $188 ⭐
(Market seafood, tomato, basil, grilled bread)
想講個麵包真係一上枱就咁，唔知做乜打哂風🤣但全部海鮮都超級新鮮超鮮甜👍有蜆、青口、魷魚圈同埋八爪魚仔🦑。特別要一讚個青口，食落口好creamy好滑溜😋羅勒葉同蒜味都勁香勁出，用麵包點埋啲汁嚟食真係一絕😍
評價: 9/10😍

💥Chitarra $298
(Boston Lobster Pasta)
Pasta好有咬口。個汁咁啱同下面starter個汁有少少似🤣都係好香嘅蕃茄同羅勒葉味。但個人覺得龍蝦粒🦞大舊啲口感會好啲🤔另外覺得個汁有啲太稀🤤好似好多水咁。
評價: 8/10😋

💥Lombata $388
(Beef sirloin, anchovy butter, shallot)
西冷我哋叫三成熟，但嚟到好似熟咗少少。面頭嘅炸乾蔥就幾香口🤤但呢道菜無乜特別，下次都係嗌返海鮮🦐。
評價: 7/10 😚

💥Rum Baba
呢個唔記得咗幾錢😱因為係問店員邊個甜品有意大利特色啲再叫佢幫我哋order的😛Rum baba落咗意大利酒Limoncello落去整，所以都幾香。但上面嘅糖漬橙皮略嫌過甜。
評價: 6/10 🙂（唔係佢唔好食，純粹我麻麻地類似Granny cake口感嘅蛋糕🤭。）

用膳期間店員不停走嚟問我哋食物好唔好食，同我哋傾計講故事。食緊甜品嗰陣仲好主動送咗客Gelato同埋餐後酒Limoncello俾我哋試下🤣走嗰陣仲送埋我哋到門口，再送枝花俾我哋。成個感覺真係好溫馨覺得佢哋全部人都好friendly💕🥰
.
美味度👅: 8/10
性價比💕: 8.5/10
環境🏠: 8/10
服務🤵🏻: 10/10
人均消費: 約$600-$700

(以上食记乃用户个人意见 , 并不代表OpenRice之观点。)

分享
推介

已推介
检举

张贴

评分

味道

环境

服务

卫生

抵食

用餐途径

堂食

推介美食