影片
更多
2021-09-10
3315 浏览
欧洲菜中，小弟食得较多嘅喺意大利菜，一来意大利菜较为港人熟悉，香港真喺有好多意大利餐厅，二来意大利菜本身又好有个性、好有特色，三来就喺对比起法国菜、西班牙菜，意大利菜嘅价钱一向都俾人觉得亲民啲。而一讲到意菜，不期然就谂到薄饼、意大利面，不过，今晚同老友嚟到「Osteria Marzia」，就品尝不一样嘅意大利菜，享受不一样嘅崭新新体验。 先讲讲环境，装潢非常典雅，近门口喺一地深蓝衬白嘅格仔地砖，再入啲喺长条木地板，而全店都以木系装修为主，配以柔和嘅灯光，气氛非常好；加上楼底高，空间感足，皮梳化椅亦让人坐得舒服，整体感觉一流。 讲到灯效，每张枱上方都有条拱形木柱挂上小波灯，非常别致，而另一吸晴嘅灯饰，就喺大大个「月亮」高高挂。环境好，都要有好招呼，整晚嘅用餐嘅感觉非常之好，上菜速度、换碟、添水、收拾……基本上都无咩挑剔位！除咗环境靓，餐碟亦如艺术品般，成晚无论用餐嘅餐碟，抑或载食物嘅餐碟，色彩、图案都甚富地中海风情，正正附合番餐厅嘅路线。咩路线？其实，一入门口就见到一个开放式嘅大冰柜，摆放咗多条鱼获，就有少少提示佢哋主打时令海鲜，旁边嘅黑板就写上当日时令鱼获有啲咩鱼，以及价钱。事后经理嚟
先讲讲环境，装潢非常典雅，近门口喺一地深蓝衬白嘅格仔地砖，再入啲喺长条木地板，而全店都以木系装修为主，配以柔和嘅灯光，气氛非常好；加上楼底高，空间感足，皮梳化椅亦让人坐得舒服，整体感觉一流。
讲到灯效，每张枱上方都有条拱形木柱挂上小波灯，非常别致，而另一吸晴嘅灯饰，就喺大大个「月亮」高高挂。环境好，都要有好招呼，整晚嘅用餐嘅感觉非常之好，上菜速度、换碟、添水、收拾……基本上都无咩挑剔位！
除咗环境靓，餐碟亦如艺术品般，成晚无论用餐嘅餐碟，抑或载食物嘅餐碟，色彩、图案都甚富地中海风情，正正附合番餐厅嘅路线。
咩路线？其实，一入门口就见到一个开放式嘅大冰柜，摆放咗多条鱼获，就有少少提示佢哋主打时令海鲜，旁边嘅黑板就写上当日时令鱼获有啲咩鱼，以及价钱。事后经理嚟到介绍餐牌时，才知鱼获都喺专人即日捕钓返嚟，非常新鲜。
再睇埋餐牌，及经理嘅详细讲解，「Osteria Marzia」所走嘅路线就喺卖意大利沿海地区嘅美食，选用时令嘅意大利食材及新鲜嘅海鲜入馔，有生或熟嘅前菜、沙律、热盘、热锅菜式、不同煮法嘅烤鱼菜式；经理更特别点出，意大利面亦喺自家制作嘅新鲜货色，绝对跟一包包意大利面煮出嚟嘅感觉好唔同。
White Wine (Regaleali Bianco) $98以白酒嚟衬海鲜就喺最好嘅配搭，虽然小弟本身唔好酒，但浅酌一下都无问题，而经理就专登介绍咗一款甚易入口嘅白酒俾我哋，色泽晶莹，果然喺易入口，口感好清爽，而且，酒精度亦唔算高，配次后几道鲜鱼菜式，真喺衬晒。
Bread & Butter 先登场喺自家烘焙嘅酸种面包，以及伴有鳀鱼及鲜牛油，面包以扒炉烧过，一条条坑纹表示出制作嘅诚意，令到入口有少少烟熏香，而面包嘅质感好有韧性，单喺涂上鲜滑嘅牛油已好好食，更衬托出其麦香；唔怕咸少少嘅，可以伴少少鳀鱼，包你觉得好有「海洋」气息，哈哈！
Amuse Bouche通常食法国菜先有「Amuse Bouche」，我译佢为开胃小品，佢又唔算头盘嚟，就好似上酒楼食中菜时，一坐低就摆低几小碟酸菜、花生咁，等客人过过口瘾。而餐厅提供嘅开胃小品喺水牛芝士配蕃茄，再加少少青酱。啲蕃茄好鲜甜，而水牛芝士好绵滑，食过水牛芝士都知佢喺味淡，小弟就一于将佢哋嚟配面包食，都好正。
Hamachi $248 前菜来一客𫚕鱼，之前食「厨师发办」算喺遇过一次𫚕鱼，其实，𫚕鱼就等同油甘鱼变成咗大人，咪以为大条咗就会肉质嚡，实际佢算喺顶级食材，而且，好讲时令。大厨以橄榄油拌匀，加入少少罗勒调味，伴以沙律菜及车厘茄，泛红嘅鱼身食落口感鲜滑细腻，油脂丰腴，罗勒嘅香气更能突出鱼鲜味。
Hamachi
$248
100 浏览
1 赞好
0 留言
Sgombro $258再来的一客鲭鱼，喺一客半生熟嘅菜式，卖相做得好精致，将鲭鱼煎至半生熟，外皮焦香，再伴以意大利乡村芝士（Buffalo Ricotta）、洋葱及无花果。鱼肉鲜嫩富油香，夹杂着芝士嘅咸香、无花果嘅清甜，味道多变而有层次。
Sgombro
$258
53 浏览
0 赞好
0 留言
Chitarra $318既然经理都提特别提到，又点可以错过店家嘅意大利面。「Chitarra」，晌网上查过，有译佢为「手工吉他面」，因为源于晌制面过程中，通过一种类似吉他琴弦嘅器具嚟切割，姑勿论名称喺点，形状就有啲似乌冬版嘅意大利粉，比较粗身，所以，非常烟韧有咬口，好有口感；加上伴以波士顿龙虾肉，仲要非常之多，每一炷面又挂满汁，真喺极之好食。
Chitarra
$318
87 浏览
0 赞好
0 留言
Red Snapper $578 经理推介咗红鲷鱼，靓啲又平啲，上文都有讲过有几种唔同嘅整法，如简单嘅烧烤、西西里式、盐焗，而我哋选咗一种可以译为意式嘅水煮（acqua pazza），当然唔会见到花椒、辣油之类，而喺用上车厘茄、蒜蓉、罗勒，再加上新鲜嘅大蚬去烹煮条红鲷鱼，所以，整道菜都充分海洋气息。
Red Snapper
$578
64 浏览
1 赞好
0 留言
经理俾我哋影完相之后，仲会晌旁边嘅餐车之上，起肉拆骨，再上枱，等我哋食得更方便。而鱼肉扎实得嚟保持嫩滑，而且，极有鱼味，车厘茄吊起一份清新感，大蚬入口又极为鲜甜，用料绝对有质素。当然，底下嘅汤汁亦可以饮埋去，喺非常鲜！
Gelato呢度好多嘢都自家制，就连雪糕都喺，经理就请咗我哋试试佢哋自家制嘅牛奶意式雪糕，跟想像中一球球唔同，差啲以为喺乳酪。啲雪糕好软滑，牛奶味劲浓郁，而且，洒咗啲开心果仁碎，更增添风味。
Fresh Gelato
112 浏览
0 赞好
0 留言
除咗个意式雪糕，仲送咗几粒意式曲奇俾我哋试试，佢话个意大利名称解作为「ugly but good」，可以译为意式焗杏仁蛋白饼，的确，其貌真喺不扬，但又几好食，口感烟烟韧韧咁，带有好浓嘅杏仁香味，衬咖啡应该一流。
Brutti ma Buoni
49 浏览
0 赞好
0 留言
张贴
