公子茶座 (已結業)

之前已經嚟過呢間新派茶記食午餐 對佢嘅招牌生煎肉餅念念不忘😛 所以呢日又同同事再嚟過😎招牌生煎肉餅飯呢個生煎肉餅好厚好大件 味道仲唔錯添㗎 個肉餅食落口好嫩滑🐷 煎得好香 仲唔會太肥膩 面頭仲有店舖自家製嘅XO醬添😉滑蛋叉燒蝦仁飯呢度嘅滑蛋好出色啊 半生熟咁樣好易入口😌 加埋有啲豉油喺底 送飯真係一流 最特別喺呢度嘅滑蛋飯最多可以配兩樣餸 我哋揀咗叉燒同埋蝦仁🦐 就咁望已經見到佢好足料啦 蝦仁大大隻 叉燒又夠軟腍香脆奶油豬呢個脆脆奶油豬上面有好多煉奶 真係我嘅至愛🍞 真係同佢個名一樣咁脆啊Cold Brew除咗肉餅飯令人回味之外 呢度嘅冷萃咖啡都係令我想再嚟嘅原因之一☕️ 可以用一個咁優惠嘅價錢買到冷萃咖啡真係好正😎 咖啡味香 而且唔會太重酸味凍絲襪奶茶炎炎夏日真係要飲返杯凍奶茶🧋呢度嘅凍飲只係加$3 但係大大杯 夏天真係好需要飲返杯凍飲涼吓😚午市時段如果嚟遲一步就要等位㗎啦🫢 同事食完都大讚呢度嘅食物好食 話要等位都值得呀😺

黎左得寶商場探朋友，我地去左商場附近間「公子茶座」，其實我曾經到訪過，果陣食既係dinner，今次就睇下佢lunch係咪一樣大份夾抵食先！ ⦁招牌生煎肉餅飯 $60眼見餐廳每台都必有一份，朋友仔見到就嗌黎try try。肉質偏嫩，口感多汁唔柴，味道調配得剛好。有種番左屋企🏠既感覺。 ⦁薑絲豬膶湯通粉 配 炒蛋多士 $52印象中食親豬膶粉麵基本上都係得深水埗果間，今次終於俾我食到，味道媲美果間的餐廳小店！😍薑絲味濃但唔辣，豬膶大片兼爽口，唔會太乾，每啖都好juicy。 ⦁紅酒燴肉丸（跟餐）$18雖然跟餐得兩粒，但每粒都大大粒，肉質比肉餅嫩滑多汁得多，醬汁酒味🍷唔濃偏向酸甜，非常開胃。 ⦁Cold Brew（跟餐）$9⦁阿華田酷脆火山（跟餐）$10個人比較喜歡Cold Brew☕️，飲落順滑，唔會太過苦澀，果酸味亦唔會好重。而阿華田的脆脆好多，亦唔會太甜，味道岩晒我朋友！

🇭🇰公子茶座 九龍灣懷舊茶座💈餐廳位於九龍灣德寶個邊 位置非常易搵🤓裝修企理 行懷舊路線 仲有唔少得意玩具同擺設🕰感覺舒服 寬敞舒適 食物質素不錯👍🏻仲有cold brew 飲 非常值得黎試試😋🍳滑蛋叉燒蝦仁飯(💰$58連餐飲)一上枱先睇到有幾足料幾鐘意佢地有叉燒蝦仁既組合咁就可以唔洗揀 兩隻都食哂😜叉燒同蝦仁都大大件 份量比足叉燒夠腍肥瘦適中 蝦仁飽滿爽身蔥花豉油香口 整個都唔錯🥢公子常餐(💰$48連餐飲)👍🏻推薦同平時既茶記唔同 公子常餐指定薑絲豬潤通粉豬潤大大片偏厚切 食落爽脆 唔過熟鞋口 湯底真係帶薑味 飲落清甜唔腥 配通粉吸哂湯一流😍😍另外跟既炒蛋做到滑身 多士烤得脆身🍞一口花生醬西多士配煉奶(💰$35連餐飲)一口西多士既好處就係唔洗哂時間切包邊既脆邊相對會再多啲 每一粒都可以食到脆邊夾心花生醬比足 配煉奶邢惡又好食幾欣賞佢地西多士唔會炸太耐😋keep 到麵包仲好企身鬆軟 而且份量好多 建議share🫘椰汁紅豆冰(跟餐💰+$10)👍🏻推薦除左主食佢地既特飲都做得不錯佢地既紅豆冰 椰汁底係用左椰汁雪花刨冰去整🧊唔僧愈飲愈淡 紅豆份量都唔少而且成杯飲品唔會係糖水個隻死甜 不錯😆-

喺呢條唔起眼嘅小巷入面 搵到一間懷舊茶餐廳🥰 餐廳環境都幾寬敞 裝修上都有唔少舊冰廳嘅感覺 好似返咗舊香港咁招牌生煎肉餅飯呢個係餐廳嘅招牌菜 煎到金黃色嘅肉餅上面淋咗香蔥豉油🐷 塊肉餅仲大塊過我塊面 食落口又唔會太油膩 肉質腍身 係令我食唔停口嘅肉餅嚟㗎😋 而且味道唔會過鹹自家XO醬豬扒煎蛋飯呢間餐廳嘅XO醬話明係自家製 梗係要試吓有咩特別啦🫢 食得出XO醬嘅香味係同出面嘅唔同 食落去唔會太辣 同埋炒得好香 更加惹味😉 豬扒有輕輕炸過先上碟 豬肉唔會太過實淨 但係依然好有咬口 係我最鍾意嘅連骨豬扒嚟㗎 近骨嘅肉本身就比較好食🙊 再加上太陽蛋嘅蛋汁好好送飯😊脆脆奶油豬估唔到呢個奶油豬都幾大件 奶油豬夠熱夠脆😍 係經典嘅茶餐廳味道Cold brew茶餐廳有得飲冷萃咖啡 真係要推介下☕️ 飲到咖啡嘅香味之餘 又冇咗咖啡嘅苦澀味 對於唔係飲開咖啡嘅朋友 都會覺得好易入口😄 阿華田火山凍阿華田上面加咗阿華田脆脆 令到成杯飲品更加有層次🥤 炎炎夏日真係好需要飲返杯凍飲呢間算係平實嘅茶餐廳 價錢又夠貼地😎 下次如果經過會再幫襯 個人真係好鍾意佢杯cold brew😝

九龍灣係其中一個成日蒲嘅地方，呢度開咩新餐廳都唔會錯過，之前係IG見到有間茶室竟然有cold brew，今日即刻去咗呢間得寶樓下嘅公子茶室食午餐！裝修主要走懷舊路線，無論座位、牆上面嘅風扇、燈飾都係以前茶室style，枱同枱之間嘅位置超多，好寬敞舒適！招牌生煎肉餅飯（$58）舖頭招牌之一，肉餅煎到外面焦香，淋上秘製香蔥豉油，有香甜豉油撈飯，旁邊仲有靚菜心，感覺比較平衡同健康！自家XO醬豬扒煎蛋飯（$58）大塊厚身嘅豬扒配上自家製XO醬同太陽蛋，XO醬油份十足，香辣又惹味！香脆奶油豬（跟餐加$16）茶餐廳必備小食，烤到超香脆又鬆軟，加上牛油同煉奶，味道香甜，如果叫是日午餐加$16就有得食，幾抵！Cold Brew（跟餐加$7）用上精緻六角形玻璃杯裝嘅cold brew果然唔錯，香濃，有heart！椰汁紅豆𣲙（跟餐加$10）普通紅豆冰係配淡奶，呢度就用咗椰汁雪花刨冰，淡淡嘅椰汁配甜滑紅豆！見到呢度嘅早餐同下午茶都幾特別同抵食，下次要再約朋友食！