Diletto (已結業)

平日收工約食飯最重要就係地方就腳，但係就往往因為咁要選擇一啲交通方便嘅地方，多少有啲嘈雜，但係今次嚟呢度就喺地鐵站出口1分鐘嘅距離，上到去覺得去咗另一個好寧靜嘅世界，咁終於可以喺收工之後輕輕鬆鬆享受一下啦。一個好似皇冠咁嘅器皿擺上餐包，望落去都覺得好靚，餐包外脆內軟，而且仲暖暖地，側邊擺咗黑醋同埋橄欖油可以自己調好味道。 器皿都好精緻。睇完食家們嘅推介選左crab cake先來一個好有特色嘅前菜，入面真係全蟹肉，一切開已經聞到好香嘅味道，而且肉質仲好嫩，外面果皮炸得好鬆脆，配合埋蘆筍非常之鮮味。可能要配合返同海鮮相關嘅主題我覺得個擺設造型都好似一條魚咁好可愛。真材實料，切開睇入邊並唔係厚厚嘅炸粉，係一絲絲蟹肉。第二個嚟到嘅就係帶子意大利飯，每一粒飯都比外面嘅濃湯所包圍着，中間仲有一個炸嘅芝士脆脆，配合埋比較清新嘅帶子非常之適合。帶子煮得剛剛好熟，肉質仲係好滑，而且仲好厚身。Trio Cannelloni 集豐富嘅食材於一身，龍蝦、鴨、菌等等，一切開已經好香，上面仲有香濃嘅cream sauce,份量唔細，食完前面嘅菜再食2件，已經開始飽以往對fine dining 印象都係食唔飽，但

環境像綠油油的花園，都佈滿了人工草及人工花，配以柔黃的微暗燈光，充份營造廣闊的空間感，好感到非常舒服開揚 環境亦相當清靜至於食物方面 Carbonate Spaghetti意粉煙靭彈牙，流心蛋黃，將蛋汁同卡邦尼醬汁撈勻，軟滑加creamy 再加上煙肉同蜆肉，記得重有塊 Crispy Parmesan Cheese，香脆美味Deep fries crab cake外層炸得 夠酥脆，蟹肉鮮甜 切開啖啖蟹肉 香噴噴大滿足帶子黑松露Rissotto - 全晚最好味的菜色！帶子彈牙，黑松露味濃，配rissotto一流絕配，真的很好味！Mirgarita pizza Pizza皮薄香脆，焗得啱啱好，上面嘅配上三種不同芝士 食得出唔同既芝士味道 加上番茄醬 入口爆汁，熱辣辣的香軟薄餅，和新鮮的醬汁，味道有層次Diletto 以花為主題而且配合其昏暗柔和的燈光，氛圍浪漫，確實是撐枱腳的好地方

日復一日，人罷工你返工，到咗收工都唔知自己咁生活為乜？都係畀個短暫啲嘅目標畀自己，等自己可以捱到收檔其實每個月搵個斗零咁多，都係為咗食啫，間唔時食好啲，安慰吓自己囉又係大胃好鐘意嘅new bread呀，暖笠笠，好好食胃民見到呢個容器都表示好新奇未試過食蟹餅，入面真係可以啖啖堅·蟹肉，認真不得了有蜆嘅卡邦尼意粉，坊間好少見，唔通正宗嘅卡邦尼係有蜆嘅？爆蛋漿就是魅力四射嘅時刻豬扒好厚，又唔會嚡，仲有唔同嘅醬汁點𠻹Last order忍唔住嗌個甜品睇落伏，食落原來是幸福咁嘅生活，一晚已很滿足，聽日又要落返地做牛

今日同朋友嚟咗尖沙咀一間西餐廳，喺尖東附近，余仁生中心格黎，有條樓梯直上餐廳，一入到黎，覺得環境好優雅，裝修高貴大方，氣氛好舒服。😍😍點左餐之後，職員就送咗四份餐包，外脆內軟，點埋橄欖油同埋黑醋，更加好食，估唔到餐包都做得咁仔細。👍🏻👍🏻蟹餅crab cake $138，材料非常豐富，有勁多蟹肉，每一啖食落去都口感十足，一定要叫黎食啊。😘😘😘prawn tagliolini $318 呢個菠菜麵係職員特登推介我哋食，真係幾特別，平時出邊餐廳好少食到健康嘅菠菜麵，口感唔錯煙煙銀銀，隻蝦都好大隻，肉質鮮嫩！😋😋seafood pizza $278，份量好足夠， 每人都食到兩塊，材料豐富，有青口、大蝦、魷魚，咬落去仲食到有拉絲芝士，夠哂驚喜，呢個Pizza值回票價🤣🤣總括而言，呢度環境舒適，食物質素高，適合情侶來慶祝，或者朋友嚟聚會！🤪

同老公相識12年，結咗婚6年，女兒4歲，兒子2歲。我係全職媽媽，真係好少會話放低兩個小朋友，同老公出去撐枱腳，但今年老公竟然有咁嘅提議，就係搵間餐廳，同我兩個人食飯，慶祝生日。先講下呢到嘅環境，好清靜，裝修好靚！配埋咁特別嘅燈，真係令人好想慢慢咁享受呢一餐晚餐。另一邊嘅環境都好清靜，好多花嘅主題。一坐低，店員除咗放低餐牌，跟住就拎咗呢個咁靚嘅雀籠嚟，原來係麵包嚟嘅！我知道好多西餐廳嘅做法都會係咁嘅！又講吓先，其實佢有一面有一幅花牆，都真係好吸睛吓㗎！呢個蟹餅，我就好鐘意食，佢入面有好多蟹肉，唔似出面食嗰啲咁，粉多肉少，呢到好足料㗎！我竟然連平時唔食嘅配菜，都可以清埋，證明係幾好食。我平時就鐘意 Creamy 啲嘅感覺，所以今次我揀咗蘑菇湯，配埋 New Bread 一齊食，真係好正！同埋我好鐘意佢夠 Creamy & 好重蘑菇味。而老公就揀咗龍蝦湯，佢比較喜歡濃味啲嘅湯，基本上，每次都會揀龍蝦湯，佢話想試下唔同餐廳嘅龍蝦湯咁話喎！我覺得濃味，佢就覺得剛剛好，佢話呢個先係龍蝦湯嘅象徵。龍蝦意大利飯，我覺得個樣好靚！靚到唔捨得食。龍蝦肉好入味，大廚會預先將龍蝦調味，基本上龍蝦就咁食已經好好