Wooloomooloo Steakhouse

营业中

休息中

仲未恢復晚市堂食真係少咗好多選擇🤥去steakhouse都預咗晏就一定會少好多嘢食揀同埋質素無咁好，不過呢到食完感覺都唔錯⋆⸜ ⚘ ⸝⋆一入到去餐廳空間感好大，坐邊個位置都睇到海景，果日我地就好好彩有得坐窗邊位💗呢到lunch set成日轉，當然仲可以叫set以外嘅，但價錢會貴少少。上菜前當然有餐包啦，去親西餐廳我都好期待佢地嘅餐包😂每間口感、味道都唔同，不過呢間有啲失望，口感偏硬而且唔重麥香，搽咗鹹牛油都好普通～<Appetiser>▫️Bang Bang Chicken Salad平時我好憎食西餐啲沙律，成日都覺得有陣澀味同好大陣草青味，但呢到落咗甘荀同花生醬，加埋雞肉一齊食好清新易入口，有少少酸味仲好開胃👍不過雞肉分量得幾條有啲少😂▫️Crab Cake睇落細細份，但好足料食落好滿足！呢到蟹餅偏鹹味重，再配埋他他醬平衡咗個鹹味，側邊啲沙律菜仲有提子乾我好鍾意😋▫️Steak Tartare｜$215另外叫咗生牛肉(♥ω♥*)配埋佢個鯷魚醬餅乾好好食，不過隻醬好大陣酸味，唔係個個接受到。<Main Course>▫️Creamy Mushroom Pasta

老公成日話lee間扒房好食,帶我去緬懷澳洲旅行食過o既扒.環境唔駛講,寧靜有情調,D staff好nice,會同你介紹邊款扒啱你食,不過佢全英文囉!攪到好似好高級咁,應該要請D識講中文staff會親切D.Starter我地試左蟹餅食到粒粒蟹肉,香脆,唔會散開主菜: 草飼牛 + 穀飼牛 (medium rare) 草飼牛味濃,纖維感較重,易飽肚穀飼牛嫰滑,油份較重甜品: 雜莓拿破崙一般啦!扒質素高,店員態度好,性價比較低

為左慶祝拍拖週年紀念, 我男友專誠帶我黎呢間餐廳一試, 佢話頂樓係一個露天bar, 個view好正, 喺31樓….所以我相當期待~31樓下一層就係食飯既地方, 當晚我地就喺呢度用膳我地叫左 Crab cake – 從來未食過, 因為一向好少食西餐, 味道幾得意, 將蟹肉整碎加入多種材料, 幾特別~薯蓉 – 唔會太膩, 一般薯蓉係好重牛油同埋cream, 好快滯. 但呢個唔會, 反而薯仔味更特出, 好味道~Lobster bisque – 龍蝦味濃, 加上一粒粒既龍蝦肉, 好飲…點麵包一流~酥皮焗牛扒 – 傳統菜式, 味道不過不失, 牛肉太韌, 反而裡面既配菜更好食~煎海鱸魚 – 表面脆內裡滑, 入口juicy, 能夠將肉汁鎖住, 而且海鱸魚份量有一塊牛扒咁大, 啖啖肉好有滿足感~差d漏左稱讚佢既餐包, 睇個樣雖然唔多吸引, 但食落好軟熟, 只搽牛油已然好好食~ 結賬後當然要上去我最期待嘅露天bar啦, 我地將未飲完嘅紅酒拎上頂樓~ 嘩嘩嘩….真係靚到不得了, 高高嘅建築物加香港嘅景式就喺你眼前出現~喺度一邊傾計一邊飲酒, 仲有咁靚嘅view, 真係人生一大樂事~ 我地仲影左好多相留念t