DUO Patisserie (已搬遷) 新店位置

首先第一次食呢間店嘅蛋糕係源於同事生日，一食覺得驚為天人，咁足料咁甜嘅朱古力蛋糕仲要做個厚嘅脆脆底，個人相當討厭海綿蛋糕嘅口感同味道，難得食到海綿蛋糕只佔約30%，非常開心。而且每個蛋糕都做得相當細緻，同美x,東海x係兩個層次，而且亦唔貴$呢個係買比好友慶生嘅朱古力雲石蛋糕，朋友都大讚好味好足料，兩個人係食唔晒嘅，要有打包返屋企做宵夜嘅準備。之後另一位朋友生日再買呢個粉紅色嘅玫瑰紅莓蛋糕，三個人剛好食得晒，入面有乳酪味道酸酸甜甜好開胃，仲有淡淡玫瑰味。呢個就係同事生日嘅蛋糕，仲以繽紛樂做裝飾就知幾heavy,食蛋糕就係要足料，咁健康不如食麥皮啦係咪？呢個散水餅mini tart $23/pc,真係超好味，派剩啲同事係搶住清晒佢。買左三次每次服務好好，以wtsapp溝通又會教我點行入去搵舖頭，散水餅果次送貨又好準時有交帶。三次啲同事朋友都不約而同話好靚好好食，蛋糕$365/5寸其實差唔多啦，我寧願買貴啲食得晒，好過平啲大家唔願食嘅蛋糕🎂。