DUO Patisserie (已搬遷) 新店位置

首先第一次食呢间店嘅蛋糕系源于同事生日，一食觉得惊为天人，咁足料咁甜嘅朱古力蛋糕仲要做个厚嘅脆脆底，个人相当讨厌海绵蛋糕嘅口感同味道，难得食到海绵蛋糕只占约30%，非常开心。而且每个蛋糕都做得相当细致，同美x,东海x系两个层次，而且亦唔贵$呢个系买比好友庆生嘅朱古力云石蛋糕，朋友都大赞好味好足料，两个人系食唔晒嘅，要有打包返屋企做宵夜嘅准备。之后另一位朋友生日再买呢个粉红色嘅玫瑰红莓蛋糕，三个人刚好食得晒，入面有乳酪味道酸酸甜甜好开胃，仲有淡淡玫瑰味。呢个就系同事生日嘅蛋糕，仲以缤纷乐做装饰就知几heavy,食蛋糕就系要足料，咁健康不如食麦皮啦系咪？呢个散水饼mini tart $23/pc,真系超好味，派剩啲同事系抢住清晒佢。买左三次每次服务好好，以wtsapp沟通又会教我点行入去揾舖头，散水饼果次送货又好准时有交带。三次啲同事朋友都不约而同话好靓好好食，蛋糕$365/5寸其实差唔多啦，我宁愿买贵啲食得晒，好过平啲大家唔愿食嘅蛋糕🎂。