Espresso Alchemy

营业中

休息中

去開荃灣見倒Espresso Alchemy好多人幫趁，之前都食過尖咀分店，唔洗加一計落都唔貴，所以又黎幫趁。荃灣店同尖咀店店面其實差唔多大，不過荃灣店有落地大玻璃，感覺更加relax。蛋糕有三款味道。平時嘅Lunch Set Menu只係星期一至五有供應，佢另外有一個係周末同假期嘅All Day Menu，價錢其實差唔多，不過就冇左飲品優惠。Flat White($43/Large) - 第一次飲Flat White，飲落有啲似Latte，不過佢奶味冇咁重，所以咖啡味會香少少，口感亦滑啲。火雞胸番茄三文治配希臘乳酪醬($79) - 三文治超大份，入面除左火雞胸，蔬菜量仲比平時嘅三文治/漢堡多好多，菜款都有幾款，感覺好健康。三文治有輕烤過，火雞胸好嫩腍，口感同平時鴨胸差唔多，帶少少鹹味，加埋微酸嘅希臘乳酪醬，令整體唔會好乾咁。蟹肉味噌扁意粉($119) - 扁意粉唔會太厚，上面有好多蟹肉同雜菌，味噌醬creamy得黎冇忌廉咁膩。香蕉蛋糕($30) - 蛋糕好軟熟唔會太乾或者太甜，好香香蕉味，中間仲夾雜左少少香蕉肉，都幾好食。總結，野食唔錯份量都好足，唔洗加一感覺抵好多，不過因為都幾多人

之前試過尖沙咀分店，覺得啲嘢好食環境又靚😊今次嚟咗荃灣分店，見佢採用落地玻璃，配合簡單潔白嘅設計，可以舒舒服服享受食物😌😌😌🥗青醬雞肉忌廉長通粉 ($97)呢度嘅雞肉係我最掛住嘅菜式😋今次試吓通粉，大大碟，雞肉分量都唔少😍雞肉仍然可以嫩滑唔乾😋😋長通粉夠煙靭又掛汁👍🏻🍗火雞胸芝士意大利三文治配黑加侖子果醬 ($69)呢個真係好好食😋😋麵包烘得香脆，半融嘅芝士滋潤咗火雞胸👍🏻本身都掙扎過配果醬會唔會好怪🤔點知意想不到係咁夾，鹹鹹甜甜都幾開胃😆😆😆😆🍫生酮朱古力布朗尼忌廉卷 ($58)對生酮飲食唔太認識嘅我，冇諗過原來係有生酮蛋糕🙈用咗杏仁粉代替麵粉，蛋糕比平時嘅乾身同鬆散，不過配合幼滑嘅忌廉同加咗大量黑朱古力粒，豐富咗口感同味道☺️整體甜度低，減肥人仕食都唔覺有負擔🥰☕️ Flat white ($38)咖啡入口順滑，唔會覺得酸澀，奶泡厚身，拉花都好靚😙

平日11點半至2點半供應的Lunch Set絕對是性質比之選，免加一服務費之餘，又跟配咖啡一款，更能以優惠價升級其他手沖飲品。蟹肉味噌扁意粉 - $119矜贵在於拆出大量鮮甜多汁的絲絲蟹肉，夾雜切碎的菇片和洋蔥粒，加上質地彈牙的扁意粉特別掛汁，惹味的芝士忌廉汁好順滑Creamy。牛油果蕃茄芝士意大利三文治 - $69健康的素飽，麵包用上外脆內軟的法包，口感好濕潤鬆軟，夾著酸甜多汁的蕃茄和軟糯的牛油果，半溶化的芝士更有少許拉芝效果。生酮宇治抹茶忌廉卷 - $58新出品的甜品款，生酮製法用上杏仁粉，是無麩質的。蛋糕的質感比一般的鬆散，幼滑的忌廉好鬆軟綿密。抹茶粉用上日本茶道級數，抹茶味自然濃郁，入口先輕微苦澀後回甘。Flat White (LGE) +$15咖啡含量比較高，咖啡口感更濃郁，同時有牛奶的柔滑感，少許泡沫更添細膩。Uji Ceremonial Matcha Latte (LGE) +$15同樣用上日本宇治茶道級的抹茶製作，入口時清甜微苦，香氣高雅，無咖啡因也讓人上癮。

疫情嚴重，工作量大減，只好偷得浮生半日閑，同朋友出去飲咖啡，下午茶傾下偈食，扮下貴婦嘅生活 。一行四人，我哋三個都不約而同叫咗杯flat White $42 (large) 一同懷緬以前喺澳洲飲flat white嘅時光。果然呢杯flat white冇令到我哋失望。質量味道都可以媲美正宗澳洲flat white。咖啡入口香濃， 奶味濃郁 ，靚人靚景簡直一絕。另外一位朋友比我哋更懂得享受生活 ，叫咗一杯cocktail 特飲 。杯中有好大粒波波冰 ，專業級數比得上出面一級嘅酒吧 。出奇嘅係竟然唔覺得杯嘢有酒精 ，淡淡Earl grey 茶香配vodka十分refresh，當中既lemon酸酸地好開胃，朋友笑言如果呢杯嘢喺酒吧飲 ，一定唔會一飲再飲，醉咗都唔知咩事。另外我哋叫咗兩件蛋糕，分別係藍莓味同香蕉味， 28蚊大大件，攞嚟做下午茶就一流 。藍莓嘅有好多嘅藍莓肉 ，有浸浸牛油香味。另一個香蕉味濃，而且夾雜有核桃，口感倍增。好慶幸香港越嚟越多呢一類型裝修精美，環境氣氛都好幽雅恬靜嘅咖啡室，令到香港人多咗一個透氣休息嘅好地方。