Nepal Nepalese Restaurant

营业中

休息中

第一次食尼泊爾菜，估唔到又幾有驚喜喎，啲嘢食可以唔辣，但又好惹味，得閒食吓都幾有新鮮感👍🏻 呢間仲位於中環 Soho, 無論食飯定 Happy Hour，設計都好有feel，老闆都好熱情呀 🤗 喺度食嘢好有氣氛呀Tarkari Rana Khandani 📍$115皇室雜菜呢個醬汁唔辣，而且好香，入面有各種嘅蔬菜，仲有濃濃嘅芝士香，好容易送飯，特別是係個香草飯，好有風味，簡直係絕配Kukhura Sekuwa Masala 📍$148香辣咖喱烤雞，同印度嘅chicken tikka masala好似，亦都因為我哋唔係好食得辣嘅關係，老闆整咗個小辣俾我哋，好貼心，雞都係柔嫩同細滑嘅Jangali Sekuwa 📍$145尼泊爾香草燒烤雞肉伴香料菠菜汁，雞肉嫩滑，啲汁滲哂落去下面啲蔬菜到，連個洋蔥都醃得好入味 Naan 📍$55我第一次食Naan 係有生果係上面架 😝 原來加咗又幾夾喎，仲多咗份清新口感 👍🏻Aalooko Achar 📍$72薯仔乳酪沙律真係超多薯仔，食完已經有少少飽 😂 不過唔知係咪加咗乳酪，同出面嘅薯仔沙律好唔同，越食越上癮Lalmon 📍$72尼泊爾嘅鮮奶布甸，打得

今日同女朋友想試吓新菜式，特登嚟到中環SOHO嘅尼泊爾餐廳一嚐尼泊爾菜😋一入到餐廳就感覺非常之良好！精緻嘅裝飾同埋擺設令到我覺得置身係一個充滿異國風情嘅地方。牆上既裝飾亦都非常之特別，未開始食都胃口大開👏🏻店員會首先送上一客免費嘅尼泊爾薄餅。尼泊爾薄餅嘅特色通常都係偏鹹，再配上特製嘅醬汁。而呢一個薄餅就唔太啱我口味啦，因為都真係相當重口味，但醬汁係幾開胃既。頭盤嗌左呢一個蒸雞肉餃子。佢係類似免治雞肉咁樣嘅質感，再加上一種香草調味，食落去同平時嘅餃子都有好大分別，但係味道都非常唔錯。然後就到重點嘅主菜啦！我哋兩個嗌左一個烤物拼盤同埋廚師秘製小洋蔥煮嫩鴨肉。先講烤物拼盤，入面有烤魚烤羊及烤雞，當中我覺得烤魚係最好食嘅！佢有少少似煎鮫魚嘅味道，但係保持嫩滑有汁，仲有一份香草嘅味道，好好食。其次好味既係烤羊，滿滿羊味但唔羶😋另一個主菜用上蕃茄、洋蔥、杏仁同香料去煮嫩鴨肉，食落其實係鴨胸黎既。鴨胸肉好厚，但煮完一啲都唔韌，非常腍而且入味！醬汁有類似咖哩既感覺，甜甜地，不過比較清新。見個醬汁咁惹味，即刻嗌個特色藏紅米飯撈汁食！好正呀有醬汁配有香草味既飯，全新體驗😋（都好大兜，兩個人都夠食）最後再嗌