影片
更多
2015-02-18
3204 浏览
先前Pirata試開午餐時段，有兩三日既半價優惠一堆肥肥吃貨就迫不及待咁狗衝約聚訂座XD好可惜有幾位朋友臨時未能抽空，結果我地一行五人照去無誤餐牌用上牛皮紙，我最愛的質感每款菜色都有清楚列明價錢，以及寫出所用食材詳細餐牌可見官網:^)講真食外國菜最棹忌睇唔名菜名因為大家母語有別，所用字詞唔一定就到各地人士有講埋所用既食材就冇咁易揀錯自己唔中意既野食啦:^)午餐設有自助前菜吧，不單是沙律仲有特色少許既款式不時會推出Vitello Tonnato牛仔肉切得薄身不爛，吃下去是順口非常沒有牛肉既腥臊味，反倒是沾上了吞拿魚醬的微微海鮮香醬汁稠身，就是將吞拿魚完全搗碎後，加入蛋黃醬拌勻的味道入口固然有魚肉味，以及蛋黃香既蛋香，帶點粉感但未有平日沙律醬既膩感，連同水瓜柳同食，酸香開胃，欲罷不能Carne All' Albese Beef Carpaccio意大利生牛肉，別以為很可怕血淋淋似的其實佢切得夠薄，甚至可以透光，不用多花時間咀嚼撕咬入口細嫩幼滑，沒有很多筋位，完全是滑進喉頭比起常見既煙三文魚更香稔，毫無腥臊，帶牛肉肉香表面再鋪上巴馬臣芝士，薄片也充滿鹹香脆口清爽既西芹片順手解解膩微酸的檸檬香
先前Pirata試開午餐時段，有兩三日既半價優惠
一堆肥肥吃貨就迫不及待咁狗衝約聚訂座XD
好可惜有幾位朋友臨時未能抽空，結果我地一行五人照去無誤
餐牌用上牛皮紙，我最愛的質感每款菜色都有清楚列明價錢，以及寫出所用食材
詳細餐牌可見官網:^)
講真食外國菜最棹忌睇唔名菜名
因為大家母語有別，所用字詞唔一定就到各地人士
有講埋所用既食材就冇咁易揀錯自己唔中意既野食啦:^)
午餐設有自助前菜吧，不單是沙律仲有特色少許既款式不時會推出
Vitello Tonnato
101 浏览
0 赞好
0 留言
牛仔肉切得薄身不爛，吃下去是順口非常
沒有牛肉既腥臊味，反倒是沾上了吞拿魚醬的微微海鮮香
醬汁稠身，就是將吞拿魚完全搗碎後，加入蛋黃醬拌勻的味道
入口固然有魚肉味，以及蛋黃香既蛋香，帶點粉感
但未有平日沙律醬既膩感，連同水瓜柳同食，酸香開胃，欲罷不能
Carne All' Albese Beef Carpaccio
149 浏览
1 赞好
0 留言
意大利生牛肉，別以為很可怕血淋淋似的
其實佢切得夠薄，甚至可以透光，不用多花時間咀嚼撕咬
入口細嫩幼滑，沒有很多筋位，完全是滑進喉頭
比起常見既煙三文魚更香稔，毫無腥臊，帶牛肉肉香
表面再鋪上巴馬臣芝士，薄片也充滿鹹香
脆口清爽既西芹片順手解解膩
微酸的檸檬香更是解膩開胃，令整道菜受歡迎指數大增！
自助前菜吧是任食的，中意既可以瘋狂食菜食包食火腿食芝士
我地就拎左幾碟大家一齊分享，咩都試到呀嘛XD
但注意要食得哂先好拎呀，唔好浪費食物咁解
蔬果都係不時見到既狗芽菜、車厘茄、青瓜等等，色水睇落幾新鮮先是沒有發黃，後是未有乾水，食落都好清爽
薯仔沙律香草香氣沒有掩蓋薯仔原味
而且不會太過油膩或者淋爛，仲保有微微爽感
麵包個人沒有太大感覺，因為本身我中意有配料餡料既包對於酸麵團既興趣不大，小試之後感覺外皮帶少韌，內層鬆軟，帶淡淡麵香
最特別係佢地好似有個脆片咁既，感覺有點像印度的胡椒餅
但我沒有多嚐，也不好下評論，只略略一提
火腿冷盤也有數款，個人喜好Parma同coppa di parma貪佢夠鹹香但又唔算太油膩（比起Salami），鹹度亦叫和順
芝士部分沒有讓我提起興趣的種類，在此不談了
M.M.M My Mama's Meatballs
$168
69 浏览
0 赞好
0 留言
M.M.M My Mama's Meatballs $168這道肉丸用鑄鐵鍋呈上，可以保著溫咁食
讓人想起食譜中的張張相片，感覺如同在家自己煮，果真是母親煮的肉丸
色彩鮮艷吸引，單是聞下去已經夠正
小心地打開鑄鐵鍋，裏頭有三粒飽滿足料既大肉丸
看著就餓了，飢腸轆轆，我不客氣了！
甫切開，這肉丸好像有點鬆散吧，要用湯匙才能舀起從切面可見，肉碎是非常細碎緊密
牛肉豬肉兩種不同質感及味道既肉碎結合，卻是和諧匹配
只是肉汁乏乏，要靠蕃茄醬去潤口
肉丸當中也有夾雜薯仔粒，大小不一，增添薯香及幼滑粉感
但可能搓掐得不夠紥實，難以淨用刀叉分食
醬汁酸香自然，蕃茄成分是滿滿的，大方的
酸甜之間更帶有濃郁芳香既迷迭香味道，當然不一定是廣為人接受的
只是醬汁份量唔多夠，太多既我又擔心會令肉丸愈加淋散
一旁放著的薯角睇樣就知道係焦香味濃
薯香不重，主要著重烤焦香氣
焦黑而無燶苦，沾點醬汁伴食更是惹味！
Campanelle with Italian Sausage Ragu
$168
82 浏览
0 赞好
0 留言
Campanelle with Italian Sausage Ragu $168上枱既時候職員會即刨乾酪，仲會問份量先動手
予人感覺係會尊重客人意願及選擇權
我地就好似睇馬咁激動請佢瘋狂刨xdddd
意粉既形狀十分有趣，可以當佢係帶花邊既通粉捲曲成一朵朵小花，賣相典雅不紊亂
既然佢都幫我地預先拌好意粉，唔使自己撈到一忽濃味一忽淨粉
咁就當然要趁熱試試啦！！！！！
個人認為意粉不夠al dente，也許是我比較中意富有嚼勁既
又不至於淋爛，只是有咬口既話好似更能突出麵香
不過佢好入味，茄膏酸味自然溫和，滲入意粉都不會太濃重
醬汁稠度剛好裹好意粉，唔會太水又唔會杰身如泥蓉
意大利香腸製成肉碎狀，夠味之餘不油膩
而且唔係好似平時見到既香腸咁勁多脂肪粒咁，佢反而係實身偏乾
我偏好濃味，呢款未有想像中濃，但係幾香既
洋蔥碎沒有青味嗆味，煮得帶甜又清新
再混入一點辣椒碎，重香不重味，入口微辣不嗆
基本上辣味只是加成而非主要調味
適合人士：中意少許酸辣，開胃解膩食物既人（好似係
Layered Salmon
$198
82 浏览
0 赞好
0 留言
原先仲以為係將三文魚切片，尤像製作千層麵般層層疊起
中間就夾入芝士葫蘆瓜等餡料，以顯現肉餡相間的效果
豈知上桌只是一個圓圓的三文魚餅，讓我們大感訝異
不禁要互問：「下？呢個就係果個Layered Salmon？邊度Layered呀？」
我們還是要切分來吃，一落刀，哦……原來咁叫層疊……
三文魚肉包覆外層，讓外表看似普通一塊厚三文魚餅一切開才知道內有乾坤，裏頭全是芝士葫蘆瓜餡料，塞得滿溢，甚是大方
三文魚肉只是薄薄一層，魚肉香濃郁不行
煮過之後表面金黃出色，焦香之餘還帶微脆，香口惹味
魚油大部分已外滲，但有少許透內
因此忌廉芝士不單有芝士香氣，更附三文魚油香
餡料用及葫蘆瓜，煮熟仲係咁爽脆清甜
不會過份淋爛出水，起到清新解膩既作用
配上厚郁微膩既忌廉芝士，大大減淡餡料膩感
只是調味方面似乎重手了少許
我是可以接受啦，但輕淡一點更能突出魚肉香味:^)
Eggplant Parmigiana
$198
109 浏览
0 赞好
0 留言
Eggplant Parmigiana $198友人堅持要點選既款式，老實說一看餐牌我是忽略這個的
茄子也是我喜愛的蔬菜啦，只是這類清新之選我通常會跳過不看
就算香氣逼人，也有少許失落，沒有選中自己想吃的同價款式
怎樣也好，既來之，則安之。
炸過的茄子片鋪覆鍋面，焗得重焦香，調味鹹香不過頭
看見他們一下子用湯匙插至底，舀起……
原來又係層層相間的心機之作！
這款只有蔬菜及芝士的熱鍋似乎不錯，我估應該安全既
Mozzarella水牛芝士既濃郁香氣我諗大家食唔少
芝香突出而不油膩，鹹度不高，未會蓋過蔬果清香
這裏的版本更是添加了Parmigiano乾酪
補足番芝士鹹味一块，也多添了一層淡黃色彩
若是遇上酸中帶甜的茄醬及蕃茄，開胃同時消減芝士的膩度
這款式尤如素食版本的千層麵
稔香麵條以茄子片代替，蕃茄及芝士的配搭均被保留
熱鍋一定要趁熱食才夠惹味
我不禁想起平日在家中煮食後，馬上將食物放上櫃面就站著吃
居內立食XDD家常風味再次這此體現
The Butchers' Cut（Medium）
$248
79 浏览
0 赞好
0 留言
奉桌的竟是一大盤切片牛腹肉
吃罷先前的主菜，這道的豐盛是我們始料未及的
而且肉眼可見，牛肉外層烤得熟身帶焦，中心部分仍是誘人的紅潤
不得了！即刻催促友人們快手影完相要趕住食！
牛腹肉入口頗緊實，脂肪位不多幸好煮得切得剛剛好，不會太過韌身，肉間亦不多筋
咬落中心位帶點肉汁，雖然不多，但都叫可濕口
其油香較少，肉味較重
微燻焦香，加上點點海鹽，惹味至極，讓人吃個不停
但係食食下會覺得有點怠倦，畢竟都係頗有嚼勁的牛腹肉啊！
此時，疊得高高的配菜－－火箭菜及車厘茄可以幫到你:^)火箭菜清香微苦，配上酸甜多汁的車厘茄
配搭都是解膩良伴，吃肉時也不忘補充蔬果纖維！
Crushed Chocolate and Dry Nuts Semifreddo
149 浏览
1 赞好
0 留言
鑄鐵鍋現身，今次係盛著甜品奉上，賣相頗合我心意
Semifreddo堆得有如雪山，加上其奶白原色，還真有點像
表面淋上甜濃微苦的朱古力醬，老實說，再熱點就更邪惡了
Semifreddo其實是半冷凍的雪糕，只有外表稍像雪硬掉的雪糕只是製作過程中，加入忌廉，不單是打空氣入雪糕漿
出到黎既效果，我覺得反比雪糕更有趣
有點像雪花冰的香綿即溶，但奶香滑順得如同雪糕
而且係可以切割而不溶爛的雪糕，如相中就成了一塊塊小磚
看著看著，倒有點像蜜糖吐司中的小方塊xd
由於Semifreddo質感鬆化如絨，味道亦偏郁厚一般會配上乾爽脆硬的配料同食
這次嚐到的版本，則是加入了Varlhrona朱古力碎、核桃、榛子、開心果及松子仁
朱古力味甜香，少許甘苦則更解膩
多款果仁的特有香氣各顯特色，不會亂套
而脆香咬口亦令甜品整體質感毫不單調
Tiramisu
53 浏览
0 赞好
0 留言
可愛精緻的小瓶中裝著甜品，食既時候唔會咁易弄污四周
賣相算是平凡，沒有什麼出人意表之處
要說到Tiramisu，面層固然是苦香深邃的純可可粉
先為我們味蕾打底，以免後續甜膩過頭
乳白的蛋奶糊混入Mascarpone芝士，幼細香滑
蛋香、奶香以及芝士香氣交織，取得平衡，未會傾向一方
中間夾著手指餅，略為粗糙的餅乾質感稍稍解膩了
Espresso的苦澀幽香與Marsala Wine的果甜醇嗆
香味濃厚突出得讓人回味，百分百的合襯！
只係佢地既蛋奶漿似乎混合得未夠，底部有砂糖沉澱
不過沙沙的，有點脆感咬口，反而頗特別，且有在家的手工製感
問過店方，似乎不是特地設計的，有點可惜了……
一同奉桌的還有焦糖榛果
榛子原有獨特果仁香猶在中心，脆口乾爽
外面的焦糖裹皮帶有甜濃焦香，頗甜的
但硬脆薄身未過膩，算是小小的一口滋味:^P
Almond and Chocolate Bonet
87 浏览
0 赞好
0 留言
第二瓶裝著酒香滿溢的Bonet，一道傳統意大利甜品
Bonet是用蛋奶混合然後入焗爐烤焗
原本沒有加太多配料調味，只是蛋奶糖的結合，成品有如布甸
其後可可盛行，人們製作時才會加入可可粉
我地今次食到既正正就係朱古力味一款
入口頗有可可香氣，芳香而清新，沒有任何甜膩感覺
而冧酒酒香，卻是獨佔鰲頭
酒香頗濃，微烈微嗆，要是喜歡的大概要超愛它了！
雖說瓶內有不少冧酒，布甸部分還不會浸得過於濕淋綿爛
底部質感稍稍像英國的焦糖蛋糕布甸，水分高卻保持鬆綿，不易做到
旁邊兩片杏仁餅甚為脆酥，鬆化可口
當然了！它與少女的酥胸－－馬卡龍的製法相約，只是材料份量上有別
不覺有杏仁粉的嗆味，味道自然沒偏向人工
吃下去沒有常喝到杏仁霜的頗假杏仁味，這邊是能為人接受的程度
Panna Cotta
62 浏览
0 赞好
0 留言
最後一道瓶子裏的甜品！！！！！
瓶下的厚木上散落點點雪白糖粉
視覺上更是高貴優雅，同時又有種家常親民的反差
奶凍配上的是自家製覆盆子醬，微紅而晶瑩剔透
味酸帶甜，自然清香不會教人甜膩
一絲都未有虛假人工藥水味的莓醬，引人大啖
只消數秒就被我們掃清
奶凍部分比豆腐花更為滑溜，嫩身而奶香濃郁
舀起來不算太凝固，彈性不高，好在未叫水爛，入口即化
甜度也算得宜，不會過份甜膩漿口
配搭酸甜的莓果清香，中和奶凍奶膩感，整體叫清新怡人
結賬時職員遞上一個木盒子，裏面盛有賬單及名片講真我幾中意佢呢個想法
不單配合餐廳格調，俾錢果陣都唔驚會跌錢咁麻煩
環境令人十分享受，首先係夠透光，採光度高一踏入餐廳我就已經心情激動！！！！！
第二係夠寬敞，夠位放食物夠位放袋，坐得又闊落
然後仲有佢Loft風既悠閒格調，讓人不禁放鬆去嘆一餐
餐廳同酒吧分作兩層，上落既樓梯又係我個人好中意既一項
服務亦是叫人滿意，親切有禮就如刨芝士一環，我地又要影相，請職員定格仲要刨多多都沒有微言
當對食物方面有疑問時，揚手數秒就已經會有回應
基本上態度及效率都合格，和善之至亦保持一分禮貌
另外，他們是不強制設服務費，換句話說，就是隨意！
總括係會令人覺得都叫冇去錯既一家餐館:^)
张贴
