騷 (已結業)

又嚟試下小店，穿過諾士彿臺，隱蔽嘅樓上舖原來都有唔少客，當然，以星期五嚟講算唔多人喇～兩個人一人試一杯飲品....左：Bomber Zombie，rum做base，再加唔同fruits，幾清新幾特別。另一杯係＂熱戀中的廢青＂，就係Roseilie Tea + Lavender，啱哂鐘意飲果茶嘅人。蟹肉洋葱奄列配牛角包：不時喺餐廳比較少見，係幾特別，但蟹肉極少，牛角包又比預期中細，有點失望～吉列炸蠔：冇咩特別但好味，欣賞嘅係有菜伴碟。Mini Burgers ：聲稱係100%手打豬肉，食得出佢係自家制肉丸，唔會太乾，麵包亦夠脆，唔錯！Ribs：如menu所寫真係好似叉燒，味道好特別，可惜分量比預期中少好多，尤其是那薯蓉，只有兩啖，仲要係凍嘅，即刻令整道菜失色咗～同場有live music，氣氛唔錯，係嘈咗啲，要傾計就唔太適合喇。

呢間騷嘅裝修同陳設同一般嘅酒吧有啲分別，反而更加似樓上咖啡店，對於唔係成日去酒吧嘅人嚟講感覺會自在一啲。最入仲有個小舞台，係俾唔同嘅本地獨立音樂人舉行Live Music表演用嘅。呢晚試咗幾樣嘢，事前晌網上睇咗其他人嘅相，對柚子蝶豆花茶非常有興趣，見其他人啲冰塊入面有柚子碎，睇落又靚又吸引，但係我嗰杯啲冰塊就無。雖然係咁，蝶豆花茶用咗三角錐型玻璃量杯載住，確係玩味十足。倒咗蝶豆花茶入去之後，再加埋檸檬汁，睇住兩樣嘢產生天然嘅化學作用，由紫藍色慢慢變成紫紅色，既好玩又可以重拾求學時期上實驗堂嘅感覺。花茶加咗薄荷葉同檸檬汁，飲落清新，柚子味就稍輕，整體嚟講幾順喉舒服。香煎帶子伴芒果沙沙，帶子燒得表面焦脆，肉質彈牙，上面嘅芒果沙沙香甜解膩。Mini Burgers，漢堡扒係用豬肉手打而成，再配埋芝士、番茄、生菜等等。當中嘅醬汁酸酸甜甜，加埋一齊幾惹味。size細細，大約兩三啖就食完，對女仔嚟講幾方便。當晚仲有悅耳嘅Live Music表演，演唱咗唔少耳熟能詳嘅歌曲，例如係盧巧音嘅喜歡戀愛同張國榮嘅有心人等等，增添咗唔少氣氛。

上星期六晚我同個朋友去左尖沙咀諾士佛臺一間樓上餐廳食晚飯, 嗰度環境既環境幾舒適, 好有氣氛 好適合星期五或星期六日同朋友黎食個飯、飲下酒、傾下計。Menu上既食物款式都算多, 店員好有禮貌地慢慢同我地講下餐廳有啲咩特別既菜式同埋有啲咩好既酒精飲品推介。飲品方面, 我首先點咗一杯無酒精cocktail, 佢就係柚子蝶豆花飲品。蜂蜜係另外上, 所以可以根據自己鍾意既酸既程度而倒入適量既檸檬汁。我自己就鍾意酸少少, 所以我落曬成樽檸檬汁, 我朋友就點左一支黑啤。主菜方面, 我地點咗碟蟹肉洋蔥奄列配提子穀麥包同埋黑松露大啡菇意粉。蟹肉洋蔥奄列既蟹肉味好香, 啖啖蝦肉同洋蔥, 分量好足料, 旁邊既提子穀麥包係我最鍾意既麵包, 煙煙韌韌, 配蛋一流。Mini burgers 真係一大啖就可以食完一個, 漢堡包用既麵包帶點微脆既質感, 咬落去食到惹味既豬肉汁同芝士, 得三個其實真係滿足唔到我地兩個既胃。食飯既時候仲有band喺旁邊唱歌, 增添唔少氣氛, 重點係仲可以點歌, 一邊食飯, 一邊聽自己鍾意既歌。 由於呢度既環境真係好舒服好relax, 所以我地飯後亦點咗幾杯酒, 一邊傾計, 一邊聽歌,