Chotto Maki (利源西街) (已結業)

除左以下餐牌外，呢度還可以讓客戶自己「隨心選亅自己想吃的材料，再泡製成獨一無二的tailor made自家壽司，但我今天不想用腦， 所以還是吃店家的特選吧！仲有埋sushi cake，真係第一次見所有壽司都係即叫即整架最後我買左幾盒外賣返屋企食呢款主要材料包括三文魚丶cream cheese丶牛油果。 秘製醬料則由Tobiko Mayo 及 鰻魚汁組成。芒果配上炸蝦既配答真係一流, 酸酸甜甜好開胃,呢款卷物包了油炸鰻魚, 飛魚籽及胡蘿蔔，是最有咬口的一個卷物。不過包了胡蘿蔔的卷物還真的第一次見。

今日去開港島區行山，於是乎就揀咗呢間食卷物嘅Chotto Maki。之前一路都好想食呢間，因為有朋友介紹話呢間嘅卷物十分出色，除咗餐廳預設嘅大小卷物之外，仲可以自己因應個人喜好去整屬於自己口味嘅卷物，當中除咗可以揀醬汁之外，仲可以自選肉類、蔬菜、脆脆等，好適合一啲腌尖嘅朋友。一場黎到，冇理由唔自己整返個卷物食，我同女朋友首先就揀咗個鰻魚，蘆筍、牛油果、松露蛋黃醬加黑芝麻醬。佢嘅醬汁很出色，濃郁嘅黑松露十分惹味。成個配搭連埋櫻花蝦嘅脆口，口感同味道都一流。另外再叫咗帶子吞拿魚細卷物，配合黑芝麻醬，整體出嚟有意外嘅驚喜。仲有佢嘅牛油果三文魚軟芝士細卷物，熟度剛好嘅牛油果，配合軟綿綿嘅軟芝士，再加上三文魚嘅鮮味，將所有食物嘅味道推上一個更高嘅層次。今次食得好滿意，下次行山都會嚟呢間度食完再出發咁一定有一個美好嘅開始。

同個朋友lunch hour 黎呢度食壽司，1:15 去到都仲有位，但好快就愈來愈多人，但都有唔少人係買走既，冇位坐既話外賣都係一個選擇。2個人食4款壽司，食到超飽超滿足，款款都大件又多餡。我最鍾意係Philadelphia, 雖然款式比起其他壽司唔算好特別，但佢既size係岩岩好可以一舊放入口，同埋牛油果同芝士都多，鍾意牛油果同芝士既朋友絕對唔可以錯過。其次我鍾意sea monster, 因為好有多蟹柳，仲有軟殼蟹，青瓜絲令到件壽司好fresh, 口感好豐富，I like it Spice me up既賣相好靚，佢同crunch 兩款既醬汁都酸酸甜甜好好食！另外我+$10 嗌左個麵鼓湯，都幾好飲。食唔晒仲可以免費打包拎走，唔洗浪費。店員態度好好笑容親切