The Captain's House (已結業)

餐廳以暗黃燈光營造氣氛，座位距離適中，亦坐得舒服。用海鮮作為主打，配合不同西式烹調方法，選擇豐富。爆谷蝦 ($92)• 相當香口的餐前小吃，酥炸的程度剛剛好，不會有油膩的感覺，外層香脆、內𥚃蝦肉帶點彈牙，點上塔塔醬，滋味程度大大提升。白酒煮活蜆扁意大利粉 ($118)• 意粉口感彈牙，白酒味道突出同時帶點辛辣和香蒜的惹味，跟蜆肉十分匹配，整體配合得很好。• 只是份量略微少了一點。Platter A ($398)• 選擇了海蝦(10隻)、活青口(10隻)、活蜆(10隻)及檸檬牛油汁。• 店員會在你面前把海鮮包滾動數回，繼而打開封口，香噴噴熱騰騰的海鮮便會呈現在面前。• 醬汁是整個拼盤的精髓，牛油味道非常突出，而檸檬獨有酸味使海鮮更加滋味。• 除了海鮮本身，拼盤還帶附有馬鈴薯、粟米、腸仔。Churros with ice cream ($98)• 肉桂口味的西班牙油條，炸得香脆，肉桂香味自然。配合雪糕冰火的口感，十分滋味有層次。Pineapple On The Floor (Mocktail | $58)• 菠蘿和薄荷的味道比例是8比2，菠蘿味道自然，加上清新的薄荷味很適合作餐後解膩。

拍拖週年簡簡單單慶祝下最鍾意就係食海鮮去左呢間幾特別既餐廳食ShakeShake海鮮袋Platter A 3款海鮮 - 小八爪魚x8，扇貝x4，海蝦x10， 甜粟米，薯仔及豬肉腸（卡薑蒜蓉汁），黎到係一個波，服務員好好問我地需唔需要影相，佢會係我地面前shake個海鮮袋，幾過引。未開其實都聞到好香，扇貝好正好有咬口，小八爪魚可以煮完之後縮水比較細隻，海蝦都唔太差只係冇乜特別，3種海鮮加埋份量都幾多，仲有薯仔粟米豬肉腸，食晒都飽飽地。個汁都有少少辣，唔錯，如果食到多啲野嘅話可以加個蒜蓉包點下個汁都唔錯。白酒煮活蜆扁意大利粉，個人認為偏細份，但因為有海鮮袋，所以呢個份量都ok既，蜆得6隻，唔算大隻，如果多兩隻會開心d，扁意大利粉韌度啱啱好，比較硬身，白酒味唔算好濃，整體都唔錯由於周年紀念，服務員幫我地加咗happy anniversary上去，貼心！地方唔太大，一定要book定位😀😀😀

為慶祝今日自拍女皇俾老闆讚，同佢嚟食個海鮮lunch慶祝一下！佢一嚟到見到窗前座位，已經開心到不得了，梗係啦今日陽光普照，坐喺窗前就可以影到女神相啦路易斯安那特色蟹餅 ($98)店員話好熱，叫我哋唔好亂咁掂，真係要聽話，因為熱得好緊要！蟹餅超大塊，外脆內軟又啖啖蟹肉，好滿足Platter A ($398)揀咗海蝦、活青口及活蜆及蒜蓉汁。上菜時，店員輕輕將海鮮袋shake幾shake，再好溫柔咁打開並砌好，方便我哋食。期間自拍女皇話驚整污糟件衫，店員即刻返轉頭並為我哋送上兩條圍裙，超細心呀！！！講返食物先，以為係得少少蒜蓉味道，原來係超級超級超級多蒜蓉粒，每種海鮮都沾滿蒜蓉粒，我哋兩個都超愛蒜蓉，所以都喜出望外開心到不得了！海鮮都好新鮮，仲有粟米、薯仔及香腸，狂沾蒜蓉！！！香煎刺身帶子意粉 ($155)輕輕煎過嘅帶子個size依然好大，肉質鮮嫩，再加埋海鮮袋入面嘅蒜蓉一齊食，嘩哈哈哈哈哈哈！！！！！New York Cheesecake ($78)以為係好普通嘅一件cheesecake，點知原來係火山形㗎！望望吓，個餅底去咗邊呢？一食先知，原來個餅底係完美無瑕地融入咗cheesecake

疫情稍有回落，午餐來個約會吃好一點，來到厚福街的The Captain’s House。這裏的特色好像是Seafood Platter，便來一份3種海鮮的Platter A（$398），選了海蝦、活清口及活蜆，醬汁三選一要了卡薑蒜蓉汁。上菜時這根本是一個網子包著一大個膠袋，店員還細心詢問要都幫我們合照！他搖好後會打開膠袋，哇好香！海鮮全部新鮮，醬汁夠濃味，用手套吃就最滋味！路易斯安那特色蟹餅（$98）大大的一塊全是蟹肉，調味適中，不錯！黑松露野菌蝴蝶粉（$188）煮得al dente，味道也是不錯，頗有水準！店員普遍有禮，服務細心，環境也很不錯喔呢！

是晚和男友晚餐，挑了一家之前在灣仔吃過的captain house，因為覺得質素有保證。先來一個前菜*三文魚他他 ($108)三文魚他他份量很足夠；免治的三文魚蓉有滿滿的魚油香味；配上四片香脆多士*香草醬焗挪威三文魚 ($198)三文魚柳焗得剛剛好；中間帶點生，不是熟透的，所以肉質很滑溜；伴碟的薯蓉很creamy。*Platter A ($398)海鮮袋是這裡必點的；由於還點了其他主菜，所以只點了最小的海鮮袋，配上卡疆蒜蓉汁；今天實在太懶了，所以挑了最容易處理的海鮮：蝦、青口和扇貝；蝦很鮮甜，蝦肉不痴殻；青口沾了大量的汁，略為蓋過了鮮味；扇貝很彈牙爽口；除了海鮮，還有其他配菜，如薯仔、粟米和腸仔。*蟹黃鮑魚意大利飯($288)想起太耐沒有吃過意大利飯，所以點了一個應該是最貴的意大利飯；鮑魚只有一隻，是可以加$50多要一隻的；男友很好的讓給我吃，哈哈！很爽口彈牙；意大利飯帶點海水的咸香，而且飯粒很軟糯，很creamy，中間有一絲絲的蟹肉。

之前已經同FD食過The Captain’s House，幾次都覺得水準唔錯，所以今次朋友生日飯話想食海鮮就即刻諗到黎呢到。 呢到食既係美式海鮮，最大特色就係佢呢個用膠袋裝住既Seafood Plattes啦！呢到既Plattes有三款揀，我地得兩個女仔，所以有揀左Platter A，海鮮我地就揀左Crawfish，Scallops同埋Long Leg Crab Leg；醬我地就揀左Jazz it up, 姐係將幾種醬mix埋一齊。 先講海鮮，Crawfish其實唔係好大隻，不過肉質都幾鮮，同埋索晒啲醬，好入味。 而Scallops就真係好大粒同埋有鮮味，係我最愛，至於Long Leg Crab Legs都好厚肉，沾落啲醬到好好味。至於呢個Jazz it up就係相對濃味既，我地都覺得好惹味，不過如果中意食淡味既就可能揀lemon butter sauce會好啲。 另外入面仲有唔少香腸，薯仔同粟米，要讚既係佢既粟米都真係好甜，沾埋醬好正。另外我地仲有叫左兩款小食，先係Portabella Cheese Bomb ，呢個菇入面煙肉，加上好濃既芝士醬，夠晒香同Juicy，鍾意食菇既一定鍾意

book 左一次～～～Full即約另一時間～成功Seafood Platter- 小龍蝦、蟹腳、扇貝除主食材，仲有薯仔、腸仔、粟米汁- Cajun Garlic butter卡彊蒜蓉汁原來可以重覆揀食材😅蒜蓉包可用黎點Seafood platter 內嘅汁黑松露薯條黑松露醬好味😋*職員會主動幫你影相