唐閣

寧靜高貴地飲茶，唐閣是必選的！連續6年獲得米芝蓮3星🌟的中菜館，吃得我津津有味，相當高水準！環境清幽寧靜，裝修冠麗當堂，高貴優雅，具有空間感，枱與枱之間有很大的距離，坐得非常舒適。服務態度非常貼心，照顧客人的需要，也會斟茶遞水。XO醬煎腸粉🍲 $108招牌菜煎腸粉，一食落去外脆內軟，香脆可口，入面有腸粉既韌度，但又唔會好油膩，再配上秘製的XO醬，帶點少辣，非常惹味，味道出色，比相像中好味，必食之一！瑤柱滑燒賣🧆 $108用左豬肉、鮮蝦、瑤柱，口感爽滑帶有鮮味，再加上瑤柱作點綴，豐富味道。黑椒日本和牛批🥧 $108牛油撻皮香脆鬆化，咬落去餡料中，有黑椒汁配和牛，好香和牛味。翠綠瑤桂帶子餃🥟 $108有大大粒帶子，帶有鮮味，不過食落去有豬肉、瑤柱，好似燒賣一樣，可能淨係叫燒賣食就夠。和牛粒炒飯🥩 $340飯粒乾身，食落一粒粒米飯，好有口感，而且有好多和牛粒，好足料，每啖都有粒粒和牛，加上花生碎，提升口感，好有質素既炒飯，非常香口，仲好大碟，食到好滿足，必食之一！😋整體來講，必食係和牛粒炒飯同XO醬煎腸粉，食完仲想再食，流連忘返，雖然價錢偏貴，但係出色既點心，份量都好多，食到好飽，同埋環境超

靠實力穩擇米芝蓮3星的唐閣🍽 @langhamhk 位於尖沙咀朗廷酒店內的唐閣T’ang Court貴為米芝蓮3星，無論食物、環境跟服務都相當優越。餐廳內格調高雅的裝潢，相當有氣派，服務更不用多說，絕對一流。午餐時段當然要品嘗各式各樣的點心，每款點心都很出色。特別是招牌的釀焗鮮蟹蓋，金黃的表皮吃起來很鬆脆香口，入口淡淡鮮甜的蟹肉搭著洋蔥加上奶香濃郁的白醬很creamy，口感味道均一流；唐閣寶盒飯炒飯底飯粒粒粒分明，蝦🦐肉跟帶子爽口彈牙，配上烤至焦香的芝士白醬，相對較普通；XO醬煎腸粉腸粉煎至香脆可口，乾爽不油膩，但入口內裡依然保持Q韌，XO醬味道香濃不會過鹹帶點微辣很惹味；原隻鮑魚花膠酥撻皮酥脆鬆化，鮑魚炆至軟腍彈牙亦很入味，唯獨花膠存在感不高；可惜有個美麗的誤會，把蠔皇叉燒包誤以為是酥皮叉燒包，叉燒包外皮鬆軟，餡料味道不會過鹹過甜。- 釀焗鮮蟹蓋- 唐閣寶盒飯- XO醬煎腸粉- 原隻鮑魚花膠酥- 蠔皇叉燒包

今日同朋友找個舒舒服服的地方聚聚，大家選擇了飲茶，朋友就選了去唐閣。我們叫了叉燒包、蝦餃、XO醬煎腸粉丶鮑魚撻、香菇蒸餃、酥炸魷魚鬚丶鹹水角、蛋撻和蛋白杏仁茶，點心當然是酒店價錢，不過食物質素也是酒店水平，很不錯。講到環境，酒店一定好，坐得闊落舒服，服務態度非常非常好，我們四位都叫了不同的茗茶，服務員很友善地向我們介紹，結果我們四位，選擇都不同，最後枱上有五個茶壺，一壺是水😅。

🐰兔美子誠實食評🐰今日一行四人 去咗唐閣食lunch. 食咗一堆點心，總括嚟講都OK.但係未必值呢個價錢。同樣價位ge 點心，會推薦嘉麟樓比較多。XO醬煎腸粉，煎得好脆好乾爽 略嫌唔夠鹹蝦餃同燒賣，好夠熱亦都好足料。係唔錯的。酥皮焗叉燒包。夠熱同鬆化，口味偏甜。可以味道再有層次啲豆苗餃，幾好食灌湯餃，$138 一位，呢個價位來講佢真係唔夠好食，皮偏厚，湯底唔夠層次。片皮鴨，皮夠脆唔肥，算係幾好食片皮鴨2食嘅鴨鬆，有點過鹹唐閣蟹蓋焗飯，suppose 係出名嘅名菜，但係我覺得都係普通。裏面啲蟹肉係好足料，但係我都有啲surprise,裏面嘅蘑菇係呢個price range,竟然似乎係罐頭蘑菇，雖然唔係100%肯定。

我地因為book 左個朗廷酒店「零」房價限時優惠嘅package 所以有呢個機會用dining credit 係呢間米芝蓮三星-唐閣食lunch!食過就知果然名不虛傳😋-🌟筍尖鮮蝦餃(4件) ($108)蝦餃皮好薄有咬口，唔會話太腍太削啲蝦又大又鮮甜，隻隻都爽口彈牙🦐不過啲蝦太大隻唔係好食到筍味😂-🌟XO醬煎腸粉 ($88)佢真係巔覆左我哋對炒腸粉嘅概念😂依個腸粉炒到好似炸腸粉咁脆卜卜炒得乾身唔油膩仲索晒啲XO醬🤤XO醬唔會好辣 以鮮味為主 老少咸宜鐘意混醬嘅朋友仲可以撈埋麻醬和甜醬一齊食😝-🌟釀焗鮮蟹蓋 ($210/隻)雖然蟹蓋得1個🦀但入面其實用左幾隻蟹拆肉整成蟹肉+洋蔥+忌廉好creamy😋而且啲蟹肉仲係一梳梳好有口感再加少少喼汁一齊食會有另一番風味-🌟北京片皮鴨(兩食) ($880)平日食片皮鴨好怕隻鴨好肥因為太肥就會好漏包唔到好多卷鴨黎食但呢個唔會好膩 而且嗰主角鴨皮烤得好甘香🤤-🌟鴨肉旬粒生菜包兩食嘅第二味 有幾款可以揀但為左食得落之後幾餐我哋叫左冇咁heavy嘅生菜包師傅刀功好👍🏻啲旬粒切到同鴨粒一樣大小鴨肉烤完再炒旬粒都唔會好韌-環境有私人空間，用布簾營造出包廂嘅感覺服

有幸訂到位中午陪媽咪去米芝連食府品嚐美食慶祝她的生辰。北京片皮鴨，片脆，完全沒有肉的，配料用的烤肉醬（乳豬醬），加有紅椒圈穿起切花䓤段，簡直色香味美。另外，焗釀蟹蓋，是媽咪至愛，蟹肉一絲絲的，嫩滑配上鮮甜的洋蔥絲、加點喼汁，酸味味，麵包糠焗出來的外脆內軟的蟹肉，口感豐富，回味無窮。我估計一個蟹蓋最少拆兩隻蟹才夠釀到一個全蟹蓋。別家食府未必會食到的，我覺得這是物有所值。呢喥的干炒牛河，牛肉肉質鮮嫩，唔靭，河粉唔會好油，河粉的豉油顏色炒得好均勻，食完全碟，都唔會見到有油在碟面上。再配上好味的余均益辣椒醬，令河粉牛肉汁味道提升了。因為今次預定咗生日蛋糕和壽桃，所以吃不到茘容焗布甸，唯有留待下次再來光顧吧！

知道要帶公司重要客戶出外食午餐, 而且客戶喜歡飲荼, 我揀了米芝蓮三星餐廳唐閣。我一早係openrice 訂左位. 所以很方便。到了餐廳坐底感覺環境很舒適同埋傾談時很優靜, 待應服務很貼心。傳統點心當然唔小得蝦餃 同 燒賣。食落去蝦餃很爽口, 而且蝦好新鮮。燒賣有豬肉, 蝦及菇既餡料, 真材實料果然唔錯。XO醬煎腸粉, 腸煎得好香脆, 每條腸粉都好脆卜卜相當有脆口, 加埋有小小微辣真係食到停唔到口。五香脆素鴨, 腐皮炸到黃金色內裡餡料很清爽。松茸瑤柱灌湯餃，松茸味很香，灌湯餃有瑤柱豬肉蝦加埋湯一齊飲好鮮甜。甜品我們點了蛋白杏仁茶，杏仁味好香及酥皮雞蛋撻，酥皮好有層次只是蛋比較甜左小小。整體來講公司客戶都食得非常之滿意，仲話我介紹去唐閣飲茶安排很好。

昨天有幸，經朋友介紹認識了一班識飲識食的朋友。還帶我到尖沙咀吃了一餐不得了的午餐。目的地是位於朗廷酒店內的唐閣。途中才從朋友口中得知此店是米芝蓮星級食府，即時對它興趣大增。由於是預早訂了房的關係，我們一到達就直入貴賓房，沒有什麼機會可以看到大堂的裝修，但房內裝潢則完全地帶出了中國古代（應該是唐朝罷？沒有到過，所以說不出來）的豪華感覺。一張十四人大枱，舒適的坐椅，寬闊的空間，精緻的餐具再加上有專人在旁侍候，感覺超然。是日的菜式是事前安排好的，就前菜已經有五道。其中蜜汁叉燒和燒腩肉在平凡中盡顯不平凡，义燒肥瘦適中，蜜汁鮮甜，燒肉則皮脆肉嫩，令人回味無窮。柚子蜜鱈魚醬汁甜酸度剛剛好，鱈魚炸得甘香軟滑，作為開胃前菜真是無械可擊，全枱讚不絕口。個人最喜愛的是涼拌響螺片，鮮嫩爽口，連伴碟的海蜇亦做得毫不遜色。家鄉炒蜆肉用料簡單，只以蝦米，紅黃椒等和蜆肉一起便可以炒出層次分明的味道，廚師的心思和功力可見一斑。隨後是五款特式點心，重點必定是落在那鮑魚花膠酥和XO醬煎腸粉上，以原隻鮑魚配上上等花膠，焗於鬆化的餅批上，極盡華麗。XO醬煎腸粉的XO醬味香濃而鹹度適中，難怪朋友整力推介，腸粉煎成外脆內軟，和一