想要无敌大海景食饭，将军澳海傍呢间“The Hunter”食地中海菜CP值好高，室外有一望无尽海景天际线，仲可以坐秋千位打卡。
“The Hunter”室外座位可以望无敌大海景，影相一流。
室内气氛都好好㗎，有时仲会打开晒全部玻璃门变半开放式。
而且外籍大厨坚持全用飞机直送食材，特设Josper Grilled炭火烤炉、牛扒熟成柜。嚟到一定必食炭烧牛扒呀，超厚切又肉味浓郁!!
自设熟成柜。熟成牛扒经天然酵素自行分解，特别柔软浓郁。
睇吓牛扒几厚切!!
“The Hunter”主打嘅地中海菜好健康，当地人主要用天然香料、水果调味，同平时化学调味好唔同，特别食到海鲜、肉类嘅原始味㗎。
Salad | Hunter Garden
最估唔到系沙律都好出色，呢道Hunter Garden系招牌之一。员工会推出蓝色餐车，喺你面前即席炮制!! 全部外国直送食材，有原种番茄、青瓜、罗马生菜、萝卜、欧芹等，最后加埋脆面包、自家制薄荷酱Fresh得嚟几香口，成个用餐体验都好圆满呀。
员工会推出蓝色餐车喺你面前即席炮制，用餐体验好圆满。
最后加埋脆面包，Fresh得嚟几香口。
Starter | Burrata
夏天嚟望海食个沙律都几爽，身为乾酪控必食Burrata。有原个布拉塔水牛乾酪，一切开啲乾酪慢慢流出嚟真系好疗癒，连埋印加樱桃蕃茄、草莓一齐食几清甜。
布拉塔水牛乾酪沙律
一切开乾酪会慢慢流出嚟，好疗癒。
Burger | 黑安格斯牛肉汉堡
呢度嘅汉堡系用黑安格斯牛肉㗎!! 足足250克，一切开仲见到好多肉汁。特别用咗2种乾酪—埃文达乾酪、车打乾酪，乾酪味浓够咸香。个酱都好有记忆点，系烟燻红洋葱果酱同自家制汉堡酱。
黑安格斯牛肉汉堡，加咗2种乾酪—埃文达乾酪、车打乾酪。
Mancini Pasta & Risotto | 蘑菇义大利饭
“The Hunter”好啱三五知己倾偈慢食，义大利饭就好啱一齐Share，再配啲海鲜、牛扒做主菜啱啱好。蘑菇烩饭铺满巴马臣乾酪好Creamy，仲有淡淡松露香。
蘑菇义大利饭铺满巴马臣乾酪，并有淡淡松露香。
Lobster Fra Diavolo
呢道辣番茄龙虾义大利面CP值好高!! 足足半只龙虾几多肉，辣番茄酱微酸轻辣，夏天想食啲酸嘢开胃就啱喇。
辣番茄龙虾义大利面，有半只龙虾几厚肉。
Main | Pan-Fried Salmon
呢度嘅海鲜好鲜甜，连三文鱼都特别重鱼味。而且鱼皮煎到金黄色脆脆地，加埋法式白奶油酱一齐食更加嫩滑。
三文鱼皮到金黄香脆，配白酒几夹。
Grilled Lamb Cutlets
除咗牛扒，呢度其他肉扒都系Josper Grilled炭炉烧㗎。食羊嘅话可以拣炭烤澳洲羊扒伴烟燻茄子，肉味几重，馀韵有啲羊味但唔羶，可以配埋鱼子酱同薄荷油。
炭烤澳洲羊扒伴烟燻茄子，馀韵有羊味但唔羶。
Braised Lamb Shank
钟意嫩啲、啖啖肉啲嘅话，可以拣炖澳洲羊膝。用叉轻轻一拮就已经肉骨分离，羊肉炖到好嫩㗎。
炖澳洲羊膝烩白腰豆，比羊扒更啖啖肉。
THE HUNTER
地址: 将军澳唐贤街29号蓝塘傲地下11号舖
电话: 23300204