想要无敌大海景食饭,将军澳海傍呢间“The Hunter”食地中海菜CP值好高,室外有一望无尽海景天际线,仲可以坐秋千位打卡。
![](https://www.openrice.com/userphoto/CMSContent/0/8G/001O8T6A5C48D8625FB127j.jpg)
“The Hunter”室外座位可以望无敌大海景,影相一流。
![](https://www.openrice.com/userphoto/CMSContent/0/8G/001O8UE252AB16F0FBAF1Cj.jpg)
室内气氛都好好㗎,有时仲会打开晒全部玻璃门变半开放式。
而且外籍大厨坚持全用飞机直送食材,特设Josper Grilled炭火烤炉、牛扒熟成柜。嚟到一定必食炭烧牛扒呀,超厚切又肉味浓郁!!
![](https://www.openrice.com/userphoto/CMSContent/0/8G/001O8V1347385B515F32BAj.jpg)
自设熟成柜。熟成牛扒经天然酵素自行分解,特别柔软浓郁。
![](https://www.openrice.com/userphoto/CMSContent/0/8H/001O8W2AFDC58F910D6AFDj.jpg)
睇吓牛扒几厚切!!
“The Hunter”主打嘅地中海菜好健康,当地人主要用天然香料、水果调味,同平时化学调味好唔同,特别食到海鲜、肉类嘅原始味㗎。
Salad | Hunter Garden
最估唔到系沙律都好出色,呢道Hunter Garden系招牌之一。员工会推出蓝色餐车,喺你面前即席炮制!! 全部外国直送食材,有原种番茄、青瓜、罗马生菜、萝卜、欧芹等,最后加埋脆面包、自家制薄荷酱Fresh得嚟几香口,成个用餐体验都好圆满呀。
![](https://www.openrice.com/userphoto/CMSContent/0/8H/001O8X837824F33FCCC250j.jpg)
员工会推出蓝色餐车喺你面前即席炮制,用餐体验好圆满。
![](https://www.openrice.com/userphoto/CMSContent/0/8H/001O8Y03A916854264F17Fj.jpg)
最后加埋脆面包,Fresh得嚟几香口。
Starter | Burrata
夏天嚟望海食个沙律都几爽,身为乾酪控必食Burrata。有原个布拉塔水牛乾酪,一切开啲乾酪慢慢流出嚟真系好疗癒,连埋印加樱桃蕃茄、草莓一齐食几清甜。
![](https://www.openrice.com/userphoto/CMSContent/0/8H/001O8Z1B417D3C0F69A3A5j.jpg)
布拉塔水牛乾酪沙律
![](https://www.openrice.com/userphoto/CMSContent/0/8H/001O903AABE9B433F0750Dj.jpg)
一切开乾酪会慢慢流出嚟,好疗癒。
Burger | 黑安格斯牛肉汉堡
呢度嘅汉堡系用黑安格斯牛肉㗎!! 足足250克,一切开仲见到好多肉汁。特别用咗2种乾酪—埃文达乾酪、车打乾酪,乾酪味浓够咸香。个酱都好有记忆点,系烟燻红洋葱果酱同自家制汉堡酱。
![](https://www.openrice.com/userphoto/CMSContent/0/8H/001O91D6E4E3B49B7BADD9j.jpg)
黑安格斯牛肉汉堡,加咗2种乾酪—埃文达乾酪、车打乾酪。
Mancini Pasta & Risotto | 蘑菇义大利饭
“The Hunter”好啱三五知己倾偈慢食,义大利饭就好啱一齐Share,再配啲海鲜、牛扒做主菜啱啱好。蘑菇烩饭铺满巴马臣乾酪好Creamy,仲有淡淡松露香。
![](https://www.openrice.com/userphoto/CMSContent/0/8H/001O929B31CA7EF5226119j.jpg)
蘑菇义大利饭铺满巴马臣乾酪,并有淡淡松露香。
Lobster Fra Diavolo
呢道辣番茄龙虾义大利面CP值好高!! 足足半只龙虾几多肉,辣番茄酱微酸轻辣,夏天想食啲酸嘢开胃就啱喇。
![](https://www.openrice.com/userphoto/CMSContent/0/8H/001O9360A80F5E405C534Ej.jpg)
辣番茄龙虾义大利面,有半只龙虾几厚肉。
Main | Pan-Fried Salmon
呢度嘅海鲜好鲜甜,连三文鱼都特别重鱼味。而且鱼皮煎到金黄色脆脆地,加埋法式白奶油酱一齐食更加嫩滑。
![](https://www.openrice.com/userphoto/CMSContent/0/8H/001O94B8588828344C20ADj.jpg)
三文鱼皮到金黄香脆,配白酒几夹。
Grilled Lamb Cutlets
除咗牛扒,呢度其他肉扒都系Josper Grilled炭炉烧㗎。食羊嘅话可以拣炭烤澳洲羊扒伴烟燻茄子,肉味几重,馀韵有啲羊味但唔羶,可以配埋鱼子酱同薄荷油。
![](https://www.openrice.com/userphoto/CMSContent/0/8H/001O9579A6196BB341CCA5j.jpg)
炭烤澳洲羊扒伴烟燻茄子,馀韵有羊味但唔羶。
Braised Lamb Shank
钟意嫩啲、啖啖肉啲嘅话,可以拣炖澳洲羊膝。用叉轻轻一拮就已经肉骨分离,羊肉炖到好嫩㗎。
![](https://www.openrice.com/userphoto/CMSContent/0/8H/001O9676D60402BA3E80D4j.jpg)
炖澳洲羊膝烩白腰豆,比羊扒更啖啖肉。
THE HUNTER
地址: 将军澳唐贤街29号蓝塘傲地下11号舖
电话: 23300204