想喺香港一嚐正宗义大利菜，位于中环嘅手工薄饼店“Abbraccio”就系由外籍大厨主理。仲可以喺空中天台用餐区，坐住籘椅梳化眺望红砖大馆好好feel；而室内就有渗光酒柜同大玻璃见到成个整薄饼过程㗎。
空中天台用餐区俯瞰中环市观景都好有feel。
室内有一整排梳化卡位，座位宽敞舒适。
餐厅墙身放满酒品陈列柜，一睇就知系微醺好地方。
“Abbraccio”唔单只系一间手工薄饼店，仲有多达40款正宗义大利料理，供应头盘、沙律、肉食、海鲜、意粉同甜品，选择好丰富㗎～浪漫啲想撑枱脚嘅话，亦可以order晚市套餐𠻹!!
原条香草烤鲈鱼Branzino al Cartoccio ($398)
华人饮食文化有唔少鱼料理，而义大利人都一样，擅于用香草烤鱼。好似呢道海鲈鱼，就加咗迷迭香同其他香料，充分锁住鱼嘅鲜味，啖啖肥美鱼肉!! 配埋番茄、柠檬、白酒、鲜牛至简单调味，好啱带家中长老们一齐食啊～
蓝青口配哥斯牛油Cozze alla N’duja butter ($328)
海鲜控必点青口!! 蓝青口本身特别重海水味，加少少鲜柠檬同香芹提味已经好好食。食嗰阵用自制义大利牛油烤面包吸满酱汁，真系汁都捞埋。
生蠔Oysters ($298/半打；$498/一打)
呢度嘅生蠔都系每日新鲜即送，客人order再现场去壳，保证食到最原汁原味状态～最特别系可以按个人喜好选择生食、焗或烤，仲有6种酱汁拣：传统醋汁、辣酱、gremolata、香蒜酱、大蒜、辣椒、柠檬汁，真系好贴心。
如果客人仲想食得再别致一啲，可以向侍应要求在生蠔上加上烟鱼子酱及金箔。(如上图)
烤鸡肝Fegatini Di Pollo ($208)
以义大利做法炮制鸡肝真系好少食到，呢度将鸡肝烤到金黄焦脆，入面就keep到好绵滑，食落仲有阵阵炭香风味𠻹～
自家制安格斯牛丸义大利面Polpettoni Pasta ($208)
一场嚟到点可以唔食意粉啊？用安格斯打出嚟嘅肉丸超级有份量，配经典义大利番茄酱同洒上巴马臣乾酪，食落牛味好浓郁又唔干。而且意粉烟烟韧韧，软硬度啱啱好。
三文鱼义大利饭Risotto Alla Milanese ($218)
除咗意粉，当然仲有Risotto啦～粒粒分明嘅番红花烩饭索饱香浓酱汁，每一口都好够味又唔重腻感。焗三文鱼嘅鱼纹分布均匀，一刀切开见到中间粉嫩鱼肉，入口好鲜甜仲带少少Q弹感，好似即钓即煮咁新鲜啊。
蘑菇义大利饭Funghi Risotto ($218)
“Abbraccio”会用牛肝菌肉汤同白葡萄酒烹煮义大利饭，饭粒特别饱满。加上牛肝菌、波多贝罗portobello、白蘑菇、黑松露等配料，最重要有烧塔莱吉奥奶酪(Torched taleggio cheese)，多咗一份奶油香气！
四式乾酪Quattro Formaggi ($218)
呢度有多款手工薄饼口味选择，并用特制石窑炉烤焗薄饼，450°C高温将批底焗到外脆内轻韧。四式乾酪集齐4款浓度同咸香有致嘅乾酪：拿铁+戈贡佐拉+阿西雅格+24个月格拉纳帕达诺乾酪，邪恶拉丝好吸引啊!!
Abbraccio
地址: 中环云咸街75-77号嘉兆商业大厦5楼
电话: 26333878