【牛扒界天花板】阿根廷牛! 365日抵食Lunch锯扒+地道料理

食好嘢一向有个抵食策略，就系把握Lunch Time!! 因为午市食材同晚市一样，但价钱就平好多啦。好似呢间阿根廷高级扒房“La Parrilla”一星期7日都有午市套餐，连放假都食到。

“La Parrilla”由外国大厨主理，引入牛扒界天花板嘅阿根廷牛扒。店内自设熟成牛扒柜，经干式熟成(Dry Aged)后牛味更浓㗎。呢度都有多款阿根廷地道料理，好似阿根廷馅饼(Fugazetta Empanada)、传统炸牛扒(Milanesa)等，午市套餐都食到㗎。

午市套餐$218，就有前菜+主菜+配菜+饮品。想将主菜升级做阿根廷牛扒都只系$298(即系加$80咋)；想再高级啲食靓肉位，可以额外升级，如肉眼扒+$98/250g、牛柳+$98/200g、阿根廷T-Bone扒+$198/500g等。

【阿根廷Lunch】前菜+主菜+配菜+饮品

嚟“La Parrilla”食饭记住拣视窗位，大窗望住红砖大馆几靓景。加埋欧洲风环境，深木+砖墙设计几有Feel。

欧洲红砖小屋装潢，置身异国气氛。

窗边座位好开扬，适合把酒谈欢。

前菜

特别推介传统馅饼(Fugazetta Empanada)

前菜可以拣热汤／牛肉他他／热溶Provolone Cheese，并有多款阿根廷地道小食选择。传统馅饼(Fugazetta Empanada)就系其中之一喇，外层炸到金黄脆卜卜，内馅系满满Provolone Cheese、洋葱几浓郁满足。

新品前菜肉丸(Meatballs)

“La Parrilla”外国大厨好坚持手制多款料理，因为可以控制所有食材、香料确保质素。而新品前菜肉丸(Meatballs)都系用阿根廷牛肉手打而成，肉质紮实又有肉味，连埋番茄蓉一齐食几开胃。

主菜

阿根廷传统料理Milanesa

入门价钱$218都有约7款主菜拣，味道一啲都唔入门。好似阿根廷传统料理Milanesa，当地人会用面包糠包住薄切牛扒炸香，上面仲有番茄、乾酪几有风味。

新出干式熟成牛汉堡(Dry-aged Beef Burger)

系直接喺店内熟成柜拎牛扒出黎手打而成㗎，相比一般汉堡肉味更浓!! 上枱嗰阵仲见到半溶乾酪慢慢流落嚟，影完相就即刻趁热食喇。

烤鸡(Grilled Spatchcock Chicken)

除咗牛扒外，呢度嘅烤鸡(Grilled Spatchcock Chicken)好有惊喜!! 外层烧得几香口，鸡肉纤维好幼好嫩，有种入口慢慢融开嘅感觉。

升级主菜！Lunch食阿根廷牛扒

用Lunch嘅价钱锯扒真系好抵，Lunch Set$298(即系加$80咋)就可拣牛腰扒(Rump Steak)、牛腹肉扒(Hanger Steak)、平铁牛扒(Flat Iron)。想食靓牛位可以再升级满足一众牛扒Fans!! 好推介牛柳(Fillet)+$98/200g，因为运动量少，较少筋络、纤维系最软最嫩嘅肉位。“La Parrilla”用扒炉猛火锁住肉汁，外层有啲焦脆炭烧味，一刀轻松切到底入面仲系靓靓粉红色。