情人节想享受吓二人时光，去东涌都系一个远离人烟嘅好地方，食完饭仲可以沿海散步，睇吓飞机起飞嘅独特风景。东涌有好多打卡餐厅，其中就有呢间黎巴嫩菜“Maison Du Mezze”，曾入围国际餐饮设计大赛。
“Maison Du Mezze”设计一系列精致菜式，成日都有惊喜㗎。
“Maison Du Mezze”以籐弔灯、干草打造异国度假风，曾入围国际餐饮设计大赛。
有驻场调酒师制作多款鸡尾酒。
情人节套餐 | 海鲜·烤鸡·羊腿
Valentine's Day Set Meal | Seafood - Roast Chicken - Lamb Shank
呢度会由世界各地引入食材，无论海鲜、肉类定蔬菜都特别鲜味。你会发觉单单食材原始味已经好好食，而唔会被大量调味料遮盖。
“Maison Du Mezze”情人节套餐$580/人。
【热汤】SOUP
中东海鲜汤(Middle Eastern Seafood Soup)
热汤一上枱，就见到有咁多海鲜已经几suprise，俨如一道迷你海鲜料理。好钟意佢嘅汤身清澈，更突出海鲜鲜甜。
【前菜】STARTS
Seafood Kebbeh & Rocca Zaatar Salad
Kebbeh系中东传统菜式，而大厨就将肉碎变成鱼肉、虾肉，并混入小麦炸到金黄色。外层香口，内里又弹牙细腻。一定要蘸埋红菜头芝麻酱一齐食，轻甜解腻，系女生一定钟意嘅味。
【主菜】MAIN
Chicken Musakhan
Musakhan系巴勒斯坦传统煮法，当地人会将鸡肉、洋葱、酸汁放于面包上。今次就将面包变成脆片；烤鸡亦加咗松子仁，连埋牛油果一齐食又软又脆好吸引呀。
Lamb Mansaf
只澳洲羊腿真系好！大！只！呀～一放低已经忍唔住影张相先。虽然咁大只，但羊肉一啲都唔韧呀。用只叉一拮就肉骨分离，食落肉味仲好浓郁。私心大爱佢哋嘅发酵奶酪酱，独特奶香同羊肉好夹。
【甜品】
Homemade Kunafa
Kunafa系好受当地人欢迎嘅中东甜品，同平时香港食到嘅软软滑滑甜品好唔同。Kunafa外层系脆脆地嘅酥皮碎，内里就有Burrata乾酪、凝脂奶油(Clotted Cream)、开心果，又脆又香又软滑加埋一齐，完全系今次晚餐记忆点。
Maison Du Mezze
地址: 东涌怡东路9号湾景荟地下G10号舖
电话: 23300131