2025年开年饭局攻略 | 屯门7大烧肉火锅放题推介

迎接新一年，紧系要一班人齐齐整整食得丰富啲啦！而屯门市中心有多间烧肉火锅放题餐厅任君选择，无论你想一个人静静享受专属时光，定系拉埋朋友畅食，都一定揾到啱心水！烧肉香味四溢、火锅热辣滚烫，屯门美食带你开启新一年嘅幸福味道。快啲mark实屯门7大烧肉火锅放题推介，一齐用美食激发新一年嘅无限动力啦！

日本农场直送佐贺和牛｜佐贺烧肉谷

食和牛迎接2025年够晒奢华！今年就约齐亲朋好友，去屯门市广场3楼嘅佐贺烧肉谷食旺佢啦。呢度主打日本佐贺县农场直送嘅佐贺和牛，全场无限量肉类、海鲜放题，逾百款配料任食。包括牛味浓郁嘅澳洲和牛原块板腱、烟燻壶渍封门柳等等，CP值好高呀。

呢度有4款烧肉放题套餐拣，推荐Lv.3套餐以上！因为可以免费饮埋日本清酒、梅酒同SAPPORO生啤，CP值非常高。而且牛肉上枱时以木架天梯摆放，仪式感十足，钟意食肉类定海鲜都可以无限追加，啱晒一班人唔同口味。如果拣「Lv.4 日本佐贺A4和牛海鲜」放题套餐，而家仲可以更可免费升级任食「烧生白鳝」，鲜嫩嘅白鳝肉质配上烧烤，绝对系不可错过嘅美味。今期仲有「鲜主题美食（鱼+羊）」，平时好少烧肉餐厅有羊食，而家可以试埋羊小肠串、香草羊架、孜然羊肉串、羊黑毛肚串、吉列多春鱼、黑鱼片汤等一系列主题美食啦。

佐贺烧肉谷可以无限任食高质靓牛，开饭仔推介必试烟燻壶渍封门柳。

今期「鲜主题美食（鱼+羊）」有羊小肠串、香草羊架、孜然羊肉串等，非常丰富。

IGable台湾火锅放题｜山见台式火锅

一班亲友相聚除咗围炉烧肉，仲可拣一齐围炉打边炉，开饭仔推介大家要嚟屯门呢间好IGable嘅台式火锅放题—山见台式火锅！餐厅门口离远已经见到「十分车站」门口，入面仲好似台湾「十分老街」咁，放满台湾旧式邮筒、怀旧海报、天灯装饰、台铁火车头等等，绝对有一秒飞到台湾错觉。

台湾人除咗打边炉，仲好钟意浸温泉。而家山见台式火锅就有推出个全新温泉台式火锅主题，提供多款台湾温泉名物—盐焗温泉蛋、古法窑鸡等，用味蕾感受温泉风味。全店有5款套餐拣，推荐「Lv.4特选和牛海鲜餐」，任食特选澳洲和牛、澳洲和牛肩胛肉眼、顶级无骨牛小排、花胶同原只鲍鱼等。仲有台式小食同甜品，好似蚵仔煎、恶魔鸡排、九份仙草椰果芋圆、十分爱玉花生芋圆都好少喺放题店见到。

门口好IGable。放满台湾旧式邮筒、怀旧海报等，绝对有一秒飞到台湾错觉。

「Lv.4特选和牛海鲜餐」任食特选澳洲和牛、澳洲和牛肩胛肉眼、顶级无骨牛小排、花胶同原只鲍鱼等，仲有台式小食同甜品。

高级烧肉の懒人福音｜焼肉焔

想享受专人代客烧肉，呢间高级日式烧肉—焼肉焔就啱你喇。呢度主打上乘烧肉，身处雅致日式环境品嚐日本每日直送嘅和牛可令你放松身心疲累。店员会为肉品亲身讲解，而且可以全程帮你烧，确保熟度啱啱好，绝对系懒人福音！

嚟到一定要食名物！菠萝渍钻石和牛胸腹肉，菠萝入面放满和牛令肉味带果香之馀，水果天然酵素仲会分解软化和牛蛋白质，所以肉质特别松软㗎。钟意油香嘅话，推荐盐烧特上三角牛小排，入口化出油脂有种入口即融感觉。另外人气高企嘅酱渍原条封门柳真系好浓肉味，肉控一定会爱上！海鲜爱好者一定要食埋龙虾尾，辛辣葱蒜同蒜香牛油，令弹牙嘅龙虾肉更有香味。

高级日式烧肉—焼肉焔可专人代客烧肉，静心品嚐日本每日直送和牛可令你放松身心疲累。

名物！菠萝渍钻石和牛胸腹肉。菠萝天然酵素会分解软化和牛蛋白质，和牛特别松软又有果香。

涮涮锅+高质小食区｜牛気

涮涮锅迷嚟到屯门都有好推介！屯门市广场3楼嘅人气日式火锅放题牛気有多款汤底拣之馀，仲有寿喜烧选择㗎。全店提供6款放题套餐，人气之选「Lv.5澳洲极上和牛＋海鲜放题」可拣秘传牛肉清汤底，任食澳洲极上和牛、谷饲黑安格斯牛等牛肉，更免费升级日本和牛肩胛肉眼，脂肪同油花丰富，口感软嫩。将牛肉放入汤底涮一涮，牛肉原始肉味发挥得淋漓尽致！同时仲有嚟自世界各地嘅帆立贝、青口、鲍鱼、大虾等海鲜任食，每啖都充满冬日幸福感。

呢度自助区亦系一大亮点，好少放题火锅有咁多小食。依家到1月21日仲有「和洋祭」火锅主题，提供多款西日料理—意式番茄肉丸、红酒炖牛肉、迷你苹果脆脆挞、迷你杂锦脆皮泡芙、吉列炸虾、咖啡拖肥味软冰淇淋等。就算小朋友一齐嚟食涮涮锅都好多嘢食拣，啱晒一家大细或多人饭局。

「Lv.5澳洲极上和牛＋海鲜放题」可拣秘传牛肉清汤底，任食澳洲极上和牛、澳洲壳饲黑安格斯牛、免费升级日本和牛肩胛肉眼等牛肉，以及嚟自世界各地嘅帆立贝、青口、鲍鱼、大虾等海鲜。

1月21日前有「和洋祭」火锅主题。提供多款西日料理，啱晒一家大细用味蕾enjoy新一年节日气氛。

和牛迷必食｜牛角日本烧肉专门店

呢间嚟自日本嘅超人气烧肉店，多款酱汁由日本直送，同日本一样口味，用合理价钱就食到唔同国家嘅靓牛肉，包括日本黑毛和牛、澳洲和牛同埋美国和牛，仲可以任食各类海鲜、豚肉、野菜等。

牛角有5款放题套餐拣，想要高CP值推荐「Lv.2严选美国和牛放题」，用中等价钱就可任食美国和牛、香葱温泉玉子饭等。钟意高级享受就可以拣「Lv.5究极日本和牛放题」任食日本九州黑毛和牛、鲍鱼、松叶蟹脚、甲罗烧等，无论牛肉定海鲜都系必食之选。另外仲可以加钱无限畅饮生啤，将烧肉派对气氛推到最高！

「Lv.2严选美国和牛放题」用中等价钱就可任食美国和牛、牛舌、香葱温泉玉子饭等。

「Lv.5究极日本和牛放题」集合矜贵食材—日本九州黑毛和牛、鲍鱼、松叶蟹脚、甲罗烧等，轻松食回本。

享受Me Time｜牛繁一人烧肉

有时想自己静静哋食个烧肉但又怕尴尬？屯门市广场AEON百货有间东京人气一人烧肉牛繁就啱晒啦！呢度有多款一人餐，牛肉嚟自美国、澳洲同日本，价钱合理分量大，仲可以享受me time𠻹。

一人餐选择有「牛胸花套餐」、「牛舌套餐」、「豚肉套餐」等，提供肉类gram数选择，唔惊食唔晒。另外特别推介「日本十胜和牛西冷套餐」畀识食之人，和牛布满油花真系入口融化。选择困难嘅话可以拣「四重奏套餐」，有齐葱烧牛胸花、汁烧肩胛片、味噌猪五花、柚子胡椒鸡腿肉，够晒丰富。套餐之外，唔好错过单点嘅南国元气鸡颈肉、九州鸡生蠔肉、九州鸡横隔膜肉。全部日本直送，鸡肉系透明感樱花粉色，食落肉质弹牙、鸡味香浓。

提供多款一人餐选择，价钱合理分量大。

可以单点日本直送嘅南国元气鸡颈肉、九州鸡生蠔肉、九州鸡横隔膜肉等。樱花粉色鸡肉弹牙、鸡味香浓。

无限炉边乾酪｜炑八韩烤

韩迷一定要mark实屯门市中心呢间韩烧餐厅，主打地道韩味嘅炑八烧烤。除咗必食招牌烧韩牛，推荐肩胛肉、护心肉等部位，肉类采取低温保存，即叫即切特别新鲜。呢度仲可以无限任加炉边乾酪、泡菜蛋，啱晒乾酪控。

必食23cm长王者牛肋骨，一上枱已经好震撼！霸王级别嘅份量，并以韩国梨蓉、洋葱、蒜蓉、麻油等醃制10小时，肉质松化又有淡淡清甜梨香，难怪唔少粉丝都希望佢成为餐厅嘅常驻产品。另一大爱厚切五花腩，边烧边爆出油脂好疗癒，用生菜、泡菜包住五花腩一齐食更有层次。当然唔少得近年人气大热嘅盐葱牛舌、韩国鳗鱼，都系必食之选。除咗烧肉之外，亦有好多韩国前菜、主食、嘢饮、甜品㗎。