ねずみの王冠 喫茶店

营业中

休息中

《ねずみの王冠 喫茶店🫖》ねずみの王冠 喫茶店地理位置頗為隱蔽 ，位於15樓嘅餐廳冇𨋢直上，要喺14樓出𨋢之後再行一層樓梯先去到~ 餐廳裝修行日式風格 ，位置寬敞 ，好適合同好友坐低慢慢傾計!▪️▪️▪️▪️▪️▪️▪️▪️▪️▪️▪️🔸蒲燒鯛魚腩定食 🎣$128蒲燒醬汁非常濃郁同甜 ，配埋燒過嘅肥美鯛魚腩送飯食一流~ 鯛魚腩亦都燒得好腍!鍾意食鰻魚嘅應該都會鍾意食~🔸和風全日朝食 (玉子) 🇯🇵$118和風全日朝食入面有: 玉子／溫泉蛋、燒鯖魚、野菜薯餅、明太子照燒汁飯團、唐揚味噌豆腐、蕃茄、野菜沙律玉子好甜好好食亦都幾鬆軟! 明太子照燒汁飯團&唐揚味噌豆腐都整得幾入味~ 好適合禮拜六日放假慢慢食個早餐!▪️▪️▪️▪️▪️▪️▪️▪️▪️▪️▪️設加一收費▪️▪️▪️▪️▪️▪️▪️▪️▪️▪️▪️今次幫襯📍觀塘巧明街106號冠力工業大廈15樓1501室#波比出沒觀塘 #KwunTong # KwunTongfood #觀塘美食#hkfoodie #hkblogger #foodie #hkfoodblogger #hkinfluencer #hkkol #hkfood #hkfoodlover #hkfoodstagram #hkigfood

冬至應該食團年飯，但避免多人聚會，所以今年都取消咗，唯有跟男朋友二人找地方享受冬至，但觀塘區，很多餐廳因冬至原因，晚市都關門，都正常，絕大部份人都應該去中式酒樓或者在家中食團年飯，所以咗佢大街走來走去搵食，最後見到呢間日式Cafe有居酒屋嘅嘢食，所以決定試吓。這間日式Cafe晚上轉換左變成居酒屋，燈光變得柔和，周圍環境都木色系做主要設計，有鼠鼠🐭🐹做主題，還有很多富士山🗻主題及小物區售賣買日本產品，感覺置身於日本旅行嘅小店餐廳感覺☺️加上正直聖誕節🎄來臨，有好多聖誕裝飾，好得意、好特別。我哋叫咗一個二人前海鮮套餐，$400蚊有六道菜，仲係海鮮餐，價錢好似幾抵食，冬至兩個人嘅團年飯，食得開心啲😋頭盤個沙律，啲餐具好日本居酒屋，火炙嘅左口魚，分量充足，火炙過魚油好香，感覺清新😋吉列魷魚圈，有個類似甜嘅沙律醬汁，醬汁裏面識到有蛋同青瓜，個醬汁應該係佢哋自己調校，配合個吉列魷魚圈，非常實在，魷魚圈炸得香口，估唔到呢啲前菜小食都好有誠意😆之後到食我哋嘅覺得係主菜嘅海鮮鍋🦐🐙🍲，有個日式火爐，一路燒熱住，暖笠笠☺️，海鮮嘅份量都幾充足，帶子同埋蝦蝦到好大隻😆，個湯底食到最後都飲飲咗啲，好有海鮮味，冬天

星期六晚，我約咗朋友去呢度食飯。以前曾經試過午市過嚟食，要Walk in排隊，今次諗住醒咗提前book位，結果原來係中伏嘅開始。一想到餐廳，發現全場計埋之後入咗嘅嗰張枱得兩枱，心諗已經大鑊😢，但係唔緊要，難得book咗枱，照入去食啦。我哋叫咗個二人套餐，本身非常期待佢哋嘅和牛粒炒飯同埋海鮮鍋。因為見佢哋上嘢飲嘅時候，睇落去都唔錯。個炒飯嚟到嘅時候，我差啲講粗口，佢啲和粒炒飯啲和牛同我想像嘅「粒」有好大差距，唔係平時見到嗰一種一粒粒，而係一粒粒米嘅尺寸。後尾嬲得滯叫多一條和牛串燒加落去。去到海鮮鍋嘅時候已經冇點影相，一嚟食到成肚火，二來外觀唔係太靚。但係海鮮鍋都係好難食，味道非常之腥，唔知係因為食材唔新鮮定係冇加到其他去腥嘅調味，全部嘢都係有浸好重嘅腥味。結尾嚟咗個甜品，因為本身甜品冇講到係乜嘢，我哋都好期待可以靠佢挽回局勢，點知你都係得幾條黃豆粉厥餅，食落去仲要完全冇口感。淨係套餐都嗌咗五百幾蚊，咁樣嘅食物質素點拎得出嚟。經過今次之後應該唔會再去呢一間餐廳，亦都唔建議大家去食。

呢排日日都唔好天，難得一日好天就去觀塘海濱睇日落打下卡。打完卡就到醫肚時間，心血來潮想食日本野，就search左附近有間富有日系裝潢嘅《ねずみの王冠 喫茶店 Hamsta Crown Coffee》，店內所有裝潢都係以暖木色為主調，仲有多種唔係日本風嘅擺設，更設有榻榻米餐座！2個人點左一個鍋物加小食同串燒：🌟「北海道3.7牛乳松葉蟹腳鍋」- 本身對牛乳湯都情有獨鍾，見到有松葉蟹腳係更加吸引！原鍋可以煲住食，的確比煮熟出嚟更加分！不得不讚係用原隻蟹腳！係原隻蟹腳！！唔係用蟹柳不特止，仲有4隻！！！蟹味鮮味更加昇華左牛乳濃湯味，令其他配菜更加入味！好食！🌟「味琳魚乾」- 烤到脆卜卜，都食得出有味琳香味🌟「和味串」- 生熟恰到好處，一串都有4件，Share就剛剛好🌟「監燒牛脷」- 爽口！中規中矩唔會失望！🌟「汁燒帆立貝」- 有3件，雖然都係一口size但都算大件！另外想讚下店員，都幾體貼同細心，仲有提供埋尿袋！唔知係咪太耐冇得去旅行，今次真係仿似去左趟日本一樣！下次都會再嚟！

🐟 原條蒲燒鰻魚炒飯 🍚..觀塘啲工業大廈其實隱藏左好多好西，所以我都成日去搵吓有啲咩好野食，今次又搵到間正野啦，想分享俾大家！..「ねずみの王冠 喫茶店」係一間日本餐廳，餐廳嘅裝潢同設計都好日系，一路食野一路聽住輕快嘅日文歌🎶 座位好闊落，都有啲居家feel 🏡..原條蒲燒鰻魚炒飯成條鰻魚咁上，好吸睛 👁👁 肉厚質嫰，幾乎冇骨，所以好易入口 👍🏻 鰻魚燒得岩岩好，香甜入味，又唔會太鹹😼..

☺️星期日同幾個朋友去咗呢間餐廳，都幾特別，係一間好日式既cafe。首先，要過2關：1. 假日，看更係會check身分證登記2. 搭life去到14樓，要再行一層，通道小暗，要大膽d朋友推介呢間嘅炸雞，我就覺中規中矩，外皮唔算太脆，肉汁唔算好多，醬比較普通。😼我叫咗一個日式嘅all day breakfast，幾有趣，平時食開西式。呢款換曬做日本料理，感覺幾新穎。食落都唔差，燒清魚皮脆又香🫠，肉唔會太乾；可樂餅炸粉做得非常薄，個餅外脆內軟😱；雜菇蕃茄洋蔥粟米，可以做個緩衝，清一清油膩感☺️；飯團同蛋就正正常常👌🏻仲有兩位朋友嗌左依兩款，不過我冇試，俾大家睇睇賣相。😜呢個三文魚egg benedict，用可樂餅做底，幾新穎！😃

搭lift 上14樓，要行一層上去呢度好日系feel，我地request坐出去塌塌米，要除鞋跪坐，都幾特別幾舒服人均價格－最低消$80評分－🌟🌟🌟🌟🌟第一次食日式cafe，幾特別，坐得好舒服，影相打卡又靚。brunch好多選擇，日式、洋風、西式又有，仲有咖哩豬扒，墨魚汁麵，食物都幾有水準和心思😍🍽餐飲半價可轉menu其他飲品，我地轉左美式咖啡、朱古力咖啡和榛子咖啡，但味道就唔算突出同行的家人，生日點了件cake寫了happy birthdaycake 係檸檬蛋白撻，味道適中，少甜而不漏，好味😋有機會下次再來過🥰

餐廳位於觀塘巧明街工業大廈內，地點方便👍👍APM行過去好近好快到，餐廳裝修好靚，好有日本feel🤩🤩主要係淺木色調為主，環境舒適❤️😍同朋友傾計好舒服👍👍今次四人同行，叫左一個二人set額外加串燒同一個松業蟹肉天津飯🍚全部都好好味😍飲品都好靚，打卡一流📷高質👍👍👍一定會去❤️💗

已經唔記得黎食過幾多次，真心recommend 好味lunch 小店。呢個價錢🈶️呢個質素份量食物真係好值👍🏻。我最常叫唐揚雞定食和炸蠔定食，同事們都不斷 encore 。雖然lunch set 有其他 choice,但係呢兩個定食太好𤽜，值得去食👍🏻

超級難食我地點了3份咖哩吉列豬扒飯，黎到時我食咗啖，超酸，以為壞左。咁我唔肯定係咪自己味覺問題，叫其他兩個人都試下，佢地直頭酸到吐返出黎。我地以為壞左啦，叫個店員去問下，店員拎入廚房之後出返黎，同我地講係因為落咗蘋果蓉，師傅可能落重手左，但係佢地個咖哩係咁，唔係壞。下！咩叫落重手左？酸到不得了都可以咁樣解釋？咁如果落重手左鹽，超級咸，都得咩？最後我地無食到個咖哩，真係好酸。靜係食d豬扒同飯。。。個豬排又好厚粉。。。點解一間餐廳可以咁樣，店員同環境都好好，但野食難食就真係接受唔到

知道這間餐廳很久了。但是一路以為只是cake等甜品輕食，所以沒有特別上來。最近看見有些set的選擇，便上來試下。lift到14樓要行上一層的。一入餐廳是好像去了日本一些小餐廳，座位不多，但裝修雅緻，還有一個小區賣日式紀念品。洗手間都一樣擺放了一些用品如潄口水等，都是好日本feel.套餐跟的紫菜湯喝得出不是開水的，有誠意。餐前小食是胡麻汁豆腐，一般啦！吉列豬扒雖不太厚，但沒有太乾，中規中矩，咖哩汁反嫌太多，浸了太半的飯。墨汁意粉味道沒有特別，都吃得出忌廉味照燒雞班尼廸的雞片有些鞋，蛋就滑。反而個薯餅幾好味。BTW,因為餐廳在工厦中，星期日去要在lift口登記身份証，這都無可厚非。但當天登記呀姐寫野比較慢，我前面3個人登記左5分鐘都未得，呀姐叫人拿著身份証唔好陏等佢抄，後來在我們身後的2個人無耐性就自己衝入lift，呀姐又停了下來叨叨念念，所以我都唔等佢，講左証上3個數字就入lift。都唔適宜抄身份証全數字啦！所以要來吃東西最好預多些時間。

裝修得好温馨，但架笠到左仲要行多層。夜晚應該會有D驚。待應有禮，上菜都快。炸蠔定食，無醒味👍。鯛魚定食，冇骨，好正👍👍，梳打就唔係好夠氣啦。大部分飲品跟餐半價。中上價，其實坐得舒服，採光唔錯，最欣賞佢幾塊日式隔板好靚。大部分四人座都有肉肉，小燈，公仔俾大家打下咭。九成都係女顧客😂😂。佢仲留左1/4位置用嚟賣精品，但如果有整嘛價錢就好了。同區太多各國美食cafe，要點樣keep到回頭客真係要諗下計仔。

好味好味🤤個炸雞食到尾凍咗都仲好好食仲脆痴線！然後個汁超好食！佢係有啲似沙律醬咁但比沙律醬lite。我平時都麻麻沙律醬，但呢個真心唔錯，加埋少少檸檬汁成件事更加清新易入口，正。份量就唔洗講，圖都見到，非常夠！話說個店員見到我地食剩餸，問我地要唔要飯先知原來可以加飯的（鼓勵大家真係唔夠食先加飯，唔係一陣就大家都冇得食XD仲有另一個重點，就係個前菜！！！話說我係一個超鍾意食前菜嘅人呢個前菜我比90分！！！好好食佢應該係有啲薯仔切咗細細條，然後有啲肉，唔係好知係咩肉，但成件事最好味係！個！汁！嘩個汁真係好味到好想食多碟的好香，我淨係食得出有麻油味，跟住因為太enioy所以無諗🤣跟住叫咗杯薄荷朱古力泡沫咖啡，但問我加唔加cream，我二話不說叫咗加 ！但下一秒發覺死啦，cappuccino再加crean咪好「漏」，大鑊~但最終無事，仲好好飲，甜度對我來講剛剛好☺️薄荷味個人覺得可以再多少少少少，但已經好好飲了環境都好舒服，咁啱無咩人，啱晒傾偈慢慢食不過如果繁忙時間就末必可以坐咁耐啦🤫😝

最悲哀的是生日前夕都是要一手一腳的安排妥當，由訂位到食物選擇方面也要預備好。只不過我都享受所有事都盡在我的掌握之中，不一定是職業病發作，而是我個人喜歡自己親力親為，總覺得別人替我做的並不太合我的心意…在訂這間位於觀塘的其中之一名店之前，店員也非常細心留意我的要求，也專登問我誰人生日，我尷尬的回答：「是我」店員也爽快的答應，我來到的時候就會親口向我說生日快樂，她居然記得…我點了未吃過的鯛魚腩，因為我平常不太愛吃魚，想作一點新的嘗試，魚油很多，很香口個人覺得lemon tart不是我杯茶，而咖啡真的有點差，未達到我心目中的水平，好似比一般餅店還要差少少回憶總是美好的…

係琴日同朋友晏晝12點喺嗰度咁食完嘢坐低飲杯嘢、結果大概一點左右一個戴眼鏡嘅女人侍應行過黎同我哋講話夠鐘、因為出邊好多客所以要求我哋埋咗張單、但係同時間佢又冇叫其他座位嘅人去埋單、唯獨是針對我哋呢一張、所以比我感覺非常之差絕對唔會再去食、基本上係你食完之後佢就要求你即刻埋單走人、呢啲係非常差嘅服務態度、而且仲要係埋單嗰陣時、我哋同佢講話有冇得加錢再坐耐啲、佢居然好唔耐煩嘅態度講話不如你買咗張單先啦、好似講到係我哋唔想買單賴死唔走喺度咁、呢啲究竟係咩態度嚟嘅呢、所以唔會再去、比錢買難受又何必、真心嬲左、