三ステーキ

营业中

休息中

排左成個鐘，排到你先買飛，最大收100蚊紙，自行預備散紙，500蚊紙入唔到，今次想食好啲，試了牛柳及西冷，先待職員安排入座，然後自行取圍裙、刀叉，沙律、湯、水、調味碟等用品，待牆上BB機響時，攞出去取牛扒，期待以久的牛扒取到了，真的約一成熟，牛是有牛肉味，但牛肉質地非常靭，好難咬，有點鞋口，絕不是入口即溶的，小啲牙力真係要諗諗先好去食，這個形式於香港相信可以長做的，但希望可以改善下牛的質素，日本那間立食的，都係百零蚊，但絕對好食得多，這個質素要再排隊一定唔會去，太攰了，不值得。

最新開張既呢間深水埗日式牛扒店一開張已經個個爭住去食當然都第一時間去試試佢😚由於餐廳近乎全自助既關係所以野食係需要「櫃面取多謝！」💁🏻‍♀️本身佢有張紙蓋住，應該係用黎防止彈油份量都幾多，愛食肉既都會感到滿足😍真係好新鮮既感覺，全程自己控制熟度同調味Do It By Yourself👩🏻‍🍳👨🏻‍🍳所以唔會投訴唔好食，唔會投訴唔夠熟三拍子牛扒 300g $109食落去真係食真 · 牛味🤣🤣肉質不錯，佢提供大量調味，任你食自己喜歡既口味！牛柳 300g $115比較喜歡牛柳，個牛肉味會比三拍子牛扒再濃啲，個滿足感又再大啲🤤除左食牛之外，佢呢度既白飯、湯同沙律菜都係飲食架！要食飽一定飽🤣個人覺得食起黎過癮既，但同時都會有啲狼狽，因為一路都處於煎梗牛扒既狀態，油同牛扒汁會周圍彈！好味指數：

今日專程去食呢間最近熱爆嘅三Triple Steak ，地點位於深水埗西九龍中心斜對面。同老公奶奶諗住食晚餐，一早聽聞好多人排隊，果然下午5點17分到達已經有30人排緊。排緊嘅時候都可以睇睇instruction ☝🏻款式唔多，價錢好相宜！排左1個鐘，終於到我地啦！☝🏻自助點餐機 (螢幕見到一張臉，是勤力店員肥仔) 我地點餐之後，部機有少少問題，但肥仔店員立即上前幫忙👍🏻搞掂再帶我地入去坐。店中仲有另一位女子幫忙收拾的，但如果我係老闆我真係會炒左佢，工作散漫唔熱心自己顧自己，仲唔理顧客。Very Bad ! 店員肥仔，一腳踢咁濟，我懷疑可能佢係店主🤨帶完位，張收據交俾佢，就換左3部Bibi機，響個時就可以取餐。我地叫左3份180g嘅三拍子牛，盛惠$225!! 等待取餐期間自己自助添白飯，湯，同沙律。老實說，湯同沙律真係無特別。 咁平嘅價錢都唔應該有咩期望，對吧但是白飯🍚幾好食喎！係珍珠米！牛！好食！75蚊食到呢個安格斯牛真係好扺🥳大家如果要食，就早d去排，我大約7點食完，用餐時間大約係40分鐘。走個時已經有超過50人排緊，繁忙時段可能要排兩個鐘架，自己留意返

真不解拉麵店何時成了牛扒店？今日櫬著時間尚早11點半就去排定隊果然時間愈長人流愈多幸好屬於第一輪的客人 餐廳不設取票 一定要排隊門口有部自助買餐機自行買餐要留意只接受紙幣 最好先預備多幾張印象餐廳空間感不足等候期間建議大家可先盛白飯沙律和湯 醬汁都是自助的牌子震動提示可以自行取餐點了200 g 牛柳 $85果然大件 裡面還有點生自行再切件煮熟 肉質不錯！另外叫了一份三拍子牛扒300g $109個人認為三拍子比牛柳更嫩滑及重牛肉味以此價錢認真超值難怪人氣依然

有一次搭巴士經過見到超多人排隊排到街尾咁濟今日星期五閒日，特登過左lunch hour先去，但都排左45分鐘左右！但到低值唔值呢上網睇先知原來新開，同好多媒體都有介紹，唔怪得咁多人！大至上，扒就得3種，三拍子牛扒，牛柳同西冷，同埋分3種重量。程序都好簡單，就係排到門口會而部售票機，選擇你要嘅扒就得，因為已經包埋白飯、沙律、湯同水。要提一提嘅係，得現金付款，同埋見唔到有500蚊嘅icon，安全起見都係唱定錢啦！😸入到去坐位都算多，扒一嚟嘅時候就1成熟，想熟啲就等耐啲先食就得，佢就唔建議你一開波切好曬沙律就不過不失，四個sauce 選擇湯就真係好清好清，無乜味咁😳主角出場啦！叫左300g嘅牛柳 好香呀因爲自己鐘意食3成，所以無等就開始食啦肉味好濃，好多肉汁呀好好味，我嗰份有一舊係大舊啲，怕佢太熟，所以就自己墊左隻叉係下面，所以食到最後都無太熟！！！！好好味！無乜食飯都好夠飽！好滿意呀！但唯一唔好嘅係，食完會成身油煙味😣要返屋企換衫呀

喺日本就食得多 香港依家都有自助式牛扒一個餐已包白飯 沙律 牛扒性價比超高 認真好食 仲有得自己控制生熟度😆首先要喺鋪頭出面排隊 然後購買餐券 唔收散子 所以記得準備好紙幣💵店員帶位後 記得比張卷佢 同留意紅色機 有聲就拎得😍 記得要自己拎飯沙律加多啲芝麻醬就最正👍😏湯就日日唔同 嗰日飲嘅好淡好水唔好飲👎-#牛柳 400g $145 肉質好淋 肉汁好多好易熟 所以要食快啲😂自己煎到5成熟就啱啱好 枱面會有各種配料 小編比較推介蒜蓉及醬油 可以撈飯食🙈🙈依兩樣同飯都好夾🍚-#西冷 300g $175唔洗多講 肉味好濃牛扒比較厚身 所以建議快快煎咗先 可能大家比較擔心唔夠熱嘅問題但放心🔥頭30分鐘熱度都足夠但後期就只有餘溫牛柳易熟所以無問題 但西冷食到一半 記得煎熟埋佢🤤評分:8/10

原本諗住去拉麵，嚟到變左牛扒店，見到間格幾日式，而且價錢又不貴就入去試一試佢個俾錢模式仿日式，完全用機，但基本上我無睇過/睇到menu就揀左，原因是佢菜式簡單只有三種牛：三拍子牛扒，牛柳，西冷牛扒可以揀亦有三種size,而且我揀左牛柳400g店內有份表寫左流程，先消費後入坐Bibi機一震，就去攞得，有d 大X活 feel佢點餐已包自助沙律，沙律醬有三款，包括芝麻醬，千島醬，同日式風味醬（類似柚子醋）牛扒全部用鐵板上，以一成熟係基準，所以入面好生，鐵板就係俾你自己較/煮到你喜歡的熟度有得食有得食玩個人認為性價比很高，因為肉質不差，而且大大件另外店內提供了多款調味俾食客選用，有：茄汁，酸汁，燒汁，醬油，蒜蓉，柚子胡椒同wasabi!我覺得燒汁加蒜蓉勁香勁好味

Triple Steak，來自日本的牛扒專門店，以自助購票方式點菜，每款牛扒有三種重量選擇，連同三款不同的肉，合共有九個配搭，如果你是大胃王，點一份400g的牛扒是不錯的選擇，但如果你是位胃口小的女士，仍有180g的選擇。今天與柑太到了Triple Steak。內裡裝潢很簡單，坐位不多，而且很狹窄，二人坐位只有平常的七成寬。我點了一份牛柳300g，而柑太選了三拍子牛180g。店內提供圍裙及自助白飯和沙律，碗杯及飲用水任用。醬料很多選擇，比較推介是三拍子蒜蓉、芥末肉蔥和柚子胡椒，不單是做為牛扒的醬汁，用來送白飯也是一流。牛扒是需要自己去櫃檯自取，所以會有白餐紙蓋著。這便是三拍子牛扒180g，肉質不錯，未及西冷一般有咬口，但肉質較為嫩滑。由於牛扒本身只是blue，要食medium rare以上熟度，需要自行等待牛扒在烤石煎熟本人的牛柳(應該是300g但實際不足請看題外話)，肉質不錯，但油脂很少，作為牛柳便較為遜色，以百多元的價錢可以吃到這個分量，實在是超值。

話說喺Facebook上面見到有人介紹呢間名叫Triple steak嘅牛扒店，就一直心思思想去試。終於等到今日有機會落深水埗一於去試一試。呢間店首先係要買咗嘢食先嘅，而佢買嘅方法就好似日本嗰啲拉麵店咁，係個自動販賣機裏邊揀你想食嘅食物。揀好之後呢就去交張飛比廚房，係等牛扒準備嘅時間裏邊你就可以着圍裙啊，食下沙律額，拎飯啊諸如此類。等左一陣，牛扒準備好！齋睇已經流晒口水呢，雖然呢啲唔係啲乜嘢貴價牛扒但係食落亦都好有牛味。基於佢只會幫你煎到一成熟，所以塊牛扒最後處理得好唔好全靠自己，冇得賴人

近年拉麵陳慢慢轉型變成牛肉陳，唔計走高級路線嘅宗像牛肉屋，淨係講響佐敦food court間混亂STEAK，快餐玩計磅切肉錯哂，今次吸收經驗後索性將原本間混亂拉麵轉成賣鋸扒快餐😗 同樣係玩快食鋸扒，今次冇咗磅重呢個設計，速度上的確提高咗好多，基本上買飛坐低裝下湯裝下飯塊扒已經出得，總算做得返日本快食果種感覺✨除此之外，門口部賣飛機都係一大特點之一，可能佢想盡可能還原日本果種感覺先哂錢整部咁嘅嘢返嚟，響客人角度係開心嘅，但其實部機本身都幾為人詬病，首先支援貨幣唔夠全面，唔用得五百蚊都唔用得兩蚊，本身朋友想試西冷，但西冷要二百幾，另一塊三拍牛又百幾，我地成個銀包都係五百蚊根本唔夠散紙，想同店員唱但連佢都唔夠錢叫人去七仔噤，最後要放棄西冷叫次一級嘅牛柳😂然後部機又唔係好感應到啲錢，張五十蚊要出入四次先入到，要知道平時響七仔地鐵俾錢俾慢啲都會俾後面條隊妙爆，幾何況你要響條十幾個餓鬼嘅隊頭入勁耐錢，成個過程簡直係驚險😂買完飛之後嘅都好順，直情連咇咇機都唔洗派直接掛咗響你個位，一響就可以出去拎。鋸扒小攻略：雖然佢出餐時有用張廚房紙蓋住，但啲油都爆得幾勁，其實出面係有即棄圍裙可以拎，唔怕陣到成身都係

原先係混亂拉麵，現在變成好日式既牛扒專門店，首先要在門口選擇好想食牛扒（而我選擇左三拍子牛扒同牛柳）（隨自己喜好可再購買汽水要15蚊）之後入錢購買，拎左單入店內職員會帶到坐位，等牛扒整左好（全店牛扒只得一成熟，因牛扒會放在石熱上面），自己去取餐，建議張牛扒切開一粒粒等熱石煎熟每一邊，最後枱上方有齊所有調味料。特別一提，只要購買過75蚊免費升級沙律、飯同湯放題，但沙律只得椰菜一款，而且湯真係好難飲好淡味牛骨湯。

見近日新開舖即時和朋友去先試為快！用食券機時發生少問題，機器找少了錢，幸好有職員即時幫忙取回。交上食券入坐後便開始等待及取自助沙律，如圖所見，不要太有期待，醬汁有3款可以任加。免費任斟的湯味道怪怪，可以不試。等了約10-15分鐘後檯前機仔響起便去取餐處，取回來是用廚房紙蓋著，職員說是用來防止彈汁。乾坤一開，2 款牛已近 5 成熟，與檯前所示的 1 成熟不同因為不知要準備，牛扒到後才去盛飯，倒醬料，加黑椒、鹽等動作，導致牛肉過熟，真的是「Well Done」！建議要提前準備所有工作，牛扒到後即提起看生熟度，再放回鐵板決定要再烹調時間。味道方面是有牛肉味的，比一般港式扒房水準要好，合理價錢及期望。另外，餐廳沒有籃、掛鈎，袋只可以放地上或跟身。但有即棄圍巾可取用，不怕肉汁彈在身上，貼心！