三ステーキ

营业中

休息中

今日落咗堂有朋友帶咗小妹我去食牛扒。今次食嘅扒房喺深水埗嘅日式扒房🇯🇵🇯🇵✨而家愈黎愈興自助式餐廳，而呢間都唔例外，好似日本嘅餐廳咁，用自助販賣機俾完錢再入去食🤤🤤✨本應朋友仔介紹我地食三拍子牛扒，不過呢我地黎到就已經sold out 😢😢 所以我地就貴少少要咗 100g嘅牛柳， 每份$85~✨入到去店員俾低咗部機我地，響嘅時候就可以拎牛扒咖啦😍👍🏻✨而且餐廳提供自助沙律吧，任添白飯同湯咖✨牛扒到啦，一上枱就default咗一成熟，如果要食熟啲就記得切好放上石板燒熟。✨牛扒唔好見85$就以為好cheap，味道一啲都唔差。自己煮開牛扒嘅朋友仔記得駛出你地嘅好廚藝啦😏😏😏

一直都想食依間,終於有人肯排隊朋友等了二小時,終於有得食三拍子牛扒, 第一啖既感覺,三個字。。大。。家。。樂。。天呀,排左二粒鐘食啲咁既貸識有少少失望第二塊揀左牛柳個感覺會好啲, 強烈建議,如果要食嘅話揀返牛柳會好啲湯 ---同其他評論差唔多同水冇乜分別沙律-- 唔係話特別苦, 可能因為我落得比較多嘅醬汁飯 -- 我唔知係咪珍珠飯黎,我反而覺得幾好食員工-- 幾nice, 幾好人,效率快,連啲醬汁都主動介紹返我地知總結 -- 如果唔洗排隊會再食,但如果要排多過一張台,唔會考慮

見到有社交網站大肆宣傳呢間石板牛排店，再加上每次經過都見到大排長龍，好似好吸引咁，今日男友話去試下！我地下午五點三左右去到，見到竟然得三四個人排隊，咁岩又有一大班人走，職員都好快手執枱，所以好快都到我地！要先係門口既自助販賣機揀要食邊款牛扒及份量，再入錢買票（部機係唔比入散銀只可入錢幣），買完票後等職員安排坐位。叫左最平既兩款牛扒，t要自己落，有鹽，黑椒，味道一般。任飲任食既有椰菜沙律，白飯，湯，同水。總結，我覺得唔值得特登排隊去食！

見到網上不停介紹深水埗呢間牛朳大件又抵食, 仲要係石燒, 沙律, 白飯, 湯都係免費任添而大家對呢餐廳既評價都唔錯, 見今日放假就黎試下諗住今日係平日下晝會少D人啦, 點知去到已經排緊隊啦, 前面大概有10幾人比起我上次想黎食少左好多架啦等左30-40分鐘左右, 終於有位, 門口有部點餐機, 揀好餐比哂錢就會安排入座然後將果張飛仔比職員所有野都係自助形式, 沙律, 湯, 茶, 白飯都係自己出去攞牛朳未到之前緊係飲左沙律先啦, 沙律菜可以落麻醬或者醋, D菜都好鮮甜架朋友食左幾碗呀等左一段時間, 牛朳終於出場啦以下呢個係三拍子牛朳, 我叫左180G, 但對於我黎講都好夠食牛朳煎過2邊, 其他就按照自己既喜好去調整個生熟度我唔鍾意食太熟, 6成左右就岩哂我, 食落去有口感, 有肉汁, 但呢隻肉質就冇咁滑以下呢個係牛柳300G, 相對三拍子就滑D, 味道就大家差唔多要自己落鹽或者醬料去調味總括呢間牛朳係有特色既, 而且都抵食, 牛朳唔係話好高質既牛朳, 但相對起佢既價錢黎講算係物超所值想試既朋友就真係要排下隊啦, 因為地方好細,  坐得都有少少迫架最好就係平日既下晝黎, 想食夜晚我諗都要5點

嘩排左好耐呀我諗都有成30-45分鐘，真係超多人尼食，都算係比得上期待值既🙆🏽‍♀️💁🏽‍♀️牛柳💁🏽‍♀️三拍子牛排兩張圖份量都係300g，都算多架。出餐要自己去取牛處拎，師傅出餐既時候牛只有一成，所以想食幾熟可以之後自己用石板去heat返。牛的確幾腍，而且都仲有肉汁，不錯吃喔！而且石板都真係幾熱，有時切切下都會彈到小小。牛尼度有3款同各有3個份量畀大家揀，而且點牛既價錢仲包埋沙律、湯同飯，大家可以去自助吧果度拎，野飲以汽水為主。另一特點就當然係好似日本咁係自助售賣機，買完係門口等店員帶位再等bibi機響去拎牛。而且石板唔再熱，你想再熟d都可以去拎新既石板，保證食到自己想食既味道👅

平日的中午(排隊……排到後巷)排到門口位(足足3O分鐘)一店門外有部自助售買扒餐機(選擇牛扒種類和克數，開始入錢……)出左兩張票(一張入座俾店員)一張自己keep,再等領餐牌(閃燈)入座計一計時……再等3O分鐘等牛扒時……自行夾椰菜絲(沙律)，湯，水(自助式取)椰菜絲(配上沙律醬)，味道清新淺黄(係湯)非常難飲(完全唔似湯，無味，只有淺黃色的色素)飲水(安全d)等左3O分鐘有牛扒了……(有紙巾蓋住牛扒，防油汁彈出)180g(份量都多)三拍子牛扒180g$75熱石上枱夠熱，但待我影多2張相(變左暖石)唯有快切開牛扒，快煎熟中間d生肉肉質，好嫩西冷200g$120西冷有d肥邊位，煎時(好香)有小小肥肉，令肉質更加香口牛扒夠大件(不用食飯，夠飽)湯好差(推介飲水(免費)，罐庒可樂$15)熱石(keep熱唔耐)，需快手切開牛扒，煎熟p.s.(有需要可以叫店員，換熱石板)只能放假先可以試這店，平日中午(排隊加等牛扒，差不多一個鐘)

呢間係深水埗既日式牛扒店，經常大排長龍。今日興起去排下，未到7點黎到目測有差唔多一百人排緊，結果一排就排左兩個鐘！！！門口有部自助點餐機，只收現金。主要有三款牛扒，三拍子、牛柳同西冷，有唔同份量，列明左有幾gram. 明碼實價。白飯同沙律自助任添，自助拎餐。肉質ok,西冷有牛味。一上枱件牛得一成熟，自己用石板煮熟黎食。真係好生，石板唔夠熱可以自助換過一塊。人氣呢家野真係一時無兩，排兩個幾鐘食塊牛扒，真係香港人先咁鐘意做。

Today I spent half an hour lining up to try this popular steak. It actually takes quite a long time for them to cook it for us. In the end I waited for half an hour to have my steak. While waiting I went to get some salad which was bitter, the soup was tasteless, actually tasted like warm water. The steak was alright but the texture was rough with no taste. I put lots of salt and pepper to increase the flavour. It’s not worth waiting for.

想去這家店食好耐，今日終於去到，但真的好失望，去到要在門口排隊都唔緊要，入到去才知道點解要咁耐！企在門口開始等時間是12:10分到，等到12:20分入去，入到去再等到12:45，我們四個人，只有二個人有得食。食物一入口🙄好普通，牛肉好似在街市買的，普通牛肉一樣，有一朋友食既牛柳又（鞋）又難咬，免費湯是味精湯，免費沙拉是椰菜，苦到食唔到，真的意想不到既咁唔好食，真的是希望越大、失望就更大。不會再有下，這間店巳入黑名單。

終吃到深水埗人氣日式牛扒店Triple Steak的三拍子牛扒了。此店是香港拉麵界名人「拉麵陳」的新攪作，位置也在他昔日所開的「混亂拉麵」原址。閒日下午非繁忙時間前往，都有約七、八成客入座。門口有部好日本feel的自助售票機，選好食物後比錢，然後入座，座位有個震機，機震動後自己去櫃位拿牛扒便成了，屬快餐式運作。食物只有三拍子牛扒、牛柳同西冷三款，肉的重量有三個選擇，也就是說選來選去只有九個choices，飲品種類也只得幾款，相信即使有選擇困難症也能輕易下決定吧。而我今次便選了一客$109，共300g的三拍子牛扒。食扒已包自己任取的椰菜絲沙律、湯同白飯。椰菜絲沙律尙算新鮮，也有幾款醬汁供選擇。飯基本上不太黏，屬合格。至於湯則淡如水，無甚味道。等了約十分鐘左右，用白食用紙巾蓋上的三拍子牛扒登場了。牛扒跌板上，跌板夠熱，且熱度大致食完塊扒都keep到。這點十分重要，因為基本牛扒上桌時只有約三成熟，然後可根據自己喜好，切肉放在鐵板上來控制肉的生熟程度，要medium或rare或全熟自己話事，此做法實在唔錯。300g的肉看起來也挺厚身，切開肉汁流出，也看到原塊的牛扒表面標出紅肉汁，因此只要不把肉

今日終於試左屋企附近個熱石牛扒，雖然要排隊，但係都係等左半個鐘就入得，可接受。係門口有部機收錢，自助形式，好似日本拉麵店買飛果啲機，買完飛後就會有店員帶你去坐位度。不過有少少野要留意返，因為部機找錢同出飛都係同一個地方，所以開頭我都睇唔清楚以為找少左錢，好在身後的熱心情侶話比我知先見到原來錢係個暗位度。今日試左牛柳，好味道。計返價錢性價比必食，$85有飯有沙律，煮熟一成後，用熱石上，想食幾成熟自己黎。所以建議唔好叫咁大份，雖然熱石唔夠熱可以更換，但係麻煩。日式食法，有豉油有蒜末，加埋落牛扒度好好味。下次有機會會帶埋老婆再去試其他野食。🤤🤤

排左一個鐘，仲要勁伏🤦🏻‍♀️食左一份300g既牛柳同300g最基本個款，黎到已經知不妙，個鐵板散熱勁快，吾駛一陣已經吾熱，隔離枱個男生都係岩岩食左一陣已經話個鐵板吾熱，要個師傅幫佢熱返......只可以講，深水埗真係大把其他野食

鋪頭喺欽州街即係大約西九龍中心斜對面， 交通叫做方便。 我哋下晝嚟下午茶就唔使排隊但下午茶唔會特別平左。 首先講佢嗰個所謂自助售票機， 我買三個人 入咗500蚊紙佢可以找少100蚊畀我睇少眼都唔得。 個所謂沙律吧係包埋嘅但只係得啲嘢菜蘿蔔絲乜嘢其他嘢都冇。 有湯同埋白飯任裝嘅咁呢啲都係基本都好基本嘅嘢。 汽水就15蚊位唔係任裝。 我哋純粹私食最基本嗰隻牛扒佢話一成熟嘅， 味道可以。 但如果用放題呢個字嚟做招徕 咁我又唔係覺得真係好貼切。 坐位都算係迫， 不過叫做乾淨。

因為是平日下午五點多, 所以不用等太久.  以$75的價錢, 牛扒的大小算不錯, 湯, 飯及沙律是任食的.  湯味道很淡, 如能改用麵豉湯會好好多(用即開的成本不會太貴吧!), 沙律的椰菜新鮮, 飯不知是否煮得太趕, 太濕, 太爛, 有待改善.

Triple Steak is a Japanese style stone grilled steak restaurant serving quality beef at great value prices.Choose your selection at the machine by the entrance before sitting down. Machine accepts cash only.We chose the $75 set for 180g steak, with unlimited self-serve rice, soup, and salad.Self-serve unlimited rice and salad. Can get full just eating these. Rice is mushy and over-watery. Salad is average with three choices of dressing.Toppings for steak include ketchup, soy sauce, wasabe, and o