三ステーキ

营业中

休息中

不知所謂的牛扒餐廳！經常行過深水埗見到排晒長龍，仲要排咗幾個月都仲有人排。之前聽過朋友講都係唔好抱咁大期望入黎食！今日食過，我覺得我朋友好有口德！呢間野只可以俾劣評黎形容！老實講$75、$80幾蚊一塊扒，好平咩？任食沙律同飯，食得幾多？啲沙律菜仲要係苦既！其實俾多少少錢，去花園餐廳都已經好味好多！叫咗三拍子牛扒同牛柳。個牛真係唔得，要配茄汁先食得落口！全餐我覺得最好味既係個白飯🤦🏻‍♀️絕對不推！

食牛扒通常都二百蚊走唔甩，最近搵到間可以平食既牛扒，於是就黎試試佢。入餐廳前要排隊，雖然都成點半先到，但都係好多人食，排左半個鐘內就有位啦。價錢由牛扒份量、種類界定，200g起跳，有三拍子牛、牛柳、西冷。揀左牛柳200g都係85蚊，有湯有飯有牛扒，仲想點。前菜仲可以去沙律吧到裝沙律，好正。啲湯仲有牛肉咖~~窮人恩物♥️牛扒黎講佢唔算好好食，但都幾有牛味，好多肉汁，係有少少筋，85蚊黎講真係算係咁啦。

尷於IG熱潮人氣的確小不了💁🏻‍♀️當日星期三6:10pm已經到人龍真心唔短 🧟‍♂️已經要排到隔離電單車用品舖嘅後巷位置前後等左一個鐘多D到7:30pm終於可以禁機點餐啦溫馨小提示🧚🏻‍♀️部機唔識收2蚊同新嘅500蚊紙尷於得一張新500蚊紙🤷🏻‍♀️店員都好好人打開部販賣機換張500蚊💵比我地入座後⏱就可以自己去廚房比單等牛扒啦餐廳好貼心有準備到即棄圍裙適合著淺色衫🥼嘅朋友由於牛扒🥩系跟餐嘅可以自取湯🥘&飯🍚&沙律🥗主角到啦🎉牛柳（400g)西冷（400g)三拍子牛扒（200g)認真講🤔真心唔好食三者之中如果要揀牛柳比較算系正常少少之外🙈其他就唔點好過點西冷就簡直不值一提朋友話仲難食過煲湯嘅豬𦟌肉真心肉質系韌嘅而且肥膏都比較多貴得無道理🤷🏻‍♀️三拍子普通到無得再普通嘅牛肉真心大家樂會好食過佢😂一個字「伏」兩個字「劣食」但店員嘅服務系唔錯假如覺得塊板唔夠熱可以自行去領餐處換嘅店員好細心同快手咁幫你換熱好嘅板假如為左食物而黎我勸就免啦但為左玩下部自助販賣機或者感受自助煮牛扒嘅我雖然都唔推薦但可試一下無妨但要等足一個鐘你地就要諗清楚啦🤣

中午時候一個人唔駛等立直入,密密的座位予左唔舒適.服務全自助.飯.湯.棷菜絲.水任裝,因為價格算平(最平一份75元)所以沒所謂.飯正常,湯好咸今次要三拍子牛肉,少量根OK,但肉沒牛肉味,口質不算粗糙但也不細緻,調味自己來.沒牛肉味的肉調完都不會變好食, 另有一有點要注意,石板的熱力減退也快.好難慢慢邊煎邊吃,盡早煎完所有,再食會好D.情侣/一家大細拿石板煎下肉都是一個娛樂,試下也不錯, 但以正價比來說,個人覺得大X樂的扒餐好過佢

由佢一喺香港開第一間分店，就不停聽到有好多食評關於佢我食嗰日係平日黎，而且我六點鐘就去咗排隊，已經見到要排到隔離巷，前面大概八個人左右，嗰陣諗應該好快，但原來等等下都等左成個半鐘先入到去，好多人由七點開始排，嗰陣都已經排到去條巷仔中後嘅部份，超級熱同超多蚊咬，如果野蚊嘅人，真係要噴蚊怕水，畢竟如果你七點開始排都要排成兩個鐘。我哋兩個嗌咗每人300克，佢俾人吹捧都唔係冇原因，係真係好好食，牛一啲都唔乾，但係因為自己整嘅關係，記得唔好放太耐先食，佢嗰度嘅飯同沙律都係仼食，我哋每人食咗兩碗飯就有飽到上心口既效果😂三拍子牛必食！

經傳媒報道，令這間餐廳每天都大排長龍！今天我們六時來到，都要等1小時才能入座，可見人氣旺盛！入座前我們先在自動販賣機點餐。餐廳只有三款牛類：三拍子牛扒、牛柳、西冷牛扒。我們點了一份三拍子及一份牛柳。這裏是自助形式，要自己去取沙律、餐湯、米飯、水及餐具等。貼心的是他們有即棄圍裙。跟餐沙律其實沒有什麼特別，都是一些椰菜切條，配上日式芝麻醬餐湯是牛肉湯，比較清淡的味道三拍子牛扒（180g)180克的牛扒份量頗多的，上菜時可見石燒板十分夠熱，貼心給加上了紙巾，令我們不易被醬汁彈到上身。三拍子的牛扒比較爽口有口感，肉味香，生熟程度可以按照自己喜歡調整，味道及份量剛好，可配蒜泥、芥末及燒汁等進食牛柳（300g)比一般餐廳厚切，肉質軟嫩，口感沒有三拍子牛扒般有咬口店內座位不多，亦沒有大枱，我們吃完就走了。整體來說，感覺這間餐廳有點過分地吹噓，但$75 一塊牛扒的價錢也可以接受。其實自己DIY也是與時間拼搏！因為牛扒在石燒板上一直受熱力而改變它的生熟程度，要控制得很好才可食到自己喜歡的口感。我會喜歡一些傳統港式鋸扒餐廳，因為坐得舒適，而且牛扒肉質也差不多。

大約6點到達，大約7點才坐下等餐，有點過了火啦。而且排隊機制其實有點問題：一是為避免阻礙旁邊的店，隊是分開了兩部分的，但我們看到有人客到達的時候沒有到真正的隊尾，變相是打灰慳了六成時間，過程還是沒有店員控制的；二是店員在快入座的時候才會讓你點餐，結果我們入座後等了多於十五分鐘才有牛扒吃。我們談著談著慢慢等倒是沒所謂，但變相外面排隊的時間其實長了很多。這點還是有點難解決的，始終肉是要新鮮弄好的時候上，客人未有位子便有大問題，但這還得要想想，否則那排隊實在沒意思。三拍子牛柳說回食物本身——其實很OK！我和老死分別點了三拍子牛及牛柳。店內說這裡都是弄一成熟，讓我們再處理。生熟度真的很適中，而且肉質也不錯。三拍子燒多一會兒卻有點過熟難咬了。整體來說，牛柳是好吃點，肉味濃很多，肉質也是比較好啦。我們旁邊的一位女生吃畢還ENCORE了一客肉。其實我們要吃還是吃得下的，但這晚又好像已經夠了，而且我還是覺得出面排隊的有點可憐，畢竟這晚還是下著雨的。整體而言其實很好吃！老死跟我說笑，我工作有時候很晚，也沒人陪他吃飯，他自己一個人馬上便可以入座（這晚看見有幾個人也是啦，一個人就是有這樣的好處），有點吃這樣

食物：試咗180g 嘅三拍子牛扒同200g 嘅西冷，兩塊扒都好重雪味，完全無肉味。一成熟石板上，但塊石板又唔夠熱，得啲餘溫煮十世都整唔熟塊扒。啲沙律菜得最cheap 嗰啲，個湯又其其怪怪，應該係用粉開嘅。服務：侍應零服務，乜都要自己拎。指示又唔清楚，撳完機出咗兩張飛，俾咗其中一張個侍應，佢比咗個bibi 機等餐。等咗好耐都無，原來要兩張都比晒佢，但個侍應未收齊飛又比部機我地。間鋪裡面有吉位，但個侍應又唔叫人入黎，係出面就on居居咁等。

都幾開心今日唔算排左好耐，大約15分鐘左右，條隊都唔算好長，排到就黎到自己既時候，就可以去自助機度揀好哂要咩牛扒啦，我地叫左份三拍子牛扒，同埋西冷牛扒，一入到去店員就會帶位，之後就可以俾張飛佢，之後就會俾部bibi機你，如果到自己既話，部機會著燈，咁就可以去counter度拎啦，呢間店都幾細心，有埋圍裙供應，食既時候唔洗驚整污糟件衫，如果需要水，湯，飯，沙律，係個counter度可以自己拎，對比起三拍子同西冷牛扒，個人喜歡三拍子多d，因為佢帶多d肉味同肉汁，所以食起黎三拍子真係又平又抵食

星期日下午3點幾去食，人唔算好多，排左大約20分鐘，我叫左個三拍子牛$75，老公叫左個牛柳300g $115，再叫多罐雪碧$15。排隊排到門口入錢落佢部自助售賣機都買飛，之後等店員安排入座，入座時佢會比部bibi 機你，到bibi機响就可以去台前拎牛扒喇。在拎牛扒前有空檔就去自助沙律bar拎沙律、沙律醬、白飯、湯、水、冰、紙圍裙、餐具。枱上有些醬油、蒜等可以比你陣間食牛扒點的。牛扒是熱石上的，有張紙巾鋪面以免油彈出，牛本身是1成熟，用熱石的熱力將佢整熟。店鋪冇想像中咁細，都座到廿幾三十人，座位的細的，如果去食就唔好帶大背囊，因為冇位你擺，地方乾淨既，係有日式自助小店feel的。三拍子牛其實冇乜味，牛柳牛味會好少少，建議落蒜及醬油調味，成個過程幾得意既，唔會話排半個食15分鐘既感覺，店面只得一個人，唔知係因為唔夠人手或是整唔切牛扒定還是想營造個排隊既效果，就算入面有好多位佢都會要你等先比你入去；順帶一提如果你想2個人share1份牛，你是需要額外買多一份沙律，因為沙律是任食的。

星期六晚上7點幾到達，排左一個鐘終於去到部點餐機個位。點了300g 牛柳和300g 西冷。等多10分鐘被安排入座。坐定定後出去拎餐具，湯同沙律。餐具潔淨程度有待改善，總之飯碗，沙律碟，醬油碟，湯碗同水杯全部都有啲野痴左晌上面，最好拎返埋位自己用水再抹一次先好拎出去裝野。沙律正常，湯比較啖口但又好油。等多20分鐘左右call 機響，可以出去拎食物。生熟程度自己控制，不過呢啲地方食野，其實都唔咁食太生。肉質就一般啦。待應收拾緊隔離檯時倒瀉野，湯汁倒晒落我隻腳度。望住佢，佢仲要話「乜有整到你咩」。駛唔駛等位都好，以後都唔會再黎。想想食平既去快餐店食鐵板，想食好既就比多少少去其他餐廳食好過。

之前夜晚黎見到好多人排隊，所以冇食到。今次係下午4點左右，等左5分鐘就有位。叫左三拍子300g、西冷100g兩個人share食，好夠飽。有沙律吧同湯任食任飲，湯睇落好淡色，冇飲到。沙律都ok。三拍子同西冷，個人鍾意西冷個質感多啲，不過兩樣肉質味道都好普通，要用調味料配搭嚟食。當日嘅白飯全部都係一patpat癡埋一舊，好難食。快餐店牛扒仲好食。2個人夾埋食左$250，覺得一般，唔值。

我呢個選擇困難症患者揀咗好耐唔知揀咩好最後試左佢最平嘅三拍子牛排🥩（75g）($75)雖然係等得耐左d around 45分鐘 但都值嘅 個牛排好香 好嫩滑 見到紅卜卜❤️岩哂我地呢d食肉獸🤘🏻牛排仲可以自己調教生熟度 自己煎下幾過癮 btw湯🍵白飯🍚同沙拉🥗都係任食架！明明一樣 但唔知點解我覺得我阿哥個舊好食d🤨（隔離飯香？）提示⚠️：如果塊鐵板唔夠熱 可以拎返去出餐區叫店員換鐵板 ♨️-This is a Japanese-style fillet beef teppanyaki where the beef is fast grilled on hot iron plate. You can purchase the tickets for your favourite types of beef with your preferred weight using a machine. Although I have waited for the steak for 45 minutes, it is worthwhile ! The rice, salad and soup are f

呢間長期都排長龍仲要勁長，等極都等唔到，但男友真係好想試，所以星期日一早我就去左排隊，開門前15分鐘已經有近三十人，預左第二輪先食到。剛好男友遲到，佢到個陣剛剛到我入坐，夾定都無咁準時，叫左三百gm既三拍子同二百gm西冷，真係好大份，個板滋滋聲真係好吸引。等緊個陣已經準備好半碗飯同沙律，湯真係無味，可以唔飲。佢仲有好多醬汁配牛扒黎食，竟然有蒜蓉呀，仲指明食三拍子用。配埋一齊食個牛味真係出啲，而且三拍子唔係普通牛味，佢會香甜啲，但又清啲，同西冷重牛味係唔同風格，仲好淋好香口，over左都唔會un。好想再食過呀，希望下次條龍都唔會太長！

食左幾次都仲想食架牛扒。令次都見人龍勁多，每次要排30分鐘先可以入席，入席又要等半個鐘先有得食！等等等~~~在門口購票機買自己想食的牛級數，比完錢會有人帶位入席，之後票比服務員，服務員會給你一部機，機在響起就有得食，要自己行去令牛扒。在牛扒還未有得食時，要好好食幾轉沙津菜，我最愛落芝麻食，仲可飲牛肉湯同埋白飯無食。預先把調味料裝在長細碟上。食左幾轉沙津，終於有牛扒食了。牛扒預先煎香了兩邊，令到埋枱沙沙吱吱咁叫。先是反轉煎一會，再快速切片煎會兩邊。第一次來食時石板好熱，呢幾次食相對唔夠熱，所以效果冇咁好食！今次叫左3拍子同埋牛柳，我個人覺得3拍子仲濃牛肉味d, 相反牛柳味淡味些。如覺得石板唔夠熱，可要求更換塊新的。