一品雞煲火鍋

营业中

休息中

成日聽人地講一品雞煲好好食，但係我就一次都冇食過，唔係等唔到位就係唔得閒去，今次咁arm成班人約左去食，我就終於可以食啦，所以我係有d期待既。我地今晚約左係荃灣分店，地方好大，環境都唔錯，入到去已經聞到濃濃既香辣雞煲味👍🏻👍🏻👍🏻我地嗌左個秘制牛什雞煲，同d火鍋配料，個雞煲真係好香，我地打開蓋撈下佢，仲好似啫啫雞咁喳喳聲，食落d雞仲好滑好入味，個汁煮得好好味，越食越辣，越辣又越想食，佢個辣度我覺得可以接受到喎，不過都要嗌杯大檸茶黎解解辣。講開個雞煲，雖然我地嗌左牛什雞煲，不過由於個汁好濃味所以唔太覺有牛味，但係個重點去左條牛根度，因為條牛根索晒d汁，超級入味，好好食👍🏻👍🏻👍🏻👍🏻不過好珍貴架，因為得3條咋🙈🙈🙈至於其他火鍋配料都ok，無論係賣相分量都ok，而且都幾新鮮，而我最講既係佢既響鈴，真心覺得同平時食到既好唔同，就算浸左我都食到佢入面既鬆軟，而且係有層次架👍🏻👍🏻👍🏻👍🏻至於個杯大凍檸茶都唔可以唔提，因為真心夠大杯，而且有差唔多大半個檸檬係入面，冇話慳皮放一兩片檸檬👍🏻👍🏻👍🏻👍🏻正呀但係食雞煲就要預左走既時候帶埋d雞煲味一齊走🤤🤤🤤

琴日已經好想食雞煲不過我個妹妹係都要食韓燒冇辦法，妹妹大晒當然要就佢！今日同朋友食飯當然要就翻我一品雞煲係我食過幾乎最好食嘅雞煲而且大鴻輝呢一間坐得好舒服呢度嘅手切肥牛好好味一片一片切得好工整、牛味好濃、排得好整齊未食嘅時候都覺得好賞心悅目食落去當然更加覺得好滿足！佢個蝦滑併墨魚滑亦都好靚仔，不過份量係四人份量，如果兩個人的話就唔建議點，因為份量太多。另外佢個淮山都非常新鮮，如果滾左唔太耐少少爽、好好味！如果滾耐左，少少溶，亦非常之入味。最最最最最緊要係佢杯凍檸茶！茶底靚過好多茶餐廳而且夠大杯，完全唔使擔心「半杯冰」情況出現

耐冇食，天氣凍，即時諗起「一品雞煲」，真係難搵到更好食嘅雞煲餐牌改左，之前有鮑魚雞煲叫，兩隻鮑19x咁上下。好啦，咁叫左個秘制麻辣雞煲（中辣小麻）個人覺得咁樣辣得黎又夠味道，唔會食到條「利」麻晒配料好新鮮，叫左墨魚滑拼蝦滑、油麥菜、萵荀、南非乜乜鮑魚好食到不得了，但唔知係耐冇食定點，覺得雞好似同之前食開唔同，肥d咁得閒一定要再食

唔知點解我果枱果爐特別慢，十幾分鐘都未滾亞姐趕客走，你收杯咪收杯囉，點解要倒d飲剩既野落個鍋到呀，個鍋仲有好多野未食。 丸好食，炸嚮鈴、炸魚皮新鮮，冇油益味，手切肥牛淋又滑

黑雨紅雨黃雨都好，都阻唔到我食野今日男朋友突然好想食雞煲，放工我就去左拎位先，因為呢度好大同埋我好早放工，所以唔洗等位！lunch time食得少，搞到好早就肚餓，所以唔等男朋友黎自己食住先叫左個麻辣小辣既半隻雞煲，半隻雞真係好少！不過味道唔錯，小小辣小小麻咁，夠晒惹味！等男朋友黎到之後就叫左d火鍋配料叫咗碟美國桶蠔，都幾大隻同埋份量唔少，但仲見到蠔既側邊有好多黑色野好唔乾淨食落唔算好新鮮但又唔會霉，$120左右既價錢算係咁。本來叫咗珊瑚旁， 之後冇黎到我就問店員係咪留咗單，原來冇晒貨！點解咁冇責任感唔同客人講番之後我就改咗叫蛙花蚌！桂花膀幾新鮮，咬落去非常爽口彈牙！！叫咗份墨魚滑，佢哋嘅墨魚滑非常有口感！咬落去實得來有啲爽口，又有墨魚味！另外叫咗一啲蔬菜打邊爐，佢哋嘅雞煲本身好夠味，但係加左湯之後味道好淡。

心思思想食一品的秘製雞煲，又要麻煩屋企人外送番來了，原來一品已經悄悄的稍為漲價，我們點了一隻，要少辣，共$220。外賣會有個專用的膠盒提供，回家剖開頂層的透明膠，便可馬上享用。今次雞煲整體感覺退步了，雖然洋蔥等配料仍然爆得非常之香，但是次雞隻的肉質卻不夠嫩滑，而且皮比較很厚…再說到味道，除左欠缺了麻麻辣辣的感覺外，食到一半左右時已經感覺到很鹹，即時心想，分店的味道是否會和總店有距離呢？下次還是光顧回荃灣眾安街的總店好了…

男朋友知我一直都想試呢度既雞煲，所以特登同我黎食🙊兩個人撐枱腳，叫左半隻雞，小麻小辣伺應一送上枱，係煲梗既過程中，香氣撲鼻真係好想食伺應們都好好服務，都會主動黎幫我地攪下煲雞終於，試左第一啖，個味係好好，不過覺得鹹左少少😱 如果唔甘鹹會好啲 食完啲雞就加湯打邊爐叫左響玲，炸魚皮，唐生菜同小肥牛響玲吸左個湯精華，好好味，而且本身響鈴都脆炸魚皮都好新鮮，無油益味小肥牛比想像中少，不過都算靚貨，唔會有一半係肥膏呢度啲菜係有洗架所以感覺幾乾淨兩人食到好滿足，因為都幾溜😂 好彩無眼寬肚窄姐題外話: 呢度啲燈好唔店，不停眨，眼都花 店家應該整下佢啦，聽講都壞左好耐啦

有個服務員走過來，說外來樽裝水要收一百，還說公司規定。支水係我五歲女兒飲用。小朋友都唔放過？規定就沒有人情味嗎？我說要收就下單，不用多說。。。。。。。。。。。。。。。。。。。？？。。。。。。。。。。。。。。。。。。。。。。。。。。。。。。？。。。。。。。。。。。。。。。

一品雞鍋火鍋三五知己最好去打邊爐，飲兩杯，傾下計。第二次黎呢間餐廳，要人齊先入得，早D去就唔洗等。坐底左就叫左佢傳統半隻雞雞煲，少辣。雞煲到左要煲一陣，要等佢滾係要D時間。滾左打開滾蓋，熱辣辣，聞到都流口水，雞肉唔鞋唔韌，唔會太肥，配上個雞煲汁，少少麻辣，好香好好味。食完隻雞就加湯轉打邊爐，最想講既係個牛肉，好薄好靚，好有牛肉味，脂肪分佈非常平均，值得推介；要一提既係墨魚丸，菜餃亦要一試，墨魚丸彈牙好味，餃子皮薄料足；另外炸魚皮亦係必點呀，非常香脆好味，份量ok，可以食完再叫呀。呢間係我喺荃灣必揀既火鍋首選。

好多年前，第一間鋪開時，驚為天人！真係食過番尋味！不過食食下，覺得水準唔穩定，衛生環境奇差，就無再去食。有朋自遠方來！一班人話不如再去食下啦！新店應該乾淨好多！一坐低，侍應不斷問要唔要乜要唔要乜，催我地即刻下單，餐牌都睇唔切，個姐姐話得90分鐘咋，快d叫啊！即刻叫個雞煲中辣小麻。好快到，但滾極都未熟，咬開都有血，所以又再煮下先。大家一致認為，個雞無以前嘅麻辣香味，中辣都唔辣，只係勁勁勁咸，咸到唔想再食。每人不停叫竹蔗茅根水飲，又可樂又啤酒都解唔到。最後大家都放棄，食剩少少，無打邊爐，因為唔夠時間。

聽朋友講左一品好耐, 今日終於都有機會試下喇黎到真係超多人等緊, 我地冇訂枱, 等左一個中先有位..哈我地得2個人, 所以叫左個半隻雞小麻辣, 另外加左個丸同菜終於有得食, 埋緊黎已經聞到好豐富既麻辣香味顏色好靚, 睇落有少少太油但食落一D油膩感都冇, 香料蔥香非常豐富, 仲好好冇太多八角味係食過既雞煲TOP3之一不過可惜雞件斬得唔太靚, 骨多肉太少如果下次再食, 2個人嗌一隻雞都應該食得晒同埋估唔到配角既墨魚丸都好彈牙又重墨魚味唔怪得咁多人食啦, 不枉我等左成個鐘^^

天氣轉冷，雞煲成為了我最近的新寵。暖笠笠，為冬天添上一絲絲暖意。雖然不是任食放題，價錢對於人數少的客人來說比較貴，但是多次的光顧都保持著一貫的水準。既然是為雞煲而來，雞當然是主角。不好辣的我們，選擇了不辣。但味道依然出眾，雞件嫩滑，入口鹹香，沒有冰鮮雞的雪藏味，香濃卻不會偏鹹。還另外落了鮮冬菇，魷魚及蛋麵，將雞件吃完後，再加入雞湯，變成了火鍋，冬菇吸收了雞的鮮味，十分滋味。雖然兩個人吃的不太多，但也是超級滿足的一餐。

最近天氣寒冷，最適合吃一些熱騰騰的食品暖身。這天兩口子又在荃灣閒逛，晚飯時間頓感寒冷，忽然癮起想吃雞煲，就選擇了一間單在荃灣，已有三間分店的開飯熱店-一品雞煲。在假日7時許的晚餐時間，位於地庫的餐廳已經人頭湧湧。幸而店面也頗大，等候時間也不太長，約20分鐘就已成功入座。店方有著用餐時間限制，為1個半小時，但是次用餐超過2小時也沒有催促埋單的舉動，也算良好。這店主打著3款的雞煲，包括秘製雞煲(半隻125元)，牛什雞煲(半隻158元)和豪華版的鮑魚雞煲(半隻168元)。價錢由半隻125起，而我們兩口子則選擇了最經濟的秘製雞煲，把重點放在之後的邊爐配料。稍閱過開飯的食評，得知此店的檸檬水及青檸水是推薦的，也點了一杯，但不見得太特別，惟其份量是珍寶級的，足二人份量。雞煲旋即送到，點了半隻也份量十足，雞肉質地也嫩滑，差不多啖啖肉。而雞肉的醃料也算得恰到好處，用上了如花椒及洋蔥等的香料，味道也不是太咸，加上輕輕的麻辣，來得惹味。享用雞肉盛宴過後，就來到打邊爐的環節了。餐廳火鍋的湯不只是加水，值得一讚。我們兩口子這次點了炸魚皮，響鈴，魚皮餃雙併，豬皮，生菜，冬瓜等的配料。魚皮- 正路的香脆，至少不像

I met boyfriend and a couple of our friends after they went hiking for dinner here. As they just finished an exhausting hike, the only thing on their mind was chicken hotpot.The Great Restaurant (一品雞煲火鍋) is a pretty popular chicken hot pot restaurant with several branches. Always wanting to try this place, we found a table pretty fast but was told we only had 2 hours to eat. I guess that's how they get customers in and out as fast as possible.Menu is in the form of a check off paper. It's only i

初嘗一品雞煲果然夠入味今天放工後約了太太一起吃晚餐，荃灣大鴻輝中心有很多選擇，原本目標是去一品鍋打邊爐，去到已經有二三十人在等候，由於沒有提早至電訂檯，便立刻往地庫的一品雞煲，剛剛有一張二人檯，可以立即入座。其實一直都想試一品雞煲的，但荃灣總店通常都大排長龍，今次總算是一償"食"願。首先一定要點半隻秘製雞煲($125) ，再加了脆響鈴，冬瓜片和唐生菜。半隻雞其實真的啖啖肉，配以秘製調味醬和洋蔥十分入味，惹味到停不了口，揀選小辣是絕對正確，如果微辣就味必夠惹味，揀中辣又恐怕太辣，因為我並不是嗜辣的人。幸好有唐生菜和冬瓜去中和一下飽膩感，而響鈴並不脆，太太有點兒失望，幸好雞煲已經滿足了我們兩人的胃，十分飽了。離開時已經計畫下次只點一個鮑魚雞煲($168), 真的是食過番尋味！！！