一品雞煲火鍋

营业中

休息中

事原上星期六打算去食住雞煲睇阿根廷對法國, 咁預早8點左右去等位諗住可以等到位啦起初佢已經一路聲稱2人檯睇唔到波, 似乎根本唔想做我生意.好啦, 咁照等點知比想像中快9點左右就有位, 所以想同receiption姐姐講如果你地限時兩個鐘我未睇曬就要離坐, 點知佢態度勁差咁回應一係入一係唔入重新排過......而且唔問都唔講限時兩個鐘其實你比左後面先再叫返轉頭都唔係好有困難o者, 而且你地唔係任食又唔平服務都咁差如果唔歡迎人地去睇波, 就咪用睇波吸引人地去啦

本身好鍾意食雞煲，難得今日嚟到荃灣，梗係唔可以錯過遠近馳名嘅一品雞煲啦。係呢個食飯嘅時間嚟到，都要等位架，好彩等左大半個鐘就已經有位啦我哋只係得兩個人，所以叫咗一隻雞，由於我朋友唔係食得好辣，所以我只係叫咗小辣。服務員攞咗上嚟，唔係即刻可以食架，要等五至8分鐘跟住仲要打開搞搞佢，等佢唔好癡底,再焗多10分鐘先食得㗎等嘅時候我已經急不及待流晒口水啦。啲雞完全吸收晒個辣汁嘅香味，而且佢個汁真係好正，啲雞又好滑，食完之後真係齒頰留香。原來個雞煲要用咁多配料，製作嘅時候真係唔容易新鮮即炸響鈴，黎到既時候仲熱辣辣，放落個煲度吸收晒入面嘅精華，放入口真係令你食過返尋味蜂巢豆腐，亦都係攞嚟吸收湯底精華嘅食品手打墨魚滑，入口爽口彈牙，而且質感好膠，充滿墨魚嘅鮮味，上面總會有一啲孩子，令到你入口更加爽口彈牙

好耐以前曾經去過一次覺得味度尚算ok，諗住嚟緊再與一班朋友去食生日飯，點知早幾日到店面預約，一去到職員已態度欠佳，愛理不理......如果你未開門可以請我開門時再嚟過，但連理都唔理，真係唔知以為好巴閉，其實佢價錢比起其他同類型食店已經貴好多......大佬你做生意唔憂做唔想做我生意唔緊要，記住你有權選擇客人，客人一樣有權選擇唔食架咋.....食嘢味度固然緊要，但態度都同樣重要...食完一肚氣嘅我寧願食第二度.....所以呢間舖我唔會再有下次

2個人食野，叫左個雞煲，另外叫左幾碟野同啤酒啲雞辣辣地，咪慢慢食囉，食食下叫我埋單，我心諗我都未食完做咩埋單既？咁佢出到口，我埋啦，埋完食多陣就走埋來問我地食完未，檯上面仲有野食，緊係未食完啦，之後就話其實叫我埋單係提示要快點食完，有無攪錯呀，咁樣都得既，無下次，點講都無理由趕人走架🤬🤬🤬🤬🤬🤬

Walked around in Tsuen Wan and looked for something spicy to eat. This place attracted me by the drink menu. We ordered mild spicy chicken pot as my friend cannot eat spicy food. It was yummy even it was not spicy as I want. The taste was really strong. Some drink items are in huge size. Lots of people ordered that because it seems to be worth to order.

一品雞煲一向我都係長期捧場的顧客😏價錢尚可，但有點略貴。但環境都叫幾闊落麻辣秘制雞煲🐔$210點左個微辣，因為辣🔥對我黎講。我真係BB班一開蓋已經聞到濃烈的麻香味，聞到花椒八角的味道。個秘制醬汁真係香味濃郁，個汁會愈煮愈濃，重會愈黎愈辣😍勁惹味雞肉嫩滑，份量足，不得不提個紫洋蔥同埋莞茜，又多又新鮮🤗將成個雞煲帶上另一個層次😏好多人都會選擇食完雞就加湯打邊爐而我就選擇叫埋碗白飯撈埋d秘制醬汁一齊食但食完真係會好口渴🙈-竹庶茅根水-$38食辣野緊係要清一清熱氣啦🤣清清地吾太甜，岩岩好-大青檸水-$28勁大杯，用左大既啤酒杯🤗岩曬解辣

今日情人節 又唔想同人哋逼， 所以我哋最後決定去 荃灣食雞煲， 但係因為地面嗰間一品實在太多人，所以就諗住去間大間啲嘅地庫一品等，等咗大約半個鐘就入到去。今次就叫咗個金蠔雞煲，入面華金蠔有六隻， 然後再嗌咗個炸豆腐，同埋西蘭花花姿片。最快嚟到嘅係西蘭花小菜， 味道都可以但係偏凍， 而且都幾油，只屬一般。 炸豆腐 炸得好乾身，豆腐都好滑味道唔錯。金蠔比心目中好食，又大隻，兩個人食六隻其實都幾多。雞煲雞肉嫩滑，醬汁都唔錯，但係有少少咸，食完其實都好飽。最後都冇叫打邊爐湯料 ，當然唔會唔嗌檸檬茶啦，但係今次檸檬茶檸檬味好少有點失望。

今晚朋友話請我打邊爐，介紹我食一間好正既雞煲在荃灣一個地方已經有三間分店而且walk in一定無位或要等好耐，所以我朋友一早book左位，既然朋友叫到點都要嚐吓面出席，一於去尋食吓坐低就即刻選配料，在等待雞煲既其間，食住兩碟前菜過吓囗癮先，腰果和銀魚仔都好脆雞煲送上來既時候，聞到好香雞肉咬落外面有d脆內裏嫩滑，味道非常嘢味，真係好正由於呢個雞煲味道真係好正，所以我哋選既火鍋配料係專索汁既食物，手切肥牛、支竹、蘿白、牛榜，還有貢丸、墨魚丸、金菇和油墨菜。手切肥牛，肉質肥美牛味濃牛榜，原來係食雞煲裏面好重要，當佢煮腍左索晒d汁入去，真係好好味，超正其餘火鍋配料都好正，今次朋友真係冇介紹錯

最近天氣好凍,要打個邊爐🍲暖下個身先得！食麻辣雞煲就岩晒喇😛!!最抵食緊係買個雞煲返屋企，之後自己加餸打邊爐啦😎～可以刪去堂食排隊嘅時間!外賣自取雞煲 (1隻) $230 🍲無論堂食定外賣，一品雞煲都係保持佢嘅水準👍🏼落左好多香料～發出好香嘅麻辣味～呢隻麻辣唔會令人個咀發晒麻～小辣真係岩岩好～yummy!如果自取外賣，我建議大家要加湯 ($16) !之後自己加餸打邊爐就可以變成麻辣火鍋了😍🍲!

呢幾日好凍最岩打邊爐不過近排覺得打黎打去都係得果幾樣料！同男朋友講去食雞煲第一時間諗起一品。好多任食雞煲都好平但平唔代表好食，指定tw 一品雞煲擦餐勁。地方都好大有兩邊不過環境我覺得有d唔乾淨叫左半隻雞煲小辣因爲唔舒服 真係唔夠辣，不過好入味加埋雞汁同埋唔好加水,好好好味再加碟肥牛，我地兩個人叫左普通牛唔過100$但我都覺得好好味！食雞煲一定要食麵因爲勁索湯汁！加多個凍檸茶人生一大享受...可能我要求簡單不過冷氣都幾凍同埋呢度關門係凌晨時間唔會趕你走 可以慢慢食！

秋天轉涼就係開始食雞煲既季節放工後，第一時間就係落荃灣食一品雞煲對上一次食一品已經係上年冬天既事，夏天又懶得去食，好期待放工後第一時間要去係因為晚市超多人，唔想等位就最好7點半前入去由於病病地就唔簡辣味試，叫左個秘製雞煲唔要辣等緊個雞煲熟，等緊個陣已經聞到好香間唔中仲會有待應生黎幫你再炒香個雞等大概五分鐘就食得超級香，垂涎三尺另外配菜就叫左貢丸、響鈴、蟹籽墨魚滑、娃娃菜、薯仔、金針菇、西班牙黑毛豬響鈴份量特別多、一份已經好夠三四個人既份量最鐘意打邊爐落薯仔、金針菇金針菇都特別清甜，碌一碌就食得最有驚喜係呢個蟹籽墨魚滑，大大份好新鮮，彈牙爽口，可以算係一品既必點菜料之一平時好少食牛既我，就叫左黑毛豬，但對黑毛豬就有點失望，份量好少，味道一般般不過不過，一品既雞煲真係無得輸，食過其他既雞煲，最掛住既都係一品，秘製醬汁好加分，d雞好入味，又滑，唔洗點是油都好好味下個月再去

今晚忙完個 project 睇睇個鐘已經係零晨一點十五分，忙完就覺得超肚餓，諗緊咁夜荃灣區有乜嘢食，就諗起荃灣眾安街55號大鴻輝(荃灣中心)地庫嘅一品雞煲，因為實在太夜都係先打個電話去問下收幾點。問咗收3點、2點last order。0k嚟過快食都趕得切，總好過食茶記，飛車落到去1:40，店員見倒我地面色已經有點為難，話2點last order 禾，但都阻止唔倒班餓鬼，心諗自己都係D好識做嘅人快食快閃啦。坐底後馬上點菜，我地一行三人嚟得呢度緊係走唔甩個招牌一品煲啦，另外叫咗四寶丸，芋絲，娃娃菜，3杯大0茶，一分鐘唔駛已經點晒菜等食，非常合作。好快未夠2點雞煲已經滾緊中及火煱料已經到齊。先講食物質素先，雞煲雞好嫩滑麻中帶辣真係惹味，略嫌濃味同咸咗啲，咸到個咀有少少甩皮，但都係好味嘅，另外四寶丸四款都各有各好味，芋絲都好爽加埋D汁好味，食物除了雞煲咸咗D之外，整體都係滿意嘅。但講到服務就⋯⋯倒扣5分如果我係佢地老闆我會好擔心！大家有食過呢間雞煲都知道先食完晒D雞，然後先放湯再火煱，我地雞煲食到一半已經有個只能操流利國語嘅大媽話幫我地撈起晒D雞食呢間雞煲其他分店咁耐我都未試過要撈起晒D雞咁急

一品我已經食左n次我超級愛呢到嘅雞煲不過之前都係係土瓜灣食今次就個朋友所以嚟到荃灣平時去土瓜灣好少要等位荃灣就要等比較耐等左大約半個鐘終於入到去坐其中好鍾意一品嘅原因啲位置非常闊落坐得好舒服一坐低就叫左秘製雞煲半隻 $125因為我地唔係好食得辣只係叫左微辣個雞煲一嚟到要煲多一陣 一路煮嘅時候已經聞到勁香勁香嘅味完全係垂涎三尺店員會隔一陣來幫你搞搞啲雞防止焦啲雞非常入味好厚肉而且好滑食多幾舊個嘴會有麻嘅感覺好正好正 真係唔係任食既雞煲可以相比另外我地叫左煎米粉餅 $28個煎米粉餅煎得外脆內軟 本身佢係冇乜味嘅但係加埋雞汁一齊食就好正而且價錢唔貴次次食一品我都會叫食雞煲一定要飲大凍檸茶 $31其實檸檬茶嘅味道都冇乜特別但係最特別嘅地方就係佢超大杯因為食雞煲打邊爐都要飲好多野呢杯大嘅凍檸檬茶就好啱另外我哋都叫咗碗白飯$12 share真係每次食一品我都覺得好幸福

聽過一品好食好耐，但因為太遠，無去過。今次一班朋友行完山，落荃灣食一品，我終於有機會一試。其中一個朋友鍾意食牛雜，所以點咗牛什雞煲，再加一碟豬肚，等食完再加湯，果然濃味啲。再攞碗雞汁加，先食到雞煲邊爐原味，唔係普通邊爐味。牛雜雞煲 - 我哋揀咗小辣，就朋友，雞煲味道甜甜哋，幾好食。不過一隻雞，好似唔係好多咁。雪花牛肉 - 幾淋，唔錯。濃湯牛丸 - 真係好濃牛丸味，好juicy，好好味！羊肉片 - 唔會太蘇，ok嘅。蒿荀 - 用來食辣辣邊爐，又甜又好食，勁match。花膠 - $98三四條，好似貴啲。而且一條過，唔好分。但好淋，都幾好味。大杯青檸蘇打 - 原來我叫咗啤酒咖，但見到朋友叫大杯檸茶，大杯青檸蘇打，個杯係大杯Hoegaarden杯，好吸引，於是轉軚，飲落果然好fresh好解渴，讚！埋單每人$220，都ok啊。食得飽，都新鮮好味，可以再來食。

六點左右黎到 唔洗等位 有限時一個半小時二人份 叫左半隻雞～小辣一打開香味四溢～好濃郁既醬汁配料唔多～～食到第三件 條唎 同嘴開始麻越來越辣要叫返杯大檸 解解佢一杯有成8塊檸檬好足料比起之前食過既一間得三四塊檸檬果然係俾足檸檬之後加湯 叫左墨魚同蝦滑好彈牙 個人更喜歡蝦滑多d～又大份～整到好多粒出黎當然 唔少得肥牛叫左小份既安格斯牛好有牛肉味 又唔肥仲有海蝦 一份有7隻上台時仲係咁郁緊 好驚應該係即時串住佢的 好新鮮但有d殘忍 對唔住 要夾生滾你地不過幾彈牙蝦味唔重如果碟上會好d 咁放法都唔知點拎佢放落鍋Anyway 邊打邊見佢地郁 好有罪惡感下次唔會係呢間再叫雖然係咪食會都殘忍但眼見同唔係眼見 佢死 都幾大分別嫁