一品齋甜品屋 (已結業)

今日第一次去食, 個綠豆沙係溝左水架喎.唔會再去

14/08/2005 16:00同女友行銅鑼灣，行到累累地想坐下，就去左一品齋。由於太耐冇黎，去到門口以為已經關門大吉，點知原來搬左去對面。坐下叫了熱桑寄生同麥米粥。記得細個時老媽子久唔久就會煲桑寄生，計起都有成十年未飲過。今次飲的同以前老媽子煲的一樣，散發著桑寄生獨有的香味，甜甜地入面有蓮子做配料。麥米粥而家好少地方有得食，都係甜甜地有米香，粒粒都爆開，食落又有少少o趙頭，不錯！多年冇黎難得水準仍保持，不過地點真係偏辟左少少。

昨晚食完晚飯，感覺還欠了點什麼，原來還未食甜品；想起也很久沒有來了，立刻和辣椒女行來食返碗。我們叫了一個熱的香草綠豆沙加湯丸和一個凍的腐竹銀杏。香草綠豆沙加湯丸- 綠豆沙煲得好，但香草唔多夠香(可能香草落得少了點)；湯丸內心是芝麻餡，芝麻味道很濃又香，味道唔錯，可惜皮比較厚了點，而芝麻在比例上就少了點。腐竹銀杏- 很香腐竹味，係一個很解喝的糖水，味道清甜，真係唔錯；可惜銀杏比較上硬了點，如能再少少就更好了。價錢平，味道好，相信係值得再次幫親的甜品店。可惜係地點上比較麻煩少少！

吃完越南粉, 硬是覺得欠了什麼;行入少少入黎"拍"個糖水先走.新舖當然有冷氣正, 我卻愛坐出面摺檯涼少D冷氣.呢排做戲做到夜一夜先訓, 問下阿姐綠豆沙有冇臭草(清熱),有就黎個凍綠白啦.話咁快就黎到, 阿姐仲拎住個盤黎, 叫我連埋個盤托住食, 原來個碗多到滿, 係咁漏, 我都逼住大啖食先冇再漏. ;又問我夠唔夠花奶, 服務認真週到; 綠豆沙冇咩臭草咁, 個人覺得味道較紅豆沙遜色, 但仍ok; 豆腐花仍然係咁滑, 又香.一邊食一邊回看舊舖, 仍在招租中...

經常搭巴士經過，上星期仲於登門造訪，叫左一碗紅白(紅豆沙豆腐花)，d紅豆超大粒，好似人地話o個d天津紅豆o甘大粒，而且是名符其實的"沙"，煲到起沙，又不太甜，$12一碗實在超值!雖然很飽，但貪心的我再叫多一隻川芎蛋，因為從來未試過川芎是什麼味道，所以唔知怎樣為之好吃，但阿媽話川芎好補，所以即管補補先!味道有點似茶葉蛋，不會好大"浸"藥材味，不妨一試!

最愛食飽飯，慢慢步行至此店的感覺。搬左後更有意欲堂食，舒服好多。阿姐服務態度良好，至愛紫白(紫米露豆腐花)及腐竹糖水，男友至愛芝麻糊，味道不算濃，但有淡淡的香氣，好奇怪會想令人繼續食落去。桑寄生茶都好，可惜冇蓮子食。家人至愛蕃薯糖水，D蕃薯成個山仔咁高! 味道清甜，好有屋企煲既感覺。至怕係一抬頭就見到成大哥既海報.........(個人偏見)

第一次來, 點了熱的綠白, 一食就後悔了, 因為覺得淨豆腐花應該比較好吃, 反而兩溝會搶了豆腐花淡淡的豆味~ 整體上豆腐花很滑, 綠豆沙較甜, 而豆腐花:綠豆沙的比例是4:6, 所以覺得不夠豆腐花~第二次太熱了, 雖然認為淨豆花會較好, 但因為貪心想吃麥米而點了凍的麥米+豆花(menu沒有的), 麥米較硬~ 凍的豆花當然不及熱食的好...下次一定要試淨豆花, 哈哈

在高麗食完抵食韓烤，時候尚早又不用急於回辦公室。意猶未盡，想吃糖水，想起呢度搬左新舖都未幫襯過，就不其然行了過來。呢度在舊舖位的斜對面，金漆招牌，幾難望不見的。裝修簡潔企理，非常光猛，相較起以前的家庭式經營格局，又是另一味道。看看餐牌，選擇同以前一樣。其實不看也是那個選擇，就是白果腐竹糖水。雖然明知熱的會較香甜，但天氣實在太熱，唯有叫凍的。除了糖水是凍的，原來碗也是一早雪凍的，所以碗糖水就算在大熱天時都能維持冷凍狀態，非常的細心，值得一讚。不太甜，材料豐富，有白果及薏米。可能是日腐竹糖水實在多人吃，所以只剩下不多的白果，見店主在努力的打撈，她打趣說：「著泳褲都撈唔到呀！」無所謂，志在吃碗糖水而已。白果仍然軟糯有咬口，薏米仍然煙韌，咁就得啦！埋單12蚊，平靚正，方圓十里，要吃糖水，個人而言，不是強記，就一定幫襯呢度，路過的話不妨一試。

星期六下午, 在銅鑼灣工作, 偶然竟在工作地點, 遇到一位十多年沒見的舊同學, 世界真細小.完了工作, 一個人去附近希雲街一品齋食糖水, 以前在銅鑼灣飯局後很多時都會來, 不過日光日白都係第一次.一品齋已搬了過同街的對面舖大約一個星期, 現有簡單的裝修. 坐下不加思索, 即來一個紅白.紅荳沙與豆腐花同在一碗之上, 雖然沒有松記在視覺上的的講究, 但紅荳沙的甜, 與豆腐花的滑, 卻是在味覺上和諧的配搭.略嫌蓮子在點硬身, 可能食過九龍城合成後的感覺吧.紅白是我不貳之選. 經濟街坊好味價十蚊雞, 值得推薦.

monday 去o左食紅白, d 豆腐花好ok ar, 竟然係勁有豆味又唔太甜!! 仲係ok smooth ga!紅豆份量略少, 不過好淋, 好好食!!^_^但係呢, 美中不足係個糖水係微微暖ja, 有d 唔掂lor, but overall 都ok artake away 芝麻糊for mom, 佢話無咩芝麻味ar~

Its 紅豆豆腐花is very good. 豆腐花very silky and 紅豆soft. There is no decor, and it's on the street. But worth a visit if you pass by.

呢排趕返學都唔甘於只咬包, 繼之前走去食粥後, 今次就來呢度食碗糖水. 之前一直都無緣同食友們一齊來食糖水, 不能同時試多幾款, 今次得一個人, 就揀了平時鍾意食的綠豆沙. 同時為了應付稍後的"長途戰", 再加多兩粒湯丸. 綠豆沙似住家煲的, 唔太甜, 起沙, 最好的是不同平時在酒樓食到的杰"tar tar"和加了油般的口感(有傳酒樓的紅/綠會加入豬油以增口感). 湯丸大大粒, 好重手, 芝麻餡唔漏, 味道幾好, 但皮略厚一點點, 個人較喜歡薄皮一點的. 後話: 因坐鋪內, 望見對面街有一剛裝修好的鋪位招牌寫住"一品齋"的, 未知是否這店的擴張, 是的話對食客來講確是一大好消息呢~~

Dessert is always my favorite. Since there are many good comments for this place, we came to here for a try. 1.凍竹白:8分, a pretty nice combination and it is cold enough. a very good choice in hot summer.

今日下午幫老闆過黎攞d野,順便行過黎食糖水,點零鐘啱啱開門,坐低叫左個熱黑白$12,豆花及芝麻糊頗滑,但芝麻糊不夠芝麻香,個人認為中環"玉葉"好食d.環境方面就認真麻麻,進食中見到小強在自由活動.

今日熱熱地, 食返個凍甜品就最岩... 咁岩經過銅鑼灣就黎呢度食糖水, 我叫左個黑白, bf就要個涼粉西米露平時我係唔食芝麻糊既, 不過咁多人食過都話正, 咁我就叫黎試下啦! hmm, 真係幾好喎, 糊唔太'傑' 甜度岩岩好~~ 加埋豆腐花, 一清一濃, 好夾喎! bf 既涼粉都唔錯, 加了椰汁, 好香, 又可以清清熱添!