一品齋甜品屋 (已結業)

食完留園, 一家人慢慢由灣仔行落銅鑼灣食糖水, 當消化下鹹蛋黃.喔噢, 原來距離真係不短, 行得幾辛苦, 行了一大輪, 終於來到這裡.自從由對面舊鋪搬過來後, 都係第一次來. 要了四碗糖水分吃.紅白: 8分, 即係紅豆沙+ 豆腐花, 大大粒紅豆, 煲到起沙, 不太甜, 傳統的感覺, 很不錯, 但跟上豆腐花不算很匹配, 而豆腐花係幾滑, 不過唔算好夠豆味.黑白: 6分, 即係芝麻糊+ 豆腐花, 芝麻糊比較粉, 唔夠芝麻味, 又過甜, 不太好. 至於芝麻糊跟豆腐花就比較配合, 但始終麻麻的芝麻糊嚴重影響此甜品的整體質數.竹白: 9分, 即係腐竹意米銀杏糖水+ 豆腐花, 相當多意米同白果, 基本上腐竹係煲到好淋, 好入味, 加上豆腐花, 係好香又好滑, 一流的配搭.番薯糖水: 8分, 幾重薑味, 番薯大大舊.這裡的糖水係好傳統個隻, 整體味道幾好, 又抵食, 簡簡單單, 正.

自從搬左黎銅我差唔多個個禮拜都食糖水雖然哩度算難搵但我住得近好方便以前會次次食唔同野紅白綠白黑白乜都試過晒最愛都係腐竹銀杏我個人好濕熱又燥火綠豆寒蕃薯太驅寒腐竹銀杏最岩我我會認容佢'好舒服'唔淡唔漏我鍾意可能自細屋企唔興煲糖水我對出面d糖水特必有種情意結哈哈尤其響銅食完飯飽飽地四圍行行黎哩度食就好好feel而老實講哩度地點真係麻麻難搵到痺不過就係可能咁平日無乜人靜過銅第d糖水舖好多最緊要係我仲係貧苦學生哥乜記物記十幾廿蚊碗糖水我食唔起一品齋10蚊雞哈哈哈開心到笑(:!第一次食評都幾好feel 哈哈*v*

其實好多年前已呢間名氣鋪食過，唔覺有乜特別。只不過因為今晚忽然好想食紅豆沙，冇乜choice之下都係要，點知都係中計...豆還豆，水還水，兩者互不往來；豆仲要煲得唔淰，劣豆...

響甜姨姨食完, 正確來說是受完苦後, 條氣唔順! 點都係想食番D好野. 唸起一品齋, 於是由天后行去銅鑼灣試下.叫咗麥米粥及芝麻糊麥火粥- 幾甜, 如果多D料會好食D, 唔係好夠熱芝麻糊- 幾香, 都唔錯唔知係未夜得滯, 11點左右, D糖水唔係好熱喎! 一碗好似12~15蚊, OK! 唔係開天殺價果隻. 會再去試下紅白, 綠白等

昨晚我去搵一品齋甜品屋,終於給我搵到我吃腐竹意米銀杏糖水$12:吃得ok,見到沒腐竹布,好似豆漿,喝得很暖~~意米和銀杏ok下次我會去幫襯,我未吃番薯糖水

我從由電視節目中介紹才知道這裡有間(家常_糖水舖我點了腐竹薏米糖水而朋友就點紅豆沙紅豆沙有好香的陳皮腐竹薏米的腐竹煮到溶了而我很喜歡吃薏米的糖水又不會太甜一句講完...好味！下次會試...我喜愛的...麥米粥...

Visited this place for the first time last saturday night and had 腐竹銀杏($12) + 湯丸($7 - 2pcs). 好滑, 好香腐竹味, not too sweet, lots of 白果(which I don't normally eat but found it really good this time). Not too many choices on the menu, no snacks, but definitely a great place for authentic Chinese 糖水. Although I've been here only once, I seriously think its much better than those chain stores. You can tell that they really placed an effort to make their 糖水.This place isn't quite noticeable since its tuc

今日天氣唔熱,食完營養豐富既brunch之後,沿住銅鑼灣道行出地鐵站,途中走入呢條橫街食甜品。一踏入門口已經聞到一陣好香紅豆沙味道,真係好誘惑!老闆好好笑容同我打招呼,感覺好親切。雖然係一間糖水小店,但都用上雲石檯凳,型!!紅白造型好吸引,大大粒天津紅豆煲到起沙,口感好正!!加上鬆化蓮子,甜味適中,其實已經係一碗好好味糖水!再加上白白滑滑豆腐花之後更加不得了,原來紅豆沙遇上豆腐花呢個超強配搭真係好好食!!外賣紅豆沙n芝麻糊,大人都話紅豆沙好吃,只係芝麻糊帶有小強味道,可能小強係芝麻堆玩過卦,如果無呢陣味就好得多。下次黎銅鑼灣都要移下"肉"步過黎試埋其他先。

睇到呢間食評唔錯,就慕名而來! 2個人點左: 凍黑白(芝麻糊+豆腐花)($12):豆腐花幾滑,芝麻糊就一般什果涼粉($17):其實不是"什果",只有西瓜一樣而已,涼粉好像多了點藥材味,自覺麻麻地點幾偏遠,應該都係做街坊生意ga la......

如果唔係睇定地圖, 真係唔易找到呢間位於內街的糖水鋪. 坐定後看看餐牌, 只係賣好傳統的糖水, 無其他小食就知幾專業. 叫左個紅白, 紅豆幾大粒加上蓮子都好”淋”, 而豆腐花就真係好滑, 唔係好多地方食到咁滑的豆腐花, 最緊要係唔太甜, 值得一讚!

其實呢度阿姐的糖水真係好住家feel, 我次次都會食"熱紅白", 豆花超滑, 紅豆超大粒, 真係食極唔厭~~點解要食熱?因為熱會滑d~~如果再覺得肚餓, 可以試下"煎腸粉"....煎得好香好脆!!仲有凍豆漿都好鬼得....之前曾經加價到$12一碗, 不過宜家都係賣返$10, 比較那些滿x甜品要廿幾蚊一碗糖水, 呢度係一間又用心又抵食的糖水店!!!阿姐十二點會收工, 記得早d去試下啦.

星期日晚有幸準時收工, 落到銅鑼灣去一品齋買咗兩碗腐竹白果糖水回家。回到家和二家姐一人一碗, 腐竹煲到溶入糖水中, 很香, 感覺好似亞媽煲嗰款, 不過如果落少D冰糖會更好。

芝麻糊+湯圓= $12+$7 芝麻糊夠香, 夠結, 湯圓好大粒, 芝麻餡好香,但加$7才有2粒湯圓唔係好抵.蕃薯糖水= $10好多蕃薯, d湯好甜好重薑味.

食完拉麵，就想食糖水，但銅鑼灣又沒有幾間好選擇，這是其中一間比較好的。我們叫了腐竹銀杏、桑記生茶和養顏川弓蛋。腐竹銀杏- 腐竹味香濃又滑，又唔會好甜，真係幾好。桑記生茶- 沒有源記這樣好味，但都唔差，可以一試。養顏川弓蛋- 有點像茶葉蛋，但味道幾好，也可一試。地點比較麻煩又遠，但好味就值得一試。

看完電車男,散步到這兒食糖水。天氣有少少涼意,叫了熱紅豆沙及糯米麥粥。終於找到像樣點的紅豆沙了!煮到起沙,不會水汪汪的。甜度適中,紅豆好軟稔。糯米麥粥清甜,材料豐富,有薏米、麥米、蓮子等,粒粒有咬口。食完肚脹脹,但感覺好幸福呢!