一哥燒臘

营业中

休息中

男人總係對燒味有種情意結，時不時就會想食下，特別係一支公既時候，食燒味真係快靚正。今日去左觀塘買完野就黎左呢個小商場搵下野食，經過聞到好香既燒味味，就行左入去叫翻碗燒鵝脾瀨粉。燒鵝脾好入味，d肉又唔會好鞋好硬，亦都好多肉，加少少甜酸醬真係一大享受。而碗瀨粉雖然冇咩特別，但都夠哂大碗，湯底又唔會話好味精，仲送左2條菜。而且店鋪細細可以多d同店員講兩句，有時都中意幫襯下d小店，食既除左係用心製作既食物，仲係個份人情味。

是日晚餐觀塘廣場地下一哥燒味鋪，坐位似街市大排檔格局，幾張枱自己隨便坐，一看就知不是食環境的店來到緊係要點最出名嘅煙燻豬蹄同埋想食燒肉，就叫左煙燻豬蹄燒肉飯煙燻豬蹄味淡，但口感順滑微咸，燻蹄皮彈牙，同肉配搭得好合拍，唔點紅醋汁都好食，點完紅醋汁會開胃清新感覺，但個人偏向唔點紅醋汁食，燒肉，肥瘦剛好有點咸味，餸飯幾好配搭，但可惜皮太硬不脆，這有點不行，飯上澆左燒味汁，平民餐37蚊，抵食，仲送薏米冬瓜例湯一碗，但這裡是先給錢后食飯的，大家要注意哦

今日去搞續牌事宜，回程途經觀塘廣場，突然醒起入面有間燒臘飯好似幾抵嘅，就狗衝咗入去食，點知發覺原來一個雙拼飯都要成37蚊，睇嚟抵食只係發生喺回憶入面，個飯味道同份量都不過不失，個例水都唔錯，唯獨是係啲座位喺飯市真係逼過劏房啊。

每次一係下午茶時間都必定黎幫襯，係觀塘搵到一間廿幾蚊抵食既下午茶已經難，要搵到一間好食既更難。所以令我必定回頭率最高既,莫過於一哥。佢地既燒肉河真係非常好食，脆卜卜既外皮加上半肥瘦既肉.真係令人一試難忘。我每次黎都淨係會點佢地既燒肉河。至於湯底或及粉就一般，湯底係無乜味道，但可能因爲燒肉已經本身有咸味，所以撈落d粉到就反而岩岩好。其實一到下午茶時段真係好多人幫襯。每次食完一哥都令我好滿足。值得推薦同幫襯既小店。

做一個打雜...今日又走黎走去...行到去觀塘廣場... 又肚餓...今次真係是是但但見到地方就坐低左叫左個差油雞飯份量多..差燒半肥瘦... 燒得岩岩好.. 味道不過不失但.. 油雞一黎到睇上去好似放左好耐肉質都硬左D..個湯.. 味精味重... 飲左小小....都夠了..

係觀塘區返工食lunch通常要$40以上，同事帶左我去觀塘廣場食平民餐，估吾到有驚喜！小店外面設多張枱，有大排檔feel，我叫左叉油雞瀬，吾使5分鐘就到！食物到就比錢，任你座幾耐。半肥瘦叉燒肉質出奇地入口鬆軟，肥瘦適中，每一口都有肉有羔，油雞同瀨就普通，。份量係小d，但勝在親民，$32大元！2:30後$22!

一哥燒味我同成班同事都幫襯我吃過一次之後就愛上了,就變成常客了.....中午用餐時間要小排隊一下但是師傅動作很快所以一下就排到了今日又同同事嚟食,揀下午茶時間吾駛等位仲有下午茶一碗野同一罐汽水都係二十三蚊平好多我地大家都叫燒肉,同事食河粉而我食瀨粉重頭戲燒肉登場!!!!豬皮烤的脆脆的!!!!三層肉的部分雖然肥肉有點多但是肉好嫩，瀨粉爽口又彈牙,滋味真不錯 ，

夜晚要OT...快快脆買外賣，之前見同事大讚哩間燒臘店，一於試下~ 燻蹄雞胸雙拼飯未試過燒臘店嘅燻蹄，好多餸，老闆都無嫌我挑剔，仲新斬一隻雞嘅雞胸比我~P.S.: 燻蹄雙拼連湯都無加錢~燻蹄配醋汁，好脆嘅皮，肉超入味,終於明白點解lunch time咁多人排隊啦！

十二月幾夭都在官塘區做野呢度近地鐵口，下午完成工作要離開所以在呢頭附近食，早餐落車多數幫襯明記而午餐多數幫襯一哥燒味，不過吾記得了那一日月頭有一日下午茶時間去到見到下午茶燒味湯粉麵$20咁超值所以叫了個燒肉湯瀨粉，可能當時剛剛兩點半正式飯市未完，人流比較多，所以都要等十分鐘那碗燒肉瀨粉放上枱，一看給我感覺好食有限第一就是瀨粉上枱決了美觀第二燒肉亦擺設得肉酸之外感覺很瘦啊，而且皮亦吾夠沙皮，我第一口先食舊燒肉又估吾到皮仍然十分脆，肉質不會因瘦而鞋感覺爽口得來仲暖暖地，肉味夠有香味瀨粉亦都係，湯底最好係熱，瀨粉爽口及有彈性真的睇吾出一碗其貌不楊的瀨粉而且在今時今日通貨膨脹下，價錢亦很平亦有咁水準大概個多星期前路過附近，當時一點多未到下午茶又想起食燒肉飯所以又到此，試試燒肉切雞飯亦等咗超過十分鐘先有得食無辦法呢區真的好多人在等位講番我碟飯先，今日燒肉靚仔好多啦件件都係好沙皮，食落味道保持水準，今日燒肉有少許油脂食落感覺更加香口有肉味，切雞仲係接近脾位十分嫩可惜份量少咗啲，不過午市收費都係$30連一個例湯有咁嘅質數都叫幾好啦，吾夠咪叫多份都係$30仲有第三次幫襯就是早兩天，今㳄當然試試其他燒肉

路過食午飯，叫了個叉燒烤燒肉反有碗冬瓜湯送潻湯除了有兩大舊冬瓜，就乜料都無淡而無味燒肉叉燒份量都多，叉燒偏瘦出乎意料吾會鞋有蜜味，厚度適中有咬口且有肉味燒肉皮脆肉暖，半肥瘦，咸味適中飯份量太多，雖然好食，最後食剩飯$32有埋湯算是低

這三天都要去觀塘,故此一連三天都要在這區醫肚。經過兩天以西式午餐以後，今天卻突然想起觀塘廣場地下的三間食店，兩間食車仔麵，一間食燒臘，於是去了吃燒臘。一哥燒臘在馬會旁邊，店子小小當然不會會坐得多人，對出的大堂，擺滿了枱櫈，但是食客卻又很聰明知道那些枱櫈是屬於那家食店，便會主動點那家食店的食物，一哥休不例外。末坐定就點了叉燒燒肉飯，叉燒外表是黑了一點，但是卻又幾煙靭，卻又少了鬆化感覺，蜜汁也稍少了一點；燒肉皮很薄，也很脆，只是黑了一點，燒肉味道不會太鹹，肉質也有嚼勁。點來罐裝汽水，冰涼透心。雖然坐在大堂，環境一般，有點像地踎感覺，但是卻又有點風味。

星期六下午上班前一定要食D野所以走左入去商場入面，求其呢度坐低叫左燒味雙併飯包例湯燒味飯的飯量並不太多燒肉不是腩位肉質還算不錯,皮都薄薄脆脆,唔錯!雞有4-5片,全部係胸肉,冇乜特別不過個例湯 真係例湯有味精,咩肉都無這兒環境麻麻,食完拿拿聲俾錢繼續上班

去行街個時見有少少肚餓 同個fd去左呢間度食叫左碟四寶飯同埋個燒鹅瀨加埋先$50有找!!比起樓上既快餐店抵食!!個飯有埋個湯送!!不過我估佢地既湯應該冇落味精!!因為食完、飲完都唔係話會有「口渴」既感覺!!不過我好鐘意食佢地D雞!!好滑!而且D飯兩個大食鬼都食唔矖!勁飽

八月九日 (星期二)靈機一觸,忽然想起觀塘廣場的一哥燒臘,一直很想試是晚就趁買六合彩,順便在這裡吃個晚飯店子小小,店舖外就只有幾張枱由於廣場較舊,管理亦寬鬆,所以沒有埋會各間食店在門外開枱擺檔點了义燒米和燒肉油雞飯再加個瘦肉粉葛湯已經是八時許,竟然還有下午茶餐供應原來一直會維持到收工的(即晚上十點)$15一個义燒米,似是去到十年前的價格很抵食,份量沒有將價就貨义燒味道不錯,肉很煙韌唯蜜汁較少,甜美亦因而減少了燒肉外皮爽脆,肉質也很煙韌唯肥膏較多油雞肉較少,但雞味豐富而入味最低讚是例湯材料豐富(至少是我們那碗)湯非常之香甜入味,喝後不搶喉沒有落味精(材料豐富其實亦不需落味精)燒味質素雖不算得上高級但以價錢讑,卻勝過不少燒味店有時間的,可以前來一試

百物騰貴....半年前成日外賣飯盒$18兩味加湯，尋日去食無以前好食，仲要$28堂食。睇一睇，嘩，外賣宜家要$23....真係一個月加一蚊呀。其實佢地嘅燒味係好食，不過最好睇住佢切。我都係叫左最愛嘅叉燒燒肉飯。叉燒比較瘦，所以要叫半肥瘦先會有少少肥。燒肉有少少失望，雖然皮脆，但肉鞋。平時燒肉係好好食嘅，有時仲會買D燒肉返屋企架。以後，外賣都可以考慮下。唔會再堂食。