一喜日本料理

营业中

休息中

母亲节家庭聚餐，拣左呢间居酒屋，因为见佢没限时还枱，环境又几舒服，而且位置方便。去到店员都几nice，地方都几干净，啲枱都唔会太密，唔错。5个人食，所以试左好多野，续一讲。首先系梅刺身拼盘，有10款刺身，好新鲜，而且刺身片都厚身，份量足。同时散叫左啲寿司，average 都唔错。再叫左个牛油角软壳蟹卷，呢𠮶就普通，软壳蟹比较细没咩肉。之后有两个锅物，先系清酒煮大蚬纸火锅，清清地，啲蚬都几多几好肉。仲有个牛肉纸火锅，都系比较清，但牛肉就一般同比较薄。炸物我地试左杂锦天妇罗，炸浆做都唔错，份量都ok。跟住系烧牛舌串，偏薄身，质感都唔错，调味比较浓。烧物仲叫左盐烧三文鱼头连鲛，好大份，烧得唔错，几滑几香，系调味比较浓。之后系日式烧茄子，呢𠮶几特别。唔系一般用酱汁烧𠮶种，而系完全没落调味黎烧，按自己需要沾酱汁食。咁样更加食到茄子既鲜甜，加上茄子好软滑，好食~最后仲叫左𠮶明太子烧饭团，就普普通通，烧得唔够脆。