一喜‧拉麺

营业中

休息中

啱啱送完姨甥仔去補習後，發現一間拉麵店，就同屋企人食住嘢等佢放學～ 味道確實有驚喜［室內環境］［餐牌］季節限定❤️蟹皇湯拉麵配炙燒豚叉燒 $98入口鮮甜的湯底，拉麵軟硬亦可自由選擇，非常貼心～ 蟹鉗預先剝了殼 ，吃得更方便👍而且豚肉叉燒大大塊，帶有灼燒的味道😋［另一款餐牌］❤️原隻蕃茄特濃湯拉麵 配炙燒雞叉燒 $80雞叉燒味道也得相當不錯 ，油香豐富原個新鮮的番茄成為這湯底的特色，濃郁又鮮甜 ❤️吉列牛肉薯餅 $38日本最經典美食之中，「可樂餅」是我的最愛令我想起每次日本旅必食小吃～ 鬆軟的薯泥是可樂餅的靈魂；外皮金黃酥脆，口感濃郁鬆軟，非常滋味❤️炸海苔魷魚（套餐 $30 連飲品）酥脆炸魷魚，食落卻不油膩；加上海苔粉作調味，惹味非常總結：拉麵湯底和用料，套餐配搭價錢亦相宜～是石門不錯的拉麵選擇

收工係石門做瑜珈之前見有啲時間 同朋友試咗間拉麵小店！食完好有驚喜！值得推薦！晚餐平均一碗拉麵大概80蚊 份量比普通拉麵店多 性價比好高 加30蚊仲有個得加配腹滿套餐 有多⼀款小食同飲品 好抵食！餐廳環境舒適 座位非常闊落 呢度嘅店員仲好友善 主動推介佢哋嘅期間限定款式 🔸 蟹皇湯拉麵配炙燒豚叉燒($98)湯底非常鮮甜 叉燒肥瘦適中 蟹鉗嘅蟹肉好飽滿多肉 餐廳仲好細心咁剝咗一半殼 方便客人進食🔸甘口博多豚骨湯拉麵($79)湯底濃郁拉麵十分掛湯 有木耳作為配菜 同拉麵一齊食好一口感 呢碗本身配有糖心蛋 個蛋流心又入味 超正！🔸唐揚炸雞呢度炸物配嘅醬汁好特別 酸酸地 中和咗炸物嘅油膩感 炸雞皮薄多汁🔸炸海苔魷魚係必點小食 海苔連埋炸粉裹喺魷魚上 炸粉薄皮 魷魚新鮮

好耐冇食拉麵，路經以前電車可以义電的停車場順道义一义燒，就去石門一帶食搵拉麵店。見到拉麵店，裝橫富日式風味，就#超！！濃厚番茄湯底＋炙燒牛舌＋（有各式配料只需$12（慢煮豚軟骨/炙燒豚肉义燒/炙燒雞义燒）第一次食原隻番茄，紅卜卜的蕃茄煮得軟腍又爽口，炙燒牛舌軟軟綿綿，入口即溶，食指大動之外，是夏天之選。#醬油清义燒拉麵 ： 清湯濃而不油膩，义燒大塊又軟熟，配上軟又爽的拉麵，K先生秒速食完。#唐揚炸雞 ：加追炸雞，啖啖肉，外酥內多雞汁，好味道。#信州提子梳打#麥茶食日式食物配上日式飲品，真的好正，提子梳打提醒味蕾，麥茶是健康飲品，日本人視日日一杯當餐後飲品，相當健康。

一喜‧拉麺（10/6/2024）今天同個朋友去沙田第一城親友屋企打麻雀，打完後就同朋友去食晚飯，親友就介紹我哋去附近一間日式拉麵店食，佢話這間日式拉麵店嘅拉麵好食又好抵食，這間日式拉麵店叫一喜‧拉麺，位於沙田石門安群街3號京瑞廣場1期地下G18號舖，港鐵石門站C出口行幾分鐘就到，十分方便，店𥚃面裝修好有日本風味，地方寬敞、光猛、整齊同整潔，令人坐得舒服，員工有禮貌，服務態度好，來這裏食都唔錯。餐牌上的日式拉麵相片影得好靚，見到都好吸引，又有好多款拉麵選擇，仲可以按照自己嘅口味選擇麵質及湯底濃淡度，真係貼心，除咗有拉麵食，仲有小食、飲品，還有套餐，尤其是抵食嘅日式丼飯晚餐定食，每晚都有4種丼飯嘅選擇，價錢又唔貴，真係好抵食，只係平日星期一至五晚先有得食。我點了店內人氣嘅濃厚醬油豚骨湯拉麵，我朋友鍾意食辣，就揀咗微辛伊勢海老豚骨湯拉麵，我哋都加咗隻糖心蛋，再加小食嘅羽根燒餃子同炸海苔魷魚，飲品嘅樽裝麥茶同綠茶。濃厚醬油豚骨湯拉麵嘅湯底是濃濃豚骨湯，單是湯底味道有濃郁香味，以豬骨高湯熬煮而成，加埋炭燒叉燒，又圓又滋味又大塊，還有木耳食得令人爽口，仲有糖心蛋個蛋黃軟滑多汁，好香蛋味，加埋紫菜、

口淡淡想食拉麵🍜🍜好開心可以去到一間用心經營嘅小店☺️（位置方便喎～石門站一出A出口就到😜唔洗搵）（有獨毒位好可愛😆）餐牌都幾多嘢揀㗎喎～最吸引我嘅梗係白雞湯拉麵啦唔係度度都有得食❗️ 估唔到石門都有❗️😋😋$79 一碗拉麵喎😎價錢吸引佢仲有做晚市定食全部都70幾蚊 （不過個人對飯興趣不大😗）多口問店員有咩好推介？佢就介紹咗兩款期間限定：1️⃣ 炙燒牛舌茄湯2️⃣蟹皇湯拉麵 （配炙燒牛舌/炙燒豚叉燒或雞叉燒）店員話茄湯好多女仔鍾意食..👉🏼👈🏼但我冇聽佢話✨我揀咗蟹湯配豚叉燒（覺得矜貴啲😂）✨另外再叫咗白雞湯要辛口❤️‍🔥（唔使加錢）🍜濃味辛口白雞湯（+$16 加流心蛋同特盛叉燒）見到個湯咁濃郁 令我興奮不已😆即刻飲番啖🫨醒腦醒神‼️好少喺日本拉麵食到呢一種辣味好香口 令我飲完一啖又另一啖🫨🫨好彩有加咗特盛叉燒🥹目測每一塊有1.5cm 厚‼️總共有四塊咁多‼️（即刻覺得有抵咗🫨）佢係我咁大個女食過最好食嘅雞叉燒快快都有火炙過‼️啖啖都食得出有雞嘅鮮甜味㗎麪質唔軟唔硬 唔粗唔幼 但份量都幾多見到店長每一碗拉麵都較鬧鐘煮⏰覺得好有心機我哋仲加咗小食同飲品$30（羽根燒餃子🥟+道地麥茶）餃子嘅底部真係好脆口餡料就係

平時好鍾意去啲小店幫襯，今次經過，又未食午餐，就試吓！入到嚟叫咗碗拉麵同小食，湯底濃郁，麵質彈牙，服務不錯！由於我食量不大，所以叫了一個$68嘅套餐，輕盈嘅拉麵加小食！我見餐牌，就算係標準裝，拉麵都不貴！價錢總算合理！總括而言，無論食物、服務、環境都OK！支持小店！加油！

今日專登到石門試下呢間拉麵店。佢本身都多選擇，有豚骨湯、雞白湯、仲有蝦湯，又分鹽味底同醬油底。今日就試佢嘅新期間限定九洲風味豬軟骨拉麵。加多$30可以跟埋小食同飲品。豬軟骨真係好鬼大條，食肉獸一定鍾意。湯底係醬油豚骨濃湯湯底豚骨味濃但係一啲都唔咸，值得一讚，其他配料有紫菜、木耳絲、半隻溏心蛋，溏心蛋夠入味。麵係普通直麵，開頭都有咬勁，可以湯夠熱，之後會變淋所以建議快啲食。小食叫咗份吉烈炸蠔，新鮮熱辣炸起。好正。呢區真係冇乜好拉麵店，呢度簡直係清泉。

今日在石門發現了一間日式拉麵的小店，價格不貴🤗濃厚醬油豚骨湯拉麵 🍜⋯⋯我加左$16 有一隻溏心蛋和特盛叉燒…..雖然係濃厚醬油湯底，湯底厚身得來調味適中，唔會太鹹和油膩👍叉燒大大塊、略略煎過，入口即溶🤤🤤另外溏心蛋煮得剛剛好，蛋黃流心👍另一款拉麵揀咗「辣肉味噌豚骨湯拉麵」🌶️ 幼麵加辣肉味噌醬，有2大塊叉燒和一隻溏心蛋！湯底濃郁，辛辣味香濃，味道不錯！小食炸海苔魷魚🦑和吉列炸蠔也不錯！

石門的一間人氣拉麵店結業了，大家都覺得好可惜。不過，一換，就換來兩間拉麵店的進駐。真的可以說，石門這一個小小商圈，真是一個飲食的福地。上次試了商場 food count 內的一間，這一次就去到火車站出口，前身是燒臘店的一個鋪位。進場的，是一間日式拉麵店，名叫《一喜拉麵》。有新的拉麵店啊! 那就要試試看，這拉麵店能不能給我一個 "喜"。這一間拉麵店，店子看起來比以前的一間細，但店方很懂得去擺位，招呼到多客人之餘又不會令人感到擠迫。再加上店內外的一切都好新，感覺份外的衛生。第一次來，我點了一客伊勢海老豚骨湯拉麵。湯底是濃濃豚骨湯加上濃濃的蝦膏蝦油，單是湯底已經是超滿足的濃香。又肥又圓的叉燒，亦增強整碗麵的香口感。麵條，我選擇了硬，全蛋麵入口既感覺亦特別爽，是一碗很容易令人感滿足的拉麵。小食，我選了羽根餃子。一份三件連著的，就是這一種餃子的特色。皮薄，肉味香而不滑，也是日式餃子既特色。改日，同同事一齊來，我點的是此店的另一個招牌口味，慢煮煙鴨胸拉麵。煙鴨胸用上了慢煮的方法去處理，所以鴨肉既口感是份外的滑。這次用的，是鴨湯，味道同樣地濃郁，整碗拉麵都很香口。這次的小食是珍寶炸帶子。就是一般的雪

石門站新開張既一喜拉麵，每碗都可以自己揀湯底濃度、麵條硬度；加$30可以升級做滿腹套餐，追加一款自選小食和飲品，讓你食得更滿足。吉列炸蠔：外層炸到金黃酥脆，內裡既蠔肉肉質豐滿、鮮甜無比，甘香十足。羽根燒餃子：餃子皮厚薄適中，裡面既餡料調配得宜，蘸上酸酸地既餃子汁，更加美味可口。每一碗拉麵都附有大塊紫菜、蔥花、木耳等配料，麵條煮得剛剛好，咬落細緻彈牙，與湯底完美融合，充分提升左整體既風味。醬油豚骨湯拉麵：叉燒肥瘦均勻，表面經過炙燒，帶有微微既焦香，湯底入口非常濃稠，飲到啖啖豬骨香氣。豬軟骨醬油豚骨湯拉麵：期間限定既新品，豬軟骨特大厚切，炆得軟腍入味，溏心蛋煮得非常出色，滿載住九州風味。總結，小店地點方便，食物即叫即做，足料好味，店員服務態度有禮，CP值高。

呢間店最近推出咗兩款特別嘅湯底拉麵，我叫左其中一款：和牛濃厚雞白湯拉面，加埋30蚊升級做套餐。和牛濃厚雞白湯拉麵湯底濃郁香滑，非常鮮美。拉麵本身彈牙有嚼勁，配上軟嫩多汁嘅半熟和牛片，真係一絕。特別係湯底嘅濃郁味道同和牛片嘅結合，令味蕾享受到極致。另外仲叫左黑松露蜆貝醬油湯拉麵。呢碗湯麵以黑松露蜆貝醬油湯底為特色，帶來獨特而豐富的風味。湯底係以鮮美嘅蜆貝熬煮而成，加入黑松露調味，帶出濃郁嘅香氣同滋味。湯底富有層次感，充滿了海鮮和黑松露的香濃風味。而呢個面仲有一塊豬肉叉燒同一塊雞肉叉燒。除咗拉麵之外，我亦試咗其他小食。包括羽根燒餃子，一份有三隻，餃子脆皮煎得金黃酥脆，內裡嘅餡料鮮嫩多汁，味道香濃。另外既小食係炸海苔魷魚六條，魷魚肉質鮮嫩，外脆內嫩，味道鮮美，好適合當作開胃小食。整個套餐嘅價錢都好合理，加埋30蚊可以升級做套餐，配菜同飲品都有，100數左右埋單，飽足感十足，又能夠嚐到不同口味嘅美食，真係物超所值。

💛一喜·拉麵💛同朋友放工去石門食飯~心郁郁想食拉麵，一出地鐵站行30秒左右就見到間拉麵店，環境舒服光猛，價錢合理，食物圖片都好吸引，就行入去試下~想唔到食物質素唔錯，仲要無收加一，依家真係買少見少!!😆😆😆❇️九州風豬軟骨濃厚醬油豚骨湯拉麵🍜🐷🐷我簡咗濃味湯底~湯底充滿骨膠同濃濃嘅豬骨味🤤🤤豬軟骨嘅份量好巨型，比我手掌仲要大!🫲豬軟骨煮到好淋~輕輕夾一下D肉就可以分開，但並唔係煮過龍，口感適中!本來我好糾結拉麵要咩硬度，有D拉麵店普通都好硬，今次我選普通，非常理想，唔太硬唔太軟!仲掛到D湯~🤙🤙❇️博多豚骨湯拉麵🍜🐷呢個拉麵嘅湯底同豬軟骨濃厚醬油豚骨湯底唔同，呢碗肉味出D~佢有兩大塊炭燒叉燒係面，叉燒有甜嘅醬汁係面，再用火槍燒，油香味出曬黎，食落仲入口即溶!!❇️+ 加$30 追加腹滿套餐 (小食 1 款+飲品 1 款)我地叫咗炸雞塊，雞塊份量都好足，有3件好大件~1件炸得剛剛好，咬落仲有雞汁滴出黎，但有2件就炸得有D乾身😄我地仲叫咗枝茶🍵

突然想食拉麵，就試一試佢。舖面簡約光猛寬敞。環境風味欠奉，但係整到日本拉麵店格局就一定回唔到本，所以不完美可接受。一碗正常拉麵$79 應該係市價甚至偏平，嫌貴去食雲吞麵適合啲。試咗醬油叉燒拉麵加天婦羅雞翼。湯底： 夠晒熱。味道淡麗，飲晒成碗唔覺死鹹拉麵 ： 幼麵，冇驚喜冇失望叉燒： 偏肥但係燒得夠焦香冇油膩感，有肉羶味但可接受溏心蛋： 真溏心嘅，夠味，冇醃過龍配料： 葱花同木耳絲，冇特別雞翼： 全隻去骨，炸得酥脆，充滿誠意整體黎講係中上之選，性價比高。呢度有雞白湯雞叉燒，怕豚叉燒肥可以試下。小食加唔加就豐儉由人，抵就唔算，不過值嘅有人話呢間係麵道復活。畢竟麵道都冇咗半年，味道已經唔記得 比較唔到。

醬油拉麵嘅秘密就係師傅自己獨製嘅蔥油！好少可以喺拉麵店食到蔥油嘅拉麵。一上枱就已經有好香嘅蔥油味，第一啖飲湯嘅時候唔會好油，但就已經有好香嘅蔥味喺口腔。加埋炭燒叉燒，掛住啲蔥油，成碗食完仲可以飲埋啲湯！期間限定，慢煮鴨胸拉麵，佢嘅鴨胸煮得好淋，鴨皮嘅油脂好香，油脂滲落湯底，令湯底多咗份鴨油香味。餃子大大粒，啲餡料夠多汁，再點埋餃子汁都幾好食。炸雞翼好juicy，肉質好多汁，包裹住佢嘅外層好脆，調味啱啱好。套餐仲有2枝日本茶。

之前都有同大家介紹過喺石門嘅一間高質拉麵，但好可惜佢而家已經執咗🥲不過今次又喺石門發掘到一間好高質嘅拉麵，每碗拉麵加$30就可以升級到滿腹套餐，跟一款小食同飲品，感覺好抵！醬油清湯叉燒拉麵 $79呢款係期間限定😆平時食醬油拉麵都好驚會太鹹，但呢度嘅醬油湯底調味適中，味道清甜😋叉燒特別出色，有兩塊大大塊、煎香過嘅叉燒，肥瘦相間，入口即溶😍😍另外糖心蛋都煮得啱啱好，食到蛋黃流心嘅效果，好高質！博多雞白湯拉麵 + 溏心蛋 $79+$6另外亦都嗌咗我平時食拉麵最鍾意嘅雞白湯😆呢度嘅雞白湯同樣好高質，湯底質地比較厚身，雞味好濃郁嘅同時唔會油膩，最後忍唔住飲曬😍😍雞白湯拉麵跟嘅會係雞叉燒，雞叉燒同樣好大塊，肉質滑嫩，一啲都唔鞋。因為呢碗拉麵附設洋蔥同埋筍，所以食到中間都可以轉換下口味，唔使驚太寡，非常出色😋天婦羅無骨雞翼（滿腹套餐） +$30齋睇賣相就知一定好食，雞翼好大隻，外層炸得好酥脆，炸粉亦夠薄，內層嘅機翼肉質滑嫩，仲好juicy，大推！！珍寶炸帶子（滿腹套餐） +30有三隻帶子，size都唔細，帶子炸得金黃酥脆，炸物點蛋黃醬食一定冇得輸👍🏻