一幻拉麵

营业中

休息中

係網上見到 『一幻拉麵 』出咗個超抵優惠。$148(另收原價加一服務費)二人餐🤩包括兩碗拉麵🍜六隻餃子🥟兩杯飲品。除咗招牌原味蝦湯底🦐之外，仲可以因應自己嘅口味選擇加入唔同濃度嘅豚骨湯。湯底口味亦有味噌，鹽味同醬油可選擇。餃子🥟煎得好香脆，餡料十足，蔬菜同豬肉分量平均，啖啖油香。餃子🥟配啤酒🍺一流嘅配搭🤤 (原味，鹽味，粗麵）蝦湯鮮甜濃郁🦐會不知不覺一啖接着一啖。 麵質有韌性，富有口感，掛上濃湯汁十分美味，一試難忘。另外日式叉燒肥瘦適中，口感鬆軟。 (辛辣味增蝦湯拉麵，幼麵)相對原味湯底蝦味冇咁濃郁，並辛辣為拉麵增添了一點惹味。另外特別要推介佢哋嘅麵酥，紅姜天婦羅係自家製嘅蝦味麵酥🦐食到淡淡蝦味之餘仲有酥脆嘅口感。

在海港城完成工作後，發現這間拉麵店正做「得一賞二」套餐，$148有2碗拉麵+6隻餃子+2款飲品，決定試一下幸運可安排坐海景位，吃什麼都加分餃子熱辣辣偏煙韌淋身的餃子，味道不錯招牌蝦湯拉麵蝦湯濃郁帶點鮮甜味，叉燒肥瘦適中，配上掛湯的拉麵，好吃拉麵本身已經配有半隻流心蛋，很滿足特濃蝦汁叉燒拌麵一上檯賣相吸引，蝦汁在碗底，記得拌勻才開吃特濃蝦汁的確比蝦湯的蝦味更濃厚，可是偏油膩，看你有多重口味吧，下次我會選蝦湯拉麵可樂有coke zero, 自我安慰一下也好

話說用左某E字app book左晚飯 點知一去到幾多人排 打左幾個蛇餅 然後個職員話就算book左都係要排隊架個刻真係心諗 下 咁你就唔好俾人book啦完全係為咗吸引人用優惠 有理冇理就俾人book呢個安排真心好差但由於個日周圍都full 唯有焗住排至於拉麵 湯係偏濃稠重口味層次唔多 易膩個人嚟講就一般 但唔係差嘅

我地係平日九點幾入座所以唔洗排又有海景位無記錯係有4款拉麵而小食選擇勁少拉麵個湯頭蝦味好濃(係一入門口已經聞到果陣味)我ok仲飲咗好多 個friend就覺得有d heavy 個麵底都好彈牙 上面d天婦羅碎幾好食拉麵係會再幫襯嘅水準 不過食完到第二日都好口喝lol嚟之前睇過食評話好幾個話食物ok但員工態度惡劣入去坐咗一陣完全明曬一間喺海港城嘅日本拉麵店嘅職員係紅van司機/的士佬mode 其實真係幾odd (幾個都係咁)

見到一幻拉麵出咗個新優惠，有二人套餐包兩碗拉麵加餃子連埋嘢飲都只係148🤩 加一之後都只係178埋單✌🏻野飲有基本嘅可樂/Zero, 要波子汽水都唔使加錢仲有三隻味揀《特濃蝦汁叉燒拌麵》撈起上嚟麵量相對比較少，但係食完一碗之後已經夠晒飽，蝦汁的確香濃，叉燒粒都唔少可惜肉質比較乾《招牌蝦湯拉麵》呢個湯底真係值回票價，兩片叉燒肉質好軟，麵底好大，女仔食可以叫少麵《餃子》餃子不過不失，上枱個陣係好香

女朋友話想記錄低我地一齊之後食過咩好食既野方便之後睇返再去覆桌wo身肩重任既我就開始左呢篇食評啦（佢淨係負責食 公平咩～～～～～～～～～～～～～～～～～入返正題先果日我地搞完手頭上既事都已經9點後海港城d鋪都收左一大部分見到一幻仲開緊就即刻衝左入去店員主動過黎同我地講有個2人set既promotion原本正價都～$90一碗麵而家$148兩碗仲有餃子同野飲計一計真係冇得輸叫左碗蝦汁胡麻冷麵 好多配料 味道比較fresh另一碗叫左特濃蝦汁叉燒伴麵本身既蝦汁已經好惹味然後側邊有生蒜可以比你加double重口double享受餃子唔差 拎黎伴酒一流走個陣見到原來有窗口位可以望海有機會再食個陣一定要坐個邊

食拉麵都有維景海景？🌃尖沙咀呢間一幻拉麵就有。夜晚去到要等位，我話要窗口位，員工話窗口位要等耐小小，難得黎到又唔係好肚餓，就決定等，最後等咗4個字左右。有個海景，心情真係更加舒爽。叫咗招牌蝦湯拉麵 ($88) ，同加咗餃子 ($35)。湯底: 濃厚豚骨麵條: 粗麵配料：有蔥，有麵酥我覺得呢碗既蝦湯拉麵個味都幾濃郁，啱晒中意重口味既我，麵條都有小小咬口，幾掛湯，叉燒同溏心蛋都水准之上。至於餃子我都覺得幾好食，不過食完碗麵已經好飽，餃子5隻都真係要同frd share食。我覺得因為有海景，成個心情都更加好。加上呢到冇因為環境mark up價錢，餐牌同其他分店一樣。有時間經過既話都幾推薦黎試下。

見某美食平台做緊promo，只要係一幻拉麵訂座，可以享有優惠。於是就book左海港城果間一幻拉麵。個人覺得比較難搵路，係海港城裡面兜左好耐到左門口，可能唔係假日，所以唔多人排隊。入到去可以揀bar檯同普通檯我揀左普通檯，坐得幾舒服同日本傳統拉麵店一樣，都係圈紙仔落單我揀左個特濃蝦味拉麵個面底幾好，d湯飲左幾啖，覺得幾好味，好有蝦味但食食下就會覺得有d鹹。如果中意食完拉麵後，再飲埋成碗湯ge朋友仔，建議可以唔洗叫特濃。

位於尖沙咀海港城入邊嘅一間日式拉麵店，初頭都驚價錢好貴，但係叫咗個二人餐都係三百幾蚊，另外再有折扣減完先$178，價錢可以接受。拉麵嘅湯底都好濃，拉麵都好好食，份量好足夠！！！餃子好足料，煮得啱啱好。而且拉麵入邊都有好多唔同嘅種類可以俾我哋選擇，粗幼硬度都可以根據你個人喜好去設定。入到去個環境好舒服，好闊落。令到我短暫好似真係去咗日本咁，疫情期間逗留喺香港都差唔多一年，真係好懷念日本嘅味道，係一個真心唔錯嘅體驗。

一幻係好朋友最鍾意食嘅拉麵店。原因佢喺北海道讀書嗰陣已經食開, 所以一幻開左喺香港, 佢得閒就會要求去食。前排喺FB見到一幻出咗個優惠2人餐- 2個麵, 2份餃子+2x飲品 ($148) +原價加一($29.6) = $177.6。本身一幻淨係食個麵都$88 (加埋一 $96.8) 其實即係食麵送餃子同飲品, 真係好抵。 個人嚟講,唔係好鍾意食佢個招牌蝦湯拉麵, 好彩問左職員話套餐個麵都可以揀冷麵/撈麵🤭我就揀左冷麵, 朋友就繼續食佢嘅湯拉麵。餃子呢度係2人份, 即係一人3隻~飲品方面唔加錢下可以揀波子汽水, 好開心!!係童年回憶~ 同埋職員好好, 如果唔識開記得叫佢地幫手😊

蝦湯底做主打, 標榜用解蝦頭去煲既湯底. 除左有原味 (即係蝦湯) 之外, 仲有適量豚骨同濃厚豚骨 (其實都係 蝦湯湯底, 只係再加豚骨). 3款湯底都可以選味噌, 鹽味, 醬油. 價錢一樣都係 $88.除左有蝦湯拉麵外, 仲有香港限定既特濃蝦汁叉燒伴麵. 今次試左2個唔同湯底:原味, 鹽味, 半份幼麵 + 叉燒 : 蝦味好濃, 真材實料.  因為怕味噌同醬油都會好咸, 所以選鹽味. 叉燒厚薄適中. 好咪到連湯都似埋適量豚骨, 鹽味, 半份幼麵 + 叉燒: 同原味相比下, 呢個蝦味冇咁重, 但又唔係好食得出豚骨既味道.另外再叫左幾款小食:餃子: 呢個就普通左少少.  35蚊有5隻就算啦香辣甜蝦椰菜沙律: 見幾張枱都有人叫, 我地又唔執輸. 食唔到辣味, 麻麻地. 呢個唔推介 醬燒雞脾菇: 咸左少少, 同埋太多木魚絲O係上面.其實個湯麵係唔錯既.  小食方面可以再落多少少心機去做

一幻拉麵出左個$148得一賞二餐，超抵食，專程同朋友來試。要等位，但因為店舖坐位比較多，假日都唔洗等好耐就有位。拉麵嗌左一個辛辣蝦湯拉麵，另一個揀咗醬油豬骨蝦湯。兩個蝦味都好重好香，湯底濃郁。但要快食，因為發現好快比麵吸哂湯。餃子原來係一碟有6隻，每人三隻（哈，個圖以為好抵有二碟）不過已經覺得好抵食。仲要最驚喜係有波子汽水揀不用加錢，仲要有三隻味。已經好耐無飲過波子汽水，都差點忘記怎樣開。埋單加一後每人不用$90就食倒拉麵+波子汽水+餃子，十分抵食。

專程為著好姊妹介紹的178套餐而來。這裡是尖沙咀海港城的《一幻拉麵》。星期五的話人流也不少，已訂位還是等大概15分鐘，今次很幸運，被安排坐海景位，望住海景感覺輕鬆又自在，然後說說笑笑，很舒服。下單後很快就上菜了。兩大碗濃蝦湯底拉麵，每碗有2片叉燒，半隻流心蛋 ，套餐包兩枝波子汽水。特濃湯底，好重海鮮味，不過鮮得黎都幾咸，再飲啖白桃味汽水中和一下。兩片叉燒對女孩們來說剛好。吃埋6隻餃子， 煎得香脆脆 ，肥豬肉較多， 簡直是太飽太滿足了。 優惠期內可以再來尖沙咀碼頭一試。

喺日本都非常受歡迎嘅拉麵店 一幻 唔知你又聽過未呢？好耐之前有朋友帶過我食過一次第二間分店 嘩 一試個湯就比佢吸引住所以就衍生咗我成日捉其他人黎陪我食啦～有啲舖頭分店依然味道會有啲分別 但係一幻就完全無令人失望嘅感覺特別鍾意海港城呢間 因為對住個海景好chill 好正～當然唔係次次坐到海景位嘅不過in general 都坐得舒服 咁耐以黎都未試過比人限住要食幾多分鐘 感覺好大壓力好唔自在可以隨意同朋友chit chat 餐廳亦好衛生 野食方面 以前試過拌麵同拉麵都貫徹佢哋嘅風格 一食就知好惹味～超濃厚蝦湯 一試難忘～真正味道好嘅湯 先會令到好懶嘅我願意一直拎起隻羹係咁飲啲湯 而食完唔會係咁想飲水（因為所謂嘅濃湯只係味精）雖然我叫咗軟身嘅麵 但佢嘅麵質都可以保持彈牙 令人不知不覺好想清晒成碗 一條不漏～真心推介 我耐唔耐就會有舖癮想再去食一次 講到拉麵覺得要必提嘅一間餐廳/麵館～

一幻拉麵有人話好食 亦都成日聽人講話唔好食 但日日都大排長龍喎！？ 今次有coupon就lunch試下先！仲要好好彩咁唔洗排隊🤣 招牌蝦湯拉麵 $88🍜拉麵最重要既湯底偏稠身，並且主打係即叫即整！味噌湯底偏咸，鹽味湯底就岩岩好，不愧係招牌湯底😂 一上枱已經見到碗麵係超級熱💢（小心），岩岩煮好咁，哩樣真係做得幾好💯，未食先加分😆 但個人就唔太鐘意個幼麵底啦，唔知點解有好大陣鹼水味，有無人試過都食到？ 而叉燒係好食既 但真心好薄，食兩啖就無左😂 糖心蛋🥚就正常啦，拉麵一定要有尖沙咀店環境比我想象中好 原來入面鋪位好大😂 仲有一行吧枱位/靠窗邊位，都幾chill ga!👍🏻 可能本身無抱咁大期望去食，出嚟既結果都ok既，唯一敗筆左係個麵到🤦🏻‍♀️ 下次試粗麵唔知會唔會好d呢🤔