一幻拉麵

营业中

休息中

海港城Coupon好成功，可吸引多D人入黎消費😌之前聽阿妹講幾好味，今次再出coupon決定試下🙌🙌Coupon 係未計加一服務費滿$100就可用一張$50 Coupon~ 我選擇左招牌蝦湯拉麵，我見點麵紙係推介鹽味同幼麵，就選擇這個組合😌另加左一蝶餃子同加量叉燒🥟餃子無咩特別。湯底一流，令人回味，好重蝦既味道🦐🦐😋叉燒無咩特別驚喜，但都好味，肥瘦適中👍👍Coupon 係去到4月18號，建議早D去，我食完大概1點幾，已經要排隊。

今次又來海港城用coupon啦食100-50 一幻拉麵照舊都可以用✌🏻✌🏻✌🏻根據我過往嘅經驗越早去就唔需要排隊同埋啲座位都唔使坐得咁迫😋😋可以慢慢享受今次我就叫咗原味拉麵 幼麵❤️❤️另外仲叫咗碗豚骨拉麵 幼麵❤️❤️兩碗都係揀咗有叉燒仲有五隻餃子因為上次食咗其他款式 所以今次試吓呢兩隻味😉😉大概等咗5分鐘左右啲食物就到☺️☺️今次呢隻拉麵嘅湯底有啲驚喜❤️❤️因為佢主要係鹽做湯底 成個感覺好清新麵質又可以自己選擇😋😋配埋叉燒 個感覺真係好似日本食咁餃子就冇乜特別 細細舊易入口😋😋呢度啲裝修都好似喺日本咁 喺入邊食住拉麵感覺好似去咗旅行咁㗎

Weekday拎咗假去覆診，諗住求其搵間野食個晏，食完先知原來係間有名氣既蝦湯拉麵店，好好彩當日完全唔洗等位就入得去。《招牌蝦湯拉麵》拉麵主打蝦湯，由北海道甜蝦頭熬成湯底，湯底濃郁惹味，配叉燒同蛋，面頭仲有一堆櫻花蝦，同其他拉麵店一樣濃度同麵質都有得自己選擇，第一次試蝦湯拉麵好有驚喜，感覺冇豬骨湯咁油膩，有淡淡的蝦鹹香味，而且佢做緊套餐跟餃子🥟波子汽水都係一舊水多少少，encore!!再講店舖環境寬敞，而且有向海落地玻璃，疫情下一個人望住海嘆碗麵都好寫意。

📌招牌蝦湯拉麵 🦐($88)今次試咗一幻嘅招牌蝦湯拉麵，湯底有唔同濃度選擇，我就揀咗濃厚豚骨，而麵底就揀咗推介嘅細麵。拉麵一上枱，蝦香就已經撲鼻而來，飲落蝦味十足，夠鮮甜之餘亦唔會有腥味，係一個出色嘅拉麵湯底，但食到後半段略咸。相較湯底，麵質就略為遜色，口感唔算彈牙，表現普通。但因為個湯底真係幾正，彌補咗麵底嘅不足🤞🏻

今天陪同寶寶豬到尖沙咀區剪頭髮，過後便順道來到海港城打算行逛一番，好友提議先吃個拉麵醫治肚子，因而便來到了位距我們同層不遠的一幻拉麵。餐廳從門口、牆壁、櫃子、以至餐桌座椅均一致使用木系設計，而入門的左手邊位置放置有各款的自家產品可供顧客購買，走至中間便是廚房空間，最尾端則設有一排海景座位，大幅落地玻璃的裝潢，讓客人可享盡維港景色。招牌蝦湯拉麵拉麵選擇了濃厚豚骨湯底，並點取了味噌口味，飲用時黏度適中，味道濃厚鹹香，蝦味突出。麵條是硬身的粗麵，入口煙韌彈牙，甚具口感。配料方面再加配了溏心蛋，其蛋黃製作流心，呈現半熟狀態，味道蛋香十足，綿密緻滑。招牌蝦湯拉麵朋友同樣點選了同款拉麵，湯底是濃厚豚骨加鹽味，麵條則選擇了幼麵，用料方面有溏心蛋、蔥、麵酥，麵酥也就是炸製了的紅薑天婦羅，食用味道酸中帶辣，香脆爽口，其餘用料味道大致相若，就不作詳細說明了。總結而言，餐廳用膳同時可欣賞海景，而且整體裝潢又以淺色調和木系為主題，予人感覺舒適悠閒。食材方面用料新鮮，製作出色用心，味道濃厚可口，是一所美景與美食皆兼得的餐廳。

晚上9時去都仲爆場，應該算係人氣拉麵店之一了，但不用等位朋友點了特濃蝦汁叉燒拌麵，而我則點了招牌蝦湯拉麵。各跟有兩塊叉燒和半隻半熟蛋！非常之香的蝦湯味，拉麵都唔會太淋同太硬叉燒厚薄適中，味道就不過不失啦，半熟蛋正常發揮。總括而言，唔差，但就無驚喜！🥟餃子就令我大感失望，可能係提早煎定嘅關係，已經凍咗，唔夠熱所以內餡嘅豬肉已經有陣豬嘅騷味又或者係d豬肉唔夠新鮮。相信啱煎出嚟，熱辣辣個時會好吃好多！

近排疫情冇得飛去日本食拉麵唯有喺香港尋找一下有啲咩好食嘅拉麵啦最近老公喺海港城見到一間拉麵成日有人排隊於是放假特登揸架車出尖沙咀就係食呢間拉麵我哋特登好早去到因為唔想排隊果然去到小貓三四隻 我哋揀咗窗邊位坐但係坐左5分鐘就後悔因為太熱啦咁就睇餐牌啦 餐牌好清晰 簡而精方便客人去睇我哋一個set餐Set 餐包括兩碗拉麵+一碟餃子+兩支波子汽水拉麵我哋叫咗個招牌蝦湯拉麵 辛辣味噌湯蝦拉麵兩隻拉麵啲麵質都可以自己決定啲湯好濃郁好入味味道同一般喺香港食嘅拉麵店都好唔同仲要呢一個價錢我覺得好值得當然你相對日本嘅拉麵就冇得講啦始終日本一定好食啲但係如果你想喺香港食拉麵我都10分推薦呢一間價錢合理 又食到日本嘅風味 最後兩個人埋單都$200有找仲可以拍埋車添

一幻拉麵✨✨✨✨✨✨聽講依家係日本過江龍，喺香港都開咗好幾間分店，今次就去咗中環店叫咗招牌蝦湯拉麵因為我係唔食薑嘅所以就冇要麵酥站係我呢個非專業角度嘅立場我覺得一幻真係好好食😂✌🏻湯底蝦味好濃郁而且好香上枱嗰陣都熱辣辣，拉麵係呢個狀態真係最好食，差唔多飲晒成碗湯🤣嗰陣其實仲有做緊一個二人套餐優惠178有兩款飲品六隻餃子加兩碗拉麵———————————————————————總括而言：嗰陣做緊二人優惠其實真係好抵連嘢飲加小食，加上本身就好鍾意蝦湯嘅味道，誇張咁覺得呢個拉麵好好食，希望佢越開越多分店嘅同時質素可以繼續keep住啦~

今日去一幻拉麵enjoy lunch time🍜😋今次已經唔係第一次幫襯一幻，可能因為係連鎖店，水準保持到每間都差唔多，而且每一次黎，湯底都依然係咁好味😋一幻拉麵嘅份量，我覺得對女仔來講真係好足夠，而且因為湯底特別濃，就算冇特別飲晒啲湯，女仔都一定夠飽🙈因為有同行友人一齊食，就同場加映一隻糖心蛋🥚最後其實仲有叫咗一碟餃子，佢個酸酸地嘅餃子汁好開胃🤣 如果冇嗰汁幫手嘅話，都一定食唔晒，今餐真係太飽😂

睇到youtuber介紹過話係日本都出名嘅拉面仲話通常係機場裡面先有咁岩行過  見到呢一間拉麵店就即刻話要入去試試！先講主打 會係用海老做湯底配上叉燒及溫泉蛋 亦有櫻花蝦有辣有唔辣～🍜另外也有用豬骨湯底以及有香港限定口味 和冬季限定咁就視乎你幾時去食啦我揀左冬季限定的辣味拉麵同埋豬肉煎餃子🥟簡直係讚不絕口！我一食第一啖已經覺得係高質食拉麵果陣 我會大大力吸啜麵條順便吸埋湯汁麵條彈牙 辣味海老湯汁直逼喉嚨果種蝦的味道不停回轉在口腔中只有讚 沒有彈！！！另外餃子🥟亦都抵讚大家都可以試一試新口味😳😳😳

聽菲姐講！可以試吓但唔可以愛上🙅🏻‍♀️🏮元宵節冇錢食海景高級餐廳 但比我搵到間海景拉麵店🤣一於試吓望住海景食拉麵🌃(其實係撞彩先坐到海景位咋xd)$99蚊套餐 🍜一碗麵+🥚一款小食+🥤一罐可樂以為好平 其實就係呃菲姐唔識世界👺竟然將好多時都會包埋喺拉麵入邊嘅筍、糖心蛋、同埋木耳當做小食選項都有嘅！😡一幻主打蝦湯🦐 原味蝦湯個湯係濃味但又唔係真係咁蝦湯咋啵🥲第一啖好食 食多幾啖已經忍唔住要加胡椒粉😖反而辛味蝦湯好食啲👍🏻加埋「紫蒜天婦羅」(咪即係炸蒜😹) 係更加香嘅☺️不過食麵連湯飲 食完好口渴🤯仲有呀！塊叉燒真係如圖所見 薄到透光🥲太過份了😫 一次之後唔食佢喇！

#尖沙咀 #一幻 #期間限定 #咖喱蝦湯拉麵 可以一試，不過都係招牌好味啲#咖喱蝦湯 湯底嘅咖喱味好香，同辣辣地，但唔杰，其他味道較淡，食唔到其他香料味，同樣地蝦湯味都較淡，最多係少少after taste#叉燒角 比叉燒較有口感，但都係有肥有瘦，唔乾身呢個拉麵仲有#燒翠玉瓜 正，帶到少少清新味俾個湯底，但係個燒烤味都係有啲濃，所以翠玉瓜同湯底並不太match，可能烚翠玉瓜會好啲相反，個#蕃茄片 就可以refresh口腔，咬啖個蕃茄，再飲返個湯，wooooooo,個湯又濃味返拉麵仲有啲#椰菜片 ，都加多咗口感味道: 7/10味精: 6/10價錢: 6/10環境: 8/10服務: 7/10#vinaintst #vinafood #lamen #prawncurrysouplamen #prawncurrysoup #ebisobaichigen #japanesefood #japanesecusinie #promotionalproducts #limitedtime #foodporn #foodie #hkfoodie #f4follow #f4f #likesforlike

豬骨湯、雞湯既拉麵就食得多！蝦湯拉麵真係第一次試！店鋪每日用上60kg的北海道甜蝦頭來熬製，由於我地坐吧枱好快已經嗅到濃郁蝦香。拉麵即叫即煮，先將蝦油、豬油、蒜蓉和薑蓉於熱鑊中爆香，加入蝦湯煲滾才淋進麵內，一碗拉麵背後花了極多心機。最近餐廳仲做優惠2人餐 連加一 $178 兩碗拉麵、煎餃子、飲品 都幾抵呀！！尖沙咀店首創的特濃蝦汁叉燒拌麵，全球只此一家分店有售。當然要試啦！拌麵比較粗、加入蝦油、蒜蓉、蝦味醬油煮成特製拌汁，味道比湯麵來得更濃厚。叉燒更似角煮豚肉粒、非常入味軟林！配埋蝦酥，紫菜、蔥一起攪拌食、非常好食😋 加埋蒜泥一齊食更香口👍🏻👍🏻除了拌麵，當然也保留了招牌的蝦湯拉麵🍜 我揀左原味蝦湯、鹽味！果然原汁原味、湯頭非常鮮甜🦐 麵揀左幼麵 爽口彈牙軟硬適中、不過叉燒冇拌麵果款咁好食！煎餃子 外皮只係輕煎過、算薄皮所以都好食😋飲品 我地揀左波子汽水、但可能太耐冇飲、要出盡力先拍到粒波子落去🙃好難整！整體黎講 可以值得一試！！但款式唔多、想再嘗試既興趣就唔大、除非會有新既期間限定拉麵

今天到尖沙咀辦完事已經中午了，上開飯啦網頁搵嘢食，睇中呢間拉麵店，有海景看又不是很貴，一個人去食都冇問題。時近中午十二點，店內食客已很多，我問待應有冇海景位座，估唔到仲有，仲係一列三個人座的吧檯位，安排我坐中間，左右兩邊就不再安排人入座，由於是大單邊，我座的位置十分舒服又寧靜，隨身物件又可放在旁邊的椅子上。我叫左個99元的一人餐，有拉麵，小食和汽水，另外半價叫了五隻餃子。招牌蝦湯拉麵，一隻大紅碗內放了兩片叉燒，半隻溏心蛋，蔥花，麵酥和幼身拉麵。湯底味道濃郁但不會太鹹，叉燒肥瘦均勻，肉質嫩滑，溏心蛋蛋黃軟軟綿綿很可口，麵酥脆脆鹹鹹增加口感，拉麵彈牙有咬口。小食味筍爽口好吃。餃子煎得恰到好處，一面帶點微焦，肉餡飽滿結實不太乾，味道也很好。看著眼前一片海景，享受陽光的溫暖，這個午餐吃得特別滿足。

一幻拉麵，聞說係北海道而至，以蝦作湯底。我地叫既蝦湯麵，蝦味算濃，油都幾油下，好彩叫埋可樂。叉燒、溏心蛋表現平平，拉麵有咬口。隔離徐生話辛辣味好咸，仲話豬骨湯底好味些，回想起來，一蘭、䐁王生薑味限定，都比佢好食。以蝦作湯底，好似新馬蝦麵仲出色。有得用coupon減$100，埋單都算抵食，不過無下次，唔明多人排隊原因。