一本日式蛋包飯 (已結業)

和朋友到了新世紀廣場food court吃午飯因為生病的緣故，不能吃辣和熱氣野見到檔外的模型似乎挺吸引的於是點了$58的扇貝龍脷柳蛋包飯附送飲品和麵鼓湯 賣相其實很不錯的先吃扇貝，不新鮮是常識吧，但竟然是冷的下面墊底的椰菜絲是未煮過的龍脷柳又是冷的，肉質軟趴趴，也罷蛋包飯的蛋真的挺滑溜，可惜連裏面的飯也是冷的！而且有一股像隔夜飯的怪味道。紅色的蕃茄汁中真的有蕃茄，可是碟子周圍除了紅色醬之外也有不少水狀的透明汁液！吃著吃著，因為真的覺得難以入口，沒有吃完就放棄了佳餚必須色香味俱全，只有色沒有香和味，恐怕難以接受。

今次趕時間，要到Food Court樓上的UA戲院看電影。所以我選擇在Food Court食晚飯，只為求肚飽肚，好讓我不用空肚食爆谷。誰不知飯量太少，還要去一田買麵包填肚。燒汁雞肉蛋包飯$60(5/10)蛋很滑，不過太薄，飯從後面漏了出來，但其實飯量都不是太多，食完都只有5-6成飽。雞肉皮燒得很脆很香口，雞肉很滑。不過蛋上有茄汁，雞肉上有燒汁，兩個味道的汁要一齊食，又酸又咸，味道很怪。這個飯是套餐還有一碗味噌湯，不過太咸。

新世紀既food court有不同國家既菜, 直頭花多眼亂今日黎到就食蛋包飯啦黎到呢間一本蛋包飯, 佢有好多款選擇, 不過我最後只係叫左佢地最基本既一本蛋包飯我以為自己有機會睇到佢點煮, 1分鐘左右已經叫我號碼但原來佢係新派既蛋包飯, 即係蛋皮蓋上面既蛋包飯而己事關我岩岩找續完收埋D錢同銀包就已經拎得, 你地可以諗下係幾快完成其實無咩特別啦, 都係蕃茄醬底再加飯, 蛋亦都無咩味道, 唔好覺得佢會有juicy或者多汁既感覺, 好普通但難食又唔算正宗快餐

夏日炎炎,只好行廣場嘆冷氣,平平地去大食代到搵食,揀左陣都係想食蛋包飯。味噌湯。日式咖喱牛肉蛋包飯,$58,份量都幾多。好薄的蛋皮,入面的炒飯淡淡地,咖喱汁味道普通。牛肉太韌了。整體水準普通。

同同學仔係food court周圍望 最終大家決定食依間$60上面個個係芝士漢堡蛋包飯 外表超正 睇下蛋上面一行一行既芝士 即刻流口水 飯佢有再炒過 一嗒飯配合外面既蛋包 正 但份量真係幾多下 食到後期有d食唔落...漢堡食頭幾嗒都幾ok 跟住食多幾嗒 又係麻麻 唔好食 只可以咁講 但上面有d芝士係可以加少少分既 比上次唔知叫咩個間都好食少少既 側邊既海帶湯好鹹 係我飲過差多次湯之中最鹹既一次 可以淡番d啦 老闆please 同學仔食既 我照單叫架 叫扇貝龍俐柳蛋包飯 扇貝佢話嘛嘛 跟住自己去試試個龍俐柳 oishii 薄薄地又煎得香 好味wo 味道岩岩好 唔會太鹹太淡 $58 總結...我成日中伏既I mean 個漢堡...完全呼籲大家去food court 唔好嗌有漢堡既餐!試兩次兩次都唔好食既!@@

係旺角個邊行街，經過新世紀, 睇到Food Court重新裝修過，睇到選擇多左、環境好左，見到呢間既蛋包飯，就叫左個厚切豬扒蛋包飯$5x。 由於我太餓既關係，加上佢賣相好吸引:大大塊切好既豬扒、鮮紅既蕃茄、打開之後仲有一粒粒金黃既米，就食左落口唔記得影左相先。個蛋包飯整體賣相非常好，金黃色既米粒，粒粒分明，入口有彈性有口感。蛋皮夠哂軟滑，有淡淡既蛋味。個豬扒，炸過之後夠哂香脆，又唔會因為d醬汁而變淋而冇左口感，可惜就冇肉味。d蕃茄又夠新鮮，食落口，啖啖都有蕃茄香味! 佢仲附送一碗麵豉湯，但味道只係屬於普通。 佢裝住個飯既器皿真係令我百思不得其解：到底個d坑係有咩用? 散熱?佢本身都唔係太熱。 點都好，我食個時，d米粒就入哂坑到，搞到我食唔到，極之浪費。 總括黎講，都可以一試既。

Food Court都算係一個聰明既設計同班朋友出街食飯唔洗驚大家會唔啱食好似我呢D咁鍾意食滑蛋既 黎到當然要食個滑蛋飯啦芝士吉列豬扒滑蛋飯$50聽到個名就覺得係必點之物豬扒炸得啱啱好 夠脆口又唔會多粉咬落鬆軟香口唔過膩滑蛋炸得唔會老 仲要生生地 食落滑口之餘 仲要D流動既感覺D飯仲要將滑蛋汁同芝士撈埋一齊要食哂成碗簡直話都無咁易啦!

逛過一田後，開始感到有點餓意，想吃點咸食，就走到food court 位置走了兩圈，看看有甚麼特別的，看到一個光亮的招牌寫著「一本日式蛋包飯」上前看看有少量樣板，賣相好像不錯，再看看餐牌，有款推介款式，4款蛋包飯類、2款便當、1款炒烏冬及1款小食，有一款雙層芝士漢堡蛋包飯看起來吸引非常，但實在太高脂肪了. . .還是選海鮮吧. . .扇貝朧脷柳蛋包飯收銀旁有一個半開式的廚房，主要用來製作蛋包飯，先加入大量生油到鑊裏，然後加入蛋漿，再以一個特製的容器把飯粒壓成鵝蛋形，再放到蛋漿上，包好後就能上碟，再給廚房加上其他配料及醬汁放上朧脷及扇貝後，淋上蕃茄汁、燒汁及麻醬就完成了，還附有一碗麵豉湯旁邊放有紫菜碎及辣粉，可自行加入扇貝朧脷柳蛋包飯 （$58）賣相看上去色彩繽紛，好像很不錯吧，朧脷煎得金黃，蛋包飯面有大量醬汁，扇貝比想像中的大粒，蛋皮好像也很嫩滑似的先試一下扇貝吧～入口是凍的. . .味道當然不會有「鮮味」的形容詞出現，幸好不至太淋，總算有少許口感. . .再試試魚柳. . . 面層金黃面的表面原來不睡的脆身的，是煙韌的. . .而且魚身非常的薄. . .幸好沒有腥味或醃得太咸吧. .

自從新世紀廣場大裝修後一直沒有機會去逛逛，是夜難得在那開業不久的戲院看優先場，晚飯當然優先考慮在同一商場喇！本來決定去Greyhound Cafe，但時間緊迫，只有一小時空檔，唯有改為到食代館，朋友和我都可以各取所需，港式、日式、西式、韓式，應有盡有，裝修簇新，座位足夠，很容易便找到位子。逛了一會，我最終選擇了一本日式蛋包飯，主要原因是她們陳列的食物賣相吸引，而雙層芝士漢堡蛋包飯的「雙層芝士」更令我充滿期待，事關芝士是我的心頭好。結果是我誤會了！ 所謂的雙層是指漢堡有兩塊，並非芝士特別多。事實上芝士味不算香濃，令我有些失望，幸好那醬汁頗開胃，而漢堡肉味不算濃，厚薄適中，不會太硬，最重要是蛋包飯有水準，蛋皮夠軟滑，而每粒飯都有番茄醬包裹，味道不錯。$58的晚餐除了飯外，還附送一碗麵豉湯，味道只屬普通。總結而言，一本日式蛋包飯的食物尚可，價錢合理，不過食代館尚有很多選擇，我會先一一試過才會再次光顧了。

呢排經常”一條友”食飯, 所以都唔知食咩好! 經過新世紀, 知道Food Court重新裝修過, 睇到食物及環境比以前優勝, 所以一個人可以去試下. 見到呢間既蛋包飯,好有興趣試, 於是叫左”燒扇貝雞扒蛋包飯” $62見到個賣相幾靘, 顏色鮮艷, 幾吸引, 視覺令到我食慾大增,份量都足夠. 2粒扇貝食落口有D鞋, 炒蛋上有茄汁, 酸酸甜甜好開胃, 蛋都幾滑, 見佢擺左3.6奶係檯, 應該用佢黎炒蛋既. 入面D飯好香口, 唔肯定用咩炒過! 另外, 燒雞扒即係日式雞扒, 不過味道都OK, 雞唔鞋口無雪味. 唯一失敗之處係唔夠熱, 食落口只係微暖, 如果夠熱應該仲好味. 提議佢地要改用另一種器皿,而且佢比我那個已經裂開, 我覺得唔多衛生.

不是第一次光顧此店, 但兩次也不是愉快的經驗, 上次點了滑蛋豬扒飯竟然放了碗豆. 跟服務生說我不要青豆, 她怪我下單時沒有說,  我看看放在樓面的SAMPLE 明明沒有放碗豆...  她又續說它們也要送點東西給客人.....我不是碗豆公主, 但服務生的解釋也實在又氣又百思不得其解.......所以我良久也沒有光顧了..今天鼓起勇氣, 又點了 滑蛋豬扒飯, 並持別注明不要青豆.  好了, 飯做好了...那知...天啊...這次加了車厘茄!!!到底日式蛋飯何時會加車厘茄?!! 頂多也是茄汁吧.  毫不正宗, 強烈要求把"日式"二字從招牌刪去  我把車厘茄掉去, 吃了一口豬扒, 麵包糠很厚, 豬扒很乾. 沒有肉味. 蛋也不滑, 可幸是洋葱很甜.  其實整個飯只是把白飯, 豬扒和洋葱炒蛋三樣東西放在一個碗內. 沒有HEART....服務態度也不見得好. 吃完之後,忍不完要給一個哭臉  

Meow陪Piggy睇完衫就去左D個food court醫肚每間都去望一望, 去到D間野時岩岩有個蛋包飯新鮮出爐Meow就咁比個蛋包飯俘虜左燒扇貝雞排蛋包飯 $6x個飯份量都幾多除左個扇貝好重雪味外其他都好ok

朋友話 新世紀廣場剛裝修完 去行下 行完順便同朋友去food court食下野我地揀左食蛋包飯 , 點了漢堡朳蛋包飯個樣就幾靚 日式風格啦 有D椰菜及蜀米伴碟食落都幾清新 亦可清一清口腔先漢堡都算大塊 食落都好有牛味 咬2下就開始溶化 亦唔so厚厚的蛋外層，飯炒得香 炒到一粒粒 好有口感但入口有點油啦 且咖哩汁近乎沒有 不過味道尚可啦 個餐只跟（面士湯）味道好咸 亦冇乜(面士味)

是日跟男友到旺角身體檢查，事後到新世紀廣埸買介子，買完發現憑電子賬單可到樓上換優惠券，於是順便在該商場閒逛了一會。這個商場正在進行大翻新，連美食廣場都不同了，當逛到肚子餓的時候，便決定在美食廣場找個位子吃晚飯。本來看到有家韓國菜想試，不過剛買完介指還是吃便宜一點吧@@千挑萬選揀了這家吃蛋包飯，因為買票的地方有個賣相不錯的展示品。芝士漢堡蛋包飯這個醬汁不錯，蛋滑滑的，不過芝士味不夠濃。其實我覺得味道也不錯，但男友說這個其實很易煮...然後我說，自己買到的漢堡扒不是這個質素呢!這個漢堡扒比較厚身，而且不乾有點肉汁，然後男友也和議了不過這個容器有點不太好用，把飯粒都藏到坑內，吃起上來不太方面。價錢也不太便宜，這個飯要$58蚊只包湯不連飲品...若果可以連飲品會比較好...

自從沒在旺角新世紀廣場上班之後，就已經有一段時間沒有踏足這個地方，只知道這裡好像裝修了好久，就連這次去到的時候仍然是在裝修中。 甫踏入美食廣場，就感覺整個格調和之前不一樣，食店都有重新規劃，而且地方也變得更光猛整潔，立即好感度up！