一橋拉麵 (PopCorn 2)

营业中

休息中

以「拉麵性價比」為目標，而且品質有保證，打造出平凡幸福的味道❤️一橋辛辣油麵（大盛）～沒有湯的拉麵，麵條較粗，碗底加入自家製醬汁及調味油，伴上自家製叉燒、温泉蛋等拌勻同食，濃郁又惹味😋招牌大盛豚骨叉燒拉麵～一道經典的日本料理，湯底濃郁滑順，香氣四溢，用上幼身拉麵，掛湯效果更佳，叉燒肉質軟嫩，醃製得恰到好處👍人氣燒賣拼盤～新鮮包製，即叫即蒸，海老豚肉、麻辣豚肉和醬油糯米豚肉各一粒，口感鮮嫩，而且冇洒樓咁油膩香滑牛面頰肉～經長時間慢煮後肉質變得非常軟腍及入味😍

見佢新開，又多人排隊，咁咪試下，點知伏到喊。叫左個招牌豚骨拉麵大盛，連加1 $66，話明招牌，咁我估應該唔會死架啦，點知一黎到就feel到唔對路，點解啲拉麵咁幼既，啲湯既顏色又咁淡，諗住應該沒事既，差極都有限，佢仲打性價比。一食就出事了，佢唔同我講我都唔知自己食緊拉麵，一口鹼水味，再加埋麵條，明明就係一碗雲吞麵，只不過冇雲吞，啲湯既味極淡，我好似飲緊我阿媽煲嘅粟米紅蘿蔔豬骨湯，糖心蛋正正常常味道，而最重要嘅叉燒極薄有3塊，一食落去有陣好奇怪既味，認真食好似有陣橙/柚子味，俾我嘅感覺舊叉燒係垃圾桶度拎出黎，我真係未食過咁難食嘅拉麵，仲難食過味千拉麵，極度不推薦

新开张要排队，很快就有位。全自助形式要扫码点餐然后电子支付，不过也可以找服务员帮手点餐付费，电子结账支付才知道有加一服务费这一项，我刚旅游从日本回来感觉这几块钱服务费花不起而且有点入肉，不知道提供了什么服务给我，就当作是洗碗费吧。等了五分钟海老浓汤叉烧拉面，先尝一口浓汤果然有海老味，汤是热但不烫口，面是幼面像车仔幼面的直径。也许汤面不是烫口，吃到一半已经开始凉掉，降低食欲。

popcorn2有新餐廳，分別係敏華冰室和一橋拉麵，同樣係太興旗下食肆。一橋拉麵主打千円拉麵，平民價四五十蚊一碗拉麵，開張首三日有買一送一優惠，我哋7點半排隊，等等下等左成個鐘先入到。要點大盛豬骨叉燒拉麵$59，才送油麵一碗！留意原來要加一的，埋單係$66 ，2個人去，平均每人三十零蚊，但要花成個鐘😅你話值唔值得呢！ anyway, 當你等左十五鐘，就唔想放棄，於是又等多 十五分鐘…. 講返食物質素先，豬骨湯叉燒拉麵，正常豬骨湯底味道正常，拉麵係幼身嗰款，都幾彈牙，有四片薄叉燒，兩片紫菜一隻溫泉蛋開邊，仲有啲筍和木耳絲，各様配菜都好食嘅！送的那款油麵係撈麵，碗底有醬油，自己動手撈勻佢，桌上有醋、香油、白芝麻，隨你添加！油麵冇乜餸，有少許叉燒肉，醬汁都香濃，本人略嫌粗麵未煮得夠腍，再腍少少就perfect ! 由於我哋唔太喜好日式拉麵，所以覺得中規中矩！

Popcorn方叔叔執咗後，個舖位一口氣分拆開咗一橋拉麵同敏華，敏華食過幾次，唔想排隊！一橋拉麵第一次聽，佢賣廣告聲稱一千日圓拉麵，屬平價拉麵一種，價位在$39.9-$59.9不等，拉麵價錢來講算好平！由於12月27號先正式開業，所以吸引好多人排隊，而且頭三日有買一送一優惠，即order$59.9蚊大盛叉燒拉麵就送一碗$39.9油麵，所以有唔少人捧場！趁住優惠最後一日同友人排隊試食，大約排咗40分鐘終於入座，落單俾錢全都手機搞掂，對於老人家來講就可能唔方便！大盛拉麵有三塊叉燒，一隻溫泉蛋，兩塊紫菜，現咗一度辣，味道一般，普普通通的拉麵，反而我比較鍾意油麵，油麵是拌麵，沒有湯，揀咗辣味，所以辣辣地好食啲。另外仲叫咗麻辣燒賣，一啲麻辣都冇，仲叫咗牛臉豬，都叫幾淋，秋葵正常發揮，幾樣嘢加一total $141！