一汁一菜 (朗豪坊) (已結業)

朗豪坊新開主打日式簡約餐食主打簡單一湯一主食 🐥 一汁一菜 🐥 <🦞法式龍蝦濃湯>湯比較杰身，飲落幾creamy，龍蝦味都有既，重要有幾粒龍蝦肉😂 <日本帆立貝大根豆乳濃湯>個人中意呢個湯多啲😍一樣都係杰身同creamy 豆乳濃湯其實有啲似忌廉湯，但感覺清啲仲有唔少既蘿蔔同帆立貝，夠曬豐富同滿足 <和風根菜雞肉漢堡扒咖哩飯>原來根菜係雞髀菇，長知識了🤣 都幾爽口 份量都好多配菜亦有蓮藕 增添口感👍🏻雞肉漢堡扒都ok，有雞肉味，偏淋啲而咖哩係日式咖哩 小辛口 先甜後辣 配飯一流 .__. .__. .__.🐥🐥🐥.__. .__. .__.總結: 兩款湯都幾好飲，而且飽肚感十足。如果想減肥可以淨飲個湯，好啱想輕食既都市人 Btw duckduck 7點半去到已經好多餐品都賣哂🥲想試小菜都無曬 環境：🐥🐥🐥🐥/5服務態度：🐥🐥🐥🐥🐥/5 (勁有耐性同好nice)食物質素：🐥🐥🐥🐥/5 性價比：🐥🐥🐥🐥/5 回頭率：🐥🐥🐥🐥/5

第一次在OpenRice 打食評,實在忍唔住要寫番D真實嘅情況俾大家參考。難得帶媽媽出來食飯，在OpenRice 上睇咗comments覺得唔錯，抱著期望來。點了一個和食（一湯一主菜—前菜+白飯）另外加點一個豚肉壽喜燒。首先，餐廳衛生情況惡劣，有大量蚊蟲飛來飛去，上菜後簡直災難，顧得吃又護不住食物🙈🙈很累⋯⋯其次，媽媽點了的主菜是鯖魚不夠熱只是微暖，而且很腥🥴我點的豚肉壽喜燒也同樣不夠熱，而且肉質又老又鞋，唯一優點是份量尚算足。最後，高麗菜野菌豆乳濃湯，基本上唔可以叫湯，應該叫糊🤷🏻‍♀️稠得嚟完全無豆乳味，就係一兜無味有菜的糊🙈🙈🙈餐廳還會收加一，呢餐合共$14X,價錢唔係貴，但唔值。我會評為劣食，可一不可再。大家慎選。

喺旺角返工有好處就係可以食到唔同嘅，今次見到朗豪坊新開左一間新嘅餐廳，以日式便當作為賣點，菜式好精緻，而且味道都唔錯，因為趕住去第二度，所以就叫咗外賣🥡，雖然唔係外賣，但食物拎到返去都好整齊今次小編呢就叫咗個法式龍蝦濃湯，小食就仿松葉蟹柳棒馬鈴薯沙律🥗，主菜呢就叫咗個沖繩汁燒大根豬軟骨配北海道蟹膏蟹肉味噌飯，最後仲叫咗個凍蜜桃紅茶，正！咁就完咗一個美妙嘅午餐🥣，如果喺旺角返工嘅朋友，Lunch time嗰陣就要早啲去排隊啦，唔係嘅話就會等好多人😅

之前睇ig講過呢間輕食日本料理，今日終於去咗試~ 朗豪坊有得堂食，M&S果層都幾方便，坐位唔算多，簡約風格小 清新 半自助餐廳1. 法式龍蝦濃湯質感濃厚，味道濃郁，有細細粒龍蝦肉，2. 吞拿昆布拌秋葵涼拌菜，少少酸酸地，開胃清新3. 居酒屋風雞鎚蒟翦甜辛煮有4-5舊白蘿蔔，都幾”林”， 呈半透明，雞鎚有4舊，同樣入味淋身，蒟翦本身唔太索汁，比較大粒4. 北海道產甜粟雞肉豆乳濃湯個人比較鐘意呢個，有少少似罐頭粟米湯，口感濃郁順滑，鮮甜粟米味道，入面材料都好豐富，有雞肉、紅蘿蔔、西蘭花

🌟#日式家庭料理🌟#朗豪坊店呢度湯品 有幾種唔同選擇🌼一汁一菜和牛羅宋湯 $49- 煮到稠稠 材料又好足夠 撈飯最岩+$50 咖喱定食要食日式家庭料理 就一定要試日式咖喱🙆🏻‍♀️🙆🏻‍♀️🌼濃香牛肉野菌咖喱飯 - 有3舊大大舊和牛 炆得好稔 微微辣 唔會太鹹好入味🌼豚肉丸子豆乳咖喱飯 $59- 再食埋另一口味咖喱- 呢個豆乳咖喱飯 加左紅蘿蔔 蒜片 薯仔 去煮- 多左一種綿綿 又惹味ge感覺！🤪🤪❣️今次趕時間 未能堂食 要外賣堂食好似仲有feel🫣🫣

呢排朗豪坊都開左好多新餐廳😛呢間位於地庫既ICHIJUISSAI一汁一菜源自日本概念的品牌，以一碗湯一個主食既飲食哲學提供輕便簡約既日式洋風輕食🥰🍱而且價錢都算相宜~唔同款式既湯最平 +$30 就可以有小菜定食 (湯 + 小菜 + 米飯/其他)，都幾抵架😌🌟法式龍蝦濃湯🦞 $49碗湯都幾大碗🤣要兩個人share先飲得曬😂龍蝦湯色澤好靚，而且質感杰身，飲落都非常creamy🥰而且龍蝦味好出，味道濃郁而鮮甜😋仲有粒粒龍蝦肉添架！🌟明太子醬厚燒玉子 $25玉子有兩件，應該喺雪櫃拎出黎，所以係凍既😳個人就中意熱食多啲😂不過甜甜地幾開胃，配合明太子醬更惹味一點~🌟沖繩汁燒大根豬軟骨 $35大根其實即係日本既白蘿蔔，豬軟骨有2-3舊，雖然軟骨呈半透明，但食落未夠淋🥹不過反而白蘿蔔好淋，而且好入味，一咬落去甜甜既醬汁喺口腔爆發~🌟自家製野菌醬燒和牛漢堡扒🐮 $35漢堡扒好厚身，食落好淋，但牛肉味唔太出😳野菌醬好香醬油味，食落甜甜地，同漢堡扒好夾~上面仲有好多鴻喜菇🥰吸滿醬汁😋總括嚟講～間唔中想食得健康啲嘅話呢間真係推介！冬天就更加會想飲到熱辣辣又creamy嘅湯❤️加一服務費：✅回頭率：💙💙💙💙 (5

行經朗豪坊，🤓原來地下B2一層，更加有一間和風食店，主打咖哩同埋日式輕食，🍛健康又滿足。一汁一菜和牛羅宋湯，🍅主要用咗番茄為主要原料，搭配薯仔、紅蘿蔔、洋蔥等蔬菜粒同大大塊嘅🥩牛肉製作而成，濃菜湯非常足料。飲起嚟酸甜開胃，🥰味道特別鮮美，加入的食材很多，營養豐富。濃香牛肉🍄野菌咖喱飯，溫熱的咖喱牛肉鋪在米飯上，味道香濃，😚超好餸飯！配上野菌，非常健康。#langhamplace #mongkok

旺角 - ICHIJUISSAI健康指數：😋😋😋😋😋限定二人前 $178+湯品🌽北海道產甜粟雞肉豆乳濃湯🍅意大利產蕃茄蔬菜濃湯（配溫泉蛋）濃湯係佢地既主打之一，湯都好足料，雞肉大大件，湯頭濃郁，好似用左好多粟米打成湯，而且無豆乳既豆腥味，飲落好順口。蕃茄濃湯同樣用料豐富，最怕飲到酸到喇喉嚨既蕃茄湯，呢個係微微蕃茄酸甜味，反而令我幾開胃。飯品🐮濃香牛肉野菌咖哩飯🥯石窯麵包牛肉見佢咁大件，但無諗到食落去係幾淋，濃郁既日式咖哩甜中帶微辣，送白飯一流。店員烘熱左石窯麵包，所以到手時重保持到溫熱同外脆內軟，有冇人同我一樣會點湯食包呢？🤤🤤 小品料理🐓蕃茄菠菜芝士雞肉卷🐖油揚豆腐黑豚薑汁燒雞肉卷包裹住菠菜同芝士，令口感豐富，雞肉有少少乾但配埋蕃茄醬汁就中和番。黑豚切片煮，豆腐同肉片都吸到醬汁既味道，薑汁經其他調味已經降低辣度，十分溫和。放工就想輕鬆食個飯，一汁一菜由裝潢到食物都令人有種舒適既感覺，餐廳將健康既日式洋風輕食推薦俾大家，comfort food既選擇都可以好多樣化🥰🥰🥰📍旺角亞皆老街8號朗豪坊B2層26-27號舖

今次同朋友去咗依間日式一品料理🥰無論裝修定係擺盆都超級日本風 ，坐嘅位都十分闊落😆店員都好熱心好有禮貌，我諗住自己轉位嗰陣時佢幫我手攞餐🤩我同朋友嗌咗一個套餐同埋一個咖喱飯🥳湯+一品料理+日本米飯 $69湯的話選擇咗北海道產甜粟雞肉豆乳濃湯🍲有着超級濃郁嘅粟米味😗而裏面亦都有唔同嘅蔬菜同雞肉，有西蘭花同紅蘿蔔😚本身有少少驚得過湯會唔飽，但係其實飲到一半已經有少少飽嘅感覺😆一品料理的話，我哋就揀咗番茄菠菜芝士雞肉卷，雞肉卷住菠菜同芝士粒，上面淋有蕃茄醬汁😗酸酸甜甜咁而配嘅飯係粒粒分明嘅日本米🤔蜜桃紅茶 （+$10）蜜桃紅茶裏面嘅兩種味都啱啱好，唔會有藥水味，反而同紅茶配搭得啱啱好😗和風番茄雞肉咖喱飯 $59酸酸嘅蕃茄配上日式咖喱，超級惹味🍛雞肉唔會好老之外，佢亦都配搭左蓮藕薄片係咖喱同飯嘅中間🤔點依個鹹鹹地嘅咖喱都幾正😗📍ICHIJUISSAI 一汁一菜 (朗豪坊) 地址:旺角亞皆老街8號朗豪坊B2層26-27號舖推薦:💛💛💛🤍🤍#hkfoodie #hkfood #hkfoodblogger #likeforlike #香港美食 #旺角美食

❛ 一汁一菜 ❜ 係一湯配一品料理嘅意思，之前見到呢間日式家庭料理，不過只提供外賣，嚟到旺角見到有得堂食，即刻坐低試下！餐廳裝修主要以木系風格為主，感覺簡約舒適，好有日本家庭嘅感覺🪵❀ 限定二人前 ($178) ❀🌽北海道產甜粟雞肉豆乳濃湯粟米味道非常香甜，加入咗豆乳令口感更順滑😆呢碗濃湯真係落足料，有西蘭花、蘿蔔、雞肉，超級豐富又夠營養～🦞法式龍蝦濃湯 (+$10)好濃郁嘅龍蝦湯，質地比上面嗰款較杰身；龍蝦肉份量俾得好大方，直頭係啖啖龍蝦肉😍好值，建議要加錢揀呢款湯！🐥蕃茄菠菜芝士雞肉卷雞肉卷經慢煮後肉質鮮嫩彈牙🥰咬落仲有啖啖嘅芝士味，而且加上菠菜，芝士感覺一啲都唔膩，反而同雞肉卷幾夾！配埋香濃蕃茄汁酸酸甜甜好開胃👍🏻🐖油揚豆腐黑豚薑汁燒配白飯配料分別有豚肉、油揚、椰菜、甘荀絲，薄切豚肉肥瘦適中、唔會太肥膩；油揚吸收甜甜的豚肉汁，再配埋椰菜、甘荀絲送飯一流，係家嘅感覺呀🫶🏻🍛和風蕃茄雞肉咖喱飯呢隻日式咖喱幾健康，食落甜甜地辣度只係微辣，仲有蕃茄中和返，所以醬汁唔太濃烈但好惹味！雞肉配咖喱好夾，食落唔會有油膩嘅感覺😋🍑蜜桃紅茶 味道不錯，有茶味得黎唔會太甜，仲帶少少蜜桃香氣🥰總結：方便

餐廳主打湯品、日式家庭料理，價錢親民，選擇和份量也多，可以mix and match自己喜歡的一品料理和湯品，啱曬想吃得輕盈健康的上班族😝。二人餐 $178北海道甜粟牛乳濃湯法式龍蝦濃湯濃香牛肉野菌咖哩飯蕃茄菠菜芝士卷油揚豆腐黑豚薑汁燒玄米清茶二人餐很抵食！有齊大部分想吃的料理了。龍蝦湯内的有很多小龍蝦肉，湯也很幼滑，帶微微澀味，這個價錢能喝到好味的龍蝦湯已很滿足。牛乳濃湯非常rich，內有雞肉和西蘭花，但有點太稠，感覺更適合撈飯食🫣。兩個一品料理女生吃剛好，薑汁燒的豚肉片偏肥多脂肪，但薄切的關係也不會太漏，芝士卷不會一咬開就散掉，內有雞肉和菠菜，搭配蕃茄汁非常開胃。咖哩飯的牛腩肉質非常鬆軟，加了些炸蒜脆片，味道更有層次。

いちじゅういっさい一碗湯一個主食，簡單好味日式洋風輕食專門店🔥選用日本產米，粒粒分明，微微甘香～雖然一汁一菜是日本料理菜單中最簡單的組合，不過食落輕盈健康，都驚喜的好味enjoy😋法式龍蝦濃湯 鍾意龍蝦湯嘅必須一試‼️超級濃郁鮮美+啖啖小龍蝦肉🦞和牛羅宋湯 濃郁嘅番茄蓉🍅飲落好清爽開胃🍃✅雞肉卷芝士波菜 食落啖啖肉👍🏻✅油揚豚肉 油揚索曬湯汁❤️‍🔥仲好食過入面d肉肉😆📌一汁一菜 (朗豪坊) (旺角)旺角亞皆老街8號朗豪坊B2層26-27號舖

網上口碑唔錯的「一汁一菜」主打輕食，提供湯品、日式咖喱飯、小菜及飲品，定價合理；行開旺角順便外賣返屋企同家人一齊食==========🔹套餐：湯+一品料理+日本米飯 $69▶北海道產甜粟雞肉豆乳濃湯加入西蘭花及紅蘿蔔，足料豐富湯品屬偏稠一種，飲到啖啖粟米清香雞肉大件嫩滑▶番茄菠菜芝士雞肉卷番茄酸度適中，加入黑椒味夠醒胃雞肉軟嫩，配合芝士菠菜令層次感提升▶日本米飯選用日米珍珠米，份量足一飯碗，米飯煮得較軟腍易於消化推介指數：8/10==========🔹套餐：湯+一品料理+日本米飯 $79▶一汁一菜和牛羅宋湯加入大量洋蔥、紅蘿蔔及薯仔等羅宋湯酸甜及辣度比例恰好，調味適中和牛緊實帶不錯的牛香一個很有誠意的湯品▶油揚豆腐黑豚薑汁燒加入紅蘿蔔絲油揚豆腐非常入味，薄薄的豚肉配合薑汁夠滋味▶日本米飯轉為野菜沙律杯有生菜、紫椰菜絲、紅蘿蔔絲、青瓜絲及奇異果片，配以沙律汁材料新鮮，感覺清新健康推介指數：8.5/10==========整體食物質素不錯，係一個輕食的好選擇

學車前夕，再加上先處理一下個人事務，記得吃過一間主打日式家庭美味的餐廳就在附近，就走到旺角一個地標性商場來吃 湯 ＋咖喱飯套餐：濃香牛肉野菌咖喱飯 ＋ 法式龍蝦濃湯 ＋蜜桃紅茶 $99五彩野菜濃豆腐拌 $25（單價）$20（跟餐價）店家供應的美食種類不算多，只有湯品、咖喱飯跟小菜提供，味道配搭由濃味淡味也一應俱全，單叫或點餐也可以！之前已經光顧這店，味道很好，這次選了還未吃過的濃香牛肉野菌咖喱飯，滿滿的日式咖喱獨有甜辣感，味道濃郁但不會過鹹，惹味非常，連坐在旁邊的客人也說這個很香口很吸引！牛肉用上牛味重帶少許脂肪的牛肋肉，腍滑又入味，其他食材如薯仔和紅蘿蔔同樣炆得入口即化～ 白飯用上日本產米烹調而成，粒粒分明，帶米香又有咬口，加上這個咖喱飯的份量偏大，對男士來說絕對飽足！與咖喱飯一起搭配自選湯品，看網上評價龍蝦濃湯是不得不試，當然不能錯過～ 首先外觀絕對加分，橙紅色的湯頭表面放上忌廉、小龍蝦肉跟蟹肉，味道鮮甜，不會過鹹也會帶苦，喝得出用料上乘未有偷工減料，加入忌廉後令口感變得更幼滑，濃稠度也是剛好！小龍蝦肉和蟹肉爽彈味美，令整個湯頭無論是味道上還是口感上都是大大提升，是意想不到的好味道

之前聽朋友講過呢間輕食日本料理 今日終於去咗試😍 朗豪坊嗰度有得堂食，一出旺角站就係都幾方便，menu係fixed咗嘅，同埋係一個套餐形式，包括咗個湯+一品料理同白飯，咁就啱了，因為本人好鍾意意飲湯😍法式龍蝦濃湯 蕃茄菠菜芝士雞肉卷 日本米飯呢個套餐真係冇得頂，龍蝦湯好濃，冇諗過飲飲吓會食到龍蝦仔，單點呢碗湯就$50。但其實如果跟餐買嘅話就80蚊，呢個價錢有呢個質素都幾surprise!! 芝士雞肉卷就3件，啖啖肉，食到芝士味，扒埋碗飯就飽唒😋加咗個黑豚薑汁燒俾朋友，入面有燒肉、豆腐卜同埋椰菜，雖然係燒肉，不過都唔會好油膩，而且份量啱啱好，唔會太多亦都唔會太少仲有個意大利產蕃茄蔬菜濃湯🍲 我覺得呢個湯真係好正，將啲蔬菜打碎晒，好易入口!! 平時出成日出街食，又冇乜點食菜，飲呢個湯幫補吓就啱啦😍 重好重蕃茄味😆