一漁外賣壽司 (已結業)

放假踩單車到天水圍一遊，春天來了想去看看花，來到頌富市場，先買lunch外賣，之後到天水圍公園吃。蟹子沙律$32非常豐富的蟹子，為平凡的沙律加添色彩，沙律醬份量剛好，酸微微好開胃，青瓜蟹柳永遠好夾。炙燒三文魚壽司$14三文魚火炙後變得更香，喜歡生和熟之間微妙的感覺，一口吃下去，滿足。赤海蝦壽司$26大大隻赤海蝦，肉質晶瑩爽口，蝦迷不容錯過。帆立貝壽司$32無雪味，啖啖鮮甜味，夠厚身，雖然壽司中價錢稍高，也值得。軟殼蟹卷$26即叫即炸的軟殼蟹，咬下去脆而香口，加上沙律醬和蟹子，好惹味。一個人度過了悠閒的一天。

新一年又冇咗堂食咁耐，懶得煮飯所以都真係成日買外賣🥲T Town Market 好多嘢食，今日喺附近做完黎買晚餐。凍冰冰唔係好想食凍野，佢哋嘅壽司都有好多款，個樣好吸引但係下次先再試啦。今晚想食熱辣辣嘅咖喱所以叫咗咖喱牛肉飯。咖喱汁同牛肉嘅份量都好多，煮得好好食暖笠笠，仲有麵豉湯送。忌廉蟹肉薯餅，啱啱炸起好好食！😋😋😋唔想食魚生又想食三文魚，一於嗌灸燒三文魚飯。三文魚大大塊，呢度啲嘢真係又抵又好食。

年近歲晚疫情轉趨嚴重，保障自身安全加上又嚟冇晚市堂食，相信買外賣然後返屋企慢慢食，確實不二之選。行經呢間位於天水圍的「一漁外賣壽司」，見佢都乾淨衞生，十分企理。於是即管睇吓佢個餐牌啦。估唔到呢間外賣店食物選擇好多，除了壽司刺身，更有飯丼、鳥冬、及各種不同小食等等。而且最緊要係，目測店鋪壽司吾係一早整定，而係即叫即做，更加感覺良好。至於價錢方面都很大衆化，以外賣壽司來說性價比十分高。立即決定一於試吓，最後點了一件火之戀壽司，另加七款壽司及兩款軍艦，共19件壽司埋單總數只係$170，計落平均一件都唔使十蚊，認真抵食。我最愛油甘魚，所以一次過試晒油甘魚及油甘魚腩，魚腩特別肥美，十分鮮甜。另一本人至愛，係炙燒左口魚壽司，經火炙燒過魚油香更突出，一啖放入口，滿口魚油甘甜，真係齒頰留香。呢兩款特別推介要試。整體壽司全部都賣相不錯，而且都新鮮大件，抵食又好味。大家有機會要去試吓啦。

T Town最近開了很多新餐廳，在街市買菜的時候發現開了一間日式外賣店。.炙燒三文魚丼，送紙包飲品 $50；燒得非常香賣相很吸引。三文魚焦香焦香的，也食得出新鮮。作為一個午餐，份量足夠價錢也很貼地。再加一份中華沙律$16，午餐增加一點纖維，份量也不少。我朋友不太餓，所以食加州小卷當午餐，材料都很豐富。另外買了手卷當下午茶，價錢平，$16-$20，炙熱三文魚、鰻魚、炙熱芝士三文魚好食，一打開見到才要很多，三文魚厚切。

有親戚住天水圍，買外賣回家食最方便。第一次行T Town , 入面街市非常乾淨，令人眼前一亮，街市入面都有外賣店。有麻辣冷麵，炸雞，快餐之類。最吸引我就係呢間壽司店，即叫即做，而且價錢好抵食。炸蝦卷 $38 買咗兩客，份量好大，蝦新鮮炸起。太卷 $22 $22有四件,真係好抵食。肉鬆卷 $12小時候的回憶，小學中學都喜歡吃肉鬆卷，一口一個。 肉鬆放好，好大方芝士鰻魚卷$40呢個好驚喜，雞蛋，鰻魚肉再配上芝士汁，配搭得很好。

T town街市近幾年多咗條食街，有各式各樣嘅外賣店，「一漁」主打日式外賣，開咗一段時間，最近因為疫情冇晚市堂食，一於趁機會試吓啦。餐牌上有各式各樣嘅食物，好似刺身丼、刺身、壽司、手卷、軍艦、炸物、小食，烏冬等等。四色丼：四色丼賣相色彩繽紛，有四款刺身，分別係三文魚，蝦，八爪魚，同埋滿滿嘅蟹籽，全部都好新鮮，配埋壽司飯一齊食，簡直一流，令人一啖一啖咁食過不停，完全食唔出係小店出品。刺身丼本身包一盒紙包飲品或麵豉湯，亦都可以加$3轉罐裝汽水。除此之外，仲可以加$20配四片三文魚刺身，非常超值。赤海蝦刺身：一份有四隻，大大隻，成半隻手掌咁大，非常新鮮，一啲都唔梅，識落仲爽口彈牙添，以$46黎講，算係性價比高。加州小卷：一份有八件，包住玉子，蟹柳同青瓜，外層仲沾滿蟹籽粒粒，食落清新自然，味道唔錯。

壽司全部即叫即整 又幾好喎叫左兩款卷物 芝士饅魚卷 & 豬扒卷前者芝士味好香 一打開盒就聞到 但鰻魚再多d會開心d😌炸豬扒拎到返屋企都keep到脆口！唔錯飯都唔係實淨到硬梆梆嗰種 又唔會太易散壽司叫左蔥吞拿魚蓉軍艦 & 炙燒帆立貝壽司魚生算肥美 性價比幾高🤚🏻帆立貝好正！但壽司嘅紫菜返到屋企就淋身左d蟹籽沙律新鮮 老闆好慷慨 蟹籽比好多😂仲好脆口最怕d沙律太多醬 但佢地沙律醬比例岩岩好👍🏼整體都有小驚喜✌🏻無諗過外賣小店都交到功課

天水圍站📍一漁外賣壽司-放工唔想煮、唔想洗，見附近有間新開壽司店，買返盤壽司做晚餐🍣卷物盛（$160）呢盤壽司總共有36件，有辛香卷、炸蝦卷、炸軟殼蟹卷，另外仲有青瓜小卷、蟹柳小卷同埋玉子小卷，兩個人都好夠食😋壽司即叫即包，等左10分鐘左右就有得拎。雖然開係街市，但質素絕對唔差！壽司夾起d飯唔會散係基本，最特別係辛香卷，三文魚卷面頭有辣醬，味道幾特別，中式mix日式😜辣辣地幾過癮🌶炸蝦卷同炸軟殼蟹卷唔會淋晒，仲好脆身！👍🏻另外欣賞佢有個豉油碟仔，唔洗唧落個大盒度，食起上黎好方便☺️環境方面，雖然舖頭開喺街市，但係店舖都企理乾淨，有唔少街坊都幫襯㗎🤟🏻

今日來到天水圍工作，放工後走到天悅邨頌富街市買外賣回家當晚餐。在T market 內經過一間叫「一漁」的日式外賣店，看見多款壽司及日式食品，非常吸引，決定買來試試。「 蟹子沙律船」$16 小小的腐皮船搭蟹子沙律，沙律清爽，腐皮甜美。「豬扒卷」$32豬扒即叫即炸，超酥脆可口，裡面有蟹子沙律醬更添滋味感，外層有細細粒的蟹子，卜卜脆口，很不錯的配搭。「蒸蛋」$16， 蒸蛋口感軟嫩，夠蛋清新甜香。「軟殼蟹手卷」$26，軟殼蟹勁邪惡，暖暖的壽司飯包裏炸至香脆的軟殼蟹，紫菜是獨立包裝，食時才拆開再包上，一軟一脆的口感特別美味。「炸三文魚皮手卷」$16，炸三文魚皮厚身又脆口，而且又不會太油。「辛香卷」$44， 火炙過後的三文魚腩，魚香味更濃，更鎖緊魚油，加埋沙律醬及少許辣椒， 壽司卷是包有蟹柳及玉子，味道更豐富，的確是人氣之選。

一漁外賣壽司 (天水圍)天水圍天華路天悅邨頌富街市T-TT1043號舖之前吃過一次這裡的一間壽司店，除質量高之外價錢都很便宜，所以決定再來！懶得煮飯的我應該會好快成為常客。平時食壽司如果高質的無百幾蚊一位都落唔到枱，但這裡百餘元就可以喂飽2個人，真係窮人恩物。我本身好中意食八爪魚同飛魚籽，八爪魚仔爽口脆卜卜～飛魚籽新鮮～叫多一客吞拿魚刺身，吞拿魚好肥美，而且厚切入口即化。我來一個壽司A套餐，裏面有肥美三文魚、油甘魚、甜蝦、各種新鮮海鮮…飯粒緊致均勻，入口即化的海鮮，配上調味剛剛好的壽司飯，價錢都好適中。

#一漁外賣壽司 繼續外賣系列～星期五既外賣晚餐🥣原價$210，外賣自取有75折🙌🏻用埋payme 網上外賣平台優惠碼減$28⏩最後$130都唔使埋單😳😳十八件🍣有六款，有三文魚，三文魚腩好香😚😚仲有馬刀背好爽👍🏼👍🏼佢地係即叫即現場整，有壽司師傅在場📍 一漁外賣壽司 (天水圍)天水圍天華路天悅邨頌富街市T-TT1043號舖

聖誕三日紅假，其中一日入左嘉湖親戚屋企麻雀耍樂，通常一打都會打到食晚飯，個個打到唔願停，我就幫手落去買餸，去到頌富街市見哩間外賣壽司店幾多人幫趁，親戚都話未食過，所以我地就買左一盒返去加餸。一漁雖然只係一間外賣壽司小店，但見入面都有四五個人不停手，佢地除左壽司、飯卷同手卷，都有拉麵、烏冬同丼飯，而壽司大部份唔洗$10就有一件。等外賣時周圍望下，從玻璃窗可以睇倒佢地嘅廚房，感覺都乾淨企理。而最令我估唔到嘅係，哩類平價壽司鋪竟然會用人手握壽司，雖然比起機握會慢啲，但壽司飯就冇咁易散。壽司盛A($280/30件) - 壽司除左散叫都有set，當然會比散叫平少少，但款式就定左嘅。哩款30件嘅壽司set就包左三文魚、三文魚腩、吞拿魚、赤蝦、鰻魚、油甘魚、北寄貝、帆立貝、左口魚同八爪魚。魚生都幾肥美同大片，仲帶有光澤，唔差得過連鎖壽司店。總結，壽司唔差幾抵食，難怪咁多街坊幫趁。

I seldom came to Tin Shui Wai and since I was visiting one of my relatives today, I decided to buy some sushi over to their place for lunch. Yi Yu was located at T Market, Tin Yuet Estate.Even though they were just a take-away stall in an indoor market, they served a wide range of sushi, sashimi, rice and udon etc. We ordered sushi platter of 30 pieces. It consisted of tuna, scallop, flounder, seared eel, salmon, prawn, octopus, clams and hamachi. One of their selling points was that the sushi c

T market呢間外賣日式壽司便當店，有幾次想試，今晚一於當加餸🤣🤣10件壽司 $90三文魚、三文魚腩,口感滑溜，魚腩口感更厚、油香味更重赤蝦、甜蝦 兩款都大大件，口感細嫩微Q，甜蝦鮮甜味更重油甘、吞拿：厚切肥美，紅肉魚魚鮮味重帆立貝, 大塊厚切，好肥美！花之戀的三文魚肥美而蟹籽晶瑩剔透味道不腥; 其他壽司也味道不錯。壽司set加＄45 有小食三拼，分別係芝麻八爪、魚螺肉 同埋中華沙律！份量好多，成一大盒🤣🤣辣八爪魚軍艦 $14 兩件每件壽司咬落去都十分新鮮，學生亦都可以試吓佢嘅套餐，較為經濟實惠！

一漁外賣壽司 (天水圍)天水圍天華路天悅邨頌富街市T-TT1043號舖放工突然之間好想食壽司，天水圍壽司店係北較少的，但要找也一定會找得到，比起在壽司店吃貴價壽司，原來在T town有一間小店，價錢相對便宜又可以享受到壽司。位置在T town 生果店側的角落。螺肉$18螺肉是我最喜歡吃的其中一個小食，一盒小食$18價錢便宜味道不錯。炙燒三文魚丼$50叫了一個丼飯，三文魚燒過處於半生熟的狀態，所以吃到香烤的味道，同時食到三文魚嫩滑的肉質。三文魚很新鮮，完全唔識不出是小店出品，會以為是在高級日本餐廳吃的。大蝦🍤4大隻！大蝦真的很大隻，完全睇開有半隻手掌大，以為大姐肉就會梅嗎？但其實一點也不會，非常爽口彈牙。赤貝壽司飯粒粒分明，赤貝新鮮。吞拿魚壽司吞拿魚魚油非常香濃，而且切得非常之好片，連埋飯一起吃非常濃郁的吞拿魚味。三文魚壽司三文魚好口先，肉質肥美，三文魚油都滿飯粒，沾上豉油Wasabi，非常好。