一燒窰 (已結業)

好鐘意試日式料理，今次嚟咗呢間睇落好黃嘅店。一入到去，地方唔算好大，見到好多文宣，店入面都會播放黃歌，同埋埋單之後，發現佢地有同其他唔同類型嘅黃店合作，好認真咁推廣黃色經濟圈。枝豆都好大碗，不過係暖嘅，好唔日式。四式燒蠔有四隻味，可以貪心d一次過試唔同味，最好食係松露燒蠔，蒜蓉燒蠔都幾欣賞，因為蒜蓉係自家製，味道好夠濃。燒窰玉子燒見到印咗香港加油嘅玉子燒，好吸引！食落就偏甜，有少少失望。當然唔可以唔嗌杯酒啦

呢間位於旺角女人街嘅一燒窰，以前食過已經覺得又平又好食，所以帶其他朋友嚟翻啅店門口做左連儂牆同貼哂文宣，門口亦有枱放上文宣比等位嘅人睇，好有心！當然店內都係勁黃啦！我地三個人，叫左串燒燒露荀同燒蟹蓋，，痴線，個燒蟹蓋真係勁足料，我指啲蟹肉蟹膏！撈埋蛋漿，好鮮甜濃郁，撈飯一流！我地3個人搶住食🤣最後決定encore 多個！串燒都非常岀息，無論係雞翼、雞腎，都好juicy 好正，牛舌都燒到岩岩好，唔會乾爭爭！我地唔只叫左咁少，飽住走，每人都係100中，下次一定會再支持！

芝士明太子玉子燒($45)可以話系我食過最出色既玉子燒入面既芝士同明太子融為一體調味恰到好處 唔會太咸又唔會太淡稍微拉絲嘅感覺 入口即溶好滿足呀🤤一口芝士($18)實際係芝士年糕 外面照燒汁年糕既咸香焦脆同同中間既芝心 煙煙韌韌 即刻話好好味😍😍免治雞肉串($28)咬落去有口感 再淋上蛋汁 濕潤完全唔乾黑松露扇貝($28)超多黑松露黑松露味濃 但相對上面既三樣野食較為普通雜菜煲定食($48)唔飽既話 加個定食一定飽😂

呢間小店差唔多每個月都會去一次，因為食物烹調用心。雖然地方細細，但都坐得舒服，店員細心有禮。頭兩次去到等位都要超過1個鐘，所以都放棄咗。之後早少少6點半左右去到，就每次都唔洗等位入座。每次去到，店內裝飾都有D唔同  由於疫情關係，四人枱都會有塊隔板，我地兩個人就會坐同一邊。食物係即煮，無咁快，先嚟飲品。必食推介有 松露燒蠔。之前試過四式燒蠔，四款裡面食過之後覺得黑松露最鐘意食，所以今次四隻都點黑松露口味。啱啱燒出來，熱辣辣，好多汁。鵝肝多士 亦都係每次必食。入口即溶，多士好脆。原條鰻魚定食，配有麵鼓湯同螺肉小食，份量都算大，我地兩個人Share，鰻魚好厚肉，鰻魚汁都好濃郁，呢個都係每次必食。另外點咗芝士焗薯蓉、蒜蓉焗野菌、燒雞中翼、煙肉露荀卷、芝士明太子玉子燒，每樣食物水準都唔錯，幾好食。唯獨燒雞中翼比較乾，唔太推介。

今日5.1黃金，緊係支持香港良心鋪頭呢間係我咁岩經過無意之中發現的小店唔誇張真係好食，裝修又幾靚，氣氛都好好我係五點幾發現到呢間舖，唔係話好肚餓，就問靚女員工有冇低消，佢答我只要每人叫一樣就得，好有禮貌，即刻入去坐低，冇幾耐出面就排長龍（全程消費都好好態度同服務）叫咗杯snowball (cocktail)同zero我好鍾意飲呢個酒，呢間調得幾好原條燒茄子，蒜蓉味，超級正！四色蠔最好食係黑松露味！😋食得出溝左牛油食到一半先記得影嘅串燒🤣係雞軟骨同牛舌我幾鍾意佢一點係唔會燒到有d黑焦有時d串燒個邊位會有少少焦食落小小苦呢間就好完美小脆有肉汁黑松露薯條呢個係我最驚喜，佢啲薯條炸得外脆內軟又大兜，黑松露醬超有良心，唔係得少少個d哈哈本身唔餓淨係諗住飲杯野同食個串燒，但見隔離枱太吸引又好香忍唔住叫左幾碟🤣有機會試埋佢啲定食雖然我勁讚，但我覺得有一樣小缺點，就係落鹽有啲重手🤣🤣串燒最後兩粒會好鹹，薯條食到最底嗰啲都係不過我本人重口味，所以覺得可接受，但男友就覺得少鹽會好好多

本身都係想支持吓黃色小店, 就夜晚嚟試吓串燒, 可惜係食到好燥!!店內裝飾係幾靚, 好多抗爭海報又有燈飾, 不過店鋪太細坐得比較迫. 叫咗幾個串燒同小食, 由落單到第一份嘢食上菜足足等咗一個鐘! 🤯期間吹咗兩次都話整緊, 仲話佢哋做法係先做好上一手客既單先到下一枱, 但我上一枱有6,7個人.......等到燥晒, 咩胃口都冇雖然嘢食質素唔錯, 但最後兩碟嘢食又要等多15分鐘先上, 幾好食都假, 店鋪本身已經細唔算多客人, 都要等咁耐, 又唔係平, 2個人食咗3百蚊都唔夠飽, 可以唔使再食😠😠😠

今日去女人街搵午餐食，發現有好多好值得支持既餐廳。因為見到呢間門外貼滿了支持香港的小字條，所以就決定入去試吓。呢間日式小店只係細細間，店面只有一位姐姐侍應，而呢位姐姐服務態度好有禮貌。因為遲左食飯無咩人，所以可以一個人坐卡位。是日午餐揀左咖哩牛肉湯烏冬。咖哩湯底味道濃厚，而且烏冬十分爽滑，仲加左新鮮甘筍，甘筍應該有特登煮過，好淋好好味，雖然牛肉就普普通通，但勝在價錢合理，是非常值得支持的小店。下次一定會再幫襯！

香港食串燒一向價錢偏貴～偶然下發現呢間小店價錢相宜，仲要食物十分高質！佢嘅牛舌十分厚肉Juicy~原本想同朋友share，後來都追加到一人一串～呢個一口芝士其實係芝士年糕～配上醬汁去燒有濃濃嘅日本風味～仲要只係$18咋！！其他串燒店一定唔止呢個價！呢餐最大嘅驚喜之一係呢個黑松露薯條～啲薯條厚切又熱又脆，加上個香濃嘅黑松露醬真係停唔到！玉子燒同蟹糕蟹肉煲都好好食，雖然睇落份量唔多～但淺嘗下就可以再食唔同種類嘅嘢！成餐最普通係呢個茄子，有啲太乾同埋調味一般，建議大家可以skip咗佢😂最後要講吓個四式蠔同雞肉串，兩個都非常好食！ 蠔六十幾蚊試到四個口味十分抵，而雞肉串配上蛋黃真係令人欲罷不能😍呢餐食到超級飽，每人都叫埋飲品，都只係total三百幾蚊，CP值超高！👍🏻

呢一間餐廳係我喺黃藍店發現，餐廳入邊嘅面積相當細，原本門口可以擺多兩個卡位，但係比店主改裝成為連儂牆，所以「黃幫襯」就去試吓啦。呢間野似乎係家庭式經營，員工都係自己人。所以等候嘅時間非常之長，對於打工仔來講係相當需要多額外時間去等待。佢最好食嘅就係炸雪魚飯，分量十足相當好味，千祈唔好叫燒雞扒飯，因為我瞓覺係非常之細。炸雪魚飯加咗蛋黃醬，仲要新鮮炸出黎。呢個我係覺得最抵食嘅套餐。仲有佢其他嘅嘢飲都好得意。黃店幫襯下佢啦。但係可一不可再，「就算黃店」都唔可以咁垃圾。

食串燒通常就係街邊食，一係就自助串燒。友人突然間想食串燒，就搵左旺角一間串燒店，預早一日訂左位。店鋪門面有各式各樣既酒瓶裝飾，店內座位不多，如果一行多人建議提早訂座。本身好擔心食完串燒會成身一陣味，不過行入店內雖然空間不大，但都冇好濃烈既油煙味。坐底之後就可以自行填寫串燒落單紙，即叫即燒，所以我地叫左少少串燒，再一邊等齊人一邊再加單。落單既時候心入面都有個疑問，有部分串燒冇標示份量，所以上菜既時候見到一個碟只有一串串燒，一行多人都虎視眈眈。炸雞軟骨 ($38)炸物既上菜速度比較快，一碟佈滿粒粒既炸雞軟骨送到面前，一口雞軟骨，香酥既外皮，咬開仲有少少肉汁，各人你一口我一口，唔洗幾分鐘，碟內就只剩炸物粒粒。松露薯條 ($36) 新鮮炸好熱辣辣既薯條，條條都金黃色，咬落好香脆，仲可以配搭香味濃郁既松露醬。牛六笠 ($40)一串有幾粒既牛肉，好方便食，咬落牛肉味香濃，非常惹味，好有係街邊食緊串燒既感覺。燒雞中翼 ($22)已經切開既雞中翼，燒得岩岩好，表面既顏色好均衡，不過雞肉咬落有少少硬。芝麻雞翼(2隻) ($28)香甜既芝麻雞翼，呢隻雞翼相對燒既比較有肉汁，好惹味。蒜蓉茄子 ($32)蒜蓉

係依家香港呢個環境，有好多小店都捱唔住貴租同成本不斷上升而無奈結業，變相小市民只能夠幫襯連鎖店甚至大財團嘅餐廳，所以我哋應該要多啲支持小本經營嘅店舖，而今次呢一間餐廳就係旺角通菜街附近即係主要係賣串燒，有好多唔同嘅類別可以揀，價錢仲要好大眾化由於今次我哋只有四個人去食，所以唔敢叫太多野，首先嚟嘅係海鮮鍋，熱辣辣有好多唔同嘅配料，全部都好新鮮之後有呢度嘅出名菜式蟹膏配脆米通，就咁食蟹膏嘅話覺得偏鹹，但配合埋米通一齊食味道就啱啱好跟住有鰻魚飯，鰻魚原條咁上好誇張，肉質夠晒嫩滑，加埋照燒醬完全係一流最後仲有玉子燒，上面加左加油既字句，感覺好窩心，玉子食到一層層好厚身，真係要高技巧先做到希望能夠有多啲人支持呢啲良心小店，為我哋所愛既香港出一分力

之前見呢間好多人排隊，雖然冇訂位但係都試下睇下有冇空位，由於時間仲早，大約六點半，同人搭枱就有位👍🏻但係7點開始外面就有人排隊，如果想walk in建議645前去～叫咗都幾多串燒，我自己就最鍾意免治雞肉串同芝士玉子燒。免治雞肉串個賣相好靚👍🏻隻蛋望落好新鮮，食落好有口感，內面有少少軟骨令佢咬起上黎幾有咬口👍🏻不過我覺得個醬汁味道濃咗喲，點咗好多蛋汁都食唔到蛋味，略嫌有啲哂咗隻蛋。而芝士玉子燒就一流！上面仲印咗加油，我鍾意😆切開一半啲芝士即刻流晒出黎😍再加上佢燒到入面只係半熟狀態👍🏻加埋蛋汁流出來，個視覺效果一流👍🏻食落都非常嫩滑👍🏻好推薦！見到對面叫咗銀雪魚，聽到佢地不停大讚條魚好嫰就知應該好好食😆下次有機會都要試下

經過旺角，求其附近揾間食晏，非常有驚喜，只是$40-$50價錢，食到誠意。我叫了饅魚炒飯，味道剛剛好，有蟹柳，毛豆，了多饅魚，份量又啱啱好，最重要係食得出啱啱整好，熱辣辣上枱。老公叫了吉列豬朳飯，大大塊，新鮮炸，配上我最喜歡的炸豬扒醬，加白飯一流，美味。仲有送上熱湯，白色魚湯加滑滑豆腐粒及昆布，唔似開粉的麵豉湯。仲有加咗份炸蝦，奶茶，二人只是$119。座位闊落，店主友善有禮，下次一定帶父母朋友來試試。

女朋友最喜歡去居酒屋食嗰啲串燒小食。所以我係旺角揾咗間居酒屋，決定帶佢去試下。呢度好多野食，但得兩條友，都唔嗌得太多，所以下次要再來了！如果係秋葵上加啲木魚仲好食芝心玉子燒係芝士控必食的。熱辣辣嘅玉子燒，裡面仲有熱辣辣嘅芝士醬，邪惡得嚟又好好味。牛舌爽口又唔韌松露薯條又係必食。本身啲薯條已經好香口，最估唔到係個松露醬原來咁多。香脆嘅薯條點埋松露醬食真係超好味。燒菠蘿點整都咁好食，因為夠juicy。炸豆腐

每天的午餐都在旺角，卻難以找到良心小店，今天終於給我找到我將來的飯堂了。店裡裝飾十分精緻有創意，還會一切播放正面的歌曲，位置舒適，因此吸引不少上班族及學生光顧。點了日式照燒雞飯，雞扒炸過後香脆而肉質能夠保嫩滑。加上照燒醬送飯一流，平民價錢五十蚊左右。凍檸茶茶膽濃而香，直得一試。小店服務有限，上餐速度有點慢，店主也沒太時間收恰桌子，所以大家請先預留足夠時間，或盡量在十二時到達成為第一桌客人。店員的細心招待和美味食物，令我完成不介紹多等一片刻。