一碗肉燥 (樂富廣場) (已結業)

今日約左朋友行山，為左有氣有力去行山，於是來個一人早餐，見到一碗肉燥有早餐，二話不說就坐下older 個早餐，豬扒蛋公仔麵配凍金香奶茶。豬扒味道不錯，奶茶比平時的港式奶茶少了一份苦澀味，多了一份金香味，真的唔錯，價錢貼地$36，真心抵食，下次要試下台式早餐。

呢間店既裝飾幾得意，門前有個類似巨形珍珠係飲管入面上上落落，所以吸引左我入去細看餐牌，每款下午茶餐價錢連杯檸檬薏米都只係$30左右，非常便宜！每款台式食品都好吸引，真係想叫多幾個試下今次揀左芋泥肉鬆蛋餅（半份）+甜不辣炸豆腐+凍檸檬桂花薏米特飲甜不辣炸豆腐：以為係甜不辣（台式小食，口感煙煙韌韌）配炸豆腐，揾左好耐都只係見到豆腐同酸菜，再睇番餐單既英文版原來甜不辣係形容個醬汁味道 炸豆腐表面唔脆，似食滷豆腐既口感，配上個微甜微辣既醬汁，幾開胃！酸菜就分成細細粒（幾特別好少見呢個形狀），口感爽脆，夠酸同微辣。整體好食！芋泥肉鬆蛋餅：蛋餅外皮煙煙韌韌，內餡芋泥肉鬆份量都算飽滿，一咬都會怕跌餡！芋泥微甜，口感都算綿密。蛋餅上既醬汁都係#甜不辣#，但其實同芋泥肉鬆既甜唔太夾，走汁會更好味！凍檸檬桂花薏米特飲雖然只有一片檸檬，但整杯飲品都有檸檬香味。可惜完全感覺唔到桂花既存在，似係飲緊微甜既檸檬薏米水，感覺幾健康。總括黎講呢個價錢同質素下次會再食！飲品會加錢轉其他試下

呢間餐廳嘅外表好吸引，搶眼嘅黃色，同埋可愛嘅卡通，令人想試一試。今日夜晚六點幾就走咗去食晚餐，所以一啲都唔多人，坐得非常之舒服。我叫咗廚師推介嘅1號餐，好吃鹽酥雞扒同埋肉燥飯，我就揀咗香辣肉燥飯，同埋凍嘅檸檬桂花薏米特飲。另外再加左$8要黑糖脆芋圓。鹽酥雞扒，好脆口，唔油膩，咬好非常好。仲有三種香粉味道可以加，分別係海苔粉、七味粉、梅子粉。但係缺點就係就無咩雞味而杯特飲就好好味，直程想外賣多一杯飲。唔太甜，薏米又可以去水腫，仲有桂花同埋檸檬嘅香味，非常之清新。而黑糖脆芋圓細細粒，啱啱好，唔會太飽，唔太甜，煙煙韌韌，都ok!

噚日晏晝完全無idea想食乜，經過呢間舖見到有豬軟骨肉燥麵，都想食豬軟骨，就行咗入去。見到餐牌，午餐要$62，轉撈麵加$1，心諗都有啲貴喎，但嚟到嘅時候，就再無呢個感覺了。成個餐除咗主菜，仲跟一份蔬菜、一份小食，同埋一杯飲品。蜜汁豬軟骨，往時食嘅通常都係炆，第一次食到炸咗脆漿嘅豬軟骨。雖然個人比較鍾意食焾嘅豬軟骨，不過脆漿唔硬，加返唔少分。金銀蛋娃娃菜，份量比我想像中多，非常足料。鍋貼最初都擔心啲皮會硬到食唔到，食落又OK喎，最重要係唔燶。肉燥麵，不過不失啦。只要唔係太焾夾起無黐住一餅，我已經收貨。飲品要返熱檸檬桂花薏米特飲。我解讀為落咗薏米嘅熱檸水。好多餐廳啲薏米都係硬到食唔到。但呢度嘅薏米夠焾，無呢個問題。成個餐份量唔少，就算係男士都肯定會夠飽，我直情食到頂住。呢個價錢仲無加一，直頭係超值。特別一提，呢間舖頭待應好好招呼，好有禮貌。初初我揀咗一張入口門左手邊嘅枱，點知隔離位個大媽睇片，較到個電話超大聲。之後我要求轉枱，佢哋都好樂意幫忙。我會再去幫襯。

疫情之下晚市禁堂食，外賣自取成了指定動作今次嘗試一碗肉燥的台式美食一碗肉燥飯$28 😋😋😋😋鹽酥雞半隻配地瓜條$78😋😋😋😋一碗半筋半肉麵$68😋😋😋😋培根玉米芝心蛋餅$38😋😋😋😋😋黑糖薑母烏龍黑糖珍珠奶茶（套餐+$9）當中以蛋餅最有驚喜，蛋皮煎得香脆，內裏芝士味濃郁，配料亦很豐富，以這個價錢來說絕對超值！

今日想飲珍珠奶茶，咁不如就食台灣野…叫咗碗肉燥豬軟骨飯…點知，大家有冇見到黑色果堆豬軟骨，到底煮咗幾耐先會咁燶，肉質仲乾果豬肉乾？人生中食過最難食豬軟骨，其實煮成咁係咪唔好拎出嚟賣呢！

🍽 一碗肉燥💙🤍💙🤍💙🤍🐻小編餐單1️⃣ 滷水三拼餐💲 78🔹好味度: 3.5/52️⃣ 培根玉米芝心蛋餅💲38🔹好味度: 3.5/53️⃣ 蜜糖香芒吐司 半份💲48🔹好味度: 2/5💙🤍💙🤍💙🤍🙊小編✅ 滷水三拼餐有好多選擇，性價比高蜜糖香芒吐司一般，唔係新鮮芒果💙🤍💙🤍💙🤍小編評分👅食物 🐻 3.5/5👀環境 🐻 3/5📸打卡指數 🐻 2.5/5總評分 🐻 3.5/5

人在樂富廣場 , 四圍人頭湧湧 , 要覓食並不容易 , 眼見到這家「一碗肉燥」尚有吉位 , 於是就衝入去食 ~來到「一碗肉燥」點一碗 "肉燥飯" 來吃 是常識吧 , 這家的肉燥 , 味道濃郁 , 調味得宜 , 吃落去肥滋滋的 , 香口味美 , 配上米飯和玉子 , 還真的不錯吃 ~滷水三拼 : 我的點選是 牛肚、牛脷、牛筋 , 鹵水汁的味道芳香濃厚 , 鹹中帶甜 , 牛肚、牛脷、牛筋都滷得軟腍入味 , 雖然並未稱得上有驚喜 , 但就在中規中矩之上 , 如非特別挑剔的人士 , 應該都喜歡吃 ~本篇完 ~

出街食晚餐搵間新餐廳試下，整間鋪都鋪滿黃色有口罩套供應很貼心~order 左温泉蛋肉燥飯配鹵水雞翼豬肚，另外牛肉鍋配飯，賣相都很好。飯夠熱撈温泉蛋食好正， 鹵味好入味，個牛肉鍋熱辣辣，味道就偏淡。服務良好，整體感覺不錯！

開咗好幾間分店嘅一碗肉燥，佢嘅logo係一粒好似米咁嘅肉燥公仔，好得意。作為午餐，佢嘅份量亦足，所以最近同同事都幫襯左幾次😋先講佢嘅肉燥飯，佢唔係台式魯肉飯，而係口感比較濕嘅肉燥，旁邊有啲酸菜。個人認為味道不及魯肉飯咁香口，但相對來說，我更喜歡牛肉麵，因為湯底香濃之餘，麵質亦都比較彈牙😙滷水拼盤亦是餐廳的主打。我經常揀牛筋、豆腐，滷得頗入味。鹽酥雞亦炸得香脆，味道好正宗😀至於台式鍋貼，味道就一般，有機會再試下其他士林小食😊。作為午餐，一碗肉燥算係份量足，價錢合理，加埋可以配珍珠奶茶，都算不錯嘅選擇。

趁着還未到夜晚上課的時候，與同學結伴跑到學校旁的樂富商場裏提早吃個晚飯。整間餐廳的裝澕是走一個可愛的卡通路線。不管是站在門外作招財貓的可愛飯粒，還是整個餐牌的設計，都很有心，亦得可愛。留意到因為餐廳用黃色作主調，所以整間餐廳都是一種溫暖的感覺。可能是時間尚早，既不是晚餐時段，又過了中午的午餐時間，所以餐廳裏也不多人，空曠得很。我們隨意地便找個位置落了座。我點了個肉燥飯，朋友加點了個朱古力。肉燥飯連有三款味粉，包括七味粉、海苔粉和梅子粉。我不太好梅子味，所以只落了七味粉、海苔粉。正餐的話還好，不過不失，沒有特別需要挑出來說，亦沒有差到要給負皮。但！一個餐配一杯特飲，恰好我和同學都選了桂花檸檬薏米水。薏米很足料！但稍嫌太甜，不過仍是飲完後絕對會想再來一杯。強烈推薦！！！另外，同學加點了個蜜糖巧克力香蕉吐司！同樣是強烈推薦！！！雖然是一開始便下了單，但是服務員告訴我們可以在差不多吃完正餐時才上吐司。吐司入口時還是微溫（熱的），可見也是剛出爐，而不是放置得久了的。入口既脆亦鬆。表面脆脆的，但裏而很鬆軟，配上甜雪糕與朱古力一起吃更為好味。有興趣可以試試，是值得一試的！趁着還未到夜晚上課的時候，與

今天和同事聚餐，我們都很喜歡吃台灣菜，所以到了台灣餐廳吃。我們叫了鴨肉，牛俐和牛肚肉燥飯。鴨肉十分有鴨味，十分香，牛俐炆得十分軟身，牛肚十分彈牙爽口，很正!同事叫了雞翼和牛肚，雞翼很入味，很大隻，牛肚水準照樣正常發揮!另一位同事叫了牛肚和牛俐，份量很多，肉燥很多料，旁邊的酸菜，酸甜酸甜，十分美味可口，令人想再食一碗!還有一位同事食了最吸引的鹽酥雞配台灣麵，鹽酥雞有手掌般大，很抵食，而且炸得金黃香脆，牛肉麵十分彈牙，湯頭很濃郁。我們叫了三杯熱薏米檸檬，薏米充滿桂花香，感覺十分健康。還有黑糖紅豆牛奶，奶香十足，黑糖不過過多，紅豆十分軟，口感很好。

叫左個晚餐set, 好抵食，整體食物特別係肉燥飯都唔錯，混合左港式風味，滷水大腸同牛筋都好味，重有加$18有台式鹽酥雞都好正宗。晚餐set唔洗$70好抵食，加加埋埋都係$80有找，值得一試！

見到樂富廣場新開左依間台灣嘢，價錢又相宜，緊係入去試下啦一坐低就見到依幅咁可愛既牆睇下餐牌先圖文並茂，樣樣都好似好好食咁，搞到樣樣都想嗌黎試有套餐啵，兩個人share一個一碗狂滷套餐，再加啲小食，perfect一碗滷肉飯同我係台灣食到嘅一樣，都係細細碗既^^ 味道OK，中規中矩滷水雙拼揀左大腸同雞翼～滷得好入味，大腸有咬口脆香豆腐以為係薄薄一層炸漿個種炸豆腐，原來係好似鹽酥雞咁，厚身少少既炸漿都好食既，只不過唔係我杯茶蒜香台灣腸台灣腸有煎過，好香口，再加上蒜蓉，一流如果改成蒜片一定更正香葉鹽酥雞炸完既九層塔真係令人欲罷不能雞肉都好juice黑糖紅豆牛奶本人比較嚐糖，平時飲珍奶都係飲全糖，依杯黑糖既份量滿足唔到我覺得唔夠甜。但對於飲開7分糖嘅人嚟講依杯應該係OK嘅荔枝鳳梨水果綠茶好多果肉，好fresh蜜糖草莓吐司依個吐司背後有個故事。話說當日食到咁上下，就同店員講可以上埋份吐司，等左好一陣子，被告知因為雪糕溶哂，只能夠提供一個無雪糕嘅吐司比我地，而為左補償，經理話，份吐司免費送比我地食其實經理可以就咁退錢了事，但佢選擇退錢之餘請我地食埋個吐司，好sweet整體黎講食物中規中矩，價錢又唔

俾可愛用心設計吸引✨ 每人附送口罩套一個😌午市套餐揀咗識撈雙餸飯（炸芝士魚棒+柚子炸雞），覺得整體普普通通咁啦，特別係炸雞食唔出柚子味只係得辣味，對於食唔到辣既人黎講有啲handle唔到，唔知係俾錯另一款炸雞我定柚子炸雞本身係辣既呢？😞而朋友揀咗好吃鹽酥雞扒飯，連埋三款味粉（海苔粉、梅子粉、七味粉）一併上枱，味道就不知如何了。但我加咗啲海苔粉落上面既炸芝士魚棒試吓味，覺得海苔粉味道偏淡。不過值得一讚既係，餐飲杯凍檸檬桂花薏米特飲好好飲🌼，絕對會令人回味，挽回一些分數~ 不過建議揀凍飲，同行友人揀熱既覺得味道普通，可能凍既比較出色呢。